Norðurljósið - 01.02.1963, Side 8

16
N ORÐURLJ ÓSIÐ
Hvað virðist yður?
Um jörðina alla hafa menn minnst þess nýlega, að Jesús
Kristur kom í heiminn. Þá vaknar spurningin áleitna, sem
heimtar svar: „Hvað virðist yður um Krist, hvers sonur
er hann?“ Hann bar sjálfur þessa spurningu fram. Aheyr-
endur hans svöruðu: „Davíðs“, en ekki var hann ánægður
með það svar.
„Hvað virðist yður um Krist?“
Milljónir manna á milljónir ofan svara þessu til, ef
spurðir væru: „Yér höfum aldrei heyrt hans getið.“
Múhameðsmenn svara: „Hann var spámaður, en ekki
eins mikill og Múhameð.“
Kommúnistar munu segja: „Hann var kommúnisti eins
og Marx og Lenin.“ Þetta svar var manni gefið í Rússlandi.
Efamaðurinn hrukkar ennið og segir: „Eg veit ekki með
vissu, hvort hann var til.
Vantrúin hleypir yglibrúnum og svarar: „Það eru eng-
ar sagnfræðilegar heimildir fyrir því, að maðurinn Jesús
Kristur hafi verið til.“ (Alþýðubók Laxness, 1. útg.)
Margir úr hópi guðfræðinga allra landa svara og segja:
„Hann var sonur Jósefs frá Nazaret; góður maður, fyrir-
mynd okkar í fögrum dyggðum, fórnarlund og kærleika.“
Meginþorri manna, að minnsta kosti hérlendis, berg-
málar þetta og segir: „Hann var maður eins og þú og ég,
góður maður, sem vildi vel.“
Háttvirtu samtíðarmenn Jesús Krists, hvað virtist ykkur
um hann?
Jóhannes skírari: „Sá er mér máttkari, sem kemur á
eftir mér, og ég er ekki verður að bera skó hans.“ (Matt.
3. 11.) Eg hefi vitnað, að þessi er Guðs-sonurinn.“ (Jóh.
1.34.)
Pétur postuli: „Þú ert Kristur, sonur hins lifanda Guðs.“
(Matt. 16.16.)
Lærisveinar hans, sem voru í bát með honum, er hann
kyrrði vind og vatn: „Sannarlega ert þú sonur Guðs.“
Matt. 14.33.)
Tómas postuli, þú varst nokkuð trúlítill. Hvað virtist
þér um Krist? „Drottinn minn og Guð minn,“ sagðir þú,
er þú sannfærðist við upprisu hans.
Páll postuli, þú, sem fyrir afturhvarf þitt varst ofsókn-
ari, lastmælandi og smánari Jesú frá Nazaret og þeirra,
sem trúðu á hann, hvað sagðir þú?
„Ég lifi í trúnni á Guðs son, sem elskaði mig og lagði
sjálfan sig í sölurnar fyrir mig.“ (Gal. 2.20.)
Þú hinn mikli og æðsti, sem ert ofar oss öllum, Guð,
Faðirinn, sem kristnir menn játa trú sína á, hvað sagðir
þú um Jesúm Krist?
„Þessi er minn elskaði sonur, sem ég hefi velþóknun á;
hlýðið á hann.“ (Matt. 17.5.)
Þú, sem varst og ert nefndur Meistari, Jesús frá Nazaret,
hvað sagðir þú um sjálfan þig?
„Segið þér þá við þann, sem Faðirinn helgaði og sendi
í heiminn: „Þú guðlastar af því að ég sagði: ,Ég er sonur
Guðs‘?“ (Jóh. 10.30.)
Þið æðstu prestar, öldungar og fræðimenn, þið óvinir
Jesú frá Nazaret, sagði hann þetta?
„Hann treysti Guði. Hann frelsi hann nú, því að hann
sagði: ,Ég ef Guðs sonur‘.“ Matt. 27.43.)
Þér kristnu trúmenn allra alda og píslarvottar, sem
staðfest hafið trú ykkar með blóði ykkar, hvað virðist
yður um Krist?
Vér svörum allir einum rómi með orðum postulans Páls:
„Sonur Guðs elskaði mig og lagði sjálfan sig í sölurnar
fyrir mig.“
Hvað virðist þér um Krist? Til hvers kom hann í heim-
inn?
Ef svarið vefst fyrir þér, þá er það þetta:
„Það orð er satt, og í alla staði þess vert, að við því sé
tekið, að Kristur Jesús kom í heiminn til að frelsa synduga
menn.“ (I. Tím. 1.15.)
Hefir hann frelsað þig frá syndum þínum? Ef ekki,
hvers vegna ekki ? — (Þessi grein átti aS koma í janúarbl.)
VIÐ KOLBEINSHAUS
Brýtur á Kolbeinskolli
kvikan svo þung og há,
hræra þó hvergi klettinn
hamrama báran má.
Fuglinn um fjörur löngum
í friði þar ugglaus sat.
Ognþrunginn ægis kraftur
unnið ei bjargið gat.
Brimöldur tímans brotna
Bjarginu alda hjá,
hreyfa það ei um hársbreidd
né hrinda í gleymsku lá.
Kletturinn sá er Kristur,
kletti þeim byggi ég á.
Hann stendur, þó stormar geisi
og stórsjór um ævisjá.
Þ. M. ].
Vinagjafir og áheit
Akureyri: Á. J. 70.00, G. Þ. 20.00, H. Ó. 70.00, M. Þ. 70.00, Ó. G.
100.00 (áheit), P. D. 100.00, R. G. 70.00, S. J. 20.00, S. O. B.
20.00, S. S. 30.00, T. J. 40.00, Þ. Þ. 40.00. A.-Barð.: T. Þ. 170.00.
A.-Skajt.: B. B. 70.00, S. G. 20.00, Þ. Á. 20.00, Þ. .1. 50.00 (áheit).
Eyj.: E. G. 500.00, H. H. 20.00, S. K. 27.00, Þ. L. 100.00 (áheit).
Hajn.: V. L. 970.00. ísaf.: A. Ó. 20.00, E. K. 20.00. Kópav.: E. T.
100.00. N.-Þing.: S. Þ. 70.00. R.vík: E. G. 40.00, G. G. J. 20.00, G. S.
25.00, H. J. 270.00, J. G. 135.00, J. S. H. 80.00, R. E. 20.00, R. G.
100.00. Rang.: D. J. 20.00. Sigl.: L. W. 100.00. S.-Þing.: F. S. 70.00,
J. H. Þ. 70.00. V.-Hún.: Kona 50.00 (áheit). V.-Skajt.: H. .1. 500.00
(áheit), K. G. 60.00. Fœreyjar: E. S. 85.05, J. S. 85.00. Svíþjóð:
A. B. 60.00. Danm.: E. L. 53.00, T. H. 22.00, V. L. M. 22.00.
Auk þessara gjafa eru margar smærri, aðrar geta verið ótaldar
hér. Guð gleymir engri þeirra. Innilegar þakkir meS Matt. 10. 42.
Ritstj.
Ritstjóri og útgefandi: Sœmundur G. Jóhannesson, Akureyri.
Prentsmiðja Björns Jónssonar h.f.