Morgunblaðið - 14.02.1996, Síða 7
MORGUNBLAÐIÐ
MlÐVIKUDAGUR 14. FEBRÚAR 1996 B 7
____________________GREIiNIAR
Til varnar skakkörlum
NÚ HAFA mönnum borist nýjustu
reglur sjávarútvegsráðuneytis um
hina válegu trillubátaógn og hún
gefur tilefni til margskonar vanga-
veltna. Reyndar þarf að taka það
fram strax að vafasamt er, að ráð-
herra sjálfur hafi átt mikinn þátt í
reglugerð þessari því hann er sagður
allgreindur maður, en þessi gerð er
ekki verk allgreindra manna eða
hvað? Hér er nefnilega á ferðinni enn
ein staðfesting á því að þegar menn
eru að tala um krókabáta þá er að-
eins átt við línubáta.
Handfærabátar geta með engu
móti unnið eftir þessum reglum, eða
var það kannske meiningin? Þessar
reglur eru ávísun á mikla aflaaukn-
ingu vegna þess að ýtt er undir línu-
útgerð, en að sama skapi dregið úr
handfæraveiðum. Miklu meira
fiskast á línu heldur en handfæri og
menn þurfa líka miklu meiri afla á
línu heldur en handfæri til þess að
vinna fyrir sér. Aflaaukning er því
óumflýjanleg. Aftur á móti hefur það
jafnan verið viðkvæði ráðamanna að
trillur veiði alltof mikið. Af hveiju
eru þeir þá að ýta undir aflaaukn-
ingu? Af hveiju rýmka þeir ekki held-
ur fyrir handfæraveiðum, svo að fleiri
geti unnið fyrir sér og draga um leið
úr aflamagni? Hafa ráðgjafar brugð-
En allt ætlar vitlaust
að verða, segir Eðvald
Eðvaldsson, þó skak-
karlar fái 20-60 tonn
á handfæri.
ist og ekki bent reglugerðarmönnum
á þessar augljósu staðreyndir?
Hvað hefur svonefnd „spjallnefnd“
sem skipuð var á aðalfundi LS í
haust lagt til málanna? Kannske vaj
heldur ekki við miklu að búast. Á
skýringarmyndum sem menn fengu
frá skrifstofu LS sést að línuafli
krókabáta fer jafnt og þétt vaxandi
frá 1991 og er orðinn rúmlega þriðj-
ungur ’94 og ’95 samkv. Lóðs. Samt
sem áður eru þessi hlutföll röng.
Bæði er línuafli mikið meiri heidur
en fram kemur og það sem verra er;
svo til allur „svindlfiskur” er skráður
á handfærabáta.
Glöggir menn telja því að hand-
færafískur geti verið þriðjungur af
heildarafla, en ekki öfugt. Ekki er
ástæða lengur að draga fjöður yfir
það, að margir • „krókabátar" hafa
stundað fískflutninga grimmt (aðal-
lega handfærabátar) og svo línubátar
vigtað yfir á handfærabáta. Þetta
vita allir sem skoða málið, en ein-
hverra hluta vegna er reynt að þegja
þetta í hel. Fiskistofumenn tala um
skort á sönnunargögnum þegar klag-
að er og forastu LS þykir ekki hlýða
að klaga félaga sína. Hvorutveggja
er auðvitað misskilningur og viðbárur.
Kunnugt um fjölda afbrota
Undirrituðum er kunnugt um
fjölda af afbrota af þessu tagi; sum
hafa reyndar komist upp en miklu
fleiri aldrei. Á hinn bóginn er undir-
rituðum ekki kunnugt um nein dæmi
þess að krókabátar hafí róið á bann-
dögum. Undanskilið er reyndar er
nokkrir bátar á Vestfjörðum rera til
steinbíts á banndegi og auglýstu það
rækilega sjálfír. Svo og tvö tilfelli nú
í haust þegar einum fímmtudegi var
skotið inn sem banndegi og menn
vöraðu sig ekki á.
