Morgunblaðið - 06.12.1996, Blaðsíða 4
4 B FÖSTUDAGUR 6. DESEMBER 1996
MORGUNBLAÐIÐ
MORGUNBLAÐIÐ
FÖSTUDAGUR 6. DESEMBER 1996 B 5
+'
4-
DAGLEGT LIF
DAGLEGT LIF
Hópstarfid og URKÍ
SKRÁÐIR félagar í URKÍ, ung-
mennahreyfingu Rauða kross Is-
lands, eru um 900. Að sögn Kon-
ráðs Kristjánssonar, forstöðu-
manns hreyfingarinnar í Reykja-
vík, taka 200 ungmenni virkan
þátt í sjálfboðaliðastarfínu, þar af
um 150 á höfuðborgarsvæðinu.
Félagsmenn, sem eru 13-25 ára,
starfa í hópum og annast ýmis
verkefni. Hreyfingin stendur jafn-
framt fyrir námskeiðum og félags-
menn taka þátt í ýmsum verkefn-
um innan RKÍ og í samstarfi við
aðra. Hópstarfið er margvíslegt og
velur hver og einn að starfa í ein-
um eða fleiri hópum eftir sínu
áhugasviði.
Alþjóðahópur vinnur að sam-
skiptum og tengslum við ung-
mennahreyfíngar Rauða krossins
erlendis. í hópnum fer einnig fram
fræðsla og umræða um alþjóðleg
málefni, einkum mannréttindi,
hjálparstarf og umhverfismál.
Félagsmálahópur. Sjálfboðaliðar
hafa aðstoðað starfskonur
Kvennaathvarfsins og tekið þátt í
félagslegri þjónustu í samvinnu við
aðra.
Vinahópur RKÍ rekur Vina-
athvarf fyrir geðfatlaða. Sjálfboða-
liðar vinahóps eru starfsfólki at-
hvarfsins til aðstoðar.
Skyndihjálp. Þátttaka í neyðar-
varnarkerfi Almannavarna ríkisins
er eitt mikilvægasta verkefni RKI.
í skyndihjálparhópi URKÍ eru
flokksstjórar í fjöldahjálp sem
hægt er að senda hvert á land sem
er til aðstoðar við fólk í neyð. Einn-
ig taka meðlimir í hópsins þátt í
að útbreiða þekkingu í skyndihjálp.
Gullmolarnir. Hópurinn heldur
skemmtikvöld fyrir URKÍ-félaga
og stendur auk þess fyrir fræðslu-
fundum um ýmis efni sem tengist
starfi Rauða krossins.
TURKÍ - Barna- og unglinga-
starf. Hópur fyrir yngstu félags-
menn. Þrettán til fimmtán ára
krakkar vinna m.a. að verkefnum
um ólík menningarsvæði, umhverf-
isvemd og ofbeldi. Krakkarnir
móta starfið og verkefnavalið sjálf-
ir í samvinnu við eldri félaga.
Sumarnámskeiðin. Þórsmerk-
urnámskeið fyrir krakka 13-15 ára
og 16-18 ára. Þátttakendur vinna
að Iandgræðslu, sagt er frá starfí
Rauða krossins, haldnar eru kvöld-
vökur og ijallað um helstu þætti í
skyndihjálp.
Mannúð og menning. Sumarnám-
skeið undir yfirskriftinni Mannúð
og menning eru haldin fyrir 8-10
ára krakka, sem vinna að verkefn-
um sem tengjast starfi Rauða
krossins um allan heim.
Áhugahópur um alnæmisvarnir.
Hópstarf, sem hófst í vor, í sam-
vinnu við Alnæmissamtökin.
UNGMENNIN I URKI
Sjálfboðaliðar
af lífi og sál
TRÚLEGA hefur ímynd ungmenna sjaldan verið
jafn bágborin og hin síðari ár. Fjölmiðlum verður
tíðrætt um vímuefnaneyslu og ofbeldishneigð
ungs fólks, andlegan sljóleika vegna óhóflegs
sjónvarpsgláps og síðast slælega kunnáttu í raun-
greinum. I fjölmiðlum láta fullorðnir gamminn
geisa um ástæður fyrirbærisins og skella skuld-
inni á foreldrana, kennarana og samfélagið.
Háttur fjölmiðla að fjalla mest um þá sem
mest ber á beinir sjónum manna óneitanlega að
nokkrum ofbeldisseggjum og rugludöllum úr
röðum ungmenna, sem sí og æ eru til vandræða.
