Lögberg - 12.07.1945, Blaðsíða 3

LÖGBERG, FIMTUDAGINN, 12. JÚLÍ, 1945
3
Ferð til Vancouver
Eftir G. J. Oleson
•H-f
Framh.
Að kvöldi þess 10. marz vor-
um við boðin til Mr. og Mrs. S.
G. Polson; brá okkur heldur en
ekki í brún er þangað kom, að
flestir kunningjar okkar þarna
í borginni voru þar fyrir til að
kveðja okkur, og var þar ekki
einungis fagnaður mikill um
kvöldið, heldur leystu þessir
vinir okkur út með gjöfum að
íslenzkum höfðingja sið. Skal eg
ekki um þetta fagnaðarmót fjöl-
yrða, en þakka af heilum hug
vinsemdina og höfðingsskapinn,
sem okkur var þarna sýndur, sem
við þó áttum alls ekki skilið. Auk
þeirra, sem eg hefi áður nefnt,
kyntumst við þarna Mr. og Mrs.
Hermann Sigurðsson, sem þar
búa í borginni og þakka eg þeim
vinahótin okkur ókendum. Þar
mættum við líka Mrs. Guðrúnu
Carlstrom, sem áður var í Win-
nipeg, dóttur Sigurjóns Björns-
sonar í Blaine, og sver hún sig
vel í ættina. Þessi ágæta kona og
fólk hennar er ekki alls fyrir
löngu sezt að í Vancouver og
líður vel þar.
Á sunnudaginn þann 11. vor-
um við í boði hjá þeim Gústaf
og Dagmar Gíslason, sem áður
voru í Wynyard, Sask. Var þar
í öllu tiliti indælt að koma. Þessi
hugljúfa, yfirlætislausa íslenzka
gestrisni, sem ætlast ekki til
neinna launa (enda fengu þau
engin laun). Þau eru til þess að
gjöra nýlega komin þarna vest-
ur, og eru þegar vel búin að
koma sér fyrir, hafa prýðilega
snyrtilegt heimili, enda er hann
þjóðhagasmiður og málari, og
hefir þar á margt lagt
gjörfa hönd, mig minnir að hann
vinni í skipakvíunum og líður
þeim óefað vel; er ætíð ánægju-
legt að vita til þess, að fólki líði
vel. Meistari lífsins ætlast til
þess að öllum líði vel, en það er
mikið undir andlegu hugarfari
mannsins komið hvað vel hann
byggir grundvöllinn og hvað
farsæll hann verður. Mér leizt
svo á sem þarna væri farsælt
heimili. Þó þau hafi enn æsku-
rós á vanga eru börn þeirra upp-
komin og flest komin burtu, eins
og víðast á sér stað, til að heyja
sína baráttu; það er gangur lífs-
ins. Það var ávinningur fyrir
okkur að kynnast þessum snyrti-
íegu, prúðu og farsælu hjónum.
Um kvöldið var okkur boðið til
Dr. Guttormsson; sótti hann
okkur í bíl; er hann búinn að
vera þarna í borginni í nokkur
ár; var áður fyr all-lengi í Flin
Flon, Manitoba. Hann hefir
ljómandi fallegt)heimili; er hann
nú þegar búinn að fá mikinn orð-
stír sem læknir; er orðinn mjög
vel lærður; var mér sagt að hann
ýæri “Fellow of the Royal Col-
lege of Surgeons”. Hann er son-
ur V. J. Guttormsson á Lundar,
héraðshöfðingja þar og skálds,
og bróður-sonur höfuðskáldsins
G. J. Guttormsson í Riverton.
Hann er Austfirðingur. Allir
Guttormar eða flestir eru Aust-
firðingar. í stétt presta og brag-
snillinga hefir þetta nafn gjört
garðinn frægan fyrir Austfirð-
inga hér vestra, og nú eru þeir
að færa út kvíarnar og leggja
undir sig læknislistina og aðrar
listir. Það var ekki í kot vísað,
að koma til þeirra Guttormssons
hjónanna. Salína kona hans er
fædd og uppalin í Argyle, og
þektum við hana frá fyrri tíð;
var hún um skeið bókhaldari hjá
Columbia Press, áður en hún
giftist. Foi*eldra hennar þekti eg
áður en þau giftust. Kristján J.
