Morgunblaðið - 27.10.2000, Blaðsíða 3

MORGUNBLAÐIÐ
FÖSTUDAGUR 27; ORTÓBER 2000 C 3
BÍOBLAÐIÐ
Aðalkarileikarinn: Jeffrey Donovan.
nýtt að sjá. „Ég tók nokkrar
ákvarðanir þegar við fórum af stað
með verkefnið," segir Berlinger. „í
fyrsta lagi á fólk eftir að kvarta
sama hvað við gerum. Það er verið
að kvarta um það á Netinu að við
skulum yfirleitt vera að gera fram-
haldsmynd. Líka um það að ég skuli
hafa verið valinn sem leikstjóri. Ég
ákvað að skapa ákveðna hugsýn og
halda mig við hana hvað sem á bját-
aði.“
Vondar framhaldsmyndir
Berlinger notar t.d. ekki hand-
helda myndavél til þess að gefa til-
finningu fyrir raunverulegri heim-
ildamynd líkt og gert var í Blair
Witch. „Ég vil ekki að fólk fari á
myndina til þess að sjá allt það sem
það býst við að sjá.“
Myndin er tekin í nágrenni Burk-
ittesville en ekki í smábænum sjálf-
um því bæjarbúar hafa fengið nóg
af áganginum sem fylgdi fyrri
myndinni og höfnuðu samvinnu við
leikstjórann. Með aðalhlutverkin
fara óþekktir leikarar, Erica
Leerhsen og Jeffrey Donovan.
Joe Berlinger gerir sér ugglaust
grein fyrir því að framhaldsmyndir
hryllingsmynda eiga það til að vera
miklu dýrari og miklu verri en
frummyndirnar. Er af nógu að taka
í því sambandi. Særingarmaðurinn
II var svo vond að það hefur ekki
spurst til hennar í aldarfjórðung.
Fæstir vita að Keðjusagarmorðing-
inn í Texas 2 er til. Unglingahroll-
vekjur níunda áratugarins enduðu í
algjörri kæfu þegar komið var að
fimmtu eða níundu framhalds-
myndinni.
„Ég er vanur því að um fimm
manns sjái myndirnar mínar,“ segir
Berlinger, „svo þetta er talsvert
annað mál fyrir mig. Ég held að
margir eigi eftir að verða óánægðir
en það eiga líka margir eftir að
verða ánægðir með myndina.“
Leerhsen og Donovan: A kunnuglegum slóðum í Blair Witch 2.
Hryllingsmyndin The Blair Witch Project
er eitt af skondnustu fyrirbærum kvik-
myndanna aö sögn Arnaldar Indriðason-
ar og nú hefur framhald hennar veriö
kvikmyndaö af heimildamyndageröar-
manninum Joe Berlinger, sem segist
vilja koma áhorfendum sínum á óvart.
Spurningin er hvort honum takist þaö.
Framhaldsmyndin: Erica Leerhsen
fer með annað aðalhlutverkið.
Skuggabókin:
ÞAÐ er erfitt að segja hvað olli hin-
um gríðarlegu vinsældum fyrri
myndarinnar sem gerð var af
óþekktum kvikmyndagerðarmönn-
um fyrir smámynt en græddi fleiri
milljarða í krónum talið. Ein ástæð-
an er ugglaust markaðssetningin
sem fór að mestu fram á Netinu og
höfðaði sértaklega til ungra kvik-
myndahúsagesta. Kvikmyndagerð-
armönnunum tókst að búa til
draugasögu sem var sönn í huga
margra en ekki skáldskapur og létu
líta svo út sem um alvöru heimildar-
mynd væri að ræða er fjallaði um
hvarf nokkurra ungmenna. Þá eru
unglingahrollvekjur, og Norna-
verkefnið flokkast sannarlega sem
unglingahrollvekja, mjög vinsælar
þessi misserin og er fólk sífellt að
leita að einhverju nýju í þeim efnum
þótt fjöldi framhaldsmynda í þeim
geira virðist benda til annars. Og
loks var myndin sjálf vel heppnaður
hrollur um nokkur ungmenni sem
hverfa inn í dimman skóg með upp-
tökuvél og sjást aldrei aftur en það
eina sem við fáum að sjá er það sem
þau tóku upp á ferð sinni. Hug-
myndin var góð og útfærslan einnig
og nú er komið að framhaldinu.
Fyrsta bíómyndin
Framhaldið heitir Skuggabókin:
Nornaverkefnið 2 eða Book of
Shadows: Blair Witch 2 og eru höf-
undar fyrri myndarinnar, Eduardo
Sanchez og Daniel Myrick, fram-
leiðendur hennar en leikstjóri er
Joe Berlinger, heimildamyndagerð-
armaður sem er að spreyta sig á
skáldskap í fyrsta skipti. Ástæðan
fyrir því að hann fékk leikstjórnina
í hendur er sú að hann gerði verð-
launaheimildamynd ásamt félaga
sínum, Bruce Sinofsky, sem heitir
Paradísarmissir og fjallar um
hryllileg morð á þremur átta ára
drengjum í skóglendi í nágrenni
West Memphis í Arkansas. Var á
tímabili talið að um einhverskonar
trúarleg morð hafi verið að ræða og
var maður að nafni Damien Echols
handtekinn og dæmdur fyrir morð-
in og bíður nú aftöku.
