Morgunblaðið - 29.09.1999, Qupperneq 4

4 MIÐVIKUDAGUR 29. SEPTEMBER 1999
MORGUNBLAÐIÐ
FRÉTTIR
Landsvirkjun með æfíngu til að búa sig undir 2000-vandann
Raforkukerfið fært aft-
ur um rúma tvo áratugi
LANDSVIRKJUN efndi frá hádegi
og til klukkan 17 í gær til æfingar í
því skyni að búa sig undir áramót
og hugsanleg vandkvæði af völdum
2000-vandans. Boðleiðir innan fyrir-
tækisins voru reyndar og raforku-
kerfi Landsvirkjunar stýrt án að-
stoðar tölvukerfis í stjómstöð. Þor-
steinn Hilmarsson, upplýsingafull-
trúi Landsvirkjunar, segir flest
benda til að æfingin hafi gengið vel
og að fyrirtækið sé sæmilega búið
undir að mæta næstu áramótum í
tæknilegu tilliti.
„Við létum á það reyna hvort þjálf-
un okkar og viðbúnaður nægðu til
að við gætum starfað við slæmar að-
stæður og má líkja þessu við línu-
dans með öryggisneti," segir hann.
Eftir viku, 5. október næst kom-
andi, verður síðan æfð stýring raf-
orkukerfisins við aðstæður þar sem
fjarskipti eru takmörkuð og koma
þarf boðum á milli með öðrum
hætti, en í æfingunni í gær gátu
menn notast við fjarskiptatæknina.
Stýrt án aðstoðar tölva
„Þeir sem stýra raforkukerfinu í
stjómstöð Landsvirkjunar í
Reykjavík hafa í raun og vem þurft
í dag [gær] að glíma við samsvar-
andi aðstæður og vom við lýði í
kringum 1975 og svipaðar aðferðir
verið viðhafðar við stjómunina. Þeir
hafa ekki haft aðgang að tölvunum
sem stýra kerfínu og orðið að
bregðast við í gegnum fjarskipti til
að halda raforkukerfinu gangandi.
Tölvukerfið hefur þó eftirlitshlut-
verk og sérstakur vaktmaður fylgd-
ist með því og gat gripið inn í ef
eitthvað færi úrskeiðis, því að við
vildum að sjálfsögðu ekki kljást við
2000-vandann þremur mánuðum
fyrir tímann. Við vildum ekki að
lækningin yrði verri en sjúkdómur-
inn. Tölvan hefur hins vegar ekki
þurft að grípa inn í starfsemina,"
segir Þorsteinn.
Kostnaður um 35 millj.
Landsvirkjun hefur frá því í fyiTa
unnið að því að yfirfara og laga bún-
að fyrirtækisins að sögn Þorsteins,
og er búið skipta út nánast öllum
þeim búnaði sem ekki er „aldamóta-
hæfur“. Um er að ræða á annað
þúsund tæki.
Einnig þurfti að gera vemlegar
endurbætur á kerfisráði, þ.e. tölvu-
kerfi stjórnstöðvar sem stýrir raf-
orkukerfinu. Aætlaður kostnaður
við að lagfæra öll kerfi fyrirtækisins
fyrir aldamót, ásamt vinnu við
skráningu, prófanir og viðbúnað,
nemur um 35 milljónum króna.
Stærsti liður í þeirri fjárhæð,.eða
um 20 milljónir króna, er endurnýj-
un hugbúnaðar í tölvukerfi stjórn-
stöðvar.
Eftir er að lagfæra nokkrar sím-
stöðvar, en Þorsteinn kveðst gera
ráð fyrir að vinnu við þær ljúki á
næstu vikum.
Einnig hefur að sögn Þorsteins
verið samin svo kölluð viðbúnaðará-
ætlun, þar sem fram kemur hvernig
starfseminni verður háttað, þurfí
mannshöndin að gi’ípa inn í það ferli
sem yfirleitt er tölvustýrt. Tekið
verður mið af reynslu sem fæst í
kjölfar æfinganna í gær og 5. októ-
ber næst komandi, og viðbúnaðará-
ætlunin lagfærð í samræmi við það
sem þá kemur í ljós. „Að því loknu
teljum við okkur vera til í slaginn,"
segir Þorsteinn.
