Morgunblaðið - 18.05.1997, Blaðsíða 14

14 G SUNNUDAGUR 18. MAÍ 1997
MORGUNBLAÐIÐ
Brúðkaup í Bandaríkjunum
300 mcmna veisla eda
í Bandaríkjunum er
engin ein uppskrift fyrir
brúðkaup, þau eru eins
ólík og þjóðarbrotin sem
landið byggja.
'Sp VER og ein
brúðhjón gera
eins og þeim finnst
r. tilheyra. Ég hef verið
^ í 350 manna veislu með
danshljómsveit og sitjandi borð-
haldi, 150 manna brúðkaupi þar
sem borðað var af einföldustu gerð
af plastdiskum með plasthnífapör-
um og kampavínið drukkið úr
plastglösum. Góðir vinir mínir giftu
sig á fjallstindi í Colorado á skíðum
með foreldra beggja hjá sér. Enn
aðrir fóru einir til dómara á föstu-
dagseftirmiðdegi og létu fjölskyld-
una vita seinna. Allir gerðu þetta
eins og þeim fannst passa þeim og
þeirra sambandi.
Eins persónulegt
og hægt er
Dæmigert bandarískt brúðkaup
er í rauninni ekki til en brúðkaup
hjá efnaðri millistétt er væntanlega
það sem flestir hafa í huga þegar
málið er athugað. Draumurinn um
stórt brúðkaup og hvítan brúðarkjól
lifír þó góðu lífí hjá flestum stúlk-
um. Það sem mér hefur fundist
sameiginlegt með þeim brúðkaup-
um sem ég hef verið í eða heyrt
um er að fólk reynir að hafa daginn
eins persónulegan og hægt er. Flest
er eftir óskum brúðhjóna eða fjöl-
skylduhefðum, frá fjölda boðsgesta,
vali á kirkju, tónlist, veislustað,
matseðli og klæðnaði.
Þegar brúðhjón eru ekki úr sama
trúarsöfnuði getur brúðkaup verið
nokkuð flókið allt eftir viðhorfum
fólks til mikilvægi trúarsafnaðarins.
Oftast eru það trúarbrögð brúðar
sem ráða og einhver ákveðinn hluti
úr siðum brúðguma blandað inní.
Brúðhjón fara í forpróf
Prestar úr flestum trúarsöfnuð-
um hér, láta nú brúðhjón taka svo-
kallað forpróf. Þetta eru spumingar
um lífíð og tilveruna, heimspeki,
lífsskoðanir, uppeldisaðferðir, trú-
arbrögð, fjármál o.þ.h. Þessi próf
eru vísindalega hönnuð og svör
brúðhjóna em borin saman og gefín
einkunn. Sé sameiginleg einkunn
brúðhjóna undir ákveðnu marki er
þeim gefinn kostur á ráðgjöf eða
að fresta brúðkaupi þar til þau eru
betur undir giftingu búin. Að sjálf-
sögðu er þetta undir brúðhjónunum
komið. Þessi próf hafa gefið mjög
góða raun og í landi þar sem skiln-
aðir em um 60% og hafa þau verið
góð vísbending um hvaða hjóna-
bönd era líkleg til að endast og
hver ekki.
Undirbúningur fyrir brúðkaup er
oftast langur, ár er að jafnaði ekki
nóg ef fólk vill hafa fijálsar hendur
með dagsetningar og veislustað.
Ljósm./ Katrín Frímannsdóttir
MADDÝ Arnar sem er búsett í Minnesota ásamt dætrunum Onnu og Rannveigu. A'þessari mynd sést
vel hvernig litaval kjóla og blóma fer vel saman.
MICHELE Arnar ásamt brúðarmeyjum. Einfald-
ur hvítur brúðarkjóll og svartir brúðarmeyja-
kjólar en mikið af fallegum iitglöðum blómum.
Þar sem sveifla í
veðri hér í fylkinu
er mjög mikil eru
flestar giftingar á
sumrin. Það þýðir
að kirkjur eru
pantaðar ár fram í
tímann og sama
gildir um vinsæla
veislustaði. Sveigj-
anleiki er því nauð-
synlegur og al-
gengt að giftingar
séu seinni hluta
dags í miðri viku
og veislur á ólík-
legustu stöðum.