Reykdal, faðir hennar, var hjá
okkur um tíma veturinn 1892-3;
var þá nýlega kominn frá Is-
landi. Hann er dáinn fyrir nokkr-
um árum, en móðir hennar lifir
enn í Argyle, mesta ágætis kona,
austfirzk að ætt, systir þeirra
Storms bræðra, sem þar bjuggu
langan aldur. Ljósin loguðu
skært á þessu austfirzka heimili
um kvöldið, og þar var gott og
skemtilegt að vera, og glaðværð
nóg. Um miðnæturbilið héldum
við heim, sofnuðum fljótt og
dreymdum vel eftir þennan
bjarta dag.
Eg hafði ætlað mér að sjá
skáldið Jónas Stefánsson frá
Kaldbak, eg var honum persónu-
lega kunnugur frá þeim tíma,
sem hann var í Argyle, fyrir 27—
28 árum síðan. Svo heimsótti eg
hann í Mikley 1939, er eg var
þar á ferð, en það fórst fyrir að
eg gæti séð hann núna, en konu
hans, frú Jakobínu, mætti eg;
var hún næturgestur á heimil-
inu þar sem við vorum, og átti
eg langt tal við hana; hún er eins
og hún á kyn til, vel greind og
sjálfmentuð. Vel er hún ritfær
og oft hefir hún birt þýðingar
og ritgjörðir í blöðunum; hún
ann íslenzkum bókmentum og
menningarerfðum, er hún stál-
slegin í því, að ræða þessa hluti
og brjóta til mergjar; það er
henni dýrmætur auður og erfða-
fé, eins og það er mörgum heil-
brigðum íslendingi. Þau Kald-
'baks hjónin hafa, eins og svo
margir fleiri, staðið nokkuð á-
veðurs í lífsbaráttunni og átt
undir högg að sækja, en hagur-
inn hefir farið batnandi og skild-
ist mér að þeim liði vel nú í
þeirra nýja heimkynni, og þótti
mér vænt um að heyra það;
fjölskyldan hefir góða atvinnu
og börnin eru mjög efnileg.
Jónas á mjög snjalla skáldgáfu;
sjaldan hefi eg séð fallegra ís-
landsminni, en það, sem hann
flutti á íslendingadaginn á
Hnausum 2. ágúst, 1925. Þar eru
þessi stef:
Hann leið sá ljúfi dagur, og lágt
varð undir sól,
Svo dulur, dýr og fagur, sem
draumsins fyrstu jól.
En kvöldsins kylja nöpur þá kom
á suður reið,
Og nóttin dimm og döpur úr
djúpi tímans leið.
Þá mælti Vísir valda: “Eg vil ei
dimma nótt,
Og enga kylju kalda, hér kyrt sé
bjart og hljótt.
Þá kastar dökkum klæðum í
kvöldsins sölum nótt,
Og horfir björt frá hæðum á
hauðrið tignarrótt,
Og sæl á sumarvegi skein sól um
miðja nótt,
Og brosti á láði’ og legi, þó landið
svæfi rótt.
“Ó dýrð, ó dýrð sé Drottni,” dun-
aði fugla kór,
“Og aldrei, aldrei þrotni hans
háns eilíf tignin stór.”
1 þúsund ára þrautum gekk þjóð-
in undir próf
Á bröttum mentabrautum, hún
björg á stalla hóf;
Nú undrast allur heim þín afrek,
móðir kær,
Ei getur gleymst þinn hreimur,
því Guð á strenginn slær.
Þín von er voldug, móðir, og
verður aldrei tál,
Þó auðgist aðrar þjóðir, þú átt
þó stærsta sál.
Eg hygg þú heimi sendir þann
hugumprúða svein,
Sem boga sigurs bendir og
bræðra græðir mein.
í öllu þessu kvæði er dásam-
lega hrein og falleg hugsun, og
list og leikandi rímsins minnir
mann helzt á “Swinburn”. Margt
hefir hann fallega sagt, en ann-
ars ber þó nokkuð á þunglyndi
í ljóðum hans og jafnvel svart-
sýni. Eins og margir, hefir hann
óefað nokkuð mótast af hinum
sýktu svartsýnis hugarstefnum,
sem svo mikið hefir borið á í ný-
tízku skáldsagna og ljóðagerð
íslendinga.
Eg frétti um það leyti að við
komum tli Vancouver, að Jón
Th. Johnson frá Hólmi í Argyle-
bygð, sem búsettur hefir verið
þar í borginni í nokkur ár, hefði
slasast all-alvarlega á verkstæði
um þetta leyti og lægi þar á al-
menna spítalanum, og var hann
þar alla þá tíð sem við vorum í
borginni; lenti hann með aðra
hendina í vélina, og hefði það
ekki verið fyrir snarræði hans,
að ná á augabragði að stöðva
vélina með hinni hendinni, hefði
hann mist að minsta kosti allan
handlegginn, en eins og var, var
hann illa meiddur og varð að
taka alla fingurna á hendinni
.nema þumalfingurinn.