Unglingar kvarta yfir neikvæðri umfjöllum og
segja að stundum mætti ætla að þau ungmenni
sem ekki séu nær heiladauð vegna stöðugrar
myndrænnar mötunar séu annaðhvort á kafi í
fíkniefnum eða geri sér helst til dundurs að lúskra
á félögum sínum og öðrum samborgurum. Jafn-
vel orðið unglingur, segja þeir, að sé farið að
vekja skelfingu hjá sumum smábörnum, sem
halda að unglingar séu upp til hópa hið versta
fólk.
Þótt vitaskuld sé full þörf á
umfjöllun um svo alvarleg
mál sem vímuefnaneyslu
og vaxandi ofbeldi ungl-
inga kann slík umræða
að skekkja svolítið
ímynd æskunnar. Efa-
lítið sinna flestir ungl-
ingar námi sínu af
kostgæfni og eiga sér
jafnframt ýmis upp-
byggjandi áhugamál.
Þeir eru, gagnstætt
mörgum sem komnir
eru til vits og ára,
einfaldlega ekki enn
búnir að hasla sér
þann völl að
ástæða þyki til
að fara mörgum orðum um athafnir þeirra og
andlegt atgervi.
En hvar og hvernig eru fyrirmyndarung-
menni? Draumasynirnir og -dæturnar - eru slík
ungmenni til? Blaðamaður Daglegs lífs ákvað að
spjalla við þijú ungmenni í URKÍ, ungmenna-
hreyfingu Rauða kross íslands, enda líklegt að
félagar í stærstu mannúðar- og friðarsamtökum
heims hafi sitthvað uppbyggilegt á sinni könnu.
Inga Þórðardóttir, Þóra Kristín Ásgeirsdóttir og
Birgi Freyr Birgisson hafa starfað sem sjálfboða-
liðar hjá ÚRKf um mislangt skeið. Sjálf sögðust
þau ekki vera sérstök fyrirmyndarungmenni.
Félagana í URKÍ sögðu þau líka vera ósköp venju-
lega krakka; dæmigert ungt fólk - ef til vill
örlítið víðsýnna.
BIRGIR FREYR BIRGISSON, 22 ÁRA, NEMANDI í FJÖLBRAUTASKOLANUM I BREIDHOLTI
Hlutleysis-
stefnan höfðaði
mest til mín
KYNNING á starfsemi URKÍ í
FB vakti áhuga Birgis Freys
Birgissonar, sem segir hlutleysis-
stefnu RKI fyrst og fremst hafa
höfðað til sín. „Þar er engin rígur,
engin samkeppni og hvorki afstaða
tekin með né á móti mönnum og
máiefnum. Fórnarlömbin eru þau
einu sem skipta máli og markmiðið
fyrst og fremst að hjálpa án nokk-
urra útskýringa og skilmála,“ segir
Birgir Freyr.
Hann var ekki hár í loftinu þegar
hann fór að ieggja þeim lið sem
minna máttu sín. Fjórtán ára var
honum falið að verja sjö ára dreng
fyrir stríðni skólafélaga sinna. í kjöl-
farið kom Birgir Freyr að máii við
skólastjórann í Hjallaskóla og
bauðst m.a. til að hafa gætur á
yngstu börnunum í frímínútunum.
„Tólf ára sökkti ég mér í lestur
greina um sifjaspell, einelti og alls-
kyns vanda sem sum börn eiga við
að stríða. Smám saman fékk
ég áhuga á að hjálpa
þeim á einhvern
hátt. Til skamms
tíma var ég til-
sjónarmaður hjá
bæði Félags-
málastofnun
Reykjavíkur og
Kópavogs, en síð-
astliðin tvö ár
hafa flestar frí-
stundir farið í starf-
ið hjá URKÍ.“
Vinirnir líka í URKÍ
Birgir Freyr segir
flesta vini sína vera í
URKÍ. Hann
tekur eng-
an þátt í
félags-
FB og fínnst skólinn afar ópersónu-
legur enda sé áfangakerfi eins og
þar tíðkast ekki vel til þess fallið
að nemendur kynnist innbyrðis.
