Morgunblaðið - 15.11.2000, Blaðsíða 2

2 C MIÐVIKUDAGUR 15. NÓVEMBER 2000
KNATTSPYRNA
MORGUNB LAÐIÐ
■ THIERRY Henry, sóknarmaður
Arsenal, var sendur heim frá París í
fyrradag en hann var mættur þang-
að til að fara með franska landsliðinu
í vináttulandsleik í Tyrklandi sem
fram fer í kvöld. Henry tognaði í
nára um síðustu helgi.
■ JOHN Lukic, sem verður fertugur
í desember, mun verja mark Arsenal
í þremur leikjum í meistaradeild
Evrópu á næstu vikum. David Sea-
man er frá vegna meiðsla og í gær
kom í ljós að enn verður bið á því að
Alex Manninger verði fær um að
standa á milli stanganna.
■ SEDAN tók um helgina forystuna
í frönsku knattspyrnunni með sigri á
Marseille, 2:0. Olivier Quint og
Cedric Mionnet skoruðu mörkin.
Sedan, sem vann Leiftur 3:0 og 3:2 í
Intertoto-keppninni í sumar, hefur
komið mjög á óvart í vetur og er nú
þremur stigum á undan Paris SG.
■ JOHN Toshack, Walesbúinn
gamalkunni, hefur snúið St. Etienne
til betri vegar eftir að hann tók við
franska liðinu á botni 1. deildar fyrir
skömmu. Liðið hefur nú fengið 10
stig í síðustu fjórum leikjunum og er
komið upp í miðja deild. Alex tryggði
St. Etienne sigur á Mónakó, 1:0.
■ RENE Vandereycken, fyrrver-
andi landsliðsmaður Belgíu í knatt-
spyrnu, var í gær rekinn úr starfi
þjálfara þýska knattspyrnuliðsins
Mainz. Þar með hafa níu af átján lið-
um í næstefstu deild þegar skipt um
þjálfara eftir að tímabilið hófst en
aðeins 12 umferðum er lokið.
■ ANDY Cole á í samningaviðræð-
um við Manchester United um þess-
ar mundir um nýjan samning til
vorsins 2005. Kröfur Coles eru m.a.
um rúmlega tvöfalda hækkun á laun-
um úr um 2,7 millj. kr á viku £ rúm-
lega 6 millj. Takist honum að ná fram
þessari hækkun verður Cole með að-
eins lægri laun en fyrirliði Man-
chester-liðsins, Roy Keane.
■ TALIÐ er fullvíst að forráðamenn
Manchester United hugsi sig vel um
áður en þeir hækki laun framherjans
knáa svo ríflega því framundan eru
einnig samningar við Ryan Giggs,
David Beckham, Paul Scholes og
NeviIIe bræðurna, Gary og Phil.
Ekki er talið ólíklegt að þeir fari
fram á svipaða hækkun og Cole, ekki
síst takist Cole að ná fram þessari
ríflegu hækkun.
■ SIR Alex Fergvson, knattspyrnu-
stjóri Manchester United, verður
fjarri góðu gamni þegar lið hans
mætir nágrönnum sínum S Man-
chester City. Ferguson fór í byrjun
vikunnar til S-Afríku til þess að vera
viðstadddur brúðkaup sonar síns í
Höfðaborg. „Þetta er ekki alveg og
eins og ég hafði reiknað með,“ segir
Ferguson. „Þegar brúðkaupið var
ákveðið i febrúar var með tjáð að það
ekki yrði leikið í deildinni um þessa
helgi.“
■ PETER Taylor, knattspymustjóri
Leicester, segir ekkert vera hæft í
þeim fregnum að Neil Lennon sé á
leið til Celtic. Vitað er að Martin
O’Neill, knattspyrnustjóri Celtic,
sem áður var hjá Leicester, hafinn
mikinn áhuga á að fá Lennon til
Skotlands. Celtic bar í hann víurnar
í sumar en eftir nokkrar viðræður
ákvað Lennon að vera um kyrrt í
Leicester og skrifaði undir fjögurra
ára samning við félagið.
