Morgunblaðið - 01.08.2000, Blaðsíða 12

ÍHmtR
Staffan Johannsson, landsliðsþjálfari íslands, eftir NM í Eyjum
Komið að því að byggja
upp yngra landslið

Morgunblaðið/Sigfús G. Guðmundss
Landsliðsþjálfarinn Staffan Johannsson og Ómar Halldórsson þungir á brún.
STAFFAN Johannsson lands-
liðsþjálfari íslands stjórnaði
liðunum í fyrsta sinn á móti.
Þegar hann tók við landsliðs-
þjálfara starfinu í janúar sagð-
ist hann stefna að sigri í báð-
um flokkum. Hann segist
þokkalega sáttur við annað
sætið hjá stúlkunum en mjög
ósáttur við árangur karla-
landsliðsins.
Auðvitað er ég allt annað en
ánægður með árangurinn. Við
settum okkur markmið og vissum að
Þau vaeru háleit,
Skúli Unnar enda Sett fjTSt 0g
Sveinsson fremst til að hafa að
skrífar einhverju góðu að
stefna að og til að
hvetja kylfinga til að leggja hart að
sér við æfingar. Einnig var þetta
. markmið sett vegna þess að ég hélt,
og held enn, að við höfum lið sem
getur orðið Norðurlandameistari,
sérstaklega þar sem við vorum á
heimavelli. Stúlkumar léku ágæt-
lega, Ragnhildur lék best allra í
höggleiknum og þær Herborg og
Ólöf María voru með besta skorið í
fjórleiknum.
Hvað karlaliðið varðar þá stóð
Þorsteinn sig frábærlega. Það var
mikil pressa á honum enda á heima-
velli og allir ætluðust til þess að hann
léki vel vegna þess. Hann stóð sig
frábærlega, leiddi aðra áfram og
stóð sig mjög vel, líka í fjórleiknum
og fjórmenningnum þar sem hann og
Öm Ævar léku frábæran hring.“
Hefur þú einhverja skýringu á
hvers vegna strákamir léku ekki
betur en raun ber vitni?
„Ekki í fljótu bragði. Ef til vill hef
ég lagt of ríka áherslu á æfingar hjá
krökkunum, ég veit það ekki alveg,
en mér finnst sem þau séu ekki í eins
góðri æfingu og þau vora fyrir mán-
uði síðan en þá léku þau mjög vel og í
æfingahringjunum léku þau miklu
betur en í mótinu, Ólöf María lék
léttilega á 69 höggum og strákarnir
vora fjóra til fimm undir pari. En
þrátt fyrir að völlurinn væri settur
upp eftir okkar óskum náðum við
ekld að sýna það sem við getum. Mér
finnst að undirbúningurinn hafi ver-
ið góður en ef til vill höfum við stefnt
of ákveðið á þetta mót og að sigra á
því.
Sé það skýringin þá er það mín
sök. Mér sýnist líka að strákarnir
hafi verið að gera einfalda hluti of
flókna og það er oft þannig í mótum.
Við svona aðstæður og í svona veðri
á að vera auðvelt að skora betur.
Hitta braut í upphafshöggi, slá síðan
inn á miðja flöt og þá er gott færi á
góðu skori.
Það er tvennt sem við verðum að
laga. Auðveld há og stutt högg þarf
að fínpússa. Einnig þarf að laga upp-
hafshögginn þannig að menn slái
beint af augum í stað þess að draga
eða slæva (fade) aðeins. I alþjóðleg-
um mótum er mikilvægt að geta
slegið þessi einföldu beinu högg,
gera leikinn ekki flóknari en hann í
raun og veru er.
Strákarnir voru einbeittir og
ákveðnir en síðan virðist sem þeir
missi einbeitinguna þegar þeir ná
ekki að skora eins og þeir vilja og
hafa getu til. Við hefðum til dæmis
öragglega ekki orðið í neðsta sæti ef
þrír af strákunum hefðu ekki slegið
út af á sextándu braut. Við töpum
ótrúlega mörgum höggum á síðustu
holunum, alla dagana og það þarf að
athuga ástæður þess betur.