„Stundum tekur starfið hjá URKÍ
allt að tuttugu stundir á viku og
því lítið svigrúm til að sinna öðru.“
Þótt Birgir Freyr viðurkenni að
sjálfboðaliðastarfið bitni á náminu,
er hann sannfærður um --------------
að reynslan og þekkingin
sem hann öðiast af marg-
víslegum störfum innan
hreyfíngarinnar nýtist
sér ekki síður en bóknám-
ið í framtíðinni.
Sem hópstjóri í félags-
málahópi, félagi í skyndi-
hjálparhópi, sjálfboðaliði
sveit RKÍ og
Markmiðið
fyrst og fremst
að hjólpa ón
útskýringa og
skilmóla
í útkalls-
leiðbeinandi hjá
TURKÍ hefur Birgir Freyr kynnst
ýmsum hliðum mannlífsins og tekið
þátt í mörgum verkefnum. Hann
sækir að minnsta kosti tvo fundi á
viku, af og til æfingar hjá útkalls-
sveitinni og þarf að vera boðinn og
búinn að leggja ýmsum félagasam-
tökum lið þegar á þarf að halda.
Tvær síðustu helgar fóru til dæmis
í að búa til og dreifa borðum fyrir
Alnæmissamtökin. Aðspurður hvort
hugsjónin ein ráði ferðinni segir
hann að trúlega sé hann mest í
þessu fyrir sjálfan sig.
„Mér finnst ég mest lifandi þegar
ég er að vinna að hjálparstarfi og
leggja góðum málefnum lið. Mig
langar að læra bamasáifræði eftir
stúdentspróf, en er þó óráðinn enn,
því nám í ljósmyndun eða kvik-
rnyndagerð er líka ofarlega á blaði.
Einnig gæti ég vel hugsað mér að
starfa tímabundið sem sendifulltrúi
RKÍ í þróunarlöndum."
Birgir Freyr segir ekki auðhlaup-
ið að komast í slíkt starf og flestir
félagar í URKÍ hafi ekki náð aldri
til að bjóða fram starfskrafta sína
erlendis. Þeir sinni því aðallega
ýmiskonar líknarmálum hér heima.
„Eg gerði mér ekki grein fyrir
hversu margir eiga um sárt að bjnda
fyrr en ég gerðist sjálfboðaliði. Áður
hélt ég að þeir sem þæðu matargjaf-
ir hjá Hjálparstofnun kirkjunnar og
konurnar í kvennaathvarfínu væru
einhverjar „steríótýpur", sem bæru
fátækt og örbirgð utan á sér. Fljót-
lega sá ég þetta var bara venjulegt
fólk, sem hafði orðið fyrir ógæfu í
lífinu."
Engir prédikarar
Birgir Freyr telur vímuefnaneyslu
unglinga ekki hafa aukist að ráði
síðastliðin tíu ár og lítill hópur þrett-
án ára unglinga hafi þá eins og nú
_________ verið farinn að neyta
áfengis. „Við í skyndi-
hjálparhópnum vorum
með svokailað Dauðatjald
á útihátíðunum UXA og
Halló Akureyri og hlúðum
að allmörgum unglingum
sem voru illa á sig komn-
ir. Ég varð svolítið var við
að sumir héldu að við værum sértrú-
arsöfnuður og biðu bara eftir að við
færum að prédika um syndsamlegt
líferni og leiðina til betra og dyggð-
ugra lífs. Slíkt er okkur víðsfjarri
því samkvæmt hlutleysisstefnu RKÍ
tökum við ekki afstöðu og skiptum
okkur ekki af drykkjuskap, slags-
málum og öðrum uppákomum. Okk-
ur er einungis ætlað að vera til taks
fyrir þá sem til okkar leita af fúsum
og fijálsum vilja.“
Ekki segist Birgir Freyr geta tal-
ist sérstök fyrirmynd annarra ung-
menna þótt hann reyki ekki, smakki
sjaldan áfengi og vinm við hjálpar-
starf. „Starfið í URKÍ er á mínu
áhugasviði og ég hef ómælda
ánægju af skipulagningunni, félags-
skapnum og öllu sem því tilheyrir.
