Morgunblaðið - 07.05.1998, Síða 8

KNATTSPYRNA
Landsliðsmaðurinn Guðni Bergsson í samstarf með helstu mótherjunum
Stofnuðu trygginga
miðlunarfýrirtæki
Mótherjar
verða
samherjar
ÞRÍR þekktir knatt-
spyrnumenn í þremur lið-
um ensku úrvalsdeildar-
innar stofnuðu fyrir
skömmu tryggingamiðl-
unarfyrirtækið Profile
með aðsetur i London.
Mótherjarnir eru því
orðnir samherjar og ekki
ber á öðru en þeir séu
ánægðir með samvinn-
una. Á myndinni eru frá
vinstri enski lands-
liðsmiðherjinn lan Wright
hjá Englandsmeisturum
Arsenal með konu sinni
Deborah Wright, enski
landsliðsmiðherjlnn Les
Ferdinand hjá Tottenham,
Melanie Burns, fram-
kvæmdastjóri fyrirtækis-
ins, og íslenski landsliðs-
maðurinn Guðni Bergs-
son, fyrirliði Bolton.
FYRIR skömmu stofnuðu fjórir
einstaklingar tryggingamiðlun-
arfyrirtækið Profile með aðsetur í
London á Englandi. Athygli vekur
að í hópnum eru þrír þekktir lands-
liðsmenn í knattspyrnu; enski
markakóngurinn og landsliðsmaður-
inn Ian Wright hjá nýkrýndum Eng-
landsmeisturum Arsenal, enski
landsliðsmiðherjinn Les Ferdinand
hjá Tottenham og landsleikjahæsti
leikmaður Islands, Guðni Bergsson,
fyrirliði Bolton.
Miklir möguleikar
Spurður um stofnun fyrirtækisins
sagði Guðni að hugmyndin hefði
fæðst hjá framkvæmdastjóra fyrir-
tækisins en hann, Wright og Ferdin-
and fallið fyrir henni.
„Melanie Burns, framkvæmda-
stjóri Profile, starfaði fyrir annað
tryggingamiðlunarfyrirtæki, sem
meðal annars þjónustaði knatt-
spyrnumenn,“ sagði Guðni um að-
dragandann. „Hún hafði séð um
tryggingamál okkar til nokkurra ára
og fékk þá hugmynd að stofna eigið
fyrirtæki. Hún hefur unnið lengi á
þessum vettvangi, sá ýmsa nýja
möguleika, hvað betur mætti gera og
orðaði hugmyndina við okkur. Málið
þróaðist og svo fór að við þrír kom-
um inn sem hluthafar með henni,
fyrirtækið var stofnað og eigum við
fjögur öll jafnan hlut.“
Gaman að vinna saman
Vagga knattspyrnunnar er á
Englandi og að flestra mati er bar-
áttan í íþróttinni hvergi meiri en í
ensku deildakeppninni. Hún hefur
líka meira aðdráttarafl en keppni í
öðrum löndum, veltan er gífurleg og
liðin stjörnum prýdd. Mikið er í húfí
og skiljanlega eru mótherjar ekki
bestu vinir í leik, allra síst varnar-
menn og sóknarmenn. Því er um-
rædd samvinna sérstaklega athygli-
verð.
„Það er rétt, það er nokkuð
skemmtilegt að vera kominn í við-
skiptasamvinnu með þessum mönn-
um sem ég hef leikið á móti undan-
farin ár. Ferdinand er mjög öflugur
og mikið þarf fyrir honum að hafa.
Hann er geysilega fljótur, kröftugur
og sterkur skallamaður. Ian Wright
er heldur enginn aukvisi eins og
menn vita, mikill markaskorari og
erfíður andstæðingur eins og
Ferdinand. Enginn er annars bróðir
í leik og við höfum ekkert gefíð eftir í
baráttunni en það er ágætt að við
getum unnið saman í viðskiptunum."
Lögfræðin að
skila sér
Guðni er lögfræðingur að mennt
og einn fárra háskólamenntaðra leik-
manna i ensku úrvalsdeildinni. Hann
sagði að senn liði að því að hann
kæmist á aldur í fótboltanum og þá
mætti gera ráð fyrir að lögfræðistörf
tækju við en þessi fyrirtækjarekstur
væri góð undirstaða.
