Morgunblaðið - 17.10.2000, Page 8

8 B ÞRIÐJUDAGUR17. OKTÓBER 2000
KNATTSPYRNA
MORGUNBLAÐIÐ
Teddy Sheringham kom Manchester United átoppinn á Filbert-stræti
Við byvjuðum vel
og byggðum á því
AP
Teddy Sheringham hleypur fagnandi frá marki Leicester, eftir að hafa skorað fyrrra mark sitt. f
baksýn má sjá Tim Flowers, markvörð Leicester, allt annað en ánægðan.
MANCHESTER United vann
auðveldan sigur á Leicester
City á laugardag þrátt fyrir að
sex leikmenn vantaði í byrjunar-
lið þeirra. Teddy Sheringham
hélt áfram að sýna að hann er í
feiknaformi þessa dagana og
skoraði tvö marka United.
Meistararnir eru því komnir á
toppinn að nýju með 18 stig
ásamt Arsenal sem vann Aston
Villa 1:0 með enn einu úrslita-
markinu frá Thierry Henry.
Leicester datt niður í þriðja
sætið en Leeds blandaði sér
aftur í toppbaráttuna með 3:1
sigri á Charlton.
. laap Stam, David Beckham, Ga-
W ry Neville og Andy Cole léku
ekki með Manchester United sökum
meiðsla og Ryan
■■■■■■■ Giggs og Paul
Iris Björk Scholes hófu leikinn
Eysteinsdóttir á varamannabekkn-
tngtaná um- Leicester byrj-
aði leikinn af nokkr-
um krafti og átti tvö ágætisfæri í
upphafí leiks. Besta færi þeirra
fékk Gary Rowett er hann skaut
rétt framhjá. Stuttu síðar sýndi
Sheringham hvers vegna hann var
'valinn að nýju í enska landsliðið á
dögunum. Hann skoraði glæsilegt
skallamark í stöng og inn og var það
sjötta mark hans á tímabilinu.
Leicester gafst ekki upp og er brot-
ið var á Robbie Savage í teig United
vildu Leicester-menn fá vítaspyrnu
en dómarinn var ekki á sama máli. í
kjölfarið þeysti United upp völlinn
og vann hornspyrnu sem Leicester-
mönnum fannst vera markspyrna.
Sheringham skoraði upp úr því sitt
annað mark í leiknum. Ahangendur
Leicester voru ekki ánægðir því í
staðinn fyrir að fá víti og ná að jafna
leikinn voru þeir nú 2:0 undir. Á
lokamínútu leiksins bætti Ole Gunn-
ar Solskjær þriðja markinu við með
,góðu skoti úr þröngu færi.
„Það var vendipunktur í leiknum
þegar ekki var dæmd vítaspyma. í
íramhaldi af því gerðum við mistök í
hornspyrnunni sem þeir fengu og
það kostaði mark. Ef dæmd hefði
verið markspyrna hefðu þeir ekki
skorað sitt annað mark og leikurinn
hefði þróast allt öðruvísi,“ sagði
Peter Taylor, knattspyrnustjóri
Leicester, í leikslok.
Sheringham var ánægður með
sinn hlut í leiknum. „Við byrjuðum
vel og byggðum á því. Leikaðferð
okkar var góð í fyrri hálfleik og við
náðum að halda þeim niðri. Eftir að
við skoruðum fyrsta markið var
þetta aldrei spurning,“ sagði Sher-
ingham og tók Yorke undir með
honum. „Við vissum hve mikilvægur
þessi leikur var og vorum með
glimrandi sjálfstraust. Við sýndum
enn einu sinni hvers við erum megn-
ugir þegar við virkilega þurfum á
því að halda,“ bætti Yorke við.
Enn sigurmark Henry
Arsenal og Aston Villa mættust í
London í leik þar sem David Ginola
lék ekki með Villa sökum meiðsla.
Leikurinn var fjörugur og bæði lið
virtust líkleg til að skora. Thierry
Henry skoraði enn eitt úrslitamark-
ið fyrir Arsenal er hann skaut bolt-
anum á milli fóta Alpey og kom
David James engum vömum við.
Lee Hendrie, hinn ungi miðjumaður
Villa, fékk gult spjald snemma í
leiknum fyrir munnsöfnuð. Hann
fékk sitt annað gula spjald á 66.
mínútu fyrir peysutog og tók það
dómarann nokkra stund að gera sér
%rein fyrir að þetta væri annað gula
spjald Hendries. Eftir vinsamlega
athugasemd frá Gilles Grimandi leit
dómarinn betur í bækur sínar og að
lokum lyfti hann rauða spjaldinu og
sendi Hendrie útaf sem brást við
með miklum sakleysissvip. „Aston
Villa stóð sig mjög vel í fyrri hálf-
leik. Leikmennirnir voru sprækir
andlega og líkamlega,“ sagði Ars-
ene Wenger, knattspyrnustjóri Ars-
enal, eftir leikinn. „Við þurftum að
setja meiri pressu á þá í seinni hálf-
leik og það tókst og við sköpuðum
okkur fleiri færi. Við erum mjög
ánægðir með þrjú stig úr þessum
leik,“ sagði Wenger brosandi.
