Morgunblaðið - 17.01.1996, Blaðsíða 2
2 B MIÐVIKUDAGUR 17. JANÚAR 1996
MORGUNBLAÐIÐ
FRÉTTIR
Flæðivogir frá
Marel fyrir síld
loðnu og mjöl
MAREL hf. hefur að undanförnu sett
upp flæðivogir til innvigtunar á síld,
loðnu og fiskimjöli. Einnig er hægt að
nota flæðivogir í skel- og rækjuvinnslu
svo dæmi séu nefnd. Með flæðivog af
þessu tagi er hægt að koma við nákvæmari vigtun án þess að heft
vinnsluflæðið á nokkum hátt. Vogin vigtar samfellt flæði og er ekki
um neina uppsöfun í kör eða trog að ræða. Þá skapast með þessu fyrir-
komulagi jöfn aðfærsla hráefnis eða afurða, hvort sem er inn á lager,
í bræðslu eða pökkun.
Henta einnig í
skel og rækju
„Flæðivogin byggir á sömu tækni
og Marel notar í fjölda annarra
tækja, flæðilínur og flokkara, sem
hafa sannað gildi sitt í mörg hundr-
uð matvælafyrirtækjum víða um
heim. Vogin er hönnuð til að stand-
ast erfitt umhverfi með tilliti til
raka, ryks og annarra erfiðra um-
hverfisþátta, sem tryggir mikið
rekstraröryggi. Afköst eru allt að
100 tonn á klukkustund og ná-
kvæmni er meiri en 99% af vegnu
magni,“ segir í frétt frá Marel.
Reynist vel hjá Borgey
Flæðivog af þessu tagi hefur
verið sett upp hjá Borgey á Homa-
firði. „Eftir að við settum upp Mar-
el flæðivog í móttökunni hjá okkur,
höfum við betri yfirsýn yfir það
magn, sem við eru að vinna. Núna
vitum við á hverri mínútu hve niörg
kíló eru að fara inn í húsið. í það
eina og hálfa ár, sem Marel flæði-
vogin hefur verið í notkun hjá okk-
ur, hefur hún í alla staði reynzt
vel,“ segir Ágúst Sigurðsson, fram-
leiðlsustjóri hjá Borgey hf. á Höfn
í Hornafirði.
„Með notkun á Marel flæðivog
fæst námkvæm mynd af framleiðsl-
unni á hveijum tíma. til dæmis af
innvegnu magni upp úr bát, fram-
leiðslu inn á lager eða útskipun á
fullunnum afurðum," segir í frétt
frá Marel.
Grandi býður út
þrif í vinnslunni
Samið hefur verið við Ræsti-
tækni ehf. um þrif hjá Granda hf.
í fískvinnslusölum fyrirtækisins í
Norðurgarði. Þrifín voru boðin út
í bytjun desember á síðasta ári og
er þetta talið vera í fyrsta sinn sem
fiskvinnslufyrirtæki býður út þrif
í vinnslusölum með þessum hætti.
Sex aðilar buðu í verkið og
reyndist tilboð Ræstitækni hag-
stæðast. Samkvæmt samningi við
Meiri afli
fyrirtækið verður árlegur kostnað-,
ur við þrifin um 6 milljónir króna
en kostnaðaráætlun gerði ráð fyrir
9 milljónum króna. Tilboðin voru
opnuð 18. desember en samningur
til tveggja ára var undirritaður 8.
janúar síðastliðinn.
VSÓ Rekstrarráðgjöf hafði um-
sjón með útboðinu og áður en þrif-
in voru boðið út var samin ítarlég
verklýsing. Með útboðinu er ekki
aðeins stefnt að því að ná niður
kostnaði heldur einnig að stuðla
að auknu hreinlæti með skipulögð-
um vinnubrögðum.
Morgunblaðið/Sigurgeir Jónasson
SILDIN unnin hjá Vinnslustöðinni í Vestmannaeyjum.
Rúm 4.000 tonn hafa
verið fryst á vertíðinni
Vestmannaeyjum -
Vinnslustöðin í Eyjum hefur
fryst rúmiega 4.000 tonn á
síldarvertíðinni sem nú fer að
ljúka. Er þetta mesta magn
af síld sem Vinnslustöðin hefur fryst á síldarvertíð og að sögn forsvars-
manna Vinnslustöðvarinnar er þarna trúlega um íslandsmet að ræða.