„Það fer að styttast í að knatt-
spymuferlinum ljúki og ég hef hugs-
að mér að nýta lögfræðinámið. Eg á
Atvinnumenn í íþróttum eru ekki þekktir
fyrir að standa jafnframt í viðamiklum fyr-
irtækjarekstri. Landsliðsmaðurinn Guðni
Bergsson er undantekning og því ræddi
Steinþór Guðbjartsson við hann í tilefni
þess að hann hefur stofnað tryggingamiðl-
unarfyrirtæki með tveimur enskum lands-
liðsmönnum í knattspyrnu.
von á að starfa sem lögfræðingur á
íslandi þegar þar að kemur en þetta
er byrjunin."
Lokaritgerð Guðna, sem hann
lagði fram fyrir ári, fjallaði um fé-
lagaskiptareglur á íslandi og
Englandi, hvort þær hafi staðist og
standist íslenskar, enskar og evr-
ópskar lagareglur, og sagði hann að
hún ætti eftir að nýtast sér í starfi.
„Til þessa hafa félögin átt rétt á
gjaldi fyrir leikmenn eftir að samn-
ingi þeirra hefur lokið. Auðvitað er
þetta allt mun smærra í sniðum
heima en engu að síður hafa félögin
átt rétt á ákveðnu gjaldi fyrir leik-
menn, sem skipta um félag innan-
lands. Sama hefur átt við innan Eng-
lands nema nú hefur reglunum verið
breytt þannig að séu leikmenn orðn-
ir 24 ára eiga þeir rétt á frjálsri sölu.
Þegar ég skrifaði ritgerðina átti það
ekki við en ég benti á að reglurnar
stæðust hvorki ensk lög né evrópsk-
an rétt. Ég velti þessum reglum fyr-
ir mér og það er aldrei að vita nema
vinnan nýtist í framtíðinni. Vel má
vera að ég eigi eftir að standa í um-
boðsmennsku fyrir leikmenn og þá
getur þetta hjálpað.“
Guðni sagði að hann ætlaði að
koma efni ritgerðarinnar til skila á
Englandi í sumar. „Það hefur verið í
bígerð að setja saman grein á ensku
en í sumar eiga umræddar breytingar
varðandi 24 ára leikmenn og eldri að
koma til framkvæmda. Ég hef hugsað
mér að velta þessum málum upp og
benda á að þessi réttur eigi tvímæla-
laust að ná líka til yngri leikmanna.
Reglur á samkeppnissviði Evrópu-
réttarins og enskar lagareglur benda
tvímælalaust til þess að menn eiga
rétt á því að vera lausir allra mála frá
atvinnuveitanda eftir að samningi
lýkur og annað viðgengst hvergi
nema í íþróttaheiminum."
Horft til íslands
úr Tottenhamhverfi
Profile er í Trafalgar House,
Grenville Place, Miil Hill, sem er
skammt frá æfingasvæði Tottenham
í London. Það minnir á að Guðni hóf
ferilinn á Englandi hjá Tottenham
og ætla mætti að hann hefði hug á að
fara þangað aftur en slíkt er ekki á
döfinni enda Guðni nýbúinn að gera
samning við Bolton til þriggja ára.
„Fyrirtækið sem framkvæmda-
stjórinn okkar starfaði hjá, var á
þessum slóðum og þjónustaði þó
nokkuð marga leikmenn Tottenham.
Tottenham hefur mikið fylgi í þessu
hverfi og Melanie Burns er þarna
öllum hnútum kunnug en við þre-
menningamir komum mest lítið ná-
lægt rekstrinum - hún rekur fyrir-
tækið ásamt nokkrum starfsmönn-
um.“
Að sögn Guðna sérhæfir Profile
sig í útvegun hagstæðra trygginga
fyrir einstaklinga og fyrirtæki og
þar sem það hefur greiðan aðgang að
víðtækum tryggingamarkaði Lund-
úna er hugmyndin m.a. að kanna
hvort grundvöllur sé fyrir því að
bjóða íslenskum fyrirtækjum og ein-
staklingum þjónustu fyrirtækisins.
„Ég veit að fyrir eru fyrirtæki á
þessu sviði og markaðurinn er lítill
og sérhæfður en allt hefur opnast
með Evrópska efnahagssvæðinu og
við gerum okkur vonir um að hægt
sé að finna flöt á starfsemi fyrirtæk-
isins á íslandi. Framtak Félags ís-
lenskra bifreiðaeigenda, FÍB, í bíla-
tryggingum hefur sýnt að hvers kon-
ar samkeppni er yfirleitt til góðs
heima á litla markaðinum á Islandi."