■ DUNCAN Ferguson verður vænt-
anlega kominn á fulla ferð með Ever-
ton fyrir jólin, en hann hefur nærri
því ekkert leikið með félaginu á leik-
tíðinni vegna meiðsla.
■ RAINER Osmann var í gær vikið
úr starfi þjálfara þýska handknatt-
leiksliðsins Eisenach. Osmann hefur
stýrt Iiðinu undanfarin átta ár en
óánægja er með gengi þess í vetur
þar sem það er í 15. sæti af 20 liðum.
Jiirgen Beck, fyrrum leikmaður liðs-
ins, tekur við til bráðabirgða en
Lothar Doering, fyrrum þjálfari
Magdeburg, er sagður efstur á óska-
lista stjórnarmanna Eisenach.
Paolo Maldini, fyrirliði ítala, sem mætir Englendingum ÍTórínó
Metnaði ekki svalað
Reuters
Paolo Maldini, fyrirliði Ítalíu.
PAOLO Maldini, fyrirliði ítalska
landsliðsins, leikur í kvöid gegn
Englendingum sinn 114. lands-
leik og heldur áfram að bæta
leikjamet þjóðar sinnar en fyrra
metið átti Dino Zoff, 112 leiki.
Hinn 32 ára gamli Maldini hefur
verið fastamaður í landsliðinu
síðastliðin 12árog bráðum
hálfa ævina verið lykilhlekkur í
vörn AC Milan þar sem hann
komst í liðið 17 ára gamall og er
því á sinni 16 leiktíð með liðinu.
Maldini mun eflaust þykja skýtið
að vera einn elsti maður vall-
arins, hvað þá að allir andstæðing-
arnir séu yngri en
£nar hann, hafandi allan
Logi sinn ferill verið tákn
Vignisson ítalski'ar æsku, um-
skrífar kringdur pabbatýp-
um á borð við Franeo Baresi. Hann
virðist reyndar hafa lést á brún og
sótt af meira kappi á þessu ári en
misserin á undan og skrifa margir
þyngslin, sem einkennt hafa kapp-
ann, á tvennt; annars vegar var hon-
um mjög erfitt að leika undii- stjórn
föður síns með ítalska landsliðinu og
virtist eldast um mörg ár við press-
una sem fjölskyldan varð fyrir í
þjálfaratíð Cesare Maldini og hins
vegar féll honum lítt í geð að reynt
væri að breyta honum í annan Baresi
eftir að Franco hætti loks 37 ára
gamall að „sópa“ fyrir aftan hann.
Maldini var færður í miðvörðinn
bæði hjá Milan og landsliðinu og lík-
aði ekki par vel þótt hann stæði svo
sem sína pligt. Bakvarðarstaðan
vinstra megin er hans ær og kýr og
hann vill hafa svigrúm til að bregða
sér í sóknina við önnur tilefni en föst
leikatriði. Einhverskonar málamiðl-
un virðist hafa fundist þar sem hann
er vinstra megin í þriggja manna
vörn og fær fyrstur varnarmanna að
bregða sér fram ef kostur er.
Maldini hefur verið ótrúlega sig-
ursæll á ferli sínum með AC Milan
og hampað Italíumeistaratitlinum 6
sinnum, Evrópubikar meistaraliða 3
sinnum, unnið 4 bikartitla, í tvígang
orðið meistari meistaranna í Evrópu
og í þrígang heimsmeistari félags-
liða. En titlarnir með landsliðinu
hafa engir orðið og það þykir Maldini
afar sárt. „Ef við hefðum orðið
Evrópumeistarar í sumar er hugsan-
legt að ég hefði látið staðar numið
með landsliðinu," segir Maldini. „En
vonbrigðin voru gífurleg og gerðu
mig staðráðinn í að halda áfram og
freista þess að verða heimsmeistari
með ítölum á HM 2002.