Þeim Sanchez og Myrick þótti
margt líkt með Nornaverkefninu og
mynd Berlingers, trúarleg morð,
skóglendi, heimildafrásögn, og
fengu hann til lið við sig þegar
Nornaverkefnið 2 fór í gang. Berl-
inger hafði aldrei áður gert bíó-
mynd og afþakkaði þegar gott boð.
„Þeir sendu mér þrjú handrit,“
hefur breska kvikmyndatímaritið
Empire eftir honum, „og þau voru
öll beint framhald af fyrri mynd-
inni. Annaðhvort voru það vinir eða
ættingjar ungmennanna sem voru
myrt sem fóru inn í skóginn og
„lentu í vandræðum". Eða hópur
sjónvarpsmanna fór inn í skóginn
og „lenti í vandræðum". Mér fannst
miklu sniðugra að gera ráð fyrir því
að hin myndin væri ennþá til og
hefði notið gríðarlegra vinsælda."
Niðurstaðan er sú að enn er
blandað saman skáldskap og raun-
veruleika og nú meira en nokkru
sinni fyrr. í þeim hugmyndum sem
Berlinger sendi Sanchez og Myrick
kom fram t.d. að myndin ætti að
byrja á því að fjallað væri um vin-
sældir The Blair Witch Project og
því lýst hvernig bæjarlífið í Burk-
ittesville hefur breyst frá því hryll-
ingsmyndin/heimildamyndin var
gerð.
Þúsundfalt dýrari
„Það sem höfðaði mest til mín í
sambandi við fyrri myndina var
hvernig línurnar á milli þess sem
var satt og þess sem var logið voru
gerðar óskýrar," hefur tímaritið
eftir Berlinger. „Auk þess sem kaf-
að var skemmtilega í þær persónur
sem myndin fjallaði um.“ Hann seg-
ist ekki hafa verið sérstaklega
spenntur fyrir hinum yfirnáttúru-
lega þætti myndarinnar. „Ég hef
verið í skógi með hugsanlegum
morðingja svo það þarf heilmikið til
þess að hræða mig,“ segir leikstjór-
inn.
Nýja myndin er þúsundfalt dýr-
ari en sú fyrri, kostar um tíu millj-
ónir dollara, en ef hún á að græða
hlutfallslega eins mikið og Blair
Witch þarf hún að fá tæpa 47 millj-
arða dollara í kassann. Erfitt að sjá
það gerast. En það sýnir kannski í
hnotskurn erfiðleikana sem Berl-
inger stendur frammi fyrir sem höf-
undur framhaldsins. Hann á aldrei,
aldrei eftir að gera betur í miðasöl-
unni. Hins vegar gæti hann gert
betri mynd en það er allt annað mál.
Hann lítur svo á að um helmingur
þeirra sem hrifust af fyrri myndinni
muni vilja meira af því sama og um
helmingur muni vilja fá eitthvað
LANCÖME
PARIS
TEINT
IDOLE
HYDRA
COMPACT
ENDINGARGÓÐUR
FERSKUR FARÐI - SPF 8
Ótrólega ferskur,
einstaklega
Kökufarðinn er
sérlega ferskur og silkimjúk E
áferðin rennur jöfn og
auðveldlega á húðinni. Því £
ber að þakka Aqua-glisse,
háþróaðri tækni Lancóme
sem kemur beint frá
rannsóknarstofunum. Áferð
húðarinnar helst jöfn, eðlileg
og fersk allan daginn. Þetta er
vegna þess að áferðin er
nánast smitfrí. Farðinn er
fáanlegur í 6 ferskum tónum.
Eðlileg, létt, falleg og jöfn
áferð sem endist allan daginn. I
TRÚÐU Á FEGURÐ
Komdu á næsta LANCÖME útsölustað og fáðu
sýnishorn af frábærum kökufarða*
Útsölustaöir Lancöme:
REYKJAVÍK:
Árbæjarapótek, Glæsibær snyrtivöruverslun, Gullbrá Nóatúni, Hygea Kringlunni, Hygea Laugavegi, Lyt og
heilsa Austurveri, Mist snyrtivöruverslun Spönginni, Sara Bankastræti, Sigurboginn Laugavegi, Snyrtimiðstöðin
Lancöme snyrtistofa Kringlunni, Andorra Hafnarfirði, Bylgjan Hamraborg, Nesapótek, Fína Mosfellsbæ.
LANDIÐ:
Amaro, Hjá Maríu Akureyri, Apótek Ólafsvíkur, Egilsstaða Apótek, , Krisma (safirði, Miðbær Vestmannaeyjum,
Lyf og heilsa Hellu og Hvollsvelli, Sauðárkróksapótek, Lyf og heilsa Selfossi, Siglufjarðarapótek, Verslunin
Perla Akranesi
*Meðan birgðir endast lancóme ?