Fréttablaðið - 08.11.2001, Page 12

12
FRETTABLAÐIÐ
8. nóvember 2001 FIMMTUDAGUR
Landlæknir:
Meiri munn-
tóbaksnotkun
Aðstoðarmaður samgönguráðherra:
Ráðuneyti eiga að geyma farþegalista
heilsuvernd Gefinn hefur verið út
bæklingurinn: Óþægilegar stað-
reyndir um munntóbak. Bæklingur-
inn er gefinn út til að bregðast við
aukinni notkun tóbaksins undanfar-
in ár. Á heimasíðu Landlæknisemb-
ættisins kemur fram að aukning
munntóbaksnotkunar sé ekki hvað
síst meðal íþróttamanna. Bæklingn-
um er dreift í íþróttahús, sundlaug-
ar, til allra leikmanna í efstu deild í
handbolta, fótbolta og körfubolta og
til allra framhaldsskóla.
í bæklingnum er að finna stórar
litmyndir þar sem sýnt er upp í fólk
með tannskemmdir, krabbamein og
slímhúðarsár í munni. ■
STJÓRNSÝSLfl Jakob Falur Garð-
arsson, aðstoðarmaður Sturlu
Böðvarssonar samgönguráð-
herra, segir ráðuneytið ekki
hafa rætt innihald minnisblaðs
ríkisendurskoðunar um farþega-
lista við Flugmálastjórn. í minn-
isblaðinu, sem er svar ríkisend-
urskoðunar við fyrirspurn Gísla
S. Einarssonar alþingismanns,
kemur fram það álit að geyma
beri farþegalista flugvéla Flug-
málastjórnar og Landhelgis-
gæslu nema stjórn Þjóðskjala-
safnsins hafi heimilað Flugmála-
stjórn að farga þeim.
„Mér sýnist á öllu að gagn-
vart flugmálastjórn sé málið
einfalt: Þeim ber ekki að geyma
þessa farþegalista. Ég skil ríkis-
endurskoðun þannig að það sé þá
væntanlega ráðuneytanna að
geyma þessa lista,“ segir Jakob
Falur sem þó upplýsir að ekki
hafi verið „haldið sérstaklega
utan um þessa lista í ráðuneyt-
inu. Við höfum aldrei haft þessa
lista undir höndum."
Jakob Falur segist skilja rík-
isendurskoðun þannig að það sér
þess sem kaupir þjónustuna
hverju sinni að halda því til haga
hverjir fara á hans vegum með
vélinni hverju sinni. „Það er
ljóst að það þarf að fara yfir
þetta mál og skoða þetta minnis-
blað ríkisendurskoðunar,“ segir
hann.
í dag verður utandag-
skrárumræða á Alþingi um flug-
málastjórnarvélina. „Eg geri ráð
fyrir að þetta mál skýrist mikið
þá,“ segir Jakob Falur. ■
JAKOB FALUR GARÐARSSON
Aðstoðarmaður samgönguráð-
herra segist skilja ríkisendur-
skoðuna þannig að viðskiptavin-
ir flugmálastjórnarvélarinnar eigi
að geyma farþegalista en ekki
Flugmálastjórn sjálf.
HÁLKA Á GÖNGULEIÐUM
Alls starfa 11-12 starfsmenn hjá gatna-
málastjóranum í Reykjavík við snjóruðning
og hálkuvarnir og 4-5 eru til viðbótar hjá
verktökum.
Hálka á gönguleiðum:
Margir
hafa bein-
brotnað
hálka Gangandi vegfarendur hafa
ekki komist hjá að verða varir við
hálku á götum víða á höfuðborgar-
svæðinu. Samkvæmt upplýsing-
um frá Hlyni Þorsteinssyni, sér-
fræðingi á slysa- og bráðamóttöku
Landspítalans-háskólasjúkrahúss,
hefur á undanförnum dögum bor-
ið mikið á því að fólk hafi leitað
sér aðstoðar vegna beinbrota sem
það hefur hlotið af því að missa
fótanna vegna hálku. Sagði hann
algengustu brotin hjá yngri og
eldri kynslóðinni vera úlnliðsbrot
og þar á eftir kæmu ökkla- og
mjaðmabrot. „Þetta er árviss við-
burður og kemur í törnum. Ef
áframhaldandi hálka verður má
samt búast við því að það dragi úr
komum vegna beinbrota því þá er
fólk farið að venjast og læra á að-
stæður."
