Lögberg - 26.07.1945, Blaðsíða 3
LÖGBERG, FIMTUDAGINN, 26. JÚLI, 1945
3
og kom út á hana, tvær geitur,
nokkur hænsni og smágarða,
mest með jarðarberjum. Lax-
veiði mun þar góð um stuttan
tíma. Eg var 2 vikum of snemma
fyrir hann. Timburmillur eru þar
á eyjunni, en nokkuð langt í
burtu frá býlum landanna, þar
geta hraustir menn fengið vinnu,
en það er víst ekki margir af
þessu fólki, sem getur notið þess.
Þarna er um 50 Islendingar þá
alt er talið, og það er spursmál
til mín, hvor staðurinn er ís-
lenzkari, Mikley eða þessi, á
báðum stöðunum spurði fólkið
mest um ættjörðina, og talaði alt
íslenzku. í Mikley hafði eg Bene
díkt Gröndal með mér og hann
gat svarað þeim spurningum, en
þarna hafði eg vél með mér, og
sýndi myndir af féinu og rétt-
unum heima, það kom sér vel,
því þarna voru margir fróðir
menn, taka t. d. Ásgeir Vídalín
Baldvinsson Helgasonar, 94 ára,
makalaust minni, og leiddist
aldrei að spyrja frétta að heiman.
Hann var með tveimur sonum
sínum, Thorarni og Karli, við
afréðum það strax að hafa
myndasýningu næsta kvöld í
húsi Mr. Berg, sem var sem næst
miðri bygðinni, og í því húsi
fengum við okkur máltíðir, sem
voru matreiddar og bornar fram
af Mr. Berg, ágætar máltíðir.
Hafin hafði meira að segja bakað
Vínartertu. Konan hans var inni
í Winnipeg, og líklega kemur
ekki aftur, fyrr en hann er bú-
inn að smíða baðherbergið og
svefnherbergið, sem hann er nú
að gera, setja inn öll þægindi.
Börnin eru öll uppkomin og far-
in í burtu að bjarga sér sjálf.
Mr. Berg er listasmiður og mjög
flínkur maður. Hann og Sveinn
Guðmundsson með öðrum gerðu
alt sem mögulegt var til að láta
okkur líða vel. Við vorum að
spila fram á nótt, svo gengum
við Alla okkur til heilsubótar
norður með sjónum í ljómandi
veðri þrjár mílur að hótelinu
og fengum góð rúm.
19. maí, fór eg á fætur kl. 7
og gekk fram á bryggju, sem
náði Iangt fram í sjóinn, þar sátu
margir máfar, svo gæfir að þeir
flugu ekki fyrr en maður var
kominn svo nærri þeim, að það
var ekki nema einn eða tveir
faðmar til þeirra, það sást í botn
í sjónum, en eg sá ekkert nema
skelfiska þar á botninum. Þeg-
ar eg kom þeim aftur var Alla
komin á fætur, og við borðuð-
um, svo fórum við í búð. Eg
fann þar fiskistöngs hjól, sem
var ekki fáanlegt í Winnipeg og
eitthvað keypti Alla af nærfatn-
aði, sem hún sagði að ekki feng-
ist í Vancouver. Svo tókum við
“Taxi” út til landanna. Þá fann
eg það út, að Eiríksson bræður
hefðu verið að leita að mér, til
að taka mig út að fiska, svo
eg sendi til* þeirra, og sagðist
vera til að fara með þeim, en
þá var fjara. En með flóðinu
vildu þeir fara út, svo það varð
að bíða þangað til seinna um
daginn, og þá fór eg með Karli
Eiríkssyni. Hann lánaði mér færi
og eftir nokkra stund, dró eg
vænan þorsk. Þegar eg kom til
baka, heim til þeirra feðga, þá
hafði Thorarinn sett upp ketil-
inn, og gaf okkur gott kaffi. Næst
skoðaði eg kálgarðsblett, sem
var 140 ferhyrnings fet, með 150
plöntum af jarðarberjum, og
þeir sögðu mér að þeir hefðu
fengið 1000 pund á hverju ári í
síðastliðin 2 ár, af þessum bletti,
sem mun vera alveg einstakt.