Fjármál em
rædd mjög
snemma- í ferlinu.
Foreldrar beggja
koma saman
ásamt verðandi
brúðhjónum og
ákveða hver greiðir
hvað. Áður fyrr sá
fjölskylda brúðar
alveg um brúð-
kaupið en nú er
allur gangur á því
hvernig greiðslum
er háttað. Allt
verður þó að fara
fram eftir föstum reglum og megin-
reglan er sú að foreldrar brúðar
bera ábyrgð á öllu og síðan er það
á valdi foreldra brúðguma að bjóða
fram aðstoð.
Veisla fyrir brúðina
Brúðarveislur em mikilvægur
hluti af hveiju brúðkaupi. Tilgangur
þeirra er að halda brúðinni einkahóf
með bestu vinkonum, bestu vinkon-
um móður og tilvonandi tengda-
móður. Þær em minni og persónu-
legri en brúðkaupsveislan og þar
gefst gott tækifæri fyrir þá nánustu
úr hvorri fjölskyldu að kynnast. Oft
hafa fjölskyldur brúðhjónanna aldr-
ei sést áður. í þessum litlu veislum
færa gestir brúðinni gjafír. Oft em
ákveðin þema fyrir brúðarveislur
s.s. rautt og hvítt í eldhús, mat-
vara, nærföt, sængurföt, snyrtidót,
baðvömr, o.s.frv. Þær em haldnar
á öllum tímum dags en oftast heima
hjá þeirri sem býður. Það getur
verið góð vinkona eða vinkona móð-
ur en þykir ekki við hæfi að nákom-
inn ættingi sjái um þær.
Steggjapartý fyrir brúðgumann
er í höndum svaramanns. Hann sér
um veisluna og hvað fram fer. Þessi
hóf geta verið allt frá virðulegum
kvöldverði á fínum veitingastað til
bátsferðar og bjórdrykkju eða ferð-
ar á körfuboltaleik og heimsóknar
í gleðihús. Veislur þessar hafa á
stundum farið úr böndum og því
hefur fólk tekið uppá því að halda
brúðarveislur sama kvöld og
steggjapartýið og hópamir tveir
sameinast síðar um kvöldið.
Brúðgumanum er boðið til veislu
og slá veislugestir saman fyrir
kostnaði. Brúðguma em ekki færð-
ar gjafír eins og tíðkast hjá kven-
fólkinu.
“Brúðguma-kvöldverður“ er í
boði foreldra hans og er oft kvöldið
fyrir stóra daginn. Ollum sem taka
þátt í athöfninni er boðið og þeim
sem komið hafa langan veg. Fluttar
era ræður, spilað og dansað og far-
ið í samkvæmisleiki og er kvöldið
mikilvægur liður í að kynna betur
allra nánasta skyldfólk og vini.
Val og fjöldi brúðameyja og
sveina er í höndum brúðhjóna.
Fjöldinn er smekksatriði en því fleiri
brúðarsveinar og meyjar því stærra
er brúðkaupið. Systkini brúðhjóna
eru oftast í fylgdinni. Kjólar kvenna
em leigðir, heima- eða sérsaumaðir
og smókingföt brúðasveina em oft-
ast leigð. Tískusveiflur eru í sniði
og litum. Svart, hvítt, vínrautt, ljós-
eða dökkblátt og bleikt em algeng-
ir litir hjá konum og grá eða svört
föt hjá körlum. Fyrir utan svart og
hvítt velur brúður tvo til þijá liti
sem ganga gegnum annað s.s í
blómum, brúðarmeyjakjólum, kjóla-
lit móður og tengdamóður,
borðdúkum, servéttum og kertum.
Tónlistarval athafnarinnar er og
í höndum brúðhjónanna. Ef tengsl
em sterk við heimalandið, er spilað
verk þaðan, en annað er tónlist sem
brúðhjónin tengja sambandi sínu.