Því s^cilur maður ekki þann skatt
sem lagður er á krókabáta til að
fylgjast með að ekki sé róið á bann-
dögum. Eins og allir vita eru 213
dagar frá 1. febr. til 31. ágúst og
af þessum 213 dögum eru 166
banndagar. Aðeins má veiða á 47
dögum. Jafnframt er þessum 47 dög-
um skipt niður á þijú tímabil, þannig
að í febrúar, mars, apríl má nota 21
dag, sem er auðvitað sérstaklega
fyrir línubáta og þarmeð innbyggð
aflaaukning. Þá era eftir 26 dagar
á 4 mánuðum sem ætla má að hand-
færabátar almennt geti nýtt sér,
enda aðeins 6-7 dagar í mánuði.
En kostnaður krókabátaeigenda
við eftirlitið með sjálfum sér er vægt
áætlað yfír 15 millj. á 47 dögum.
Ætli menn hafi hugsað út í þetta?
Kemur þetta einhveijum á -óvart?
Vaxandi eftirlit sjómanna
Nýlega ályktuðu valinkunnir lög-
menn um véiðieftirlit á þeim
„flæmska". Þar kemur fram að ekki
er hægt að neyða menn til að greiða
fyrir eftirlit með sjálfum sér. Á það
ekki líka við um trillur? Og með tilliti
til þess að krókabátar hafa aldrei róið
á banndögum, með þeim undantekn-
ingum er áður getur, er eftirlit óþarft
fram yfír það sem fæst með tilkynn-
ingaskyldu og almennu eftirliti sjó-
manna sjálfra. Ennfremur era veiðieft-
irlitsmenn Fiskistofu oft á ferðinni.
Til marks um vaxandi eftirlit sjómanna
sjálfra, skal það tekið fram að þeir
tveir bátar sem undirrituðum er kunn-
ugt um að rera á plat-fímmtudeginum,
af vangá, vora báðir kærðir til Fiski-
stofu af félögum sínum, sem sjálfsagt
og eðlilegt er. Ærlegir menn hafa
nógu lengi horft upp á misnotkun
kerfísins þegjandi og sú þögn er nú
að koma þeim í koll, einkum og sér í
lagi handfærakörlum.
Aldrei verður unnt með neinum
gildum rökum að halda því fram að
handfæraveiðar hafi hin minnstu
áhrif á fískistofna á nokkurn hátt.
Víða við N-Atlantshaf eru menn
farnir að ýta undir handfæraveiðar
sem vistvænar og sjálfsagðar. Þeir
hafa náð þeim þroska að sjá að
meðan nokkur fiskur er veiddur úr
sjó þá er á allan hátt hagkvæmast
og skynsamlegast að gera það með
handfærum. Af þessum sökum og
fleiri er ekki seinna vænna að að-
skilja í eitt skipti fyrir öll línu og
handfæri.
Sá aðskilnaður gæti orðið með
ýmsum hætti og hafa margir þing-
menn og ráðamenn nú þegar í hönd-
unum ákveðnar tillögur og hugmynd-
ir. Umfram allt að heíja þessar að-
gerðir strax og láta svo skakkarla
nokkurnveginn í friði. Þeir geta aldr-
ei orðið til vandræða og era ekki
sambærilegir við aðra veiðimenn á
neinn hátt. Sá í blaði í gær að frændi
minn einn segist hafa aflað 2700
tonn á síðasta ári við tíunda mann.
Telst mér þá til að hver maður standi
fyrir 270 tonnum. Ekki hef ég heyrt
neinn óskapnast yfir því. En allt
ætlar vitlaust að verða þó skakkarlar
fái 20-60 tonn á handfæri. Þetta
hnoð á trillukörlum er engan veginn
sæmandi lengur og mál að linni nú
þegar. Ef ráðgjöf óskast varðandi
aðskilnað línu og handfæra þá fæst
hún hjá öllum alvöru skakkörlum
fyrirvaralaust og er ókeypis.