f svari Sigurðar I. Skarphéð-
inssonar, gatnamálastjóra, við
fyrirspurn Vilhjálms Þ. Vil-
hjálmssonar á borgarráðsfundi
23. október sl. um á hvern hátt
staðið væri að hálkueyðandi að-
gerðum á göngu- og hjólreiðastíg-
um í borginni, kom fram að
gönguleiðum sé skipt í tvo flokka
eftir mikilvægi. Séu aðstæður
slæmar, snjókoma og/eða hálka sé
hafist handa klukkan fjögur að
morgni og að því stefnt að verki á
forgangsleiðum sé lokið klukkan
átta og fyrir klukkan tólf á hádegi
sé öllum snjóruðnings og hálku-
vörnum lokið. ■
|lögreglufréttir|
Nokkur snjóflóð féllu á þjóð-
veginn undir Hvalnesskrið-
um austur af Höfn á Hornafirði
aðfaranótt miðvikudags. Lög-
reglu barst tilkynning 20 mínútur
í tvö um að snjóflóð hefði lokað
veginum. Vegagerðin hófst handa
við að opna veginn á nýjan leik
en gekk illa sökum þess að snjór-
inn var blautur og þungur í sér.
Eftir að stærri vinnuvélar voru
fengnar til starfsins gekk hreins-
unarstarfið betur og opnaðist
vegurinn aftur þegar leið að há-
degi.
Flugmálastjóra var
bent á að geyma listana
Þjóðskjalavörður segist hafa upplýst flugmálastjóra um að varðveita bæri farþegalista flugvélar
flugmálastjórnar. Hann segir enga heimild hafa verið veitta fyrir eyðingu listanna og að flug-
málastjóri beri ábyrgð á geymslu þeirra.
stjórnsýsla Ólafur Ásgeirsson
þjóðskjalavörður segist hafa bent
Þorgeiri Pálssyni flugmálastjóra
á að Flugmálastjórn sé óheimilt að
eyða farþegalistum flugvélar
sinnar. Ólafur sér ekki ástæðu til
þess að upplýsa nákvæmlega
hvenær hann ræddi við Þorgeir
um málið en Þorgeir segir það
ekki hafa verið fyrr en í gær-
morgun.
Það er samdóma álit Þjóð-
skjalasafns og Ríkisendurskoðun-
ar að flugmálastjórn beri laga-
skylda til að varðveita farþega-
listana.
„Sannleikurinnn er að almenna
reglan er sú að forstöðumenn op-
inberra stofnana bera ábyrgð á
sínum skjölum, skjalavörslunni
og skjalaskilum. Það má ekki eyða
skjölum nema með heimild frá
stjórn þjóðskjalasafnsins og hana
höfum við ekki veitt fyrir flug-
málastjórn, það er svo einfalt,"
segir Ölafur.
Áberandi opinber umræða hef-
ur verið að undanförnu um flug-
vél flugmálastjórnar þar sem
komið hefur fram að flugmála-
stjórn segist hafa eytt farþegalist-
um vélarinnar jafnóðum enda
beri stofnuninni ekki skylda til að
varðveita þá. Aðspurður segist
Ólafur hafa veitt þessu athygli og
sett sig í samband við flugmála-
stjóra og kynnt honum það við-
horf að varðveita bæri farþega-
listana.
