Heimskringla - 09.03.1932, Side 2

2. SIÐA
HEIMSKRINGLA
WINNIPEG 9. MARZ 1932.
ÞRETTÁNDA ÁRSMNG ÞJOÐRÆKNISFÉLAGSINS
FUNDARGERÐ.
Þegar forseti hafði lokið ræðu sinni,
bar dr. Rögnvaldur Pétursson fram til-
lögu, og Mrs. Byron studdi, að forseta
væri þakkað á viðeigandi hátt fyrir
sitt ítarlega og greinargóða erindi, og
reis þá þingheimur upp úr sætum sinum
og þakkaði ávarpið með lófataki.
Tillaga kom frá'dr. Rögnv. Péturssyni
studd af Mrs. Byron, að forseti skipaði
þriggja manna kjörbréfanefnd, Samþykt.
Forseti útnefndi þá
Ragnar Stefánsson,
Guðmund Jónsson frá Vogar og
Ásgeir I. Blöndal frá Wynyard.
Meðan kjörbréfanefnd starfaði, var
þingstörfum haldið áfram, og ritari fé-
lagsins ,dr. R. Pétursson, las eftirfar-
andi skýrslu sina:
Ritaraskýrsla 1931—2.
A þessu síðastliðna ári hefir stjórn-
arnefnd Þjóðræknisfélagsins setið 13
fundi, er haldnir hafa verið á þessum
stöðum: 1 fundarsal Jóns Bjarnasonar
skóla, 11; að heimili ritara, 2. Fundina
hafa nefndarmenn sótt eftir beztu föng-
um, þegar athugað er, að sumir þeirra
hafa búið utan bæjar og í nokkurn
fjarlægð við fundarstað. Einn fund sátu
5 nefndarmenn, þrjá fundi 6, einn fund
7, sjö fundi 8, einn fund 9. Verður jafn-
aðartala á fundarsókn sem næst 7J.
Mál þau er þingið afgreiddi i hendur
i nefndarinnar, hafa öll verið tekin til
umræðu á fundum. Nokkur hafa verið
afgreidd og frá þeim gengið eftir þvi
sem nefndin átti kost á. öðrum hefir
verið íylgt eftir og komið í ákveðnara og
skipulegra horf en þau voru í þegar nefnd-
in tók við þeim, þó eigi hafi orðið auðið
að ganga frá þeim til fullnustu. Hafa
þessi mál sérstaklega tekið upp mikinn
hiuta af tíma og starfi nefndarinnar. Þá
eru nckkur, er nefndin hefir eigi getað
unnið úr cg skilar til baka til þings-
ins aftur að mestu leyti í sömu skorð-
um og hún tók við þeim. Meðal þeirra
mála, er afgreidd hafa verið, má nefna
þessi:
1. Verðlaunabikar, er þingið 3amþykti
að gefa og fela iþróttafélaginu Fálkan-
um til varðveizlu. Um bikar þenna skal
kept á Hockeymótum að vetrinum, og
hlýtur sá íþróttaflokkur hann ár hvert,
er hæsta sigurvinninga ber úr býtum frá
þeim leikmótum. Nefndinni kom strax
saman um, að bikar þessi skyldi vera
með sérstakri gerð, er minti á gefand-
ann. Þótti bezt við eiga að Þjóðræknis-
félagið gæfi drykkjarhorn í fornum stíl,
silfurbúið og þannig skreytt, að vel mætti
sæma við hlið annara verðlaunagripa.
Stóð sérstök nefnd fyrir smíði bikars-
ins. 1 nefndinni voru W. J. Jóhannsson,
P. S. Pálsson og forseti. Var smíðinni
lokið og bikarinn formlega afhentur 15.
april s.l.
2. Rithöfundasjóður. — Sjóður þessi
var stofnaður, lagðir til hans $100 úr
félagssjóði, og það gjafafá, er nefndinni
hefir borist á árinu. Mun frá því skýrt
í skýrslu féhirðis.
3. Fjárveitingar. — Þær fjárveitingar
er þingið ákvað, hefir nefndin greitt, og
er frá þeim skýrt í skýrslu féhirðis.
4. Tímaritið. — Frá þvi hefir nefndin
gengið, séð um útgáfu þess og prentun.
