Morgunblaðið - 21.01.1997, Side 2

2 B ÞRIÐJUDAGUR 21. JANÚAR 1997
MORGUNBLAÐIÐ
ÍÞRÓTTIR
■ KANADÍSKUR körfuknattleiks-
maður er kominn í raðir úrvalsdeild-
arliðs KFÍ. Hann heitir Chiedo
Odiatu og er leikstjómandi. Andrew
Vallejo, sem er einnig frá Kanada
og byrjaði tímabilið hjá KFÍ, var
látinn fara. Odiatu kom til ísafjarð-
ar á föstudag og náði einni æfingu
með liðinu fyrir leikinn gegn Breiða-
bliki á laugardág.
■ FABRIZIO Ravanelli gerði
samning við Middlesbrough til fjög-
urra ára fyrir líðandi tímabil og er
ekki á förum frá félaginu, að sögn
Keiths Lambs, framkvæmdastjóra
þess, en í ítölskum blöðum hefur
verið haft eftir framherjanurn að
hann hlakki til að snúa aftur til ítal-
íu ekki síðar en í vor.
■ ROMA hefur gert samning við
georgíska landsliðsmanninn Omar
Tetradze hjá Alania Vladikavkaz
í Moskvu og gildir hann út næsta
ár. Hann kemur í staðinn fyrir Arg-
entinumanninn Roberto Trotta,
sem River Plate fékk lánaðan í sex
mánuði.
■ ROMA greiddi um 108 millj. kr.
fyrir varnarmanninn, sem er 26 ára
og fær tæplega 22 millj. kr. í árslaun.
■ PAULO Sergio hjá Leverkusen
fer til Roma eftir líðandi tímabil.
Rudi Völler, íþróttastjóri þýska fé-
lagsins, sagði að málið væri afgreitt,
aðeins ætti eftir að semja um verðið,
og helst vildi hann fá Thomas Hássl-
er hjá Karlsruhe í staðinn fyrir
brasilíska miðjumanninn.
■ CESARE Maldini gerði fáar
breytingar þegar hann valdi fyrsta
[andsliðshóp sinn_ fyrir vináttuleik
Ítalíu og Norður-írlands í Palermo
á morgun. Tveir nýliðar eru í 20
manna hópnum, Salvatore Fresi
miðjumaður hjá Inter og Fabio
Cannavaro, varnarmaður hjá
Parma, en þeir voru báðir í ung-
mennalandsliðinu undir stjóm Mald-
inis.
■ AÐRAR breytingar Maldinis eru
þær að Antonio Benarrivo, bak-
vörður hjá Parma, kemur í staðinn
fyrir Moreno Torricelli hjá Juvent-
us og miðjumaðurinn Stefano Er-
anio hjá AC Milan í staðinn fyrir
Roberto Donadoni.
■ EFTIRTALDIR eru í ítalska
landsliðshópnum. Markverðir: Ang-
elo Peruzzi og Francesco Toldo.
Varnarmenn: Ciro Ferrara, Ales-
sandro Costacurta, Alessandro
Nesta, Fabio Cannavaro, Paolo
Maldini, fyrirliði og sonur þjálfar-
ans, og Antonio Benarrivo. Miðju-
menn: Salvatore Fresi, Angelo Di
Livio, Stefano Eranio, Roberto Di
Matteo, Demetrio Albertini, Dino
Baggio, Diego Fuser og Amedeo
Carboni. Framherjar: Pierluigi
Casiraghi, Fabrizio Ravanelli,
Gianfranco Zola og Alessandro
Del Piero.
■ LUCA Bucci, markvörður hjá
Parma, var lánaður til Perugia fyr-
ir helgi. Áður sagðist hann vilja fara
til ensks liðs en hann var orðaður
við Derby, Middlesbrough og Le-
eds.
■ NICOLA Anelka getur ekki gert
samning við Arsenal án samþykkis
PSG og franska félagið ætlar að
fara með málið til Knattspyrnusam-
bands Evrópu, að sögn forseta PSG.
■ ANELKA er 17 ára og hefur
þegar gert samning til tveggja ára
við enska liðið.
IR-VEISLAIM
Fijálsíþróttadeild ÍR heldur
upp á 90 ára afmæli félags-
ins í Laugardalshöllinni næst-
komandi laugardag og þar verður
boðið upp á sannkallaða veislu
fyrir áhugamenn um
fijálsíþróttir.
