Lögberg - 21.07.1938, Page 3

LÖGBERG, FIMTUDAGINN 21. JÚLÍ, 1938
3
að efla og hlúa að? En nú kynni
eitthvert yðar aÖ vilja koma fram
með óþægilega athugasemd og segja
viÖ mig eitthvað á þessa kið:
Heyrðu, prestur góður! Viltu ekki
byrja á því að sanna, að til sé al-
góður Guð og þá skal eg trúa á
hann, en ef þú getur ekki sannað
þetta, er þá ekki guðstrú þin í raun
og veru hégóði ? Þessu svara eg
með nýrri spurningu, og alveg sams-
konar tilmælum í þinn garð: Sanna
þú mér, að sá maður, sem þú trúir
og treystir bezt, muni aldrei bregð-
ast hvorki mér eða þér, og þá skai
eg trúa honum, en ef þú getur ekki
sannað mér þetta, er þá ekki trú þín
á þinn bezta vin einber hégómi?
Auðvitað er þetta fjarstæða, og þú
getur ekkert sannað mér í þessu
efni. En samt treystir þú vini þín-
um og trúir á hann, og þú gerir rétt.
Af þessu-ætti oss að geta orðið það
Ijóst, að trú vor liggur einmitt á því
sviði, þar sem fullar sannanir skort-
ir. Annars væri hún ekki trú, held-
ur fullvissa um staðreyndir. Þegar
því á að dæma um gildi trúarinnar,
hvort heldur það er trú á mátt og
megin, mennina eða Guð, þá er það
ekki meginatriðið, hvílíkir þeir
menn eru, sem vér treystum, þeir
eru sjálfsagt misjafnir eins og geng-
ur, ekki heldur er það höfuðatriðið,
hverir séu eiginleikar þess Guðs, sem
vér trúum á. Um það efni eru líka
skoðanirnar skiftar í hinum ýmsu
trúarbrögðum. Nei, meginatriðið er
þetta: Er trúin, trúin sjálf til gagns
eða ógagns? Er hún verðmæti eða
hégómi ?
Til þess að svara þessu, að því er
guðstrúna snertir, verðum vér eðli-
lega að leita til þeirra, sem guðs-v
trúna hafa átt og eiga, og i öðru
lagi til venjulegrar heilbrigðrar
skynsemi. Og hvað segja þá trú-
mennirnir um þessi efni? Þeir
segjast finna áhrif guðstrúarinnar
einkum á tvennan háitt. Trúin leys-
ir bundna orku í þeim sjálfum, svo
að þeir finna aukið hugrekki, djörf-
ung, þrek og gleði í starfi og bar-
áttu, erfiðleikum og sorg, og aukna
siðferðilega festu. En þeir finna
einnig meira. Þeir finna þann Guð,
sem þeir trúa á og treysta. Þeir
segjast komast í undursamlegt sam-
félag við hann. Þeir finna streyma
til sín frá honum nýja krafta, hugg-
un og frið. Þessi er þá trúarreynsla
þúsunda manna enn í dag. Þessi á-
hrif hefir guðstrúin á menn, ef hún
á annað borð er heil og siterk. Er
nú þetta veiklun? Hvað virðist
yður ? Er það veiklun að finna lífs-
þróttinn magnast, lífsgleðina vaxa
og viljann stælast til starfs og átaka ?
Er það ekki þvert á móti veiklun,
þegar þrótturinn minkar, lífsgleðin
þver og viljinn slappast? Nei, trú-
in er áreiðanlega ekki veiklun, held-
ur er það trúleysið, sem er veiklun
og ber vott um sjúkt sálarlíf. Það
er ekki heilbrigður maður sem al-
gerlega skortir trúna á sjálfan sig.
Hann er óstarfhæfur sjúklingur.
