Morgunblaðið - 22.09.2000, Síða 1

BIOBLAÐIÐ
FÖSTUDAGUR 22. SEPTEMBER 2000 Á FÖSTUDÖGUM
Unglingastjarna verður alvöruleikari

Makavejev á Reykjavíkurhátíð
rtrtnrlr
sakirfram
JOHN Cusack tilheyrir stórri kvikmyndafjölskyldu og hóf ungur að
árum að leika í bandarískum unglingamyndum. Slíkar myndir
tryggja ekki frama til frambúðar en Cusack hefur smátt og smátt
sannað getu sína sem einn af hæfileikaríkustu leikurum sinnar kyn-
slóðar í Hollywood. Honum er margt fleira til lista lagt, því að hann
skrifar einnig handrit og framleiðir kvikmyndir, eins og
nú má sjá í High Fidelity hér á tjöldum. Arnaldur Indr-
iðason skrifar um feril og frama Johns Cusack.
DusMihimt
#Mrfl
EINN frægasti kvikmyndahöfundur þess svæðis sem kennt er við gömlu
Júgóslavíu, Dusan Makavejev, er einn af gestum Kvikmyndahátíðar í
Reykjavík sem hefst eftir viku. Makavejev hefur áður komið við sögu hátíð-
arinnar, því ein mynda hans, Sweet Movie, olli miklum deilum í fyrsta
skipti sem hún var haldin árið 1978. Makavejev er í hópi merkustu leik-
stjóra sem fengu á sig alþjóðlegt kastljós um og uppúr 1970 og
komst einatt upp á kant við yfirvöld heima fyrir. Arni Þórarins-
son fjallar um Makavejev og feril hans.
Nýtt í bíó
Björk
í Dansar-
anum
• Háskólabíó, Sambíóin Álfabakka
og Nýja bíó Akureyri frumsýna í dag
mynd danska leikstjórans Lars Von
Triers, Dancer in the Dark, með
Björk Guðmundsdóttur í aðalhlut-
verki en sem kunnugt er hlaut hún
Gullpálmann á kvikmyndahátíðinni í
Cannes sl. vor fyrir leik sinn í mynd-
inni. Björk leikur verksmiðjustúlku
sem á við mikla erfiðleika að stríða
en aðrir leikarar í myndinni eru m.a.
Catherine Deneuve og Peter Storm-
are.
Ósýnilegi
maðurinn
• Bandaríska spennumyndin Huldu-
maðurinn eða Hollow Man verður
frumsýnd í Sambíóunum Áifabakka,
Nýja bíói Keflavík, Stjörnubíói,
Laugarásbíói og Borgarbíói Akureyri
í dag. Með aöalhlutverkiö fer Kevin
Bacon. Hann leikur vísindamann er
geturgert sig ósýnilegan og breytist
mjög til hins verra viö það. Elisabeth
Shueier meö aðalkvenhlutverkiö en
leikstjóri er Paul Verhoeven.
Dancer In the Dark frumsýnd á íslandi í dag
Baltasar og aðalleikkonan Victoria Abril: Fytgja þarf
velgengni eftir.
LÍKUR eru á að kvikmynd
Baltasars Kormáks, 101
Reykjavík, muni seljast á er-
lendum bíómarkaði fyrir allt
að 100 milljónir íslenskra
króna. Samningar hafa þeg-
ar verið gerðir um sýningar í
23 löndum af alls um 40 sem
gert hafa tilboð í myndina.
Sem dæmi um frágengna
sölusamninga nefnir Baltas-
ar Kormákur, að 101 Reykja-
vík hafi verið seld til Frakk-
lands fyrir 250 þúsund
dollara þar sem hún verði
sýnd á um 50 tjöldum sam-
tímis. Svipuð upphæð er í
augsýn frá Þýskalandi, það-
an sem þrjú tilboð hafa borist, tvö til-
boð eru í athugun frá Bretlandi, ann-
að upp á sýningar á 5 tjöldum, hitt á
fleirum. Samningum hefur verið lok-
að við t.d. öll lönd Suður- og Mið-
Ameríku, Norðurlöndin, ýmis
Evrópulönd og senn hillir undir sölu
til Kanada og Bandaríkjanna. Mynd-
in verður íyrst frumsýnd í Noregi nú
í nóvember, á 10 tjöldum og þá fylgja
Bretland, Frakkland, Grikkland og
Tékkland í kjölfarið á næstu mánuð-
um.
Þar fyrir utan verður 101 Reykja-
vík sýnd á 26 kvikmyndahátíðum
víða um heim fram að jólum. „Ég
ætla að reyna að þiggja boð á sem
flestar," segir leikstjórinn, „því það
eykur kynninguna ef ekki aðeins
myndin, heldur líka höfundurinn
mætir á staðinn."
101 Reykjavík kostaði, að sögn
Baitasars, um tvær milljónir dollara
og er önnur milljónin á herðum
framleiðenda hérlendis. „Nú stefnir í
að erlend sala muni skila þeirri upp-
hæð til baka og kannski vel það. Mér
er stórlega létt, eins og þeir menn
þekkja sem einhvern tíma hafa
verið með ávísanaheftið sitt í
15 milljóna mínus!“ segir hann.
Næsta kvikmyndaverkefni
Baitasars er Haiið eftir leikriti
Ólafs Hauks Símonarsonar og
hyggst hann sækja um fram-
leiðslustyrk úr Kvikmynda-
sjóði íslands í vetur með tökur
á næsta ári í huga. „Það er
lykilatriði að fá styrk úr sjóðn-
um til að geta haldið áfram,
fylgt þessu eftir, því ég get
kannski gert mér vonir um
gott veður í þessum alþjóðlega
kvikmyndaheimi næstu tvö ár.
Svo gleymist maður og aðrir
koma í staðinn ef ekkert nýtt
birtist."
Sem kunnugt er hefur 101 Reykja-
vík hlaðið á sig verðlaunum og góð-
um dómum erlendis að undanförnu.
„Alltof oft les maður neikvæð skrif
um íslenskar kvikmyndir í blöðum
hér,“ segir Baltasar Kormákur, „og
menn fussa yfir því að opinberu fé
skuli veitt í framleiðslu og markaðs-
setningu á þeim. En íslenskar kvik-
myndir eru þó að vinna nýja mark-
aði. Er hægt að segja það sama um
ríkisstyrkta landbúnaðarfram-
leiðslu?"
Væntanlegt
Grín gerl
að hryll-
ings-
myndum
• Hinn 29. septemberverðurbanda-
ríska gamanmyndin Scary Movie
frumsýnd í Regnboganum, Stjörnu-
bíói, Laugarásbíói og Borgarbíói Ak-
ureyri. í myndinni ergrín gert að ungl-
ingahrollvekjum en leikstjóri er
Keenan Ivory Wayans. Með helstu
hlutverk fara Marlon Wayans,
Shawn Wayans og Shannon Eliza-
beth.
Ford og
Pfeiffer
• Hinn 13. október frumsýna Sam-
bíóin Álfabakka, Stjörnubíó, Regn-
boginn og Borgarbíó Akureyri
spennutryllinn What Lies Beneath
með Harrison Ford og Michelle
Pfeifferí aðalhlutverkum. Leikstjóri
er Robert Zemeckis en myndin segir
frá dularfullum atburðum sem verða
í húsi nokkru ogtengjast fortíö þess
ogfortíð hjónanna sem Ford og
Pfeiffer leika.