Þeir Eiríkssons feðgar voru þeir
síðustu, sem höfðu kú í þessu
þorpi, en þeir höfðu svo lítinn
haga handa henni, að þeir voru
nauðbeygðir til að hætta við að
setja upp mjólkurbú.
Um kvöldið sýndi eg myndir
af íslandi, og flestir komu, sem
voru heima og gátu losast. Það
er altaf jafn ánægjulegt að
koma til landa sinna, hvar sem
þeir eru á hnettinum, og ekki
sízt í útjöðrum þar sem þeir
eru einangraðir, eins og er á
þessum afskekta stað. Þar er ís-
lenzka gestrisnin á hæsta stigi.
Mér er illa við að gera nokkurn
mannamun, en það var ein kona
þarna, sem eg tók eftir að hjálp-
aði upp á matreiðslumanninn
með ýmislegt, sem hann þarfn-
aðist með, það var kona Eyjólfs
Gunnarssonar, frá Churchbridge
Sask., hún var systir þeirra
Lofstsons bræðra, þingmanns í
Sask. og gullsmiðs í Selkirk.
Þarna var Karl Sigurðsson, kona
hans og 3 börn, Stefán Arngríms
son og kona hans og fleiri. Ás-
geir V. Baldvinsson, sagði mér
að hann hefði verið sá fyrsti Is-
lendingur, sem hefði orðið land-
eigandi í Canada. Hann kom
hingað vestur árið 1873, og sett-
ist að í Muskoga, Ont.
Það kom “Taxi” eftir okkur
kl. 11,30 e. h., svo við kvöddum
þessa gestrisnu landa okkar, í
þessari afskektu nýlendu, þess-
ari fögru paradís Kyrrahafsins,
með þeirri ósk að Guð yrði svo
góður, að skapa handa þeim kon-
ur, sem gerði þeim lífið ánægju-
legt, og jörðina sér undirgefna.
Full af þakklæti kvöddum við
Alla, og stigum upp í vagninn,
sem tðk okkur norður að gisti-
staðnum. Þegar þar kom, þá
heyrði eg mann hrópa.
“Nei, Guð minn góður, ert
þetta þú Bardal.”
Þetta var Einar J. Einarsson
frá Auðnum, vestur af Gimli,
hann er bókhaldari hjá félagi,
sem er að taka út timbur, og var
þarna með 3 drukkna félaga
sína, að reyna að koma þeim á
stað heim til sín. Það var ekki
lítið gleðiefni fyrir okkur öllu
að sjá þennan unga mann, já
íslending, ódrukkinn, að vernda
hina þrjá frá slysum.
Sunnudaginn 20. ma, tókum
við “Bus” kl. 8 f. h., keyrðum
framhjá löndunum og sáum þá
marga veifa til okkar, sem mein-
ar: “Verið þið blessuð og sæl,
Guð fylgi ykkur”, sem er falleg-
asta kveðjan sem til er á okkar
tungu. Við Alla bárum fram
sömu kveðju til ykkar með
hjartans þakklæti fyrir alla al-
úðina og hlýleikann, sem verm-
ir, því það er innibundið ís-
lenzku eðli, sem aldrei deyr,
hérna megin grafar, og manni
er óhætt að veifa á grafarbarm-
inum, því það lifir hinumegin
áreiðanlega líka.