Vinnslustöðin setur
met í síldarfrystingu
í tilefni þess að 4.000 tonna
markinu var náð síðastliðinn laug-
ardag bauð Vinnslustöðin starfs-
fólkinu upp á kaffi og ijómatertur
enda astæða til að fagna áfangan-
um. Á yfirstandandi síldarvertið er
búið að frysta um fjórðungi meira
en á vertíðinni í fyrra en frysting
síldar hefur aukist mikið síðustu
árin og ekki eru mörg ár síðan
þótti mikið að ná að frysta 500
tonn á vertíðinni í Vinnslustöðinni.
180 manns í síldinni
150 til 180 manns hafa unnið
við síldarfrystinguna í vetur en síld-
arvinnslan hefur verið uppistaðan
í vinnslu Vinnslustöðvarinnar síðan
í haust. Þegar 4.000 tonna markinu
var náð var verið að vinna afla úr
Kap VE og átti Vinnslustöðin þá
eftir að fá einn farm frá ísleifi VE
en hann landaði afla sínum í Eyjum
á mánudaginn. Þar með var kvóti
þeirra báta sem Vinnslustöðin hefur
á sínum snærum búinn og síldarver-
tíðinni í Vinnslustöðinni er því lokið
að þessu sinni en framundan er
loðnuvertíð sem menn gera sér von-
ir um að verði góð fyrir frystinguna
því markaður er góður fyrir frysta
loðnu um þessar mundir.
BOTNFISKAFLI Þetta fiskveiðiár
er nánast sá sami og á sama tíma
í fyrra. Frá byijun september til
áramóta hafa aflazt 137.687 tonn
af botnfiski, er er örlítið meira en
árið áður. Þorskafli er þó nokkru
meiri, eða 55.325 tonn nú á móti
51.064 fiskveiðiárið í fyrra. Heild-
arafli er einni meiri nú og munar
þar mest um meiri loðnuveiði nú.
& Tsurumi
SLÓGDÆLUR
Vönduð
kapalþétting
Yfírhitavörn |*~
Níðsterkur
rafmótor
3 x 380 volt
3 x 220 vólt
Tvöföld þótt
ing með síli-
koni á
snertrflötum
Öflugt og vel
opiödælu-
hjól með
karbíthnífum
Borgarplast selur
3.000 smábátaker
vestur til Kanada
SAMNINGUR hefur verið gerður
milli Mótunar Ltd., Kanada og
Borgarplasts hf. um sölu á allt
að 3.000 smábátakerum til nota
í Mótunarbáta í Kanada, Karab-
íska hafinu, Afríku og víðar. Ker-
in afgreiðast á árunum 1996 og
1997. Verðmæti samningsins er
um 30 millj. kr. Fyrsta sendingin
fer í 3ju viku.
Mikið og vaxandi þróunarstarf
fer fram hjá Borgarplasti og var
varið í þann málaflokk um 1-0%
af veltu fyrirtækisins 1995 og
hefur sú tala farið vaxandi und-
anfarin ár.
Ný yfirmaður, Guðjón Grímur
Kárason, verkfræðingur, hefur
verið ráðinn til forstöðu í vöruþró-
unardeild fyrirtækisins. Hann hóf
störf 15. des. sl.
Einnig hefur farið fram mikil
vinna við innra skipulag og hag-
ræðingu hjá fyrirtækinu. Öll
framleiðsla fyrirtækisins fer fram
samkvæmt gæðavottuðum staðli
ISO 9001, en fyrirtækið öðlaðist
vottun árið 1993.
Nú er svo komið að allar vörur
fyrirtækisins eru fáanlegar endur-
vinnanlegar. Flesta vöruflokka
hefur áður verið hægt að fá endur-
vinnanlega en á síðasta ári bætt-
ust fiskikerin í hópinn.
Nokkur breyting hefur orðið á
samsetningu framleiðslunnar en
mestur vöxtur hefur orðið í fram-
löiðslu fískikera en þar jókst fram-
leiðslan um 51%.
Afkoman á síðasta ári var vel
viðunandi og jókst veltan um
16-18% og varð rúmar 270 millj.
kr. Varð bæði auknmg á _ sölu
innanlands og í útflutningi. Áætl-
uð velta næsta árs er kr. 350
millj. króna. Unnið er á þriskiptum
vöktum fimm daga vikunnar og
hefur svo verið síðan á árinu 1994
og á sérstökum álagstímum hefur
verið unnið um helgar einnig.
Sala á nýju ári hefur farið mjög
vel af stað og verkefnastaðan
góð. Meira er um fyrirspurnir og
pantanir erlendis frá en áður. •
SAMNINGURINN undirritaður. Reginn Grímsson, eigandi
Mótunar, Gabríela Reginsdóttir og Elías Bjarnason frá Borgar-
plasti við undirritum samningsins.