Morgunblaðið - 02.09.2000, Blaðsíða 1

BLAÐ ALLRA LANDSMANNA
2000
■ LAUGARDAGUR 2. SEPTEMBER
BLAÐ
Draumahögg
Jóns í Þýskalandi
JÓN G. Pétursson, kylfíngur úr Golfklúbbi
Reykjavíkur, fór holu í höggi í annað skipti
á ævinni þear hann var í Þýskalandi á
fímmtudaginn. Jón var á heimleið úr golf-
ferð til Tékklands en hópurinn kom við í
Frankfurt og fór á völl Bayeruth-golfklúbbs-
ins með beðið var eftir flugi heim.
Jón náði þar draumahögginu á par þrjú
holu á 18. braut vallarins en áður vann hann
þetta afrek á Grindavíkurvelli fyrir fímm ár-
um. Með þessu var ferðin innsigluð því þetta
var síðasta högg Jóns fyrir heimferðina. við
fögnuð samferðarmanna eins og nærri má
geta.Auðvelt var fyrir hann að fá staðfest-
ingu því formaður Einherjaklúbbsins, Kjart-
an L. Pálsson, var sjálfur á staðnum sem far-
arstjóri hópsins.
Morgunblaðið/Arnaldur
Það var nokkur spenna í leikmönnum íslenska landsliðsins á æfingu í gær vegna landsleiksins við Dani sem fram fer kl. 18 í dag á
Laugardalsvelli. Hér má sjá hluta liðsins, Helga Kolviðsson, Tryggva Guðmundsson, Eyjólf Sverrisson, Ólaf Örn Bjarnason og Her-
mann Hreiðarsson, hita upp á æfingu í gær ásamt Atla Eðvaldssyni landsiiðsþjálfara.
Björgvin
lék best
áHM
ÍSLENSKA landsliðið í golfí er í
24. til 26. sæti að loknum öðrum
keppnisdegi á heimsmeistara-
mótinu í golfí. íslandsmeistarinn
Björgvin Sigurbergsson lék best
íslendinganna í dag, eða á 73
höggum, einu yfír pari Faldo-
vallarins í Bad Saarow, en hann
þykir erfíðari en Palmer-
völlurinn sem íslensku landsliðs-
mennirnir léku á fyrsta keppnis-
degi.
Olafur Már Sigurðsson,
klúbbfélagi Björgvins úr Keiii,
lék á 74 höggum líkt og á fyrsta
degi. Helgi Birkir Þórisson lék á
76 höggum, en Örn Ævar Hjart-
arson náði sér ekki á strik og
lék á 77 höggum. Árangur hans
giiti ekki.
íslenska liðið er samtals á tólf
höggum yfír pari eftir tvo
keppnisdaga af fjórum. Þrjátíu
efstu liðin leika á Palmer-
vellinum á morgun. Banda-
ríkjamenn eru efstir á níu högg-
um undir pari, en þeir Iéku sam-
tals á pari í dag. 59 þjóðir taka
þátt í mótinu, sem er stærsta
keppni áhugamanna í golfi.
Helgi valinn í
stað Bvynjars
ATLI Eðvaldsson gerði eina breytingu frá sigurleiknum við Svía fyrir
fyrsta leik íslands í undankeppni HM í knattspyrnu sem er gegn
Dönum á Laugardalsvellinum kl. 18 í kvöld. Hann valdi Helga
Kolviðsson til að leika á miðjunni í stað Brynjars Björns Gunnars-
sonar. Þetta er 17. A-landsleikur á milli (slands og Danmerkur en
samt í fyrsta skipti sem þjóðirnar mætast f undankeppni stórmóts.
Arni Gautur Arason heldur stöðu
sinni sem markvörður Islands
og þar með er reyndasti markvörð-
urinn, Birkir Kristinsson, áfram á
varamannabekknum. Atli sagði í
gærkvöld að Árni Gautur væri til-
búinn til að taka við sem aðalmark-
vörður íslands, hann væri mark-
vörður hjá einu af sterkustu liðum
Evrópu og Birkir væri búinn að
taka að sér það hlutverk að styðja
við bakið á honum og vera til taks
ef með þarf. Um breytinguna á
miðjunni sagði Atli: „Helgi Kolviðs-
son leikur stöðuna mjög agað og
spilar hana með sínu félagsliði er-
lendis á meðan Brynjar leikur þar
sem varnarmaður.11
Byrjunarlið íslands er því þannig
skipað: Árni Gautur Árason er
markvörður. Vamarmenn eru Auð-
un Helgason, Pétur Marteinsson,
Eyjólfur Sverrisson og Hermann
Hreiðarsson. Miðjumenn eru Þórð-
ur Guðjónsson, Rúnar Kristinsson,
Helgi Kolviðsson og Tryggvi Guð-
mundsson og í fremstu víglínu eru
þeir Eiður Smári Guðjohnsen og
Ríkharður Daðason.
Varamenn eru Birkir Kristinsson,
Brynjar Björn Gunnarsson, Arnar
Þór Viðarsson, Heiðar Hélguson,
Helgi Sigurðsson, Ólafur Örn
Bjarnason og Arnar Grétarsson.
Mprgunblaðið fjallar ítarlega um
leik Islands og Danmerkur á blaðs-
íðum B2, B3, B4, B5 og B7. Þar er
meðal annars að finna viðtöl við
Peter Schmeichel, Michael Laudrup
og Atla Eðvaldsson auk þess sem
allar sextán viðureignir íslands og
Danmerkur til þessa eru rifjaðar
upp.
Sigurður
Ragnar hjá
Harelbeke
SIGURÐUR Ragnar Eyjólfsson,
knattspyrnumaður hjá enska 2.
deildarfélaginu Walsall, fer til Bel-
gíu í dag og verður þar til reynslu hjá
úrvalsdeildarliðinu Harelbeke í eina
viku. Ray Graydon, knattspyrnu-
stjóri Walsall, hefur ákveðið að selja
Sigurð þar sem mikið úrval er af
sóknarmönnum hjá félaginu um
þessar mundir og Belgarnir eru til-
búnir til að kaupa hann ef til kemur.
Sigurður Ragnar er 26 ára og hef-
ur leikið með Walsall í hálft annað ár,
bæði í 1. og 2. deild. Walsall, sem féll
naumlega úr 1. deild í vor, hefur
byrjað tímabilið mjög vel, hefur unn-
ið alla fjóra leiki sína og trónir á
toppi 2. deildar. Sigurður Ragnar
hefur ekki fengið tækifæri enn sem
komið er en fyrir tímabilið fékk fé-
lagið tvo sóknarmenn sem hafa verið
mjög atkvæðamiklir og hefur liðið
skorað 13 mörk í leikjunum fjórum.
Harelbeke hafnaði í 14. sæti belg-
ísku úrvalsdeildarinnar á síðasta
tímabili og hefur ekki byrjað vel í
haust, er aðeins með eitt stig eftir
fyrstu þrjá leikina og hefur fengið á
sig ellefu mörk. Félagið hefur verið
undanfarin ár verið um eða fyrir of-
an miðja deild en heldur hallaði und-
an fæti á síðasta tímabili.
KNATTSPYRNA: BETUR MÁ EF DUGA SKAL/B6