Það er ekki heldur iheilbrigður mað-
ur, sem á engan hátt trúir eða treyst-
ir öðrum mönnum. Vér mundum
sennilega nefna hann sinnisveikan
eða geðveikan. En allra sízt getur
sá anaður talist heilbrigður á sál, sem
á engan tilgang trúir í tilverunni,
engin æðri öfl, engan Guð, heldur
lítur á líf sitt og annara, sem þá
lönguviitleysu, þar sem aðeins ræð-
ur blind hending og miskunnarlaus
tilviljun.
Eins og eg hefi þegar -tekið fram,
þá lýsa trúaðir rnenn reynslu sinni
þannig, að guðstrúin leysi hjá þeim
bundna orku, stæli viljann og stvrki
þróttinn. Þetta er ekkert sérkenni
guðstrúarinnar. Þetta gerir öll trú.
Að þessu leyti er því trúin ótvírætt
verðmæti, sem vér megurn ekki
missa. Lamaðri trú fylgir lamaður
vilji, lamað þrek.
En þetta er ekki nema önnur hlið
trúarreynslunnar, eins og eg hefi
þegar tekið fram. Eftir er hin hlið-
in, sú, að trúaðir menn á æðri öfl,
stjórn og handleiðslu halda því
fram, að þeir komist í beint samfélag
við slíka veru eða verur, og fái frá
þeim beina hjálp, kraft og huggun.
En hvernig komumst vér yfirleitt
í samfélag við aðra menn? Eg á
við andlegt eða sálrænt satnfélag.
Verður það samifélag ekki æfinlega
að byggjast á trausti og trú og ást?
Getur þú komist í samfélag við
nokkurn mann, sent þú hvorki elskar
eða treystir? Er ekki ástin og trú-
in brúin á milli ntannanna hér á
jörð ? Eða munduð þér nokkuru
sinni reyna að leita hugugnar hjá
þeint, sem þér hvorki berið til hlýj-
an hug né treystið í neinu? Það
hefir verið sagt, að ekki væri hægt
að hjálpa þeim, sem ekki vill hjálpa
sér sjálfur. En eg vil bæta því við:
Það er ekki hægt, það er bókstaf-
lega ómögulegt að hjálpa þeim
manni, semi ekki trúir, ekki treystir í
neinu þeim, s-em hjálpa vill og hjálp-
að getur. Þó eg væri allur af vilja
gerður, þá get eg ekki hjálpað þeim,
sem ekki treystir mér og ekki vill
þiggja hjálp mína. Eg-get ef til vill
hjálpað líkama hans, en eg get ekki
hjálpað sál hans. Trúin, traustið,
er ófrávíkjanlegt skilyrði fyrir slíkri
hjálp.
Ef nú eru til æðri verur, þrosk-
aðri, vitrari og betri en vér menn-
irnir, og það er óvit að halda annað,
og ennþá meira óvit að neita því, og
ef algóður Guð er til — og það er
fleira en guðstrúin ein sem á það
bendir að svo sé — ef þetta er svona,
segi eg, geta þá þessar verur nokk-
urn tíma komist í samfélag við þig,
hjáipað þér, huggað þig, þegar mest
reynir á, ef þú sjálfur trúir ekki á
þær, trúir ekki einu sinni að þær (
séu til? Vantrú þín hefir þá rofið
sambandsmöguleikana við þær.
Eins og vér útilokum sjálfa oss j
frá sálrænu samfélagi við aðra
menn, með því að hætta að trúa á þá
og treysta þeim, þannig má svo einn-
ig fara, að vér útilokum sjálfa oss
frá kærleiksáhrifum, krafti og hjálp
æðri vera og æðri máttarvalda, með
því að trúa ekki á þetta, með því að
vanrækja að leggja 'brú trúarinnar
milli þeirra og vor. Eg fæ ekki
skilið, að sá rnaður geti, eða sé það
mögulegt að finna hjálp og huggun
hins góða Guðs, ef hann algerlega
skortir guðstrúna, ef ihann hvorki
elskar Guð, treystir honum né trú-1
ir því yfirleitt, að hann sé til.