Verður það til útbýtingar síðar á þing-
inu.
5. Innheimta. — Hana hefir nefndin
annast eftir þvi sem kostur var á. Samdi
hún snemma á árinu um greiðslu á því
bóka-andvtrði, er félagið átti inni hjá
umboðsmanni þess í Reykjavík. Verúur
það goldið í fcókum, er sendar veröa á
sínum tíma til skjalavarðar félagsins.
C. Ctbrelðslumál. I eðli sínu verður
þa "ál aldrei afgreitt meðan nokkur
Isl.iidingur i álfunni stendur utan við
Þjóðræknisfélagið. En að svo miklu leyti
sem ástæður hafa leyft, hefir nefndin
gengið frá j vi, sem henni var falið að
gera i því efni, á þessu ári. Tvö erindi
hafa verið flutt, sitt af hvorum, forseta
og ritara, í þarfir þessa máis. Leitað
hefir verið eftir því við einstaklinga og
ýmiskonar íslenzk félög, að þau gengju
í Þjóðrækni félagið. Hefir það borið
þann árangur, að sum þeirra standa nú
nær Þjóðræknisfélaginu en áður. Tillaga
hefir veHð samin, er lögð verður fyrir
þingið, um upptöku einstakra félags-
heilda í Þjóöræknisfélagið, og verour
það lagt i vald þingsins, hvað því v rð-
ist að gera við hana. Ferðir í útbreiðslu-
erindum hafa ekki verið famar, og olli
því aðallega hið erviða árferði, sem yfir
stendur. Aftur á móti hefir nefndin sam-
ið við prófessor Sigurð Nordal, er nú
dvelur við Harvard University í Cam-
bridge, Mass., sem Charles Eliot Ncrt.on
Professor of Poetry, að hann komi hing-
að til bæjar í lok næsta mánaðar og
flytji hér erindi á vegum félagsins. Þá
hefir og nefndin látið prenta áramóta-
kort og sent þau öllum félagsmönnum
utan borgarinnar.
Mál þau er nefndin hefir ekki getað
gengið frá til fullnustu eru einkum tvö:
1. Viðskiftamál við Island. — Tillaga
afgreidd frá þinginu í fyrra, fór fram á
það, að þess yrði farið á leið við Canada-
stjórn, að komist gætu á verzlunarvið-
skifti við Island, og að skipaður yrði
héðan viðskiftaumboðsmaður, er búsett-
Ur væri í Reykjavík. Máli þessu hreyfði
nefndin á síðastliðnu vori við Hon. H. H.
Stevens verzlunarmálaráðherra Canada,
ag tók hann því líklega. óskaði hann
upplýsinga um vörukaup og vöruút-
flutning frá Islandi. Eftir upplýsingum
þessu viðvikjandi var skrifað til Hag-
stofu Islands, og honum sendur útdrátt-
ur úr þeirri skýrslu, er nefndinni var
send. Máli þessu er ekki lengra komið,
en byrjunin er hafin.
2. Námssjóðsmálið. — Mál þetta hefir
verið höfuðmál nefndarinnar á þessu ári,
og á það verið eytt afar miklum tíma.
Það hefir verið til umræðu á hverjum
fundi, og má segja að þvi hafl þokað á
árinu úr vonleysi og upp i sæmilega vissu
um, að Canadastjóm efni það óákveðna
loforð, er gefið var í maí 1930. Farið er
fram á, að Canadaríki setji til síðu
$25,000 sem stofnsjóð, er af sér gefi ár-
lega sem svarar $1250.00. Sjóðurinn sé
heiðursgjöf til hinnar íslenzku þjóðar á
1000 ára afmælishátíð Alþingis.
Fyrverandi og núverandi forsætisráð-
herra hafa báðir heitið góðu um, að
ganga frá þessu máli samkvæmt óskura
nefndarinnar. I.angt er frá því að mál
þetta sé útkjáð enn, en lengra er því
komið en þegar nefndin tók við þvi á
síðasta þingi. x
Helzta málið, er nefndin hefir ekki
fundið úrlausn á, er hið svonefnda
Bókasafnsmál. Er því nú skilað aftur til
þingsins á sama stigi og það var, þegar
það var fengið nefndinni á síðasta þingi.