Við komum til Nanaimo, og
urðum að bíða þar eftir skipinu
í 4 klukkutíma. Það var mjög
skemtilegt að ferðast með því í
yndælu veðri, við komum til
Vancouver á réttum tíma til að
ná messu, en þar er sá ómögu-
legi siður, að þó maður nái
í “Taxi” í tíma þá verður mað-
ur að bíða þangað til að keyrar-
inn er búinn að fylla hann með
farþegum, og svo er komið und-
ir því hvert hinir ætla að fara,
hvenær maður kemst á þann
stað, sem maður þarf að komast
á. Nú fór svo að við urðum þau
síðustu, sem hann lét út úr bíln-
um, “þarna urðu þeir fyrstu síð-
astir”, afleiðingarnar urðu þær,
að við mistum ræðuna hjá.séra
Rúnólfi, hann var að byrja að
spyrja börnin þegar við kom-
um inn í kirkjuna, eftir ferm-
inguna var altarisganga, fyrst 8
börnin, sem voru fermd, og svo
fjórir drengir, sem voru fermd-
ir í fyrra vor. Síðan streymdi
fólk upp að altarinu þar til að
60 altarisgestum hafði verið þjón
að. Eg var þar með fjórum dætr-
um mínum, það var helg stund
og áhrifamikil, og sannur ávöxt-
ur af starfi tengdabróður míns,
séra Rúnólfs. Það voru 12 til
altaris við fyrstu altarisgöngu,
sem hann þjónaði í Vancouver.
Eitt sem hjálpaði til að gera
þessa guðsþjónustu dýrlega var
söngurinn, stjórnað af Hálfdáni
L. Thorlákssyni, og þar sem hann
söng einsöng við það tækifæri
“Sjá hinn mikla flokk”, Steve
Sölvason spilaði á orgelið. Eg
mætti mörgum gömlum kunn-
ingjum eftir messuna, svo tók
Mr. og Mrs. Bjarni Kolbeins
prestshjónin og mig heim til sín,
og eg sá þar 2 drengi og 1 stúlku,
börn þeirra, mjög greindarleg.
21. maí, skrapp eg til séra
Rúnólfs, og hann sagði mér að
eg væri beðinn að koma á sam-
komu, sem félagið Isafold ætl-
aði að halda þá um kvöldið, og
eg var beðinn að sýna myndir
þar. En svo illa. tókst til, að
lampinn í vélinni brann út, svo
eg varð bara að bulla blaðalaust.
Eg bið hér með fyrirgefningar,
og vona að fólkið hafi borið heim
með sér, eins góðar endurminn-
ingar, eins og eg gerði þaðan.
Tvö Islendingafélög eru starf-
andi í borginni, heitir hitt Ing-
ólfur, sem er lestrarfélag. Það
var samþykt á þessum fundi,
Isafoldar, að reyna að sameina
þau, í eitt voldugt félag. Eins var
samþykt í einu hljóði, að styrkja
heimili fyrir aldrað fólk og eins
að halda upp á 17. júní. Eg mætti
þarna mörgum gömlum kunn-
ingjum.
22. maí, komu Mr. og Mrs.
B. Kolbeins, hann er sonur séra
Kolbeins, sem var prestur á
Staðarbakka í Miðfirði í Húna-
vatnssýslu. Kona hans er af
enskum ættum. Þau komu og
keyrðu mig til Blaine, Wash.;
við stoppuðum hjá Mr. og Mrs.
Jakob Vopnfjörð, sem allir Is-
lendingar í Winnipeg þekkja,
þau höfðu hér stórt mjólkurbú
í mörg ár. Þau buðu mér að
gista hjá sér og þáði eg það með
ánægju. Svo keyrði Mr. Kolbeins
okkur Jakob um bæinn og út
á land, þar sá eg gamlan vin
minn, Guðmund Guðbrandsson,
hann er mjög ern á háum aldri.
Fórum við til Hjartar Líndal,
hann er Miðfirðingur, Steinunn
kona hans Finnsdóttir er frá
Neðri Fitjum í Víðidal. Þau hjón
búa góðu búi. Næst fórum við
til Sigurðar tónskálds Helgason-
ar, en hann var ekki heima, eg
sá hann kvöldið eftir. Næst keyrð
um við til Mr. Andrew Daníels-
sonar, fyrrverandi ríkisþing-
manns, þar næst til séra Alberts
Kristjánssonar, sem ekki var
heima, svo við fórum að sjá
hinn prestinn, séra Pál, og fund-
um hann, konu hans og dóttur
heima. Þar var það afráðið að
halda samkomu næsta kvöld og
bjóða fólki upp á myndasýningu
frá íslandi. Það var unnið vel
að því að auglýsa það, hver sem
þekkir'séra Pál, veit hvað dug-
legur hann er, ef hann tekur
eitthvað að sér. Hann tók út
bílinn sinn og keyrði út um allar
jarðir um kvöldið, til að útbreiða
þessa myndasýningu. Til allrar
hamingju hafði eg getað fengið
lampa í vélina, með hjálp Mr.