Það sem eg hefi verið að sýna
yður fram á og færa rök að er þá í
stuttu máli þetta:
Að trúin er að sínu leyti eins og
ástin, hæfileiki eða tilfinning í
mannshjartanu sjálfu, sem hefir
fýlgt mönnunum frá elztu tíð, sem
menn hafa sögur af.
Að trúin birtist sérstaklega á
þennan hátt, sem trú á sjálfa oss,
mátt vorn og megin, trú á aðra
menn og málefni og trú á æðri verur
og veröld, trú á Guð. Að trúin er
svo langt frá því að vera veiklun, að
hún þvert á móti stælir viljann, efl-
ir þróttinn og knýr oss til átaka og
starfa, enda án hennar öll fram-
kvæmd gersamlega lömuð. Og, að
lóks er það trúin, sem gerir mögulegt
samband og ‘samfélag milli vor og
þeirra sem vér trúum á, hvort sem
það eru aðrir menn eða æðri verur,
og að fyrir trúna getunr vér sótt til
þeirra bæði huggun og kraft.
Virðist þvi ekki netna tvent til
fyrir oss, ef vér viljum meta gildi
trúarinnar rétt, og það vona eg að
við viljum öll, annaðhvort að
hnekkja með skynsamlegum rökum
því, sem eg hefi hér að framan sagt
um trúna, eða að öðrum kosti við-
urkenna, að trúin sé ekki hégómi—
viðurkenna verðmæti liennar og
gildi.
Ef það er rétt, sem trúarmenn-
irnir ihalda fram sem reynslu sinni,
og hverir ættu að vita betur urn
þessi efni en einmitt þeir, ef það er
rétt að trúin sé brúin á milli vor
og þess, sem vér trúum á — farveg-
urinn, sem huldir kraftar streyma
um til vor sjálfra, er þá hægt að
loka þeim farvegi og brjóta þá brú,
nema bíða við það tjón á sálu sinni.
ý)g ef til eru umhverfis oss æðri
verur og ósýnileg máttarvöld, ef til
er kærleikans og máttarins Guð, sem
vill hjálpa oss og styrkja oss, órar
yður þá fyrir þeim krafti og þeirri
dýrð, sem til vor gæti streymt frá
honurn, ef vér sjálf leggjum oss
fram til þess að halda farveginum
opnum — byggjum sterka brú trú-
arinnar milli vor og hans. Það var
á sannfæringunni um möguleikana
til að öðlast þann kraft — kraftinn
af hæðurn, sem orð Jesú voru reist,
þau sem eg gat um i upphafi: Sá
getur alt sem trúna hefir.
En eins og trúin á eigin mátt og
megin getur lent út í þær öfgar,
eins og eg hefi þegar drepið á, að
verða að heimskulegri framlilevpni
og hlægilegu gorti, eins og trúin á
aðra menn getur, er hún fjarlægist
heilbrigða skynsemi og dómgreind,
orðið að háskalegri oftrú eða of-
trausti, er seinna getur valdið oss
sárri kvöl, sorgdegum vonbrigðum
og djúpum sárum, þannig getur
eiijnig trúin í æðsta skilningi þess
orðs, guðstrúin sjálf, leitt inn í þá
myrkviðu þröngsýnis og ofstækis,
þar sem sólargeiislar heilbrigðrar
hugsunar eða vísindalegrar þekking-
ar ná ekki til. Þar í liggur sá háski
fyrir vora andlegu heilbrigði, sem
þjóðin jafnan þarf og jafnan á að
varast.
