Morgunblaðið - 15.05.1996, Blaðsíða 2
2 D MIÐVIKUDAGUR 15. MAÍ 1996
MORGUNBLAÐIÐ
Markaðshorfur ágætar fyrir
úthafskarfa
Verð 20% hærra
en á sama
tíma í fyrra
„ÞÆR FRÉTTIR, sem við höfum
af þeim skipum, sem við erum
með, eru að veiðarnar gangi nokk-
uð vel,“ segir Gylfi Þór Magnús-
son, framkvæmdastjóri markaðs-
mála hjá Sölumiðstöð hraðfrysti-
húsanna. „íslensku skipin eru að
taka um 20 til 25 tonn á dag þann-
ig að það hefur glæðst nokkuð
yfír þessu.“
Hann segir að markaðshorfur
'séu ágætar fyrir úthafskarfa að
því leyti að söluverðið núna sé 20%
hærra en á sama tíma í fyrra. „Að
því leyti er markaðurinn opnari
en hann var í fyrra þegar viðræð-
ur voru að hefjast," segir hann.
„Það á eftir að reyna betur á
viðbrögð markaðarins þegar menn
sjá mikið magn koma inn á Jap-
ansmarkað og við erum mjög vark-
árir á að fullyrða neitt í þessum
málum. Við reynum bara að leið-
beina okkar skipum um góða vöru-
vöndun um borð sem er lykillinn
að góðri sölu. Gylfi segir að mark-
aðir eins og Grikkland, Portúgal,
Ítalía, S-Kórea og fleiri lönd séu
afar mikilvægir. I fyrsta lagi taki
þeir stundum aðrar stærðir og
önnur gæði en Japansmarkaður
og í öðru lagi létti þeir á þeirri
pressu sem sé á framleiðendum
þegar eitt stórt markaðsland sé
að taka við miklum hluta fram-
leiðslunnar. „Þess vegna er ják-
vætt að hafa fleiri útgönguleiðir
þótt magnið sé mun minna,“ segir
hann. „Stefnt er að því að afurðir
úr úthafskarfa, bæði af innlendum
og erlendum skipum hjá okkur,
verði ekki undir 20 þúsund tonn-
um. Þá á ég bæði við heilfrystingu
og flakavinnslu. Annars er
áhersluatriði hjá okkur að það eru
gæðin sem selja. Við erum með
framleiðsluráðgjafa um borð í
flestum skipum og aðstoðum
áhafnirnar við að tryggja að þetta
markmið náist.“
Spákaupmennska
í kvótakerfi
Gagnrýnir afla-
mark með
framseljanleg-
um kvóta
greinargerð um efnið samþykkt á
„Meðal viðbragða við ýmsum
aðsteðjandi vandamálum í sjávarút-
vegi er nálgun að stjóm fiskveiða
sem byggist á aflamarki með fram-
seljanlegum kvóta (ITQ). Ein af
afleiðingum slíks stjórnkerfis er
samþjöppun á kvóta á færri hendur
eins og gerst hefur á íslandi, Nýja-
Sjálandi og í Bandaríkjunum.
Þessu til viðbótar hefur verið til-
hneiging til að kvótinn safnist til
stærri fyrirtækja sem reka bæði
veiðar og vinnslu. Þetta getur Ieitt
til lækkunar tekna sjómanna í
gegnum aflahlut þeirra, þegar afl-
inn er seldur beint til vinnslunnar
EVRÓPUDEILD fiskimanna innan
Alþjóða flutningamannasambands-
ins, ITF, hélt fund í Pétursborg
dagana 25. og 26. apríl 1996. A
fundinum var meðal annars fjallað
um stjórn fiskveiða. Fundurinn
gagnrýndi fyrirkomulag fiskveiða
með aflamarki og framseljanlegum
kvótum (ITQ) og var eftirfarandi
fundinum:
fyrir lægra verð en fæst fyrir hann
á markaði. Þannig verðákvörðun
hefur hrundið af stað allshetjar-
verkfalli sjómanna á íslandi.
Á grundvelli könnunar á vegum
OECD um efnahagsleg áhrif stjórn-
kerfa fiskveiða hefur verið ályktað
að kvótakerfið leiði til óæskilegrar
hvatningar til frákasts á fiski. Vis-
bendingar benda einnig til þess að
kvótakerfið sé í vaxandi mæli að
verða grundvöllur til fjárhagslegrar
spákaupmennsku, þar sem kvóti
gengur kaupum og sölu milli fyrir-
tækja sem hafa engan beinan rekst-
ur á sínum snærum í sjávarútvegi."
Fagnar ákvörð-
un um bann við
framsali
FARMANNA- og fiskimanna-
samband Islands hefur sent eft-
irfarandi ályktun til sjávarút-
vegsráðherra vegna ákvörðun-
ar hans um að banna framsal
kvóta úr norsk-íslenska síldar-
stofninum.
„Fundur framkvæmdastjóm-
ar Farmanna- og fiskimanna-
sambands íslands, haldinn 13.
maí 1996, fagnar ákvörðun
sjávarútvegsráðherra um að
banna framsal aflamarks úr
norsk-íslenska síldarstofninum.