Við vissum að það yrði erfitt að
sigra í mótinu, en ég var alveg sann-
færður um það, meira að segja um
miðjan dag í dag, að við myndum
vinna til verðlauna og ef það hefði
náðst hefði ég í raun verið ánægður,11
sagði landsliðsþjálfarinn.
Liðið er nokkru yngra en það hef-
ur oft verið. Björgvin og Þorsteinn
hafa mikla reynslu og Þorsteinn lék
manna best hér. Munt þú íhuga að
velja eldri ogreyndari menn næst?
„Þorsteinn á skilið mildð lof fyrir
hvernig hann spilaði. Ég held að
hann viti hvemig ég hugsa mér að
byggja upp landsliðið. Hann æfir
ekki eins mikið og hann þyrfti að
gera. Hann féll mjög vel inn í þetta
lið og stóð sig frábærlega. Ég er ekki
enn búinn að tilkynna hverjir leika á
heimsmeistaramótinu, en það verður
breyting á liðinu. HM er ekki eins
mikil liðakeppni og ég þekki völlinn
sem á að leika á og þar þurfum við
menn sem geta slegið langt og beint.
Ég hef mikla trú á því að menn
setji sér markmið og vinni síðan
skipulega að því að ná þeim. Ég hef
aldrei aðhyllst þá stefnu að íþrótta-
menn eigi rétt á að fara á einhver
ákveðin mót. Þetta er oft áberandi í
kringum Ólympíuleika, þá finnst
mörgum íþróttamönnum að þeir hafi
einhvern rétt á að vera á slíkum leik-
um. Menn kaupa sér ekki miða á
Ólympíuleika, menn æfa vel og sam-
viskusamlega og ná settum mark-
miðum. Það er ekki til nein auðveld
leið til að komast í landslið og á stór-
mót. Ég er mjög hreykinn af því
hvemig strákarnir nálguðust verk-
efnið, þeir vora einbeittir og ákveðn-
ir, en því miður léku þeir ekki nógu
vel og í svona mótum þarf smá
heppni og hún var einhvers staðar
víðs fjarri að þessu sinni.
Ég stefni að því að byggja upp
nýtt íslenskt hð með mönnum sem
æfa af krafti og mér sýnist að það
verði skipað heldur yngri strákum
en við höfum núna. Þetta var fyrsta
reynsla mín af íslenskum kylfingum í
móti og ég reyndi að segja krökkun-
úm aðeins til og ég lærði mjög mikið
af þessu. í haust ætla ég að byrja
nýtt tímabil fyrir næstu tvö árin og
setja okkur ný marmið. Vonandi
tekst mér að halda því góða í liðinu
og finna leið til að bæta það sem mið-
ur fór. Það má segja að þetta Hð hafi
verið blanda yngri kylfinga og eldri
og reyndari en ég ætla að byggja
meira á yngri mönnum í framtíðinni.
Það verður að byrja einvers staðar
og nú er komið að þeim tímapunkti.
Ég er ekki búinn að vera hér lengi,
en mér sýnist samt að íslendingar
séu talverðir einstaklingshyggju-
menn í sér. Þetta er kanski rangt hjá
mér, en mér sýnist þetta. Fyrir
keppnina var rosalega góður liðsandi
í hópnum, þau hittust heima hjá
Björgvini og borðuðu saman og allt.
í mótinu sjálfu virtist mér samt að
þeir ættu í vandræðum með að tala
saman og vinna nógu vel saman.
Okkar lið er talsvert eldra en lið
hinna Norðurlandanna og þar er
verið að byggja skipulega upp. Ég
veit við höfum ekki eins mikla breidd
og hinar þjóðimar en ég trúi að það
sé rétta leiðin að byggja upp frá
granni. Það era margir golfkennarar
að vinna gott starf og það er mjög
mikilvægt að krökkum sé kennt rétt
frá upphafi því það er erfitt og tíma-
frekt að breyta sveiflunni hjá þeim
þegar þau eldast. Einnig þurfum við
að koma krökkunum okkar í skóla
þar sem þau læra meira. Margir
Skandinavar era í góðum skólum í
Bandaríkjunum og taka miklum
framföram, en íslensku krakkarnir
hafa verið að fara í skóla í Banda-
ríkjunum þar sem aðaláherslan er á
að spila sem mest,“ sagði landsliðs-
þjálfari íslands.
