Morgunblaðið - 21.08.1997, Blaðsíða 2

2 C FIMMTUDAGUR 21. ÁGÚST 1997
MORGUNBLAÐIÐ
ÍÞRÓTTIR
FRJALSIÞROTTIR / NORÐURLANDAMOT OLDUNGA
Verðlaunum
sópað saman
Alls tóku 19 íslenskir frjáls-
íþróttamenn þátt í Norður-
landamóti öldunga í Lilleström um
síðustu helgi og hafa þeir aldrei
verið fleiri. Komu þeir heim með
27 verðlaunapeninga, einnig þeir
hafa aldrei verið fleiri. Gullin voru
6, silfrin 17 og bronsverðlaunin 4.
Flest hafa verðlaunin verið 18 á
einu mþti hingað til. Einnig voru
sett 9 íslandsmet.
Jón Oddsson sigraði í langstökki
í flokki 35 til 39 ára, stökk 6,99
m, og hann sigraði einnig í þrí-
stökki, stökk lengst 14,44 m og
hafði nokkra yfirburði. Þá varð
hann annar í 100 m hlaupi á 11,53
sek. Daníel Smári Guðmundsson
tók þátt í 3.000 m hindrunarhlaupi
í sama flokki og varð annar á
9.47,35 mín., sem er Islandsmet.
Daníel náði einnig öðru sæti í
10.000 m hlaupi á 34.32,29 mín.
í flokki 40 til 44 ára tók Sigurð-
ur Pétur Sigmundsson þátt í þrem-
ur greinum og setti íslandsmet í
tveimur þeirra. Hann varð annar á
meti í 1.500 m hlaupi 4.25,06 mín.,
og einnig í 10.000 m hlaupi á
36.08,11 mín., sem jafnframt er
íslandsmet. Þá varð hann í 4. sæti
í 5.000 m hlaupi á 16.33,95 mín.
Birgir Sveinsson keppti í 5.000
og 10.000 m í flokki 50 til 54 ára
og varð í 2. sæti í báðum greinum.
Styttra hlaupið fór hann á 18.29,05
mín., en það lengra á 38.28,71
mín., en það er íslandsmet í aldurs-
flokknum. Trausti Sveinbjörnsson
var einnig á meðal keppenda í þess-
um aldursflokki og varð annar í
100 m grindahlaupi á 16,82 sek.
og einnig í 300 m grindahlaupi á
45,68 sek., sem er íslandsmet. í
200 m hlaupi varð hann annar á
27,02 sek. Jón Ögmundsson var
þriðji keppandi íslands í þessum
flokki en hann varð í 4. sæti í
sleggjukasti með kast upp á 42,68.
Jón H. Magnússon varð í öðru
sæti í sleggjukasti í flokki 60 til
64 ára, kastaði 45,66 m og Björn
Jóhannsson varð þriðji með 43,80
m. Guðmundur Hallgrímsson
hreppti annað sæti í 400 m hlaupi
í þessum flokki, hljóp á 63,49 sek.
Einnig varð hann í 5. sæti í 200 m
hlaupi á 27,87 sek., en í undanrás-
um hljóp hann á 27,68. Síðast en
ekki síst náði hann 5. sæti í 100 m
hlaupi á 13,58. í sama aldursflokki
varð Bogi Sigurðsson í 11. sæti í
kringlukasti með 39,68 m.
Karl Torfason gerði sér lítið fyrir
og sigraði í langstökki í flokki 65
til 69 ára, stökk 4,57 m og varð
annar í þrístökki með 9,71 m, sem
er íslandsmet. Þórður B. Sigurðsson
hafnaði í 5. sæti í sleggjukasti er
hann kastaði 33,84 m. Olafur Þórð-
areon hreppti 7. sæti í kringlukasti
með 35,56 m og hafnaði í 5. sæti í
kúluvarpi með 10,40 m. Sigurður
Haraldsson tók einnig þátt í þessum
aldursflokki 65 til 69 ára og varð í
12. sæti í kringlukasti með 28,54 m.
Haraldur Þórðarson keppti í 80
til 84 ára flokki og varð í 4. sæti
í kúluvarpi, varpaði 7,50 m, sem
er íslandsmet.
Ámý Heiðarsdóttir, sem á dög-
unum varð í öðru sæti í þrístökki á
heimsmeistaramóti öldunga, keppti
í langstökki á Norðurlandamótinu í
flokki 40 til 44 ára. Hún varð í
öðru sæti með 4,60 m en gat ekki
lokið keppni vegna meiðsla, en hún
varð fyrir því óláni að slíta hásin á
vinstri fæti. Þar af leiðandi varð hún
að hætta við þátttöku í þrístökki. í
sama aldursflokki kvenna keppti
einnig Hrönn Edvinsdóttir í spjót-
kasti og varð í 2. sæti með 27,52
m. í sama sæti varð hún í kringlu-
kasti, kastaði 26,28 m og hreppti
þriðja sæti í kúluvarpi er hún varp-
aði 8,22 m. Hrönn tók einnig þátt
í sleggjukasti og varð fimmta í röð-
inni með 21,46 m.
Helga Björnsdóttir varð Norður-
landsmeistari í 800 m hlaupi í flokki
45 til 49 ára á tímanum 2.33,71
mín. Þá hlaut hún silfurverðlaun í
1.500 m hlaupi átímanum 5.11,53.
í aldursflokki 50 til 54 ára
kvenna sigraði Anna Magnúsdóttir
í spjótkasti með 25,22 m, sem er
íslandsmet, en hún setti einnig met
í kúluvarpi er hún sigraði og varp-
aði 10,57 m. Þá varð hún önnur í
kringlukasti með 23,92 m og í 3.
sæti í sleggjukasti með 22,68 m.