Á þessu fyrsta alþjóð-
lega innanhússmóti í
fijálsíþróttum hérlendis
verða Vala Flosadóttir,
heimsmethafi unglinga í
stangarstökki, sem býr í
Svíþjóð, og Jón Amar Magnússon
tugþrautarkappi m.a. í eldlínunni
en þau eru meðal bestu íþrótta-
manna landsins. Jón Arnar var á
dögunum kjörinn íþróttamaður
ársins af Samtökum íþrótta-
fréttamanna, annað árið í röð,
og Vala varð fjórða í því kjöri.
Bæði hljóta verðuga keppni á
mótinu á laugardag: Daniela
Bartova, Evrópumethafí og fyrr-
um heimsmethafi, þekktist boð
um að mæta í einvígi við Völu
og tvær þýskar stúlkur mæta
einnig til leiks, önnur fyrrum
heimsmsethafi innanhúss í stang-
arstökki. Andstæðingar Jóns
Amars verða væntanlega heldur
ekki af verri endanum, ömggt
er að einn andstæðingur svipaður
honum að styrkleika mætir og
ekki er loku fyrir það skotið að
ólympíumeistarinn í tugþraut frá
því í Barcelona, Tékkinn Robert
Zmelik, mæti til leiks. í gær var
það reyndar nánast ömggt að
hann kæmi. Það yrði mikill hval-
reki á Qörur íslendinga að sjá
hann í þríþrautareinvígi við Jón
Arnar í Höllinni á laugardag.
íþróttafélag Reykjavíkur var
stofnað 11. mars 1907, fyrst og
fremst í þeim tilgangi að bjóða
upp á fimleika, og síðan var farið
að stunda fijálsíþróttir til að
halda mönnum við efnið um sum-
arið. Fyrstu fijálsíþróttaáhöldin
vora þá flutt til landsins og
íþróttafélag Reykjavíkur hefur
löngum verið flaggskip íslenskra
fijálsíþrótta. Það er því vel við
hæfi að fyrsti hluti afmælishalds
félagsins sé þetta alþjóðlega mót
ÍR-ingar bjóða til mik-
illar hátíðar í Laugar-
dalshöll á laugardag
sem fram fer á laugardag.
Vala Flosadóttir, sem keppir
undir merki IR, hefur aðeins einu
sinni tekið þátt í móti hér á landi
eftir að hún vann sér sess með
glæsilegum hætti. Setti þá Norð-
urlandamet á Laugardalsvelli, en
þar var hún eini keppandinn. Nú
em andstæðingarnir góðir og
spennandi verður að fylgjast með
Völu. Þrátt fyrir ungan aldur
hefur hún þegar öðlast mikla
reynslu og hefur sýnt að hún
stendur sig þegar mikið liggur
við. Það kom berlega í ljós þegar
hún tryggði sér Evrópumeistara-
titilinn innanhúss í Stokkhólmi.
ÍR-ingar hefja laugardaginn
með því að halda grannskólamót
Reykjavíkur í fijálsíþróttum í
Laugardalshöll og öllum kepp-
endum þar verður síðan boðið á
alþjóðamótið. Æskan gleymist
því ekki, sem er mikilvægt; af-
reksmenn framtíðarinnar kunna
að leynast í þeim hópi sem spreyt-
ir sig á grannskólamótinu og
mikilvægt er að koma ungviðinu
strax á bragðið. Fyrirmyndimar
era heldur ekki af lakara taginu
í þetta sinn.
Framtaki fijálsíþróttadeildar
ÍR ber að fagna; að bjóða upp á
flesta bestu fijálsíþróttamenn ís-
lands og nokkra sterka erlenda
keppinauta er gjöf sem gleður.
Skapti
Hallgrímsson
Stefnir ÍR-ingurínn RAGIMAR ÞÓR ÓSKARSSOIM á að verða meira en efnilegur?