Leigulínur til
gagnaflutnings
Gjaldskrá
breytist
LANDSSÍMINN mun í vik-
unni kynna nýja gjaldskrá fyr-
h’ leigulínur til gagnaflutnings,
að sögn Olafs Þ. Stephensen,
forstöðumanns upplýsinga- og
kynningarmála Landssímans.
Að sögn Olafs mun breytingin
fela í sér lækkun á lengi’i og
burðarmeiri leiðum og hækkun
á burðarminni línum innan-
bæjar.
Bjöm Davíðsson, hjá Inter-
netþjónustunni Snerpu, hefur
gagnrýnt Landssímann fyrir
seinagang í þessum málum og
í opnu bréfi til Olafs sagðist
hann vera alvarlega að íhuga
að skjóta málinu til Eftirlits-
stofnunar EFTA (ESA) ef
ekki yrði af gjaldskrárbreyt-
ingu um mánaðamótin.
Olafur sagði að unnið hefði
verið að breytingunni í u.þ.b.
ár með Póst- og fjarskipta-
stofnun, sem þjrfti að sam-
þykkja hana.
Morgunblaðið/Sigurgeir Jónasson
Súsanna Georgsdóttir og Magnús Jdnsson eftir að hafa sett upp hring-
ana í gamla veiðikofanum í Elliðaey.
Fjárveiting ríkisstjórnarinnar
1,2 milljónir til
Austur-Tímor
Bað
hans í
Elliðaey
Vestmannaeyjum. Morgunblaðið.
SÚSANNA Georgsdóttir kom
unnusta sínum, Magnúsi Jóns-
syni, heldur betur á óvart um
helgina þegar hún bað hans í
gamla lundaveiðikofanum í EIl-
iðaey. Súsanna kom Magnúsi al-
gjörlega í opna skjöldu með bón-
orði sínu því hann átti von á öllu
öðru en að hitta hana þar, en
hann hugsaði sig ekki lengi um
og sagði að sjálfsögðu já.
Magnús hafði farið í Elliðaey
ásamt félögum sínum til að
ganga frá búnaði Iundaveiði-
manna fyrir veturinn. Súsanna
hafði fengið félaga Magnúsar sér
til aðstoðar við undirbúning bón-
orðsins. Var hún flutt í Elliðaey
án vitundar Magnúsar og var fal-
in þar í gamla veiðikofanum.
Magnús var á meðan sendur til
að sinna frágangi í veiðistöðum
úti á eyju og tína saman hluti
sem í þeim voru. Þegar hann
hafði lokið því og kom aftur í
veiðihúsið báðu félagarnir hann
um að skreppa í gamla kofann til
að sækja öl sem þar væri geymt.
Þar beið Súsanna hans með
kampavín og hringa og bað um
hönd hans þegar hann kom í kof-
ann.
„Þegar ég kom inn í gamla
kofann varð ég að beygja mig,
því það er svo lágt til lofts þar,
og þá sá ég einhverja manneskju
út við vegg sem reyndist vera
Súsanna. Mér brá alveg hrika-
lega þegar ég sá hana, enda átti
ég ekki von á neinum þarna og
allra síst henni. Ég leit því á
hana og stundi upp: Hvað ert þú
að gera hér? Hún rétti mér þá
kampavínsflösku og sagði mér að
opna hana en dró síðan upp
hringana og bað mig að trúlofast
sér. Eg sagði að sjálfsögu já og
þar með var það frágengið,"
sagði Magnús.
Eftir dágóða dvöl í Elliðaey
héldu þau siðan í land og um
kvöldið var trúlofuninni fagnað á
hinu árlega lundaballi bjargveiði-
manna í Eyjum.
RÍKISSTJÓRNIN samþykkti á
fundi sínum í gær tillögu Halldórs
Ásgrímssonar utanríkisráðherra
um að Island greiddi 1,2 milljónir
króna til stuðnings starfsemi Sam-
einuðu þjóðanna á Austur-Tímor.
I tillögu utanríkisráðherra til
ríkisstjórnarinnar, segir m.a. að
íslensk stjórnvöld hafí allt frá
upphafi stutt frelsisbaráttu íbúa
Austur-Tímor, m.a. með stuðningi
við ályktanir um sjálfsákvörðunar-
rétt í samræmi við þjóðarétt og
fyrirtöku málsins á allsherjarþingi
SÞ.