Ég er ekki í landsliðinu til þess að
slá eitthvert leikjamet, ég er í þessu
til þess að næla £ titil sem sárvantar i
safn mitt,“ segir Maldini, sem hefur
tapað mikilvægum leikjum með ft-
alska landsliðinu á HM og svfður það
sárt. Verst þykir honum að rifja upp
undanúrslitaleikinn gegn Argentinu-
mönnum 1990. „Sá leikur er ein
daprasta minning m£n vegna þess að
við höfðum allt sem þuifti til að vinna
keppnina. í úrslitaleiknum 1994
mættum við Brasiliumönnum sem
voru með betra lið en við og kannski
voru úrslitin sanngjörn. Hinsvegar
vorum við álitnir sigurstranglegri
gegn Argentinumönnum á HM á It-
alíu 1990, höfðum ekki fengið á okk-
ur mark í keppninni, við vorum á
heimavelli í skínandi formi og rökleg
niðurstaða virtist vera að við mætt-
um Þjóðverjum í úrslitaleiknum en
svo fór sem fór. Það tap var alveg
jafn slæmt og tapið í Rotterdam í
sumar, sem er enn bitur minning. Ég
hugsa í sífellu um síðustu 30 sekúnd-
ur leiksins og þær fjölmörgu leiðir
sem við hefðum getað farið við að
halda fengnum hlut og verða Evr-
ópumeistarar."
Maldini hefur verið mjög heppinn
að meiðast til þess að gera lítið á ferli
sínum og er í toppþjálfun. Hann neit-
ar hinsvegar að gefa upp hversu
lengi hann ætlar að halda áfram í
boltanum, ítrekar aðeins að hann
eigi enn eftir að landa mikilvægum
titlum til þess að verðlaunasafnið
verði fullkomnað.
Hefurtrú á Eriksson
Aðurgreind vonbrigði hafa skerpt
á Maldini og gert hann staðráðinn í
að ná að vinna stóran titil með
landsliðinu áður en ferli hans lýkur.
Hann er mjög ánægður með hvernig
liðið hefur leikið undanfarið og líst
vel á þjálfarann Giovanni Trapatt-
oni, sem er fimmti landsliðsþjálfa-
rinn sem Maldini leikur undir stjórn.
Hinir voru Azeglio Vicini, Arrigo
Sacchi, Dino Zoff og auðvitað faðir
hans, Cesai’e Maldini. „Vicini, faðir
minn og Zoff voru allir rólyndismenn
á meðan Sacchi var órólegur full-
komnunarsinni. Trapattoni er eins
og hann kemur fyrir, afar blátt
áfram, viðkunnanlegur nánungi með
djúpa þekkingu á fótbolta og er gríð-
arlega kappsamur."
Italh’ binda vonir við að Trapatt-
oni sé rétti maðurinn til þess að
yngja upp landsliðið og gera leik
þess sókndjarfari og skemmtilegri
en hann hefur verið undanfarin ár.
Italir hafa átt afar sigursæl yngri
landslið og margir góðir leikmenn
eru að koma upp úr þeim sem eru
farnir að banka á dymar hjá lands-
liðinu eins og Roberto Baronio, Sim-
one Inzaghi, Andra Pirlo og sam-
herjar Maldinis úr AC Milan, þeir
Gattuso, Giunti, Ambrosini og
Francesco Coco en sá síðastnefndi er
sókndjarfur vinstri bakvörður eða
vængmaður sem Maldini er geysi-
hrifinn af.
„Það er hinsvegar ekki rétt að
bera okkur saman, við erum ólíkir
leikmenn og það hefur gert
Francesco mikið ógagn að vera líkt
við mig,“ segir Maldini um Coco, sem
hefur verið mörg ár að festa sig í
sessi hjá Milan og verið eilíf vara-
skeifa fyrir Maldini þar til nú að
hann hefur fært sig framar á völlinn
og þeir virðast þrífast ágætlega í
sama liðinu. Coco hefur átt stórleiki
undanfarið og spilað sína fyrstu
landsleiki undir stjórn Trapattoni.