Markvörður Leeds meiddist
Leeds hafði tapað fyrir bæði
Manchester City og Ipswich á
heimavelli á þessu tímabili fyrir
leikinn gegn Charlton á laugardag.
Liðið vildi því alls ekki tapa fyrir
þriðju nýliðum deildarinnar. Álan
Smith skoraði fyrsta mark leiksins
með þrumuskoti og Mark Viduka
kom Leeds í 2:0.
Meiðsl hafa reynst Leeds erfið á
tímabilinu og varð liðið fyrir enn
einu áfallinu er Nigel Martyn,
markvörður þeirra, þurfti að fara
meiddur út af í síðari hálfleik. Claus
Jensen minnkaði óvænt muninn fyr-
ir Charlton en Viduka sýndi hvers
megnugur hann er og jók mun
Leeds í 3:1 áður en yfir lauk. „Ég er
hræddur um að meiðsl Martyns séu
alvarleg,“ sagði David O’Leary,
knattspyrnustjóri Leeds, eftir leik-
inn. „Þetta er nú alveg dæmigert
fyrir þetta tímabil. Alveg síðan við
byrjuðum 10. júlí hafa hver meiðslin
rakið önnur. Leikurinn var ekki sá
besti. Það var greinilegt að sumir
leikmenn voru þreyttir eftir leiki
með landsliðum sínum. Liðið hefur
ekki leikið saman í 13 daga og það
fannst mér sjáanlegt. Við tókum
hins vegar okkar áhættur og upp-
skárum þrjú stig sem mér finnst við
hafa átt skilið," sagði O’Leary.
Eiður Smári Guðjohnsen og fé-
lagar í Chelsea gátu stillt upp sama
liði og vann Liverpool í síðasta leik
þar sem Graham le Saux var búinn
að ná sér af meiðslum sem hann
hlaut í landsleik Englands og
Þýskalands.
Eiður Smári var tekinn út af á 72.
mínútu og náði ekki að setja mark
sitt á leikinn. Liðið komst þó aldrei í
gang og rak hvert dauðafærið annað
hjá Sunderland. Úrslitamark leiks-
ins skoraði markahrókurinn Kevin
Phillips loks úr vítaspyrnu. „Það er
svekkjandi að skora svona mikið en
fá samt ekki tækifæri með landslið-
inu,“ sagði Phillips. vÉg veit ekki
hvað ég þarf að gera. I fyrra skoraði
ég 30 mörk en fékk samt ekki tæki-
færi. Vonandi hefur sá landsliðs-
þjálfari sem tekur við aðrar hug-
myndir um getu mína en hinir. Það
eina sem ég get gert er að einbeita
mér að því að leika vel með Sunder-
land og skora mörk,“ sagði Phillips.
„Mér fannst góður andi í liðinu og
strákarnir börðust vel. Þeir gerðu
sig líklega til að jafna leikinn en það
tókst ekki,“ sagði Claudio Ranieri,
knattsyrnustjóri Chelsea.
Heppnin ekki með Ipswich
Hermann Hreiðarsson og félagar
í Ipswich áttu skilið meira en eitt
stig gegn West Ham en leikurinn
endaði 1:1. Marcus Stewart heldur
áfram að skora fyrir Ipswich og
skoraði sitt fimmta mark á tímabil-
inu. Paolo di Canio sýndi töfra sína
þegar hann jafnaði leikinn er um 20
mínútur voru eftir. Ipswich hefði
getað tekið öll þrjú stigin þar sem
þeir voru betra liðið en náðu ekki að
nýta marktækifæri sín.
„Þeir léku mun betur en við allan
leikinn. Þeir léku hver fyrir annan
og sem eitt lið,“ sagði hinn ítalski di
Canio eftir leikinn.
Coventry vann loks á heimavelli,
2:1, á laugardag er Tottenham kom í
heimsókn. Charlton Palmer fékk að
líta rauða spjaldið eftir að hafa
sparkað í Chris Perry, leikmann
Tottenham, þegar boltinn var víðs
fjarri. Hinn svissneski Ramon Vega
gerði mistökin er ollu báðum mörk-
um Coventry og gæti því hafa leikið
sinn síðasta leik fyrir Tottenham.
„Mér þótti við mjög lélegir varnar-
lega séð, bæði sem einstaklingar og
lið,“ viðurkenndi Gordon Strachan,
knattspyrnustjóri Coventry.
Með sigrinum létti þó nokkuð á
pressunni á Strachan sem verður
við stjórnvölinn áfram hjá þeim
„himinbláu".
Heskey með þrennu
Liverpool vann öruggan 4:0 sigur
á Derby á sunnudag þar sem Emile
Heskey skoraði þrennu og Michael
Owen var borinn af velli og sendur á
sjúkrahús. Owen lenti í samstuði við
varnarmann Derby og eftir að
saumuð voru sex spor í höfuð hans
og hann hafði gengið í gegnum
skoðun fékk hann að fara heim.