Þá ákveða brúðhjón form athafn-
arinnar og hver les orð þeim til
handa og þau verða að samþykkja
það sem lesið er. Oftast em það
systkini sem fá þann heiður. Þetta
geta verið ljóð, orð úr Biblíunni,
vísdómsorð sem brúðhjónunum lík-
ar eða orð sem lesari hefur skrifað.
íslensk hjón að gifta
fjórða barnið
Enda þótt ég hafi farið í nokkur
brúðkaup hér hef ég aldrei gengið
í gegnum ferlið sjálf. Örn og Maddý
Amar hafa búið í Minnesota í 33
ár. Þau eiga fjögur börn, þijú þeirra
hafa gifst á síðustu sjö ámm og
það yngsta giftir sig í sumar. Maddý
hefur gefíð mér nokkuð af þeim
upplýsingum sem fram koma hér.
Núna er hún að hjálpa til við skipu-
lagningu brúðkaups Kristjáns sonar
síns og Randi kærustunnar hans.
Randi og Kristján ákváðu um ára-
mótin að gifta sig og þar sem tíminn
var frekar naumur þá var allt sett
af stað til að finna viðeigandi stað.
Það var þrautin þyngri og þurftu
þau að flytja brúðkaupið yfir á
föstudag þar sem allir veislustaðir
voru uppteknir. Þetta verður 300
manna brúðkaup með móttöku ut-
andyra, sitjandi borðhaldi og lifandi
tónlist.
Ætlar að vera í íslenska
hátíðarbúningnum
Kristján hefur ákveðið að vera í
íslenska búningnum í giftingunni,
Randi er af íslenskum ættum og
vill að hlutur íslands verði áber-
andi. Hún mun bera íslenskan víra-
virkiskross um hálsinn. Randi hefur
valið brúðarkjólinn og vill að
ferskjulitur og fölgrænn verði ríkj-
andi litir og baldursbrá blóm brúð-
kaupsins.
Síðastliðið sumar gifti Benni son-
ur þeirra sig. Kona hans Michele
valdi mjög einfaldan hvítan brúðar-
kjól án höfuðskrauts og svarta kjóla
fyrir brúðarmeyjar. Til að bæta upp
þennan skort á litum í kjólavali þá
hafði hún blómin í sterkum og björt-
um litum. Þetta var óskaplega fal-
legt í einfaldleika sínum. Benni var
í svörtum smóking og svörtu myns-
truðu vesti. Svaramaður og brúðar-
sveinar vom allir í svörtum smóking
með mittislinda úr sama efni og
vesti Benna. Maddý og móðir Mic-
hele vom báðar í svörtum kjólum.
Þegar Anna dóttir þeirra gifti sig
fyrir sjö árum þá var hún í hvítri
brúðardragt og litir brúðkaupsins
vom appelsínugult og djúpblátt.
Rannveig systir Önnu var brúðar-
mey og var í djúpbláum kjól og
Maddý var í kjól í appelsínugulum
og bláum litum. Öll systkinin hafa
látið leika íslenska tónlist í kirkj-
unni og Maddý bakaði kransakökur
fyrir veislurnar. Þegar Rannveig
gifti sig í Hollandi fór Maddý með
kökuna í boxum yfir hafið. í öllum
brúðkaupunum hefur ekki farið
milli mála að annað brúðhjónanna
var íslenskt, og er það alvanalegt
að þegar ræturnar heim eru sterkar
kemur það greinilega fram við mik-
ilvægar athafnir.
Eins og af þessu má sjá þá em
siðir og venjur afar sterkur hluti
brúðkaups hér en sveigjanleiki er
innan marka hefðanna. Það sem
ég hef þó heyrt og hlerað hjá vinum
og kunningjum er að flestir vilja
uppfylla óskir brúðhjónanna og að
dagurinn verði þeim eftirminnilegur
í ævilöngu hamingjusömu hjóna-
bandi.
Heimildir: Emily Post’s Complete Book of
Wedding Etiquette. Wedding Etiquette.
Margrét Arnar, vinir og kunningjar.
onandi brúðh
Mörkinni 3, sími 588 0640,
fax
netfang casa®treknet.is