Með þeirri ósk og von, að ís-
lenzka þjóðin megi jafnan geyma i
brjósti örugga og sterka, bjarta og
heila, en þó skynsamlega og öfga-
lausa trú á mátt sinn og megin, á
land sitt og samborgara, en þó um
fram alt á eilífðareðli mannanna og
alkærleikans Guð, með þeirri ósk
bið eg þann Guð, sem eg tigna og
vil þjóna, að gefa, að þér öll í nú-
tíð og framtíð megið finna og reyna
þann óendanlega styrk og þá tniklu
djörfung, sem trúin veitir þeim, sem
á hana, svo að þér fyrir eigin reynd
komist að raun um, að trúin er ekki
hégómi, heldur Ihnossið æðsta og
bezta, fjársjóðurinn sem aldrei má
glatast.
Sveinn Víkingur.
—Kirkjuritið, júní 1938.
Skýringar yfir trog
og boga
Eftir S. Baldvinsson.
Nú hefi eg efnt heit mitt við
Magnús á Storð, og varð fyrir von-
brigðum, því eg hélt að þetta væri
gildur garpur, og hafði í hyggju að
hasla honunt og Sveini völl í sumar
á Iðavelli, en þá er þetta áttræður
öldungur, sjóndapur og heyrnar-
sljór, eftir margra ára erfið lífs-
kjör.
Hann tók mér alúðlega, og rædd-
um við sainan litla hríð um daginn
og veginn, en aðallega um ættfræði,
sem hann fæst dálítið við, en sem
er ærið erfið hér í landi, því aldrei
var tekið manntal á íslandi, eða
neinstaðar i heimi þar sem sögur
fara af, fyr en 1703. Svo ekki er
liægt að telja neinar ættir lengra,
nerna ihöfðingja íslands og presta, en
þeir voru býsna varkárir að blanda
eigi blóði við alþýðuna, svo hægt
er að rekja ættir þeirra margra til
Landnámsmanna.
En Magnúsi er illa við “trogið”
og undrar mig það, því trog og
tryglar hafa alltíð verið þörfustu
búsáhöld á Norðurlöndum frarnan
úr grárri fornöld.
Þegar Víkingur jarl sendi sonu
sína Þorstein og Þóri til Halfdánar
í Vogum var þeim borinn ntatur í
trogi, og kveðið um:
Þegar enduð vakan var
og vífa togi,
kaldur grautur kom í trogi,
og krubbuspænir tveir á vogi.
Auðvitað var trogið brúkað við
sláturgjörð i tröllasögum, en trogin
voru lika notuð til að setja í alla
mjólk, áður en skilvindur komu í
heiminn — rjómatrog. Og ekki má
gleyma brauðtroginu. Mér er
minnistætt hvað fimlega henni móð-
ur minni fórst að búa til flatbrauð-
ið í föðurgarði, og það smakkaðist
vel, glóðarbakað með nýju smjöri,
svo við þrifumst nærri eins vel á þvi
eins og alikálfarnir í Ameríku, sem
nú þykja bezitir i heimi, og ættu að
vera, eftir ástæðum.
Svo mun Magnús hafa fengið sitt
fyrsta og þarfasta bað í Laugatrog-
inu, og það var einmitt trogið, sem
eg vildi leggja þá báða niður við,
því mér fansit þeir varla vera heil-
brigðir á likama og sál, eftir rit-
hætti þeirra að dæma.
En þeir hafa báðir misskilið mig,
Sveinn og Magnús, og stara báðii
á lilóðtrog. Nú hefi eg skýrt þetta
svo vel fyrir þeim, að það ætti að
vera útrætt mál.
Svo kemur Sveinn til sögunnar;
hann skrifar sig ýmist Árnason, eða
Svein gamla, Skapta, eða Skotta, þó
held eg þetta sé eitt og hið sarna
spendýrið (mennirnir tilheyra þeim
flokki dýra), þó þykir mér vissast
að nefna hann Svein í Selkirk. Og
honum er illa við bogann, og sér
aðeins skotboga, sem nú eru að
mestu gengnir úr móð, nema sem
leikfang en, en þar sem eg sagði í
vor, að eg byggist ekki við að fleiri
refir múndu fást í boga minn á
þessu vori, meinti eg dýraboga, sem
lagðir eru á jörðu og flestum dýr-
um verður hverft við, ef þau festa
skottið í þeim. Þetta ætti ekki að
þurfa meiri skýringar við.