■ ÁRANGUR Ragnhildar Sigurð-
ardóttur á laugardaginn, þegar
hún lék völlinn á parinu er nýtt
vallarmet af bláum teigum. Vallar-
met Birgis Leifs Hafþórssonar af
hvítum teigum hélt hins vegar en
hann lék völlinn einu sinni á 64
höggum.
■ GOLFSAMBAND íslands hefur
sótt um Landssímalóðina svo-
nefndu í Laugardalnum.
Fái sambandið lóðina er hug-
myndin að byggja þar aðstöðu
þannig að hægt sé að æfa inni auk
þess sem komið yrði þar upp pútt-
velli fyrir gesti og gangandi.
■ JULIUS Hallgrímsson var
kylfusveinn Þorsteins bróður síns
í mótinu og stóð sig mjög vel að
sögn Þorsteins. „Hann var sko
miklu betri en enginn,“ sagði Þor-
steinn um bróður sinn.
■ VERÐLA UNAGRIPIRNIR vora
glæsilegir. Allir keppendur fengu
stein með merki mótsins til minn-
ingar um það og liðunum var af-
hent mynd af liðinu. Liðin sem
unnu tÚ verðlauna fengu verð-
launapening og uppstoppaðan
lunda á hraunmola.
■ ÞAÐ vakti óneitanlga athygli að
sænskir þjálfarar eru með öllum
Norðurlandaliðunum nema því
finnska, þar voru aðeins heima-
menn á ferð.
■ ÞEGAR keppendur höfðu lokið
leik á laugardaginn skiluðu þeir
skorkortum sínum í þjóðhátíðar-
tjaldi við síðustu flötina og fengu
síðan reyktan lunda og smjörklípu
til að gæða sér á. Undirtektimar
voru misjafnar en Line Berg,
norsk stúlka, var með þetta alveg
á hreinu: „Lundinn er allt of sæt-
ur til að ég geti borðað hann,“
sagði hún.
■ ISLENDINGAR eignuðust ekki
Norðurlandameistara í golfi í Eyj-
um en Hörður Þorsteinsson,
framkvæmdastjóri GSÍ, sigraði
hins vegar á NM móti fram-
kvæmdastjóra sambandanna sem
haldið var í Danmörku í maí.
■ SÉRSTAKT atvik gerðist á
sjöttu holu á laugardaginn. Her-
borg Amarsdóttir, Mette Buus
frá Danmörku og Sofia Renell frá
Svíþjóð vora saman í ráshóp.
Upphafshögg þeirra lentu öll á
sama stað og boltarnir lágu svo
þétt að Herborg varð að merkja
sinn bolta og taka hann upp með-
an hinar slógu.
■ GUÐMUNDUR Ingi Einarsson
úr GSS á Sauðárkróki, er stiga-
meistari unglinga 1999 en ekki
Gunnar Þór Gunnarsson úr GKG
eins og sagt var í laugardagsblað-
inu. Gunnar Þór hóf keppni á
Daug Sanders golfmótinu í gær
og lýkur keppni á morgun.
Hátt skor
SKOR stúlknanna á NM í Eyjum kom á óvart, það er að segja
hversu hátt það var. Völiurinn var eins góður og hann getur
orðið, veðrið sömuleiðis og því hefði mátt vænta betra skors.
Par Ragnhildar var besta skor dagsins og lakasta skorið átti
sænska stúlkan Anna Tybring, 83 högg, eða 13 höggum yfir
pari.
Meðalskorið hjá stúlkunum var 77,55 högg sem getur varla
talist gott hjá landsliðsfólki við þær aðstæður sem voru á laug-
ardaginn.
Hjá körlum var heldur betra skor og í raun allt í lagi. Norð-
maðurinn Daniel Gallahen átti lægsta skor dagsins, 66 högg
eða fjórum undir pari, en hæsta skor dagsins áttu Daninn Jesp-
er Fuglsang og Ómar Halldórsson en þeir léku báðir á 79 högg-
um og voru saman í ráshóp. Sjö leikmenn léku undir pari og
aðrir sjö á pari þannig að í heiidina má segja að flestir hafi
leikið ágætlega. Meðalskor karlanna var 71,67 högg.