Ymiskonar fieiri mál hafa komið fyrir
nefndina á þessu síðastliðna ári. Verður
frá þeim skýrt annarsstaðar, og því á-
stæðulaust að geta þeirra hér.
Frekari greinargerð þýðir þá ekki að
gera fyrir störfum nefndarinnar. Er hér
að því helzla vikið, er á fundum henn-
ar hefir gerst ,og fundaefnin dregin sam-
an.
Rögnv. Péiursson, ritari.
Cnrl Thorlak33on gerði þá athugasemd
við skýrslu ritara, að verðlaunabikar sá,
sem um getur í skýrslunni, hafi eigi
verið afhentur íþróttafélaginu Fálkan-
um. Gaf forseti þá skýringu, að bikar-
inn sé eign Þjóðræknisfélagsins og verði
aðeins afinentur til umkepni.
Þá kom fram tillaga frá Bjarna Finns-
syni, studd af Arna Eggertssyni, að
skýrsla ritara sé þökkuð og viðtekin.
Samþykt.
Var þá útbýtt meðal þinggesta fjár-
hagsskýrslu Þjóðræknisfélagsins, og var
skýrsla Skjalavarðar og fjármálaritari
lesin upp af herra ólafi S. Thorgeirssym
bóksala, en féhirðir félagsins, herra Árni
Eggertsson, las upp reikning yfir tekjur
o^ gicld Þjóðræknisfélagsins og yfirlit
yfir sjóðeignir þess.
Jón J. Húnfjörð frá Brown gerði til
lögu, og Ásgeir Blöndal studdi, að fjár
hagsskýrslunum verði vísað til væntan
legrar fjármálanefndar. Samþykt.
Þá las ritari, dr. Rögnv. Pétursson
upp eftirfarandi skýrsiur frá deildum
f élagsins:
Araskýrsl.i dcildarinnar “Iðunn”,
Leslie, Sask.
Þjóðræknisdeildin “Iðunn”, að Leslie,
Sask., hafði 4 starfsfundi á árinu og 3
stjórnarnefndarfundi. Stóð fyrir 3 skemti-
samkomum og kveðjusamsæti fyrir hr.
Björgvin Guðmundsson tónskáld. Bóka-
safn deildarinnar telur yfir 300 bindi, og
hafa bæzt við á árinu um 20 bindi. Má
telja bókasafnið bæði gott og mikið. —
Í.Tcðlimum hefir fækkað þetta ár, aðeins
19 borguðu tillag.
Deildin sá sér ekki fært að hafa
Þorrablót, eins cg að undanförnu. Hefir
það í för með sér mikla fyrirhöfn og
mikið framlag, sem aðallega hefir kom-
ið á láa meðlimi deildarinnar, sem vilj-
ugastir hafa verið og mestan áhuga bor-
ið fyrir félngsskapnum. Þótti það alls
ekki gerandi, að leggja neinum það á
herðo.r i þessu ailsleysisári.
Þótt deildin hafi ekki starfað mikið
þefta ár, á hún enn innan sinna vé-
banda góða Islendinga. er unna mest
því, sem islenzkt er, en hafa þó jafn-
framt reynst góðir borgarar hér i Can-
ada, og starfað að hérlendum félagsskap
engu síður.
Með heillaóskum til Þjóðræknisfélags-
ins.
I umboði deildarinnar,
R. Arnason, ritari.
Hagskýrsla þjóðræknisdelldarinnar
“Snæfell”, Churchbridge, Sask.
Deildin hefir starfað með líkum hætti
og undanfarin ár. Meginstarfið lotið að
þvi að auka og efla bókasafn félagsins,
cg meirihlutanum af tekjum félagsins
variö til bókákaupa.
Safnið er nú í tveimur deildum. Er
önnur fyrir suður og au3turhluta bygð-
arinnar, bókavörður Magnús Hinriksson,
en hin fyrir norður- og vesturhlutann,
bókavörður Gísli Markússon. Samkvæmt
skýrslum bókavarðanna, höfðu verið lán-
uð um 260 bindi úr bókasafninu á ár-
inu.
Tveir starfsfundir hafa verið haldnir
á árinu og gengist fyrir tveim skemti-
samkomum. Auk þess starfaði félagið,
ásamt öðrum félögum bygðarinnar, að
undirbúningi hinnar árlegu þjóðminn-
ingarsamkomu (Islendingadagsins).