Hann kemur til með að aðstoða
Maldini við að kljást við David Beck-
ham, sem Maldini telur fremstan
enskra knattspyi’numanna. „Beck-
ham og Michael Owen gætu staðið
sig vel á Ítalíu. Enska boltanum hef-
ur farið mikið fram, áður var mikið
um háloftaleik en lið eins og Man.
Utd., Arsenal og Chelsea halda bolt-
anum vel á jörðinni og leikstíll þeirra
er ekki ólíkur því sem gerist í Serie
A.“ Maldini hefur mikla trú á Sven
Göran Eriksson, nýráðnum lands-
liðsþjálfara Englendinga, og skilur
ekki umræðuna sem hefur orðið um
þjóðemi hans. „Hann er Svíi sem
vinnur á Ítalíu en við lítum ekki á
hann sem útlending. Við lítum ein-
faldlega á hann sem knattspyrnu-
þjálfara. Ég held að hann muni
standa sig mjög vel með enska liðið.“
Móðganir og mútur
Maldini og leikmenn AC Milan
voru settir í fjölmiðlabann eftir að
ásakanir komu fram af hendi Leeds
o.fl. að Barcelona hefði boðið leik-
mönnum Milan fé fyrir að sigra
Leeds í Meistaradeildinni á dögun-
um. Fór þetta afar illa í Milan-menn
og hugsuðu þeir enskum þegjandi
þörfina og vildu ekkert ræða við
þarlenda blaðamenn. Voru þetta
nokkuð hastarleg viðbrögð og álitin
mistök í bæði ítölskum og enskum
blöðum. „Hver hefði verið betri en
einmitt Paolo Maldini til að koma
fram og skýra frá því sem raunveru-
lega gerðist, kveða þá niður orðróm-
inn ef ekkert gerðist?" spurði breska
blaðið Guardian og segir að ímynd
Maldini sé þannig að afar erfitt sé að
vefengja orð hans, hann sé einfald-
lega einn af þessum sönnu sendi-
herrum knattspyrnunnar.
Mútumál eru gríðarlega viðkvæm
á Ítalíu og ekki nema von að Maldini
og félagar taki ásökunum um eitt-
hvað ólöglegt (eða í þessu tilviki
fremur ósiðlegt) illa. Fyrir 20 árum
var jú AC Milan ásamt Lazio dæmt
niður i aðra deild vegna hneykslis
sem tengdist veðmálum og hagræð-
ingu úrslita og kostaði málið fram-
herjann fræga Paolo Rossi tveggja
ára keppnisbann. Nú er annað slíkt
mál í uppsiglingu á Ítalíu og snertir
það spútniklið Ataþanta, sem er við
topp deildarinnar. í ágúst lék Atal-
anta við annarrar deildar lið Pist-
oiese í bikarkeppninni og lauk leikn-
um með 1-1 jafntefli eftir að Atalanta
hafði leitt leikinn. Veðmangarar töp-
uðu hundruðum milljóna á þessum
úrslitum og kom í ljós að fjöldi fólks
tengt leikmönnunum hafði veðjað á
þessi úrslit á síðustu stundu eftir að
hafa fengið símtöl frá þeim. Hafa 8
leikmenn, 5 frá Pistoiese og 3 frá
Atalanta, verið ákærðii’ í málinu en
halda allir fram sakleysi sínu.
Ef þeir verða dæmdir í langt bann
gæti það eyðilagt feril þeirra og
finnst ítölum sérstaklega sárt ef
hinn efnilegi Cristiano Doni hjá Atal-
anta reynist flæktur í málið. En
kannski kemur hann þá til baka með
stæl eins og Rossi gerði.