„Já, ég hef talað við flugmála-
stjóra, hann þekkir okkar hug-
myndir og okkar skoðun á þessu,“
FLUGTURNINN í REYKJAVÍK
Rlkisendurskoðun og Þjóðskjalasafn eru sammála um að flugmálastjórn hafi átt að varðveita farþegalista flugvélar
ÓLAFUR
ÁSGEiRSSON segir Ólafur, sem
Þjóðskjalavörður játar því að sjón-
segist hafa gert armið sfn hafj
flugmalastjora . ., .
grein fyrir því að “f « skllnmgl
ekki mætti eyða hja Þorgein Pals-
farþegalistum eftir syni flugmála-
að opinber um- stjóra. Hann seg-
ræða hófst um jr það hins vegar
máhð. vera fiugmála-
stjóra að svara því hvort farþega-
listarnir verði framvegis varð-
veittir. „En hann það fer ekkert á
milli mála að hann ber ábyrgð á
sínu skjalasafni og ég dreg ekki í
efa að hann sinni skjalavörslu
með ágætum," segir þjóðskjala-
vörður um flugmálastjórann, sem
að hans dómi er ábyrgur er fyrir
ólöglegri eyðingu farþegalista.
Ólafur segist ekki telja ástæðu
til að gera nákvæma grein fyrir
því hvenær hann ræddi málið við
flugmálastjóra. „Það er nú ekki
langt síðan en við höfum verið að
tala saman,“ segir þjóðskjalavörð-
ur.
Þorgeir Pálsson flugmálastjóri
segist ekki hafa rætt þetta mál við
þjóðskjalavörð fyrr en í gær-
morgun og þá sjálfur hringt í
hann. „Það hefur aldrei komið
beiðni frá Þjóðskjalasafni eða rík-
isendurskoðanda um þessa lista.
Ríkisendurskoðandi skoðar allan
okkar rekstur og ef hann hefði
óskað eftir því hefði verið sjálf-
sagt mál að halda þessum listum
lengur," segir Þorgeir, sem þó
ekki lofar að farþegalistar verði
geymdir framvegis: „Það er engin
ákvörðun um það ennþá.“
gar@ircttabladid.is
Öryggismálaráðherra Bandaríkjanna:
Upptök miltisbrands enn ókunn
WASHINGTON, ap. Þrátt fyrir um-
svifamikla rannsókn hefur ríkis-
stjórn Bush ekki komist að því
hvort að miltisbrandurinn er verk
hryðjuverkamanna innan Banda-
ríkjunum eða utan. Þetta kom
fram á blaðamannafundi sem ör-
yggismálaráðherra Bandaríkj-
anna, Tom Ridge, hélt í gær. „Ég
vona, eins og aðrir íbúar Banda-
ríkjanna, að miltisbrandsfarald-
rinum sé lokið,“ sagði hann, en tók
reyndar ekki fram hvort að svo
væri.
Enn er unnið að rannsókn láts
Kathy L. Nguyen, sem lést eftir að
hafa andað að sér miltisbrandi.
Hennar tilfelli er það eina þar
sem póstþjónustan kom ekki við
sögu.
Fjórir hafa látist af völdum
miltisbrands og þrettán sýkst síð-
an hans varð fyrst vart. Ridge
sagði að valdhöfum hefði borist
TOM RIDGE
„Við vitum ekki um upptök [miltisbrandsins]," sagði Ridge í gær.
um 10.000 gabbsendingar og 25 hver sýktist af miltisbrandi og
manns hefðu verið handteknir í sagði yfirmaður heilbrigðismála-
kjölfar þeirra. stofnunar í Bandaríkjunum í gær
,^tta dagar eru liðnir síðan qíji-, . aðþað. versta.væri yfirstatjið. ■
Gengi krónunnar í gær:
Nokkur
styrking
gjalpeyrisvidskipti Gengisvísitala
krónunnar var 146,7 stig síðdegis
í gær og hafði styrkst um 0,25%
um frá lokun daginn áður. Bjarni
Kristjánsson, yfirmaður gjaldeyr-
isviðskipta Landsbankans, sagði
fremur lítið hafa verið á bakvið
styrkinguna, eða um einn millj-
arður framan af degi. Dagleg við-
skipti eru að jafnaði 4 til 5 millj-
arðar. Bjarni sagðist ekki búast
við miklum breytingum á gengi
krónunnar vegna umræðu um
mögulega vaxtalækkun Seðla-
bankans síðdegis í dag. „Gjaldeyr-
ismarkaðurinn hreyfir sig ekki
mikið fyrr en hann sér peningana.
Krónan er einfaldlega mjög veik,
það er ástæða þess að við höfum
séð svolítið innstreymi í dag frá
stærri fjárfpstum.“ n