Koma á lögum og reglu
I kjölfar ofbeldisöldunnar sem
átti sér stað eftir að íbúar Austur-
Tímor höfnuðu áframhaldandi
sambandi við Indónesíu í þjóðarat-
kvæðagreiðslu 30. ágúst sl., hafi ör-
yggisráðið ákveðið að verða við
boði nokkurra aðildarríkja um að
senda fjölþjóðahersveit á vettvang.
„Hlutverk fjölþjóðasveitarinn-
ar verður að koma á lögum og
reglu, og verður hún kostuð af
þeim ríkjum sem í henni taka
þátt. Hins vegar verður settur á
stofn sjóður til að gera öðrum
ríkjum kleift að styrkja þetta
verkefni. Gert er ráð fyrir að síð-
ar verði sett á fót hefðbundin
friðargæslusveit SÞ, sem verður
kostuð af öllum aðildarríkjum
eins og almennt tíðkast um þess
háttar verkefni. Með vísan til
mikilvægis þess að hægt verði að
stuðla að friði á Austur-Tímor, og
flóttafólki verði gert kleift að
flytja aftur heim, er lagt til að
ríkisstjórnin veiti sem nemur
einni milljón íslenskra króna til
sjóðs SÞ, sem stofnaður verður til
að kosta fjölþjóðahersveitirnar.
Einnig er óskað eftir því að veitt
verði andvirði 200 þúsund króna
til sjóðs SÞ, til uppbyggingar á
Austur-Tímor,“ segir í tillögunni.
Byggðakvóta úthlutað
Erfítt að komast
hjá óánægju
STJÓRN Byggðastofnunar stað-
festi í gær úthlutun byggðakvóta til
Seyðisfjarðar og Hofsóss en áður
hafði stjómin úthlutað kvóta ísa-
fjarðarbæjar. Nokkur styrr hefur
staðið í sveitarfélögum vegna
byggðakvótans að undanfömu en
stjómarformaður Byggðastofnunar
segir erfitt að komast hjá slíku.
Byggðakvóta Hofsóss var öllum
úthlutað tO fiskvinnslunnar Höfða á
Hofsósi, samtals 114 tonnum. Kvóta
Seyðisíjarðar var hinvegar úthlutað
til tveggja aðila, Strandasíld sf. fékk
úthlutað 57 tonnum en einkahluta-
félagið HAS fékk 10 tonn. Áður
hafði Byggðastofnun úthlutað öllum
byggðakvóta ísafjarðarbæjar til
Þingeyrar, alls 387 tonnum. Sam-
tals hefur því verið úthlutað 568
tonnum af 1.500 tonna byggðakvóta.
Egill Jónsson, formaður stjómar
Byggðastofnunar, segist ánægður
með þessa niðurstöðu. Hann segir
samstöðu hafa ríkt um úthlutunina
á báðum stöðum en kannast þó við
að styrr hafi staðið um byggðakvót-
ann í mörgum sveitarfélögum. „I
báðum þessum tilfellum var sam-
staða um úthlutunina í bæjarfélög-
unum sjálfum og það er okkur mik-
ilvægast. En auðvitað er það svo, að
þegar fleiri vilja en fá, verður ein-
hver óánægja. Ég er hinsvegar
sannfærður um að það sem þegar
hefur verið úthlutað mun skila góð-
um árangri," segir Egill.
Stjórn Byggðastofnunar fundar
aftur 12. október nk. og gerir Egill
ráð fyrir að þá verði hægt að út-
hluta því sem eftir er af byggða-
kvótanum.
Morgunblaðið/Árni Sæberg
Ingvar Júlíus Helgason jarðsunginn
INGVAR Július Helgason for-
stjóri var jarðsunginn í Bústaða-
kirkju í gærdag, en það var séra
Pálmi Matthfasson sem jarðsöng.
Þeir sem bám kistuna voru:
Agnar J. Levy, Jóhann Egilsson,
Kristján J. Ágústsson, Lárus
Helgason, Gunnar Hauksson, Jó-
hann Guðjónsson, Jakob Möller
og Markús Möller.
Ingvar var jarðsettur í Foss-
vogskirkjugarði.