Veðbankahneyksli gestgjafanna
er alvarlegt mál en gestirnir eiga
líka við vandamál tengt veðmálum að
glíma, að vísu fremur léttvægara og
hlægilegra. A undanförnum vikum
hefur verið mikil umræða í breskum
blöðum um að leikmenn enska
landsliðsins stundi ákaft fjárhættu-
spil á keppnisferðalögum og hafi
málin gjörsamlega farið úr böndun-
um á ÉM í sumar þar sem sumir
leikmenn hafi tapað stórum fjárhæð-
um og hafi þetta haft slæm áhrif á
andann í hópnum. Var spilamennsk-
an með fullri vitund og jafnvel þátt-
töku landsliðsþjálfarans, Kevins
Keegan, en hann er afar ósáttur með
ft’éttaflutning af málinu og hefur
höfðað mál á hendur einu ensku
blaðanna. Leikmenn hafa þó viður-
kennt að fjárhættuspil hafi verið
stunduð og spilafíkillinn og alkó-
hólistinn þun’kaði Paul Merson seg-
ist hafa áreiðanlegar heimildir innan
hópsins fyrir því að ekki hafi verið
spilað upp á smáaura. Englending-
um finnst þetta enn eitt dæmi um að
knattspyrnumenn í dag séu ofborg-
aðir smástrákar sem kunni ekki að
haga sér. Arsene Wenger þjálfari
Arsenal segir þó að menn ættu að
hafa áhyggjur af 00111. „Vandamálið
er ekki veðmálin og hvernig þeir
gefa spilin, heldur miklu frekar
hvernig þeir gefa boltann! Það er
staðreynd að enskir leikmenn þurfa
að taka sig á í tækni ætli landsliðið
sér að ná árangri," segir Wenger.
Undir þetta tekur David Lacy á The
Guardian, einn virtasti knattspyrnu-
blaðamaður Breta. „Veit Sven Göran
Eriksson hvað bíður hans?“ spyr
Lacy.
„I sjónvai’pi virðist enski boltinn
hraður, harður og spennandi með
mikið af marktækifærum. Þess
vegna er hann svo vinsælt sjónvarps-
efni víða um lönd. En þegar maður
fer á vellina verða gallarnir augljós-
ir. Eriksson hefur þjálfað lengi i Ser-
ie A, þar sem það er tekið sem gefið
að það síðasta sem leikmaður, sem
fær knöttinn, hafi áhyggjur af sé
hvernig hann eigi að fara með hann.
Ætlast er til að leikmaðurinn sé
meðvitaður um staðsetningar sam-
herja sinna og sé búinn að hugsa
hvað hann getur gert áður en hann
fær boltann. Sama sérðu hjá leik-
mönnum bestu liða Englands á góð-
um degi. Alltof oft er sendingum
hinsvegar ábótavant og áhorfendur
fagna vonlausum boltum, bara ef
meiningin var góð og sendingin nógu
löng. Boltinn fer alltof mikið á milli
liða og ensk lið eni almennt léleg í að
halda knettinum innan liðsins. Þess
vegna eru andstæðingar Man.Utd.
og Arsenal iðulega týndir þegar þeir
leika gegn þeim, þeir eiga erfitt með
að ná knettinum og eru snartauga-
veiklaðir þegar þeir loks fá hann.
Þetta henti ekki leikmenn Dynamo
Kiev á Old Trafford í síðustu viku,
ástæðan fyrir því að Úkraínumenn-
irnir komust inn í leikinn var gæði
sendinga þeirra og hversu vel þeir
héldu bolta. United er ekki vant slík-
um andstæðingum og það sást ber-
lega,“ segir Lacy og er mikið niðri
fyrir.
Englendingar eru fremur smeykir
fyrir leikinn enda mæta þeir með
ungt lið sem vantar mikilvæga leik-
menn á borð við Scholes, Owen og
Brown. Peter Taylor bráðabirgða-
stjóri enskra er ákafur í að sýna að
liðið geti spilað almennilegan fót-
bolta og uppi í stúku mun Eriksson
sitja og fylgjast spenntur með „sín-
um mönnum" sem nota bene er að
finna í báðum liðum þar sem Lazio-
leikmenn leika með ítölum. Hans
hlutverk verður að taka til hjá ensk-
um en þar bíða hans ósiðir af öðrum
toga en hann átti von á... Það kraum-
ar því margt undir yfirborðinu í
þessum „vináttulandsleik".
■ Enska landsliðið/C6