Höfundur er skakkarl.
R AÐ AUGL YSINGAR
ATVINNA ÍBOÐI
Baader-maður
óskast
Vanan Baader-memn vantar á frystitogara
af minni gerðinni. Viðkomandi þarf að geta
hafið störf seinni hluta þessa mánaðar.
Nánari upplýsingar í símum 853-8080 og
481-1610.
FISKIÐJAN
SKAGFIRÐINGUR
Yfirverkstjóri
Fiskiðjan Skagfirðingur hf. óskar eftir að
ráða yfirverkstjóra til starfa.
Við ieitum að manni með reynslu í verk-
stjórn og saltfiskmati til að stjórna vinnslu
og mati.
Leitað er að áhugasömum einstaklingi til
framtíðarstarfa hjá fyrirtækinu.
Vinnslan felst í flatningu á þorski og einnig
móttöku og pökkun sjósaltaðs fisks. Skreið-
arvinnsla, þ.m.t. hausaþurrkun, fellur ekki
undir yfirverkstjóra í saltfiski.
Nánari upplýsingar veita Þórir Þorvarðarson
og Gylfi Dalmann.
Vinsamlega sendið skriflegar umsóknir til
Ráðningarþjónustu Hagvangs hfM merktar
„Fisk 071“, fyrir 20. febrúar nk.
TIL SÖLU
Tilsölu
Eldhamar GK-13
Til sölu er Eldhamar GK-13, sem er 38 bt
tog-, línu- og netabátur, smíðaður á ísafirði
1970, með 360 hestafla Mitsubishi aðalvél,
árg. 1986. Báturinn selst með eftirfarandi
aflahlutdeildum: Þorskur 0,0631304%, ýsa
0,1296488%, ufsi 0,0049763%, skarkoli
0,0376447% og Eldeyjarrækja 7,6923077%.
Arnþór EA-16
Til sölu er Arnþór EA-16, sem er 349 bt
tog-, neta- og nótaskip, byggt í A-Þýskalandi
1964, með 750 hestafla Callesen aðalvél,
árg. 1975. Búnaður skipsins hefurverið end-
urnýjaður verulega og er í mjög góðu ástandi.
Burðargeta er u.þ.b. 520 tn af loðnu.
Skipið selst með veiðileyfi en án aflahlut-
deildar.
LM skipamiðlun
«« Friðrik J. Arngrímsson hdl.,
M löggiltur skipasali,
w Skólavörðustíg 12, Reykjavík,
Æk. sími 562 1018.
Kvóti
Kvótamiðlun og markaður alla daga
Látið skrá kvótann hjá okkur. Flöfum ávallt
kaupendur og leigjendur að öllum tegundum
kvóta. Áralöng reynsla, þekking og þjónusta.
Skipasalan Bátar og búnaður,
Kvótamiðlun, sími 562-2554
og símbréf 552-6726.
Fiskiskip
Til sölu Látravík BA-66, sknr. 1213, sem er
111 tonna yfirbyggt stálskip. Skipið selst
með veiðiheimild en án allra aflaheimilda.
Skipasalan Bátar og búnaður,
sími 562-2554, fax 552-6726.
Ráðstefna um tækni
og vinnslu í sjávarútvegi
haldin á Hótel KEA, Akureyri, 17. febrúar
1996 á vegum Verkfræðingafélags íslands
og Tæknifræðingafélags íslands.
Nánari upplýsingar og dagskrá á skrifstofu
VFÍ og TFI, Engjateigi 9, 105 Reykjavík, sími
568 8511 og fax 568 9703.
Almennt þátttökugjald er 5.000 kr. og 7.500
kr. með kvöldverði. Veittur er 1.000 kr. af-
sláttur fyrir félaga í TFÍ og VFÍ. Innifalinn í
þátttökugjaldi er léttur hádegisverður.