Við erum alltaf með nýjar hugmynd-
ir á pijónunum og eitt viðfangsefnið
tekur við af öðru. Öilum er fijálst
að koma með hugmyndir sem síðan
eru ræddar á jafnréttisgrundvelli í
hópunum. Þemaverkefni URKÍ
næsta ár er herferð gegn ofbeldi
og einelti í grunnskólum og ýmis-
legt fleira er í farvatninu." ■
INGA ÞÓRÐARDÓTTIR, 19 ÁRA, NEMANDI I FJOLBRAUTASKÓLANUM í BREIÐHOLTI
Námið situr
stundum
á hakanum
liYRIR fjórum árum þegar Inga
^ Þórðardóttir var í 10. bekk
Ölduselsskóla tók hún ásamt
skólafélögum sínum þátt í fata-
söfnun RKÍ. Þá kynntist hún sjálf-
boðaliðum í ungmennahreyfing-
unni, heillaðist af starfí þeirra og
fyrr en varði var hún komin á
bólakaf í alls konar verkefni fyrir
URKÍ.
„Námið situr stundum á hakan-
um því ég dregst alltaf í að gera
eitthvað fyrir URKÍ. Sumir skilja
ekkert í að ég skuli ekki frekar
fá mér vinnu með skólanum í stað
þess að vinna fyrir ekki neitt,“
segir Inga, sem tekur stúdentspróf
frá FB í vor.
Gefandi og þroskandi
En Ingu finnst fjarri því að hún
sé að vinna fyrir ekki neitt. Hún
segir fátt meira gefandi og þrosk-
andi en að stuðla að mannúðarmál-
um í heiminum. Þótt enn sé langt
í land að sú hugsjón verði ieiðar-
ljós þorra mannkyns er Inga bjart-
sýn á að með ötulu starfi samtaka
eins og Rauða krossins verði hægt
að byggja upp betra samfélag.
„Þótt ég hljómi ef til vill eins
og trúboði er ég ekki bara í URKÍ
af einskærri fórnfýsi og eðlislægri
góðmennsku. Mér finnst mjög
gaman að taka þátt í starfinu auk
þess sem ég hef eignast marga
góða vini í hreyfingunni. Ég fer
lítið á skemmtanir í skólanum,
enda fæ ég félagsþörf minni full-
nægt með starfinu í URKÍ og
umgengni við félagana á kvöldin
og um helgar. Yfirleitt erum við
tíu til tuttugu saman í hópi, förum
að skemmta okkur eins og aðrir
unglingar, í útilegur, bíó og þess
háttar."
Aðspurð um áfengisdrykkju og
reykingar unglinga í URKÍ segir
Inga hreyfinguna ekki bindindis-
samtök, sem setji félagsmönnum
boð og bönn í þeim efnum. „Við
erum engir englar, sumir reykja
og drekka, rétt eins og í öðrum
hópum unglinga." Sjálf reykir Inga
ekki en hefur bragðað nokkrar
tegundir áfengis, sem ____________
henni fannst allar jafn-
vondar. Hún ákvað að
hætta slíkri tilrauna-
starfsemi, enda segist
hún skemmta sér ágæt-
lega án áfengis.
Hópstýra
Ekki bindindis
samtök sem
setja félags-
mönnum boð
og bönn
Þótt Inga telji hjálparstarf í
þróunarlöndum afar mikilvægt
segir hún að ekki megi gleyma að
á Islandi búi líka fólk, sem eigi
varla til hnífs og skeiðar. „Ég hef
tvisvar ásamt nokkrum félögum í
URKÍ aðstoðað Hjálparstofnun
kirkjunnar við að úthluta matar-
gjöfum fyrir jólin. Starfið vakti
mig til umhugsunar um hversu
heppin ég er að búa við góðar
aðstæður."
Inga hefur komið víða við í starfí
sínu í URKÍ. Hún var um skeið í
félagsmálahópi og fór þá stundum
í Kvennaathvarfið til að gæta
barna. „Við fórum með krakkana
í húsdýragarðinn, leikhús eða bíó
um helgar til þess að mæðurnar
gætu hvílt sig. Mér
finnst aðstoð af þessu
tagi afar nauðsynleg. Ég
hef að minnsta kosti haft
gott af að kynnast því
að til er öðruvísi heimur
en sá sem ég lifi og hrær-
ist í.“
Inga hefur mikinn áhuga á al-
þjóðlegum málefnum og er hóp-
stýra alþjóðahóps. í hópnum eru
um tuttugu krakkar, sem halda
fundi a.m.k. einu sinni í mánuði,
leggja á ráðin og skipuleggja. Þró-
unarstarf í Gambíu, Ungt fólk í
Evrópu og Keðjan er yfírskrift
helstu viðfangsefnanna. Frá árinu
1992 hafa félagar í URKÍ lagt sjálf-
boðastarfi RKI í Gambíu lið stuttan
tíma í senn. Inga hefur ekki ákveð-
ið hvort hún hyggst fara til Gamb-
íu þegar hún hefur aldur til, en
seinna langar hana að vinna að
mannúðarmálum i þróunarlöndum.