KEPPENDUR íslands sem gerðu það gott á Norðurlandamóti öldunga í Noregi sl. helgi. Efsta
röð f.w.: Daníel Smári Guðmundsson, Ingibjörg Júlíusdóttir, Jón Oddsson, Þórður B. Sigurðs-
son, Trausti Sveinbjörnsson, Sigurður Pétur Sigmundsson, Jón Ögmundur Þórðarson. Miðröð
f.v.: Bogi Sigurðsson, Haraldur Þórðarson, Karl Torfason, Ólafur J. Þórðarson, formaður öld-
ungaráðs FRÍ, Birgir Sveinsson, Lilja Guðmundsdóttir, Hrönn Edvinsdóttir. Fremsta röð f.v.:
Sigurður Haraldsson, Guðmundur Hallgrímsson, Jón H. Magnússon, Björn Jóhannsson, Þórður
Árni Jónsson, sonur Jóns Ögmundssonar, Helga Björnsdóttir, Anna Magnúsdóttir. Á myndina
vantar Árnýju Heiðarsdóttur.
Skautahöll í Laugardal
í VIKUBYRJUN undirrituðu
íþróttabandalag Reykjavíkur og
ístak hf. samning um byggingu
skautahallar í Laugardal og er
gert ráð fyrir að mannvirkið
verði afhent 25. febrúar á næsta
ári. Þá er áætlað að verkinu verði
lokið nema þeim þáttum sem
hagkvæmara þykir að vinna að
sumarlagi.
Heildarstærð hallarinnar
verður 3.277 fermetrar, þar af
verður skautasvellið um 1.800
fermetrar. Húsið á að gegna
jafnt þörfum til almennrar
skautaiðkunar og æfinga og
keppni skautafélaganna. Stefnt
er að því að framkvæmdir trufli
sem minnst æfingar og gert ráð
fyrir að almenningur komist inn
um áramót. í húsinu, sem verður
fyrsta sinnar tegundar á íslandi
og tengist núverandi byggingu,
er m.a. gert ráð fyrir veitinga-
sal, skógeymslu og búningsklef-
um fyrir íþróttafélögin.
Rými verður fyrir 600 áhorf-
endur í sæti eða 1.000 í stæði.
Samningsfjárhæðin er 180 millj.
kr. og heildarbyggingarkostnað-
ur er áætlaður 190 millj. króna.
Myndin er frá undirritun samn-
Morgunblaðid/Ásdís
ingsins. F.v.: Krislján Örn Ingi-
bergsson, gjaldkeri IBR, Reynir
Ragnarsson, formaður ÍBR, Páll
Sigurjónsson, foi’stjóri ístaks, og
Jónas Frímannsson frá Istaki.
MANNVIRKI
STYRKIR H ÞOLFIMI
Samningar
við félög
í Sandgerði
Cyrir skömmu voru undirritaðir
■ nýir samstarfssamningar
Sandgerðisbæjar við Golfklúbb
Sandgerðis og Knattspyrnufélagið
Reyni og gilda þeir frá ársbyijun
líðandi árs til ársioka 1999 en má
endurskoða fyrir 1. október ár
hvert.
Upphæðir starfsstyrkja eru
ákveðnar í fjárhagsáætlun hvers
árs og fær golfklúbburinn 230.000
kr. í ár en knattspyrnufélagið
1.760.000 kr.
Bæjarsjóður greiðir laun
tveggja unglinga á svæðum, í hús-
um eða við þjálfun hjá félögunum
1. júní til 31. ágúst á hveiju ári
samningsins.
Þá eru í gildi samningar við
félögin um uppbyggingu íþrótta-
svæða þeirra. Skuldbindingarnar
ná til 1999 og er hlutur Sand-
gerðisbæjar 15 millj. kr. hjá golf-
klúbbnum en 45 millj. kr. hjá
Reyni.
HALLDÓR Jóhannsson þolfimimaður á fleygiferð.
Halldór í
fjórðasæti
í Finnlandi
Halldór Jóhannsson, þolfimi-
kappi úr Ármanni, varð í 4.
sæti þar sem 6 kepptu í þolfimi-
keppni á heimsleikum í fimleikum
sem fram fór í Finnlandi á dögun-
um. Á leikunum var keppt í ýmsum
greinum fimleika sem ekki eru
keppnisgreinar á Ólympíuleikum.
„Ég var nærri þriðja sætinu en
ég fékk 0,5 í frádrátt fyrir jan-
fvægisæfingar sem kostaði mig
sætið,“ sagði Halldór, sem fékk
13,75 í einkunn, en sigurvegarinn,
sem er frá Búlgaríu, fékk 17,20.
Halldór sagði mótið hafa verið
sterkt og m.a. hefði sá er hafnaði
í þriðja sæti verið í áttunda sæti
á heimsmeistaramótinu í Ástralíu
í vor. Þá varð Halldór í 15. sæti.
„Það var súrt að ná ekki lengra.
Vera má að meiðslin sem ég lenti
í um mánaðamótin júní-júli hafi
spilað inn í en það þýðir ekki af-
saka sig með þeim. Árangurinn
hjá mér er skref í rétta átt, reynsl-
an er dýrmæt og ég verð bara að
halda áfram að fara út og keppa."
Halldór, sem er 26 ára þolfimi-
kennari, stefnir næst á þátttöku á
breska meistaramótinu í lok októ-
ber þar sem hann hefur fengið boð
um að keppa sem gestur. I fram-
haldi af því hyggst hann fara til
S-Kóreu á sterkt mót í byijun nóv-
ember. Þar verða peningaverðlaun
veitt fyrir efstu sætin.