Manntaíl hefir ætíð verið mín
bezta skemtun, en eg get ekki leikið
við Svein í Selkirk; hann kann eigi
annað en refskák.
—Ritað á Lundar,
Frelsisdag Randaríkjanna 1938.
N. B.
Merkileg nýjung í
húsagerð
Við vegamót Hafnarfjarðarvegar
og nýbýlavegarins að sunnan í Foss-
vogi er verið að smíða íbúðarhús af
nýrri gerð. Eigendur hússins eru
feðgarnir Jón Einarsson og Þorkell
Jónsson frá Leynimýri.
Húsið smíðar Kristján Gunnars-
son Húsasmiður á ÞverVegi 14 i
Skerjafirði og er hann höfundur að
lrúsgerðinni. Múrsmíði annast Er-
íendur Einarsson múrarameistari í
Reykjavík.
I gær var blaðamönnum boðið að
skoða húsið. Til að sjá litur það
út eins og steinhús, en þegar inn
kemur, þar sem verið er að siníða,
sér maður að svo er ekki. Hús-
grindin er úr timbri. Stoðir 4x2
þm. með 45—50 cm. millibili með
láréttum bindingum á milli, 3 í vegg-
hæðinni. Utan og innan á grindina
er þanið vanalegt stórriðið girðing-
arnet og veggirnir síðan þaktir utan
og innan með 5 cm. þykkum reið-
ingstorfum. Veggirnir eru að utan
þaktir tjörupappa, sem ér þéttnegld-
ur í borðrenninga, sem negldir eru
utan á stoðirnar, síðan eru veggirn-
ir múrhúðaðir utan á venjulegan
hátt. Innra borð veggjanna er og
múrhúðað. Einangrun útveggjanna
eru því 2 torflög 5 cm. þykk og
lofthólf í milli þeirra um 10 cm. áð
þvermáli. Er þetta óvanalega góð
einangrun, þegar litið er á, að 11 cm.
torflag einangjar svipað og 25 cm.
þykk vikurplata. Skilrúmsveggirnir
eru af sömu gerð og útveggir nema
að í þeim er ekkert loft bil heldur
torfið felt inn í grindina, en torf-
lagið þó tvöfalt milli ibúða og að
útigangi. Skilrúmin eru múrhúðuð.
Þak er af svipaðri gerð og ytra borð
útveggja. Stórriðið girðingarnet
þanið ofan á sperrurnar, torfið lagt
ofan á það milli renninga, sem
negldir eru á sperrurnar siðan þakið
með tjörupappa og múrhúðað yfir
hann. Þar ofan á þaninn strigi, sem
límdur er í múrhúðina með 8—10
mm. þykku jarðbikslagi, í það má
svo strá ýmislega litum sandi. Loft-
ið í húsinu er steinsteypuhella 3ý4
cm. þykk, sem steypt er í grófriðið
girðingarnet, sem fest er upp í bit-
ana og eru þeir þéttir en grannir
úr jánbentri steypu.
Veður því húsið fullgert stein-
klætt innan í hólf og gólf. Glugga
karmarnir eru steyptir í 10 cm.
þykka járnbenta steinsteypugerð og
á henni steinsteypt vatnsbretti neðan
við gluggana. Steinsteypt járnbent
þakbrún er utan um þakið og í henni
þakrenna. Húsið er i 1 hæð með
valmaþaki og steinsteypukjallari
undir 2/3 þess.
Stærðin er 9x11)4 m. Á stofu-
hæð eru 5 herbergi og 2 eldhús, 2
gangar, baðherbergi og salerni.
“Hvað kostar þetta hús fullgert?”
spyrjum vér Kristján.