Eg hafði ætlað mér að heim-
sækja þau hjón, því eg þekti þau
vel að austan, en af áðurnefnd-
um ástæðum varð ekki af því;
átti eg tal við konu hans, frú
Salóme einum tvisvar sinnum
yfir símann, og Jón fann eg á
spítalanum skömmu áður en eg
fór austur; var hann þá á góðum
batavegi og lét hið bezta af sér,
og var af hug og hjarta þakklát-
ur fyrir að hafa sloppið með ekki
verri meiðsli; var hann mjög
bjartsýnn í anda. íslenzkur
læknir, Dr. Grímsson að nafni.
hafði stundað hann og var hann
óspar á það, að'ljúka lofsorði á
lækninn fyrir listfengi, einlægni
og ástundun. Er ánægjulegt að
heyra það, að Islendingur fær
slíkan orðstír.
Jón er karlmenni og dugnað-
armaður, eins og hann á kyn til,
sonur Þorsteins Jónssonar á
Hólmi í Argylebygð frumherji
og höfðingi mikill á sínum tíð.
Jón stundaði búskap lengi í
Argylebygð, og honum og fjöl
skyldunni hefir farnast mjög
vel síðan þau settust að í Van-
couver, og heyrðist mér á hon-
um eins og flestum, að hann vildi
ekki skifta um og hverfa austur
aftur.
(Niðurlag næst).
Bréf frá dr. R. Beck
H+
Þó að bréf það, sem hér fylgir
með, geymist með skjölum Hins
Ev. Lút. Kirkjufélags Islendinga
í Vesturheimi, vil eg gjarnan
birta það nú þegar. Efni bréfs-
ins er svo hugstætt að eg veit
það verða margir, sem hafa
mikla ánægju af því að sjá það
sem fyrst á prenti.
H. Sigmar.
Grand Forks, N.-D., 13. júní.
Rev. H. Sigmar, D.D.
Forseti Hins Ev. Lút. Kirkju-
félags Islendinga í Vesturheimi.
Mountain, N.-Dak.
Kæri vinur:
Síðastliðið sumar, þá er eg fór
til Islands sem fulltrúi Vestur-
íslendinga á lýðveldishátíðina,
sýndir þú mér þá tiltrú og þann
sóma að fela mér að flytja
biskupi og kirkju íslands bréf-
legar kveðjur frá þér og kirkju-
félagi þínu. Þykir mér hlýða að
gera þér nú stutta grein fyrir
því, með hvaða hætti eg rak það
erindi.
Mér var boðið að flytja ræðu
á Prestastefnu íslands, sem hald-
in var venju samkvæmt í Reykja
vík, og var mjög fjölsótt; gerði
eg það síðdegis hinn 28. júní.
Las eg hina bréflegu kveðju
þína við það tækifæri, samhliða
bréflegum kveðjum frá hinu ís-
lenzka kirkjufélaginu vestan
hafs og lýsti einnig starfi hins lút.
kirkjufélags, samkvæmt upplýs-
ingum í síðustu kirkjuþingbók
félagsins, er ritari þess, séra
Egill H. Fáfnis, hafði góðfús-
lega látið mér í té. Að öðru leyti
lýsti eg að nokkru hinu félags-
lega, þjóðræknislega og menn-
ingarlega gildi starfsemi kirkju-
félaganna beggja.
Ekki er það mitt að dæma
um það, hvernig þessi kveðju-
flutningur minn tókst; hitt væri
mikið vanþakklæti af minni
hálfu að skýra eigi frá því,
hversu frábærilega vel kveðjun-
um frá kirkjunnar mönnum og
kirkjufélögunum hér vestra var
tekið á prestastefnunni, bæði af
hálfu biskups og prestanna allra.
Svo ástúðlegar voru þær viðtök-
ur, að eg fæ því vart með orðum
lýst, og kom þar ljóst og fagur-
lega fram góðhugur íslenzku
kirkjunnar, biskupsins og presta
hennar til kirkjufélaganna og
íslenzks kirkjufólks í Vestur-
heimi.