Ætla að láta
verkin tala
RAGNAR Þór Óskarsson, handknattleiksmaður hjá ÍR, hefur
vakið verðskuldaða athygli ívetur íhlutverki leikstjórnanda
liðsins en hann er aðeins 18 ára gamall. Ragnar hefur fjöl-
breyttan og skemmtilegan skotstíl auk þess að hafa ein-
stakt auga fyrir línusendingum og hefur samvinna hans og
Magnúsar Þórðarsonar gefið félaginu mörg mörk á leiktíð-
inni. Eins og oft áður þá lék Ragnar stórt hlutverk í liði ÍR
í viðureign við KA á sunnudagskvöldið er Breiðhyltingar
voru ekki nema hársbreidd frá því að leggja bikarmeistar-
ana. Félögin eigast við að nýju á fimmtudaginn og þá í undan-
úrslitum bikarkeppninnar. Ragnar segir það ekki koma til
greina að tapa öðru sinni fyrir KA á nokkrum dögum.
Ragnar er nemi í húsasmíði við
Fjölbrautaskólann í Breið-
holti og lýkur sveinsprófi í iðninni
í vor. Hann hefur
ekki langt að
sækja hæfileikana
í handknattleiks-
íþróttinni því faðir
hans, Óskar Þorsteinsson, lék lengi
með Víkingi og starfar nú með
Gunnari Gunnarssyni við þjálfun
hjá norska félaginu Elverum. Móð-
ir hans, Eyrún Ragnarsdóttir þol-
fimikennari, lék einnig handknatt-
leik á sínum yngri árum. Þrátt
fyrir ungan aldur og að vera enn
í 2. flokki hefur Ragnar leikið með
meistaraflokki IR frá 15 ára aldri.
„Mér er fyrsti leikurinn minnis-
stæður þegar ég var fímmtán ára,
hann var KR. Eftir leikinn var ég
rassskelltur eins og allir nýliðar
hjá ÍR, ég gleymi þessum leik því
seint.“
Hvenær byrjaðir þú að æfa
handknattleik?
„Ég byijaði fyrir átta árum en
þá ætlaði ég á æfingu í knatt-
spyrnu hjá Val. Æfingin féll niður
og inn í íþróttahúsi var verið að
æfa handknattleik svo ég ákvað
að prófa. Mér þótti strax gaman
og hætti í knattspyrnunni nokkrum
áram síðar.“
Það var fyrst í fyrra sem þú
fórst að leika að einhverju ráði?
„Eftir áramótin í fyrra fór ég
að leika meira og var kominn í
byijunarliðið í lok tímabilsins."
Er þetta ekki mikið stökk?
Eftir
ívar
Benediktsson
Morgunblaðið/lvar
RAGNAR Þór Óskarsson er einn buróarása 1. delidar llös
ÍR í handknattleik þrátt fyrir ungan aldur.
„Jú, nokkuð. í fyrra kom ég inn
á og skoraði nokkur mörk og kom
um leið svolítið á óvart. Nú er ég
hins vegar í byijunarliðinu og
ábyrgðin mun meiri. Þetta er nokk-
uð erfitt en hlýtur að venjast með
tímanum. Þá hef ég hlotið aukna
athygli víðsvegar sem einnig hefur
aukið álagið á mér að standa mig.“
Hefur þú sett þér ákveðin mark-
mið sem handknattleiksmaður?
„Ég hef lítið spáð í það, helst
að standa mig sem best hveiju
sinni.“
Er mikil pressa á þér að verða
eitthvað meira en efniíegur?
„Það hefur mikið verið sagt við
mig að það sé ekki nóg að vera
efnilegur. Það erfiðasta sé að verða
góður. Hvað úr mér verður kemur
í ljós. Ég ætla bara að halda mínu
striki og sé engum ofsjónum yfir
því að vera efnilegur, verkin verða
bara að tala.“
Árangur ykkar hjá ÍR hefur ver-
ið upp og ofan í vetur?
„Okkur hefur vantað herslumun-
inn í mörgum leikjum og við höfum
tapað með einum til tveimur mörk-
um. Stærsta tapið var fjögurra
marka ósigur gegn Fram. Marka-
tala okkar er í plús þrátt fyrir að
við séum í níunda sæti. En það
hlýtur að koma að því að leikirnir
fari að snúast okkur í vil.“
Þið ÍR-ingar mætið KA á ný
fimmtudaginn fyrir norðan, það
hlýtur að vera stefnan að gera
betur en á sunnudaginn og komast
í úrslit?
„Við verðum að vinna þann leik.
Það er ekki hægt að tapa tvisvar
sinnum fyrir þeim á innan við viku,
auk þess sem tapið á sunnudaginn
var virkilega sárt. Við ætlum okkur
í úrslit bikarkeppninnar."