Fundurinn telur að sjávarút-
vegsráðherra hafi stigið mikil-
vægt skref, með þessari ákvörð-
un sinni, í átt að sjónarmiðum
samtaka sjómanna. Það er von
fundarins að sjávarútvegsráð-
herra beiti sér fyrir algjöru af-
námi á framsali veiðiheimilda
og renni þannig styrkari stoðum
undir sátt á afar umdeildu kerfi
um stjórn fískveiða."
í Morgunblaðinu í gær gætti
misskilnings varðandi þessa
ályktun og er beðist velvirðing-
ar á því.
FRÉTTIR
Morgunblaðið/Ágúst
Hljóta gæðaskjöldinn
1 • X • / • X / t* X
þnðja anð 1 roð
NÝLEGA var starfsfólki og anna í Bandaríkjunum, fyrir góða Það var Jón Friðjónsson, inn-
stjórnendum frystihúss Síldar- framleiðslu á flökum, sem fara á kaupastjóri hjá Coldwater, sem
vinnslunnar afhentur gæðaskjöld- Bandaríkjamarkað. Þetta er afhenti skjöldinn ogtók Jónalngi-
ur Coldwater, dótturfyrirtækis þriðja árið í röð sem frystihús marsdóttir fiskverkakona við við-
Sölumiðstöðvar hraðfrystihús- SVN hlýtur þessa viðurkenningu. urkenningunni.
Aðrir látnir borga
fyrir mistökin
MEÐ STJÓRNARFRUMVARPI um
úthafsveiðar, sem lagt verður fram
á Alþingi næstu daga, er verið að
leggja á úthafsveiðiskipin kostnað
vegna eftirlits sem getur numið allt
að þremur prósentum af aflaverð-
mæti, að sögn Snorra Snorrasonar,
formanns Félags úthafsútgerða.
Hann segir að þegar kostnaður
við uppihald eftirlitsmanna um borð í skipunum bætist við geti hann
numið allt að fimm prósentum af aflaverðmæti. Einnig gagnrýnir hann
að talað sé um 20% skerðingu innan lögsögunnar á þeim sem stundi
veiðar utan lögsögunnar og að þeir sem hafi ekki veiðiheimildir innan
lögsögunnar verði skertir samsvarandi í veiðireynslu þegar komi til útdeil-
ingar á afla í úthöfunum.
Formaður úthafs-
útgerða
gagnrýnir stjórn-
arfrumvarp
Snorri segir að íslendingar séu
að taka upp auðlindaskatt, en aðeins
á úthafinu. Frumvarpinu hafi verið
kastað undirbúningslaust fram fyrir
einni viku og það eigi að knýja það
í gegn á síðustu dögum þingsins.
„Þetta er fyrsti lagabálkur sem sett-
ur er á grundvelli úthafsveiðilaga
Sameinuðu þjóðanna, en samt er
kastað til höndunum við frumvarp-
ið,“ segir hann. „Undirbúningslög-
unum sem lágu fyrir 25. mars hef-
ur verið breytt í miklu flaustri til
þess að ná frumvarpinu í gegn og
allar eru breytingarnar vegna eftir-
lits á Flæmingjagrunni."
Snorri segir að þarna séu emb-
ættismenn sjávarútvegsráðuneytis-
ins og sjávarútvegsráðherra að
klóra sig út úr mistökum sem þeir
gerðu á síðastliðnu ári. „Þetta er
fín latína," segir hann. „Ég vildi
að við gætum gert þetta fleiri, að
gera mistök og láta aðra borga
fyrir þau.“
Mistökin voru þau að láta
Kanadamenn blekkja sig til þess
að taka upp svona eftirlit með þeim
formerkjum að Kanadamenn
myndu greiða fyrir þau, að sögn
Snorra. Að lokum ítrekar hann að
frumvarpið þarfnist mun meiri
umræðu og undirbúnings en þarna
hafi verið raunin.
Skoðunarstofur
verði faggiltar
SJAVARUTVEGSRAÐUNEYTIÐ hefur
óformlega tilkynnt skoðunarstofum að óskað
verði eftir því að þær verði faggiltar. „Það
þýðir að þær verða þá væntanlega teknar
út af einhverri faggildingarstofu sem gæti
hugsanlega verið Löggildingarstofan," segir Sturlaugur Daðason, fram-
kvæmdastjóri gæða og þjónustu hjá Sölumiðstöð hraðfrystihúsanna.
Takmörk sett
á eignaraðild
Hann segir að einnig séu sett
takmörk við eignaraðild sem þýði
að SH geti ekki átt skoðunarstofu
ein. Það sé líka ljóst að það að fara
í faggildingu hafi kostnaðarauka í
för með sér þannig að það þurfi
að breikka rekstrargrundvöll skoð-
unarstofa sem væntanlega gerist
þá með því að þeim muni fækka
og farið verði út í sameiningu.
„Við breikkum okkar samstarf
með því að vinna með Rannsóknar-
þjónustunni Sýni, sem hugmyndin
er að taki yfir skoðunarstofu SH,“
segir hann og bætir við að málið
sé enn á umræðustigi og ekki hafi
verið rætt til enda hvernig gæðaeft-
irliti SH verði háttað i framhaldi
af þvi.
„Þetta ákvarðast mjög mikið af
því hvernig málin þróast hjá sjávar-
útvegsráðuneytinu og Fiskistofu og
þeim kröfum sem gerðar verða til
skoðunarstofanna. Þannig að það
er mjög erfitt að setja einhvern
ákveðinn tíma á þetta,“ segir hann.