Aðalfundur var haldinn 25. jan. s. 1.
Kom þá.j ljós að deildin telur 20 góða
og gilda meðlimi.
Tekjur urðu $96.00, en í sjóði hjá fé-
hirði við árslok $23.00.
Stjómarnefnd: Forseti, K. Jónsson;
ritari, E. Sigurðsson; féhirðir, F. G.
Gíslason. •
20. febrúar 1932.
Einar Sigurðsson, ritari.
Skýrsla deildarinnar “Fjallkonan”
Wynyard, Sask.
Wynyard, Sask.,
23. febr. 1932.
“Dauft er í sveitum, hnípin þjóð í
vanda", hefir átt við um þessa bygð -i
þessu síðastliðna ári, eigi síður en aðra
parta þessa lands. Uppskeruleysi, at-
vinnuleysi og verðleysi á öllum bænda-
afuröum, hefir dregið mjög úr kröftum
og framtakssemi manna, og hefir okkar
íslenzka félagslíf eigi farið varhluta af
þeirri lömun, sem slík vandræði og von-
leysi hafa í för með 3ér. Þó má fullyrða,
að deildin hér, “Fjallkonan”, hefir verið
með furðanlega góðu lífi þetta síðasta
ár. Má það að miklu leyti þakka elju og
árvekni forsetanna beggja, er að þessu
sinni voru konur, þær frú Halldóra Sig-
urjónsson, er var forseti, og frú Halldóra
Gíslason, er var varaforseti. Hafa þær
ávalt sýnt hinn mesta dugnað í öllum fé-
lagsmálum, og það ekki sízt, þegar þær
fundu, að ábyrgðinni var að miklu leyti
varpað á þær.
Fundir voru hafðir reglulega á hverj-
um mánuði, og nefndarfundir þess á milli.
Auk starfsmála var reynt að hafa eitt-
hvað til skemtunar og uppbyggingar á
flestum fundum, annaðhvort upplestur,
ræður, kappræður, eða eitthvað því likt,
og æfinlega hinar ágætustu veitingar að
endingu. Er óhætt að fullyrða, að sá lið-
ur skemtiskrárinnar er metinn af öllum.
Islendingadagshald, er fór fram 31. júlí,
annaðist deildin eins og að undanförnu.
Fór það hátiðahald sæmilega fram, þó
að aðsókn væri nokkru minni en að und-
anförnu. Stjórnaði hr. Björgvin Guð-
mundsson söngflokki allstórum, og var
það síðasta verk hans hér vestra, áður
en hann flutti heim til ættjarðarinnar.
Álít eg ekki úr yegi að geta þess hér,
hvern drengskap Björgvin sýndi þessari
bygð að skilnaði. Var nefndin, sem há-
tíðarhaldið átti að annast, ærið kvíðafull
yfir fjárhagsútkomu dagsins, og þorði
naumast að ráðast í að ráða söngstjóra,
en Björgvin fullvissaði nefndina um, að
sér væri það jafnmikil ánægja að ann-
ast um sönginn hér að þessu sinni, hvort
sem þóknun sín yrði mikil eða litil, eða
jafnvel alls engin. Fór þó svo, að deildin
gat sýnt ofurlitinn lit á að þókna honum
fyrir starf sitt, $50.00, og eru það lítil
laun fyrir mánaðarstarf. Gekst deildin
síðan fyrir kveðjusamsæti fyrir Björg-
vin, er haldið var sunnudaginn 2. ágúst.
Var það hið ánægjulegasta og kom þar
stór hópur af vinum og vandamönnum
Björgvins, bæði innan og utan deildar.
Voru allmargar ræður haldnar, og báru
allar vott um hinn mesta hlýleik og að-
dátm á Björgvin, bæði sem listamanni,
og þó eigi síður sem bezta drengi.
Nýmæli má það telja hér í deildinni.
að samkepni var höfð fyrir böm og ung-
linga í íslenzkulestri og framsögn. Fór
samkepni sú fram á samkomu, er haldin
var á sumardaginn fyrsta siðastliðið vor.