Kolbeins, sem veit um alla hulda
hluti, eg segi hulda, því hann
gat fundið “Film”, sem enginn
sýndist geta keypt. Hefði það
ekki verið fyrir hans hjálp og
Mr. H. L. Thorlákssonar, þá hefði
eg ekki getað tekið neinar mynd-
ir á ferðinni. Svo eg og fleiri eiga
þbim mikið að þakka í þessu
tilfelli. Mr. Kolbeins og kona
hans sneru svo heim til sín, eftir
að hafa kynt mig svona vel,
eg er þeim stór skuldugur eins
og mörgum öðrum fyrir alla
hjálpina.
23. maí, gengum við Mr. Vopn-
fjörð í kring allan fyrri hluta
dagsins til að heimsækja land-
ana, eg sá gamlan vin minn og
einu sinni vinnumann Gests
Stefánssonar og konu hans Dísu,
börnin voru flest í burtu. Nú
gekk hann við hækju, en augun
full af sólskini. Það gerir manni
gott að mæta svona bjartsýnu
fólki á elliárunum. Eg vár boð-
inn fyrir miðdagsverð hjá Mr.
og Mrs. A. Daníelsson, og þar
var gott að koma. Eftir máltíð
fór eg til séra Alberts, og hann
keyrði mig til Mrs. Finnsson,
ekkju Péturs frá Neðri-Fitjum í
Víðidal. Þar sá eg stóra fjöl-
skyldu, börn og barnabörn, svo
tók séra Albert mig til Blóma
Jóns Stevens, og hann sýndi mér
öll sín blóm, sem voru bæði
mörg og falleg. “Tulips” 30 þml.
á hæð, með 4 þml. blómi, 6 frá
einni rót, og 4 blóm á hverri
stöng, 9 þml. breidd á blóminu
sjálfu. “Gladyola” 6 fet 6 þml.
á hæð. Þessi Jón er þekktur af
öllum í Blaine sem Blóma-Jón,
hann hefir all-mikið vit sá landi,
eitt er víst að hann stundar
blómin vel, og hefur mikla á-
nægju af því, að rækta þau, og
fræða aðra um þau. Það kemur
sér vel, því landarnir kunnu
ekkert í blómafræði, þegar þeir
komu að heiman. Næst tók séra
Albert mig til Vopnfjörðs, og
eg skildi þar við hann með þakk-
læti fyrir alla hjálpina. Eftir
litla bið kom séra Páll að sækja
okkur, hann sýndi mér Lútersku
kirkjuna, sem er mjög myndar-
legt hús. Þar rétí hjá er Kvenn-
félags samkomuhúsið, séra Páll
tók okkur heim til sín, fyrir
máltíð, sem var borin fram af
þeim mæðgunum, konu hans og
dóttur. Eftir máltíð keyrðum við
til samkomuhússins, það var
þetta fyrrnefnda íÉvenfélags-
hús. Þangað komu nálega eitt
hundrað manns. Myndasýningin
gekk slysalaust, og svo gáfu kon-
urnar þeirra A. Daníelsson og
prestsins, öllum frítt kaffi og
brauð. Fólkið sýndist skemta sér
vel, og eg sá þar marga, sem
eg hefði ekki getað séð með
neinu öðru móti, t. d. Sigurð
Helgason og Ellis Thomsen, sem
stjórnaði útfararverzlun minni a
Gimli í nokkur ár. Eftir margar
hlýjar kveðjur tók Mr. Vopn-
fjörð mig heim til sín, og eg svaf
vel til morguns, Það er eitt, með
öðru, sem er þægilegt hjá J. V.