“14—15 þúsund krónur með raf-
lögn og öðrurn þægindum,” segir
hann. “En mundi kosta kr. 25,-
000,00 úr tinnbri, járnvarið og kr.
27,000.00 bygt úr steini eftir vana-
legum smíðaútreikningi hér í
Reykjavík.”
“1 hverju liggur sá stóri verð-
munur?” spyrjutn vér. “Aðallega i
sparnaði á erlendu efni,” svarar
Kristján, t. d. kostar þessi stein-
steypuplata neðan á loftinu með öllu,
um kr. 450.00, en timburklæðing
með múrhúðun um kr. 800.00. Efn-
ið í þakið telst mér til að rnuni kosta
kr. 600.00, en væri það járnvarið
timburþak, mundi efnið í það kosta
um kr. 1200.00.”
“Hvar fenguð þér reiðingstorf-
ið?”
"Frá Kaupfélagi Eyfirðinga, það
var ekki til annarsstaðar þurt og
svona skorið í vetur, þegar byrjað
var að byggja húsið. Annars mun
reiðingstorf vera nægilegt í flestum
sveitum landsins.”
“Hvenær hugkvæmdist yður að
byggja á þennan hátt?”
“Langt er siðan eg fór að hugsa
unr að taka upp torfið til hlýinda i
húsum1, en aðallega hefir þessi hug-
mynd mín þróast seinustu 3 árin,
sem nú birtist hér í veruleikanum.
Og þótt fyrsta tilraunin sé gerð hér
við Reykjavík ihet'ir altaf vakað
fyrir mér að þetta byggingarlag
verði einkum notað i sveitum.”
"Hafið þér sýnt byggingarfróð-
um mönnum húsið?”
“Já, og skýrt hugmyndir mínar
fyrir þeim. Hefi eg hér umsagnir
nokkurra þeirra um þessa húsa-
gerð.”
Vér lesum þessi meðmæli og eru
þau yfirleitt mjög lofsamleg. T. d.
segir Þorlákur Ófeigsson bygginga-
meistari: . . . “Mér virðist veggja-
gerð þessi hafa margt til síns ágætis
og lízt mér yfirleitt mjög vel á þessa
hugmynd. Eitt er víst: Húsin verða
ákaflega hlý og er það ómetanlegur
kostur, þar sem upphitun er af
skornum skamti, eins og víðast er í
sveitum,” . . . Ragnar Þórarinsson
húsasmíðameistari segir: . . . “Það
DR. B. J. BRANDSON
216-220 Medical Arts Bldg.
Cor. Graham og Kennedy St».
Phone 21 834—Office tímar 3-4.30
Heimili: 214 WAVERLEY ST.
Phone 403 288
Winnipeg, Manltoba
DR. ROBERT BLACK
SérfrœíSingur I eyrna, augna, nef
og hálssjúkdómum.
216-220 Medical Arts Bldg.
Cor. Graham & Kennedy
Viðtalstlmi — 11 til 1 og 2 til 5
Skrifstofustmi — 2 2 261
Heimill — 401 9»1
Dr. S. J. Johannesson
Viótalstlmi 3-5 e. h.
21» SHERBURN ST.
Slmi 30 877
H. A. BERGMAN, K.C.
islenzkur löofrœOincrur
Skrifstofa: Room 811 McArthur
Building, Portage Ave.
P.O. Box 1656
PHONES 95 052 og 39 043
LINDAL, BUHR
& STEFÁNSSON
Barristers, Solicitors,
Notaries, etc.
W. J. Liindal, K.C., A. Buhr
Björn Stefánsson
Telephone 97 621
Offices:
325 MAIN STKEET
PRESCRIPTIONS FILLED
CAREFULLY
GOODMAN DRUGS
Cor. ELLICE & SHERBROOK
Phone 34 403 We Deliver
A.S.BARDAL
848 SHERBROOKE ST.
Selur Ukkistur og annast um út-
farlr Allur útbúnaCur sft. bezti.