Tóku 16 böra þátt í samkepninni, og
var þeim skipt í fjórar deildir, frá 5 til
17 ára, með þriggja ára aldursbili. Verð-
laun voru veitt þeim bömum, er bezt
gerðu, $15.00 alls. Má fulyrða að öll
börnin leystu starf sitt sæmilega af
hendi og sum ágætlega, og hefir deildin
því fullan áhuga á að halda þessari sam-
kepni áfram, ef möguleikar leyfa.
Markverðasta sporið, er stigið hefir
ve'rið á árinu er það, að byrjað var að
segja börnum til i íslenzku. Var það
starf byrjað með nóvembermánuði, og
er einni klukkustund á hverjum laugar-
degi varið til þess. Sýndi skólastjórn
bæjarins þá velvild ,að lána tvö her-
bergi í skólahúsi bæjarins til kenslunn-
ar endurgjaldslaust. Áðsókn að skólan-
um er nokkuð misjöfn, og mun fara
nokkuð eftir því, hvað er um að vera
í bænum um það leyti, sem skólinn
stendur yfir. Flest munu börnin hafa
verið í einu um 80, en fæst um 20. —
Steinþór Giftinlaugsson er var mörg ár
barnakennari heima á gamla landinu,
hefir yfirumsjón með starfinu, og er
það drjúgur starfsauki að leggja á sig
fyrir ekkert. Naumast er að búast við
miklum sjáanlegum árangri af þessu
starfi eftir fáeinar vikur. En ef hægt
væri að halda því áfram 5 tvö eða þrjú
ár, myndi hér verða mikið af ungu
fólki, er væri reglulegir hestar í Is-
Ienzku.
Bókasafn hefir deildin allstórt, en lít-
ið hefir verið fengið af nýjum bókum
á árinu. Aftur á móti hefir nokkru fé \
verið varið til bókbands, og á þann hátt
ýmsar góðar bækur varðveittár frá
glötun.
Ekki man eg eftir fleiru að sinni, er
sérstaklega snertir deildina hér.
Sendir svo deildin þinginu sínar kær-
ustu kveðjur, með von um friðsama og
heillavænlega starfsemi.
Jón Jóhannsson.
Skýrsla fjármálaritara “Fróns”.
5. febr. 1932
Meðlimaíala 1. febr. 1931 .......... 239
Nýir meðlimir ........................ 5
244
Sagt sig úr deildinni ............7
Dánir á árinu .................... 3
Skuldað sig úr deildinni ......... 7
— 17
Meðlimatala 5. febr. 1932 .......... 227
Hagskýrsla yfir meðlimagjöld.
Fyrir árið 1932 hafa borgað ......... 18
Fyrir árið 1932 skulda ............. 109
Fyrir árin 19331—1932 skulda ........ 40
Fyrir árin 1930-1931-1932 skulda .... 49
Fyrir árin 1929-1930-1931-1932
skulda ........................... ii
Félagatal ...... 227
Innheimt fé og skilað féhirði
frá 3. febrúar 1931 til 5. febrúar 1932:
Meðlimagjöld .................$142.60
Kennaralaun frá foreldrum ..... 43.50
Ágóði af Islendingamótinu .... 110.71
Barnasamkoma ............!..... 4.80
Meðtekið frá Þjóðræknisfélaginu 200.00
Samtals ...........$501.61
Jón Asgeirsson.
Skýrsla
umferðakennara þeirra er þjóðræknis-
deildin “Frón” i Winnipeg réði til far-
kenslu barna og unglinga hér í borg á
þessum yfirstandandi vetri.
Leggist hún með öðrum starfskýrslum
“Fróns” fram fyrir forseta og stjómar-
nefnd aðalfélagsins á næsta ársþingi.
Kensia þessi hófst ekki að þessu sinni
fyr en þann 1. desember s.l., og er það
hálfum öðrum mánuði seinna en ætlast
hefir verið til undanfarið, og ákveðið var
í fyrstu að kenslan ætti að hefjast með
byrjun nóvembermánaðar, og standa til
marzloka. .
Horfir það sizt vænlega, ef svo skal
stytta kenslutímann ár frá ári, og er
tæplega of mikils árangurs að vænta,
þótt honum væri haldið í því horfi, sem
fyrst Var.