„Eftir stúdentspróf stefni ég á
þriggja ára nám í HÍ í ensku og
stjórnmálafræði. Þá ætti ég að
vera ágætlega í stakk búin til að
sækja um inngöngu í Friðarhá-
skóla Sameinuðu þjóðanna á Costa
Rica. Þetta er lítill skóli með 25
nemendur og 16 kennara. Aðal-
áherslan er á alþjóðasamskipti,
m.a er farið í saumana á mannrétt-
indalögum og kynntar forsendur
hjálparstarfs í heiminum."
Alllr eru jafnlr
Inga segir mikilvægt að fá
ungt fólk til liðs við URKÍ og því
sé fyrirhugað að kynna starfsem-
ina í 10. bekk grunnskóla á næsta
ári. „Við höfum alltaf nóg að gera
og verkefnin eru óþijótandi. Verk-
efninu Ungt fólk í Evrópu er ætl-
að að auka víðsýni ungmenna og
efla tengsi ungs fólks í heiminum.
Tilgangur Keðjunnar, verkefnis
sem við erum að hleypa af stokk-
unum, er að reka áróður fyrir að
allir séu jafnir. í bígerð er að fá
íslenskan listamann til að búa til
listaverk, sem verður sent milli
ungmennahreyfínga um allan
heim. Hverri hreyfingu er falið
að skrifa „Allir eru jafnir" á sínu
tungumáli."
Þótt starfið í URKÍ taki dijúg-
an tíma frá náminu er Inga sann-
færð um að þeim tíma sé vel var-
ið. Hún býst við að reynslan og
þekkingin sem fæst með sjálfboð-
aliðastarfi gagnist sér ekki síður
en skólabækurnar í framtíðinni.
ÞÓRA KRISTÍN ÁSGEIRSDÓTTIR, 17 ÁRA, NEMANDI í FJÖLBRAUTASKÓLANUM ÁRMÚLA
Áður snerist
lífið bara
um íþróttir
ÞÓRA Kristín Ásgeirsdóttir
kynntist starfi Rauða krossins
fyrir fjórum árum þegar frænka
hennar fékk hana með sér á land-
græðslunámskeið í Þórsmörk. Þar
segist hún hafa sáð fræjum, farið í
göngutúra, lært smávegis í skyndi-
hjálp og sitthvað fleira auk þess sem
hún hafi hlýtt hugfangin á frásagn-
ir sér eldri og reyndari af sjálfboða-
liðastarfi í Gambíu í Afríku.
„Ég hef mikinn áhuga á að fara
þangað þegar ég hef aldur til enda
hef ég fræðst heilmikið um landið
og starf sjálfboðaliðanna á fundum
alþjóðahópsins," segir Þóra Kristín
sem gekk til liðs við URKÍ fyrir
rúmu ári.
LeiAbelnandl ÍTURKI
Þótt ekki verði af Gambíuförinni
í bráð situr Þóra Kristín ekki auðum
höndum. Hún hefur sinnt ýmsum
störfum fyrir URKÍ þar sem hún
er auk sex annarra í stjórn. Á
laugardögum fer hún stundum í
Kvennaathvarfið til að passa börn,
um jólin í fyrra útdeildi hún matar-
gjöfum til þurfandi samborgara,
hún hefur tekið þátt í skósöfnun,
svarað í síma þegar átakið Samhug-
ur í verki vegna snjóflóðanna á Flat-
eyri í fyrra stóð sem hæst og núna
eru öll þriðjudagskvöld helguð
TURKÍ.