Ennfremur selur hann allskonar
minnisvarCa og legsteina.
Skrlfstofu talsími: 86 607
Helmllis talslml: 601 562
sem eg tel sérstaklega kosti, er í
fyrsta lagi það, hvað vel er séð fyrir
því að gera húsið hlýtt og rakalaust,
en það er höfuðkostur íbúðarhúsa,
ekki einungis séð frá því.sjónarmiði,
hvað það er mikill eldiviðarsparnað-
ur, heldur og einnig frá sjónarmiði
heilsufræðinnar eins og allir vita.
Annar kostur er það að mér virðist
þessi húsagerð tiltölulega ódýr, all-
mikið ódýrari en til dæmis sæmilega
vel gerð járnvarin timburhús, end-
ingargildi tel eg og sambærilegt
vel gerðra timburhúsa að minsta
kosti, en þar sem gjört er ráð fyrir
að húsið sé múrað utan og innan er
augljós mikið minni eldhætta en í
timburhúsum.”
“Hafið þér sótt um einkaleyfi á
þessari byggingaraðferð yðar?”
"Já, það er á döfinni ásamt sér-
stakri aðferð til þess að einangra
steinhús með torfi.”
"Hvað hugsið þér yður að taka
fyrir leyfi til að byggja svona?”
“Víst gjald á teningsmeter í hús-
inu, sem verður lítill hluti af því
sem sparast í efni við þessa húsa-
gerð. Eg vona líka að menn fái
það gjald margendurgoldið i eldi-
viðarspamaði.”
Vér kveðjum nú Kristján Gunn-
arsson og þökkum honum fyrir að
hafa sýnt okkur þetta merkilega
hús, sem ef til vill er vísir að stór-
kostlegum endurbótum á húsagerð
í landinu, spara miljónir í erlendu
byggingarefni og skapa mönnum
aukna möguleika til þess að byggja
yfir sig hlý og ódýr hús.
Þeir, sem stjórna byggingarmál-
um í sveitum landsins ættu að at-
huga þessa húsagerð, því vera má að
hér sé lausn á byggingarmálum
sveitanna, sem svo mikið hefir verið
um rætt og ritað.
—Nýja dagbl. 23. júní.
DR. B. H.OLSON
Phones: 35 076
906 047
Consultation by Appointment
Only
Heimili: 5 ST. JAMES PLACE
Winnipeg, Manitoba
Dr. P. H. T. Thorlakson
206 Medical Arts Bldg.
Cor. Graham og Kennedy Sta.
Phone 22 866
Res. 114 GRENFELL BLVD.
Phone 62 200
DRS. H. R. & H. W.
TWEED
Tannlœknar
406 TORONTO GENERAL
TRUSTS BUILDING
Cor. Portage Ave. og Smlth St.
PHONE 26 545 WINNIPEG
J. T. THORSON, K.C.
islenzkur XöofrœOingur
800 GREAT WEST PERM. BLD.
Phone 9 4 668
Arlington Pharmacy
Sérfræðingar í lyfjaforskriftum
796 SARGENT AVE.
við Arllngton
SlMI 35 550
Finnl oas I sambandi við lyf,
vindlinga, brjóstsykur o. fl.
J. J. SWANSON & CO.
LIMITED
«01 PARIS BLDG., WINNIPEO
Faatelgnas&lar. Leigja hús. Ot-
vega peningal&n og eldsftbyrgO af
öllu tægl.
PHONE 94 221
ST. REGIS HOTEL
285 SMITH ST., WINNIPBO
pasoileour 00 róleour bústaOur <
miObiki boroarinnar.
Herbergi «2.00 og þ&r yflr; m*S
baBklefa «3.00 og þar yflr.
Agætar m&ltlölr 40c—«0c
Free Parkino for Quests
55555555555555555555555555555555555555555555555555555555555555555555555555555553
Business and Professional Cards