og það er, hann lét grafa brunn
og er þeir voru komnir stutt
niður, þá gaus hann, svo lagði
J. V. pípur inn í húsið sitt, og
meira að segja næsta hús, og
hefur nóg af góðu vatni fyrir
þau bæði. Eg gæti skrifað heila
bók um þau hjónin, sem ætti
að vera skrifuð áður en langt
líður. En það er upp til Þ. Þ. Þ.
að gera það. Einu tók eg eftir,
og það var að Mrs. Vopnfjörð,
hafði vísu eftir, ef hún heyrði
hana einu sinni, það geta ekki
margar konur nú á dögum.
24. maí, er helgidagur í Can-
ada. Þá kom Andrew Daníels-
son og kona hans með honum
með bíl, og þau keyrðu mig til
Jónasar Sveinssonar, hann býr
þar sunnan við bugðuna. En þar
var voða ástand, konan mjög
veik, hjálparlaus, og hann al-
einn, að reyna að hjúkra henni,
og hann sjálfur mjög veikur,
hefur legið þungar legur. Það
þarf einhver að taka þarna í
taumana, ef þetta á ekki að hafa
voðalegan enda, segjum svo að
hann fengi aðsvif eða yfirlið,
þá er enginn til að skýra frá
því til nágrannanna, eg treysti
því að Mr. og Mrs. Daníelsson
geri eitthvað í því að breyta
þessu ástandi, eg veit að þau
voru mikið að hugsa um það,
því það hafði sömu áhrif á þau
eins og mig. Við keyrðum fram-
hjá Mr. Kelly Brandsson, bróð-
ur Dr. B. J. Brandson sál., hann
var einn heima og bar sig vel,
konan hafði skroppið í búð, hann
hefur bú þarna við bugðuna,
rétt við sjávarbakkann.
Svo keyrðum við norður til
Canada, en það voru svo marg-
ir bílar við línuna, að það tók
langan tíma að komast í gegn,
fyrir þá sem voru á leið suður,
en við sluppum í gegn nokkuð
fljótt. Þegar til White Rock kom,
fundum við Mrs. A. T. Ander-
son, hún heitir Kristíana, hún
á einn son og upeldisdóttur,
bæði heima. Eg kvaddi Daníel-
sons hjónin, með þakklæti, og
kærum kveðjum til þeirra, sem
höfðu greitt fyrir mér. Mrs.
Anderson lét drenginn sinn
keyra mig suður aftur til Belling
ham. Þar hitti eg íslenzkan út-
fararstjóra, John E. Westford,
Beck heitir félagi hans. Þeir
hafa mjög snoturt útfarar-
heimili, og nóg að gera, til að
halda við sönsunum. Faðir Johns
er bóndi, og konan af enskum
ættum, þau búa í Mouse River,
(Frh. á bls. 7)
Business and Prc ifessional Cards
DR. A. BLONDAL Phi/tioian St Surgeon 46J MEDICAL ARTS BLDQ Slmi 93 996 Helmlli: 108 Cfa&taway Slml «1 028 215 RUBT STRBBT (Betnt «u8ur af Bannlng) TtMml 10 177 • Viet&lstiml 1—■ e. k.
DR. A. V. JOHNSON OtmtUt • Dr. E. JOHNSON 804 Evellne St. Selkirk
6 06 SOMERSEa' BLDQ. Thelephone 97 932 Home Telephone 202 SM Offlce hrs. 2.30—6 P.M. Phone office 26. Res. 180
* Oíflce Phone Res. Phone 94 762 72 409
Frá vini Dr. L. A. Sigurdson 116 MEDICAL ARTS BLDO.