Stjórnarnefnd “Fróns” ákvað þá, er
svo var málum farið, að ráða þrjá far-
kennara í stað tveggja, er ávalt hafa
verið undanfarið.
Var með réttu svo álitið, að þeir
mundu geta haft stærra starfssvið og
komið fram meira verki til framfar i
Hafði það þá, eins og að líkum lætur,
nokkru meiri kostnað í för með sér.
Þó hefir sú raun á orðið, að tala
barnanna hefir síður en svo aukist í ár.
Eru jafnvel nokkru færri börn nú, en
verið hefir áður með aðeins tveimur
kennurum. Má sjálfsagt telja með öðr-
um ástæðum deyfð þá og kreppu, sem
öllum er- kunnugt um að ríkir nú hér á
öllum sviðum, og er líklegt að það valdi
meira en þverrandi áhuga fyrir máli
pessu.
Hvað kenslu þessari viðvíkur að öðru
leyti, er þess að geta, að hún hefir hald-
ist í líku formi og áður. Sömu erfiðleik-
arnir, er stafa, eins og áður hefir verið
á minst, af skorti á hentugum kenslu-
og lestrarbókum fyrir börn, og yfir höf-
uð tilfinnanlegum skorti á íslenzkum
bókakosti meðal íslenzks almennings hér
vestra.
Winnipeg 23. febr. 1932.
Virðingarfylst,
Ragnar Stefánsson.
Skýrsla delldarinnar “Brúin”, Selkirk,
fyrir árið 1931.
Deild þesis telur nú 73 meðlimi. Af
þeim eru 68 fullorðnir, 3 unglingar og
2 börn.
8 starfsfundir og 5 skemtifundir hafa
verið haldnir á árinu, og hafa þeir fund-
ir verið dável sóttir.
80 unglingum hefir verið kend Is-
lenzka undir stjórn frú Rakelar Maxon,
og samkvæmt skýrslu kenslunefndar
deildarinnar, þá hafa þessar kenslustund-
ir verið dável sóttar og árangur af því
starfi sérstaklega góður.
Nú í vetur hefir deíldin aftur ráðið
Mrs. Maxon til að kenna íslenzku, jg
hefir hún álika marga nemendur og í
fyrra.
Samkvæmt skýrslu féhirðis deildarinn-
ar, þá eru inntektir og útgjöld á árin i
sem fylgir:
Inntektir:
Iðgjöld ........................ $ 50.50
Inntektir fyrir tombólu .......... 105.63
Tillag frá aðalfélaginu .......... 50.00
Aðrar inntektir .................. 9.90
1 sjóði frá fyrra ári ............. 41.55
Alls ..................... $257.58
Ctgjöld:
Húslán ...........................5 43.00
Kostnaður við tom'.ólu ......... 22.85
Meðlimagjöld ................... “33.15
Islenzkukensla 68.00
Annar kostnaður ................. 32.25
Alls ......................$199.25
I sjóði 1. jan. 1932 .............$ 58.33
Th. S. Thorsteinsson,
. skrifari.
Jón J. Húnfjörð fiutti munnlega
skýrslu fyrir deildina Island í Brown.
Lýsti hann hag deildarinnar þolanlegan
og bar kveðju til þingsins.
Asmundur P. Jóhannsson gerði tillögu
og Sig. Vilhjálmsson studdi, að skýrslur
deildanna væru viðteknar, og var það
samþykt.
Þá bar Ásmundur P. Jóhannsson fram
tillögu um það, samkvæmt tilmælum
fjármálaritara og féhirðis, að þeim væri
leyft að innheimta aftur fjárhagsskýrslu
sína áður en hún færi til væntanlegrar
fjármálanefndar, og gera við hana ýms-
ar nauðsynlegar leiðréttingar, með þvi
að bersýnilegt væri að ýmsar prentvHI-
ur væru í skýrslunni. Taldi hann þetta
mundi verða til fyrirgreiðslu störfum
OF MIKIL ÞVAGSÝRA
er mjög algeng orsök fyrir gigt,
Sciatica og bakverk. Séu nýrun í ó-
lagi, safnast fyrir of mikil þvag-
sýra. Takið inn Gin Pills, er strax
veita bót, meðan nýrun eru að kom-
ast aftur í lag.