„Þetta leit út fyrir að vera mjög al-
varlegt. Michael talaði þó við okkur
og sagðist meira að segja vilja spila
áfram,“ sagði Gerrard Houllier,
knattspyrnustjóri Liverpool, um at-
vikið.
„Þetta sýnir bara frábært viðhorf
hans og hann missir kannski af ein-
um leik en ég veit hann kemur tví-
efldur til baka,“ bætti Houllier við.
„Þetta var erfiður dagur fyrir
Derby. Við komum inn í leikinn
ákveðnir í að sýna styrk okkar. Ég
er mjög ánægður með stöðuga vörn
okkar, sterka miðju og frábæra
markaskorun. í dag hófst tímabilið
hjá okkur,“ sagði Houllier.
Manchester City vann góðan sig-
ur á Bradford, 2:0, í botnbaráttunni.
Sigurinn heldur þeim frá fallsæti í
bili og var hann sanngjarn.
Southampton og Everton skildu
jöfn, 1:1, í botnbaráttunni i lélegum
leik þar sem hvorugt lið átti skilið
að sigra. Southampton var skömm-
inni skárra í fyrri hálfleik og Ever-
ton í þeim síðari en jafntefli verður
að teljast sanngjörn úrslit. Botnbar-
átta blasir við liðunum sem bæði
eiga skilið að falla leiki þau svona
það sem eftir lifir tímabilsins.
Leikmenn
Liverpool
í skotárás
NOKKRIR leikmenn enska
úrvalsdeildarliðsins Liver-
pool komust í hann krappan
á veitingahúsi þar sem þeir
fögnuðu 4:0 sigri gegn
Derby County á laugardag.
Inn á veitingastaðinn, þar
sem leikmenn sátu að snæð-
ingi ásamt fleiri gestum,
kom óþekktur maður
hlaupandi og þrír vopnaðir
menn fylgdu í kjölfarið.
Maðurinn, sem var á flótta,
hljóp inn í eldhús og tók þar
hníf sem hann ætlaði að
veijast með en mennirnir
þrír skutu ijórum byssu-
skotum í átt að manninum
og lögðu sjálfir á flótta frá
staðnum. Tveir gestir
staðarins urðu fyrir skotun-
um en eru ekki taldir lífs-
hættulega slasaðir. Mark-
vörðurinn Sander
Westerveld var á veitinga-
staðnum ásamt þeim Sami
Hypia, Markus Babbel,
Christian Ziege, Erik Meij-
er og Dietmar Hamann.
FOLK
■ BJARNÓLFUR Lárusson lék
allan leikinn með Scunthorpe sem
gerði jafntefli, 0:0, við Brighton í
3. deild. Scunthorpe er í áttunda
sæti deildarinnar.
■ MICHAEL Owen hjá Liverpool
fór af velli snemma leiks gegn
Derby á sunnudaginn eftir árekst-
ur við Chris Riggott. Hann var
fluttur á sjúkrahús með heilahrist-
ing.
■ JIM Smith, knattspyrnustjóri
Derby, ætlar ekki að segja af sér
þrátt fyrir skellinn gegn Liver-
pool, 0:4, og þrátt fyrir hávær
mótmæli stuðingsmanna félagsins
eftir leikinn þar sem afsagnar
hans var krafist. Smith sagðist
skilja viðbrögðin en hann ætlaði
ekki að gefast upp.
■ DARRYL Powell, fyrirliði
Derby, sagðist líka hafa fullan
skilning á óánægju stuðnings-
manna liðsins. „Ég hefði gert ná-
kvæmlega það sama í þeirra spor-
um,“ sagði Powell.
■ GEORGE Weah, fyrrum knatt-
spyrnumaður ársins í heiminum,
er hættur hjá Manchester City.
Hann er orðinn leiður á að vera
varaskeifa fyrir sóknarmennina
Paul Dickov og Paolo Wanchope.
■ J/M McLean, stjómarformaður
Dundee United í Skotlandi, sagði
af sér á laugardaginn, í kjölfar
þess að hann réðst að útvarps-
fréttamanni sem lagði fyrir hann
spurningar eftir tapleik á heima-
velli gegn Hearts, 0:4.
■ MCLEAN, sem er 61 árs, var
knattspymustjóri Dundee United
frá 1971 til 1993 og gerði félagið
að skoskum meistumm 1983 og
kom því í úrslit UEFA-bikarsins
1993. Frá þeim tíma hefur hann
verið stjórnarformaður skoska fé-
lagsins.
■ CHRIS Sutton og Henrik Lars-
son tryggðu Celtic 2:0 sigur á St.
Mirren í Skotlandi og lið þeirra
hefur tveggja stiga forskot á Hib-
emian, og sex stiga forskot á
Rangers.
■ CLAUDIO Caniggia, argent-
ínski sóknarmaðurinn, skoraði í
fyrsta leik sínum með Dundee
sem vann Aberdeen, 2:0. Caniggia
er í láni hjá Dundee en hann er
nýlega laus úr banni á Ítalíu sem
hann fékk vegna eiturlyfjaneyslu.