Offloe Hours: 4 p.m.—6 p.m. and by appolntment
DR. ROBERT BLACK SérfrteBlnjrur I Augna, Eyrna, nef ot hAlaajúkdömum 416 Medlc&l Arts BuUdlng, Grafa&m and Kannedy Ht. Skrifstofuslml 93 851 Heimaslmi 42 154 DR8. H. R. and H. W, TWEED Tonnlaknar • TORONTO QBN. TROSTf BUILDINQ Ogg. Fortage Ave. og Bmlth PHONE 96 952 WINNIPEQ
EYOLFSON’S DRUG PARK RIVER, N.D. Itlenekur lyfsaH 'jnei/ees
Túlk getur p&ntaí meBul oe ann&B meB pösU. Fljöt &fKrel6sl&. •SZ4 Notra Damo-
96 647 r\
A. S. BARDAL 848 8HERBROOK ST. Selur llkklstur og ann&st um öt- f&rlr. Allur ötbúneBur sft bestl Ennfremur aelur h&nn allskonar minntHvarSa og leersteina. Skrlfstofu talslmi 27 324 Helmilis t&lffímí 26 444 Legslelnar sem skara framúr Crvala blégrýtl og Manitoba marmarl BhrifiO eftir verOtkrd GILLIS QUARRIES, LTD. 1400 Spruce St. Sími 28 8tl Winnlpeg, Man.
HALDOR HALDORSON Í>1/opingamHstari 23 Muslc and Art Buildlng Broadway and H&rrrave Winnipeg, Canada Phone 9 3 055 J. J. SWANSON & CO. LTMITED 801 AVENUE BLDQ.. WPQ • Fastelgnasalar. Lelgja hös. Ot vegfi penlngalín og »ldsúbyrg8 blfrsieaábyrge, o. s. frv. Phone 97 538
INSURE your property wlth HOME SECURITIES LTD. 468 MAIN ST. Leo E. Johnson A. I. I. A. Mgr. Phones Bua. 23 377 Res 39 433 ANDREWS. ANDREWB THORVALDSON AND EGGERTSON Löofrmðinoar 809 Bank of Nova Scotla Bl4g. Portage og Qarry St. Sfmi 98 2»1
TELEPHONE 96 010 H. J. PALMASON & CO. Chartered AocountanU 1101 McARTHUR BUILDINQ WINNIPEQ, CANADA Blóm stundvíslega afgreldd THE ROSERY ini. Stofn&B 1(06 427 Portage Ave. Slml 97 461 Winnlpeg.
Phone 49 469 Radio Servlce SpecUllsts ELECTRONIC LABS. H. THORKELSON, Prop. The most up-to-date Sound Equlpment System. 130 OSBORNE 8T., WINNIPEO GÍINDRY & PYMORE LTD. Brtttoh Quallty — Flsh Netttac 6« VICTORIA 8TRKBT Phone 98 211 Wtnnlpe* Vanaoer, T. R. THORTALDBOE Tour patronage wlH be ipprecl&ted
O F. Jon&sson, Prea. St M&n. Dtr. Keystone Fisheries Limited 40 4 Scott Block Slml 95 227 Wholeeale DUtributore af rRESH AKD FROZEV FI8K CANADIAN FISH PRODUCERS, LTD. t. B. Faoe. Manaoino Direotor Wholesale Distributors ot Fresh and Frosen Flsh 111 Chambers 8t Office Phone 26 328 Ree Phone 78 917. j
MANITOBA FISHERIES WINNIPKQ. MAN. T. Bercovitch, framkVAtl. Verzla I helldsölu meB nýj&n og froalnn flak. 108 OWENA 8T. Skrlfatofuslml 15 356 Hetm&alml 66 468 — LOANS — At Rates Authorized by Small Loans Act, 19 39. PEOPLES FINANCE CORP. I/TT). Licensed Lend-rs Established 1929 | 408 Tlme Bldg. Phone 31 489
Argue Brothers Ltd. Real Estate — Financlal — and Insurance Lombard Building, Wlnnipeg J. DAVIDSON, Rep. Phone 97 291 TJ HAGBORG U n fuel co. n • Dial 21 331 nÍÍÍ) 21 331