Jafnframt vil eg, þeim orðum
mínum til staðfestingar, leyfa
mér að láta fylgja hérmeð nokk-
ur blaðaummæli um ræðu mína
og kveðjuflutning á prestastefn^
unni, þér og kirkjuþingsgestum
til fróðleiks og uppörvunar. Því
að þau vinsamlegu ummæli eru
talandi vottur um hlýleikann
heima á Islandi í garð íslenzkr-
ar kirkjulegrar starfsemi hérna
megin hafsins.
Þakka eg svo innilega fyrir
þá sæmd að mega flytja kveðjur
Kirkjufélags þíns heima á ætt-
jörðinni á hinu mikla hátíðarári
hennar og óska félaginu bless-
unar Guðs í bráð og lengd.
Með bestu kveðjum.
Þinn einlægur,
Richard Beck.
♦
Nokkur blaðaummœli um ræð-
una og kveðjumar, sem Dr. R.
Beck, fulltrúi Vestur-íslendingn
á lýðveldishátíðinni, flutti á
Prestastefnu íslands 1944.
I frásögn í dagblaðinu “Vísir”
þ. 29. júní (eftir séra Árna Sig-
urðsson fríkirkjuprest í Rvík),
er þannig sagt frá komu dr.
Beck á prestastefnuna og ræðu
hans þar: ,
“Því næst fagnaði prestastefn-
an á ný prófessor Richard Beck,
er þá var kominn á fundinn til
þess að ávarpa prestastefnuna.
Biskup ávarpaði hinn góða gest
hlýjum og hjartanlegum orðum,
en fundarmenn tóku undir af
miklum innileik. Síðan tók próf.
Beck til máls og flutti þróttmikla
og áhrifaríka ræðu. Tókst hon-
um hið bezta að túlka hug Is-
lendinga vestan hafs til gamla
landsins. Skilaði hann kveðjum
Þjóðræknisfélagsins, beggja ís-
lenzku kirkjufélaganna vestan
hafs og forustumanna þeirra, dr.
Haralds Sigmar, hr. Hannesar
Péturssonar og sr. Philips Péturs
sonar, og sagði fréttir af kirkju-
lífinu í kirkj ufélögunum báðum,
hinu evangelisk-lúterska, og Sam
einaða kirkjufélaginu. Sýndi
ræða hans hversu trúræknin og
þjóðræknin hafa verið samofn-
ar í andlegu lífi landa vorra
vestan hafs’ tryggðin við feðra-
trú og þjóðerni fylgt þeim frá
fyrstu landnámsárunum. Síðan
vék próf. Beck að hinu eftir-
breytnisvérðasta í kirkjulífi
Vestur-íslendinga, leikmanna-
starfseminni í kirkjufélögunum.
Lauk hann máli sínu með eld-
heitum, djarflegum og drengi-
legum hvatningarorðum til ís-
lenzku kirkjunnar.
Síðan settust fundarmenn að
kaffiborði og undu þar glaðir
með gesti sínum góða stund við
samtal og borðræður.”
I hinni opinberu skýrslu um
Prestastefnuna, sem birtist í
júní—júlí hefti “Kirkjuritsins”,
er farið þessum orðum um ræðu
dr. Beck og kveðjuflutning hans:
“Þennan dag mætti á presta-
stefnunni prófessor dr. Richard
Beck, fulltrúi Vestur-íslendinga
á lýðveldishátíðinni. Er biskup
hafði boðið hann velkominn,
flutti prófessorinn afburða
snjallt erindi um kirkjumál og
kirkjulíf Islendinga í Vestur-
heimi. Flutti hann prestastétt-
inni og biskupi kveðjur, er hann
hafði meðferðis frá forsetum
beggja kirkjudeildanna íslenzku
vestra, þeim séra Haraldi Sigmar,
fylrir hönd evangelisk-lúterska
kirkjufélagsins, og Hannesi
Péturssyni, fyrir hönd sameinaða
kirkjufélagsins.
Biskup þakkaði þæði hið sköru
lega erindi og hinar hlýju kveðj-
ur, og prestastefnan sendi báðum
kirkjudeildunum vestan hdfs sím
skeyti með árnaðaróskum og
Icveðjum.”
Business and Professionai Cards
DR. A. BLONDAL
Physician & Surgeon
402 MEDICAL ARTS BL.EKÍ
Sfmi 93 996
Helmili: 108 Chataway
Simi 61 023
Dr. S. J. Johannesson
216 RUBY STRBHT
(Beint suSur af Banninc)
Talsimi 30 87 7
•
VlBtaJatlmi 2—i a. h.
DR. A. V. JOHNSON
Dmlitl
6 06 SOMERSET BLDO
Thelephone 97 932
Home Telephone 202 398
Frá vini
Dr. E. JOHNSON
304 Eveline St. Selkirk
Offlce hrs. 2.30—6 P.M.