218
þingsins. Séra Jóh. P. Sólmimdsson tók
í sama streng. Tillagari var studd af
Halldóri Gíslasyni frá Leslie, Sask., og
samþykt í einu hljóði.
Þá kom fram tillaga frá Rögnvaldi
Péturssyni, studd af séra Benjamín
Kristjánssyni, að forseta sé falið að
skipa dagskrárnefnd og fjármálanefnd,
þrjá menn í hvora. Samþykt.
4
Skipaði þá forseti i dagskrámefnd:
Dr. Rögnvald Pétursson,
Árna Eggertsson og
Iljálmar Gíslason.
1 fjármálanefnd:
Ásmund P. Jóhannsson,
Bergþór E. Johnson og
Bjarna Dalman.
Með því að liðið var fast að hádegi,
kom fram tillaga frá dr. Rögnvaldi Pét-
urssyni, studd af séra Benjamín Kristj-
ánssyni, að hafa fundarhlé til kl. 2 e. h.
Samþykt.
* * *
Fundur hófst að nýju kl. 2 e. h. mið-
vikudaginn 24. febrúar 1932. Fundar-
gerð síðasta fundar var lesin upp og
samþykt.
Þá hafðl kjörbréfanefnd lokikð störf-
um sínum og lagði hún fram svohljóð-
andi álit:
Kjörbréfanefndin hefir yfirfarið heim-
ildarbréf fulltrúa, sem mættir eru á
þingi frá hinum ýmsu deildum Þjóð-
ræknisfélagsins, og hefir fundið þessa
kosna, samkvæmt lögum félagsins:
Fyrir deildina “Island” í Brown, Man.,
Jón J. Húnfjörð, 9 atkv.
Fyrir deildina “Fjallkonan” í Wyn-
yard, Sask., Ásgeir I. Blöndal 16 atkv.
Fyrir deildina “Iðunn” í Leslie, Sa3k.,
Halldór Gíslason 7 atkv.
Frá deildinni “Brúin” í Selkirk, Man.,
eru mættir þrír fulltrúar, með heimild til
að fara með 19 atkvæði hver, þau
Bjarni Skagfjörð,
Mrs. Sigurbjörg Johnson og
Th. S. Thorsteinsson
Nefndin leyfir sér að benda þinginu
á, að heimildarbréf síðast nefndra full-
trúa, eru eigi undirskrifuð af forseta og
skrifara deildarinnar “Brúin”, og því
eigi í samræmi við 21. gr. grundvallar-
laga Þjóðræknisfélagsins.
Á þjóðræknisþingi,
24. febr. 1932.
Asgeir I. Blöndahl,
Ragnar Stefánsson
Guðm. Jónsson.
Eftir að nefndin lauk starfi, bættust
við til þingsetu frá deildum:
Séra Guðm. Arnason, Oak Point,
Jón Einarsson, Lundar,
Hjálmur Þorsteinsson, Gimli.
Mrs. Halldóra Gíslason, Wynyard.
-, Dr. Rögnvaldur Pétursson gerði tillögu
um að álit kjörbréfanefndar væri sam-
þykt, og að fundurinn samþykki einnig
heimildarbréf fulltrúanna þriggja frá Sel-
kirk, með því að bersýnilegt væri, að
það væri einungis af misgáningi, að bréf
þeirra væri ekki undirrituð af forseta
og skrifara deildarinnar. Jón J. Húnfjörð
studdi tillöguna, og var hún samþykt.
Þá hafði dagskrárnefnd lokið störfum
og lagði til að eftirfylgjandi dagskrá sé
fylgt á hinu yfirstandanda þjóðræknis-
þingi:
1. Þingsetning.
2. Skýrslur embættismanna.
3. Kosning kjörbréfanefndar.
4. Kosning dagskrárnefndar. ,
J5. Kosning fjármálanefndar þingsins.
6. Skýrslur frá standandi nefndum.
7. Crtbreiðslumál.
8. Fræðslumál.
9. Sjóðstofnanir.
10. Tímaritið.
11. Bókasafn.
12. Ný mál.
13. Kosning embættismanna.
14. ölokin störf.
Jón J. Húnfjörð lagði til, og Friðrik
Sveinsson studdi ,að þessi dagskrá væri
viðtekin, og var það samþykt.
Frh.