„Ég er leiðbeinandi í TURKÍ, sem
er félagsskapur fyrir yngstu krakk-
ana, 13-15 ára. Eins og ég fá
margir sem fara á landgræðslu-
námskeiðin í Þórsmörk áhuga á að
starfa eitthvað fyrir RKÍ og koma
í kjölfarið á fundi hjá TURKÍ. Það
er mjög gaman á þessum fundum
og við gerum margt skemmtilegt
saman. Til dæmis fórum við á leik-
listamámskeið í fyrra, _________
settum upp leikrit og
ferðuðumst um landið
undir slagorðinu Ungt
fólk gegn fordómum.“
Körfubolti og kaloríur
Auk starfa sinna í
URKÍ og TURKÍ æfír
Þóra Kristín körfubolta tvisvar í
viku með KR. „Ég hef verið mikið
í íþróttum frá því ég var smá-
krakki. Heima í Stykkishólmi sner-
ist lífið og tilveran hjá okkur stelp-
unum um íþróttir. Þegar ég fluttist
hingað suður fyrir þremur árum
komst ég að raun um að íþrótta-
áhugi stelpna á mínum aldri var
fremur lítill. Þær voru flestar í
Einu sinni í
mónuöi eru
Gullmolakvöld
en þú hittast
allir hóparnir
megrun, töluðu um kaloríur og vissu
upp á hár hversu margar kaloríur
voru í öllum mat. Ég hafði aldrei
heyrt minnst á fyrirbærið og skildi
lítið í fyrirsætudraumunum, sem
mér fannst allar stelpur ganga með
í maganum."
Þóra Kristín segist alls ekki hafa
verið utanveltu þótt hún hafí haft
meiri áhuga á körfubolta en kalor-
íum. Hún eignaðist fljótt vini og
vinkonur og aðlagast lífinu í borg-
_______ inni. „Eg umgengst bæði
skólafélagana og félag-
anna í URKÍ. Innan
URKÍ er töluvert félags-
líf. Einu sinni í mánuði
eru svokölluð Gullmola-
kvöld en þá hittast allir
hópar innan hreyfingar-
innar til þess að krakk-
arnir kynnist innbyrðis. Ákveðinn
hópur tekur að sér að skipuleggja
kvöldin sem eru alltaf hver með
sínu sniðinu."
Englr vandræðagemsar
Þóra Kristín segir unglinga í
URKÍ lítt frábrugðna öðrum ung-
mennum, sumir séu að fikta við að
reykja og drekka en aðrir láti slíkt
eiga sig líkt og hún sjálf. Ef munur-
inn sé einhver segir hún hann helst
felast í því að í URKÍ þrífast engir
vandræðagemsar eins og oft eru
innan um og saman við í öðrum
unglingahópum og öðrum hópum.
Áhugamál Þóru Kristínar eru
mörg og eitt af þeim er söngur.
Að minnsta kosti tvö kvöld í viku
hittir hún nokkrar gamlar vinkonur
í bílskúrnum hjá einni þeirra þar
sem þær æfa söng af miklum móð.
„Við vorum allar í barnakórum og
finnst bara svo gaman að syngja
að við getum ekki hætt. Við syngj-
um mikið gosbellög og ætlum að
troða uppi á árshátíð URKÍ í vor.“
Aðspurð segir Þóra Kristín að
íþróttirnar, söngæfingarnar og
starfið í URKÍ tefji ekki fyrir sér í
námi. Hún segist nýta tímann vel
og læra þegar færi gefst enda séu
oft göt í stundaskránni. Eftir stúd-
entspróf er hún ákveðin í að fara
í íþróttakennaraskólann. Þóra
Kristín segist ætla að halda áfram
að starfa með URKÍ og líklega sitji
menn þar á bæ uppi með hana þar
til hún teljist ekki lengur til ung-
vaknaðu!
á undan frunsunni...
...meö því aö bera á hana Zovir krem sefur hún áfram
Hafir þú fengið frunsu þekkir þú eflaust fyrirboða hennar,
sting, sviða eöa æöaslátt. í kjölfariö láta fyrstu blöðrurnar
á sér kræla. í Zovir kreminu er virka efnið aciklóvír sem
kemur í veg fyrir fjölgun frunsuveirunnar. Berðu Zovir
kremið á um leið og þú finnur fyrir fyrstu einkennum og þá
getur þú náð að svæfa hana strax. Berðu á sýkta svæðiö 5
sinnum á dag i 5 daga.
ZOVIR kremið fæst nú einnig með pumpu
sem er auöveld í notkun og skammtar
kremið á þægilegan og hreinlegan hátt.
ZOVIR kremiö 2 g fæst án lyfseðils í apótekum. 5
Kynnið ykkur vel leiðbeiningarnar
sem fylgja lyfinu.
OVIR
O
GlaxoWellcome • Þverholti 14 • 105Reykjavík • Sími 5616930
~4-