Phone office 26. Rea. 130
Office Phone Res. Phone
94 762 72 409
Dr. L. A. Sigurdson
116 MEDICAL ARTS BLDQ.
Offlce Hours: 4 p.m.—f p.m.
and by appolntment
DR. ROBERT BLACK
SérfræSingur í Augna, Eyrna, nef
og hálaajúkdómum
416 Medical Arts Buildlng,
Graham and Kennedy St.
Skrifstofusími 93 851
Heimaslmi 42 164
DRS. H. R. and H. W.
TWEED
Tannlæknar
•
406 TORONTO GEN. TRCSTK
BUILDING
Cor. Portage Ave. og Snilth W
PHONE 96 952 WINNIPEG
EYOLFSON’S DRUG
PARK RIVER, N.D.
tslenzkur lyfsali
Fólk gretur pantað meðul ok
annað með póati.
Fljót afgrrelðsla.
Itlei/ers
Siuxlios jCMk
Pfurtcyctfhic (H/aaiýxlumÍkCQamm
224 Notre Dame-
PHONE
96 647
A. S. BARDAL
848 SHERBROOK ST.
Selur líkklstur og annast um dt-
farír. Aliur QtbúnaSur sá beatl
Ennfremur selur hann allskonar
mlnnlsvarCa og legsteina.
Skrifstofu talsimi 27 324
Helmilis tabimi 26 444
HALDOR HALDORSON
bypglnaamri.'stari
23 Music and Art Building
Broadway and Hargrave
Winnipeg, Canada
Phone 93 055
\
Legsteinar
■em skara framúr
Úrvala blágrýti
og Manitoba marmarl
SkrifiO eftir verOskrd
GILLIS QUARRIES, LTD.
1400 Spruce St. Sími 28 89»
Winnipeg, Man.
J. J. SWANSON & CO.
LIMITED
108 AVENÚE BLDG., WPO
•
Faatelgnaaalar. Leigja hús. Út
v*£a peningalAn og eldsAbyrgB
bifreiOaAbyrgB, o. s. frv.
Phone 97 538
INSURE your property wlth
HOME SECURITIES LTD.
468 MAIN ST.
Leo E. Johnson A. I. I. A. Mgr.
Phones Bus. 23 377 Res 39 433
ANDREWS, ANDREWS
THORVALDSON AND
EGGERTSON
LOgfrœOlnoar
209 Bank of Nova Sootla Bldg.
Úortage og Garry St.
Simi 98 291
TELEPHONE 96 010
H. J. PALMASON & CO.
Chartered Accountants
f
1101 McARTHUR BUILDING
WINNIPEG, CANADA
Blóm stundvíslega afgreidd
THE RQSERY ltð.
Stofnað 1905
4 27 Portage Ave. Síml 97 461
Winnipeg.
Phone 49 469 Radlo Service Speclallsts ELEGTRONIG LABS. H. THORKELSON, Prop. The most up-to-date Sound Equipment System. 130 OSBORNE ST., WINNIPEO GUNDRY & PYHORE LTD. Brltish Quality — Fish Netttag 60 VICTOIUA STREBT Phone 98 211 Vlnnipe* Manager, T. R. THORTALDBOM Your patronage will be tppreciated

G. F. Jonasson, Pres. & Man. Dtr. CANADIAN FISH
PRODUCERS, LTD.
Keystone Fisheries /. B Pape, Managing Direotor
Limited Wholesale Distrlbutor* of
404 Scott Block Siml 95 227 Fresh and Frozen Flsh.
311 Chambers St.
Wholesale Distributors af Office Phone 26 328
FRE3B AND FROZEN FI8H Rea Phone 73 917.
MANITOBA FISHERIES WINNIPEG, MAN. T. Barcovitch, framkv.stl. . — LOANS — | At Rates Authorized by Small Loans Act, 1939.
Verzla 1 he'.ldsölu meB nýjan og froslnn fisk. 108 OWENA ST. Skrlfstofusimi 25 356 Heimastml 55 461 PEOPLES FINANCE CORP. I/TI). Ucensed Lend-rs Established 1929 40S Time Bldg. Phone 21 4S9

Argue Brothers Ltd. Real Estate — Financial — and Insurance II HAGB0RG II n FUEL CO. n
Lombard Building, Winnipeg •
J. DAVIDSON, Rep, Phone 97 291 Dial 21 331 kaFl[) 21 331