Kirkjublaðið - 01.12.1894, Blaðsíða 2
‘210
var komið, eins og lesa má í Matteusarguðspjalli 11. kap.
7.—19. vers. En efni ræðu hans var þetta:
Enginn dragi þá ályktun af orðsendingu skírarans til
mín, að hann sje maður óstyrkur og staðfestulaus, beygi-
legur sem reyr, er blaktir fyrir vindi. Má vera, að þjer
nú hafið það álit á honum, en víst er um það, að þjer
voruð annarar skoðunar, er þjer þyrptust út að Jórdan,
til þess að sjá hann og heyra. Þá fóruð þjer þangað
ekki til þess að sjá óstyrkan mann, líkan reyrnum á
fljótsbökkunum, sém vindurinn skekur. Ekki var Jóhann-
es heldur eins og höfðingjar þessa heims, að hann lifði
fyrir nautn veraldiegra gæða, klæddur mjúkum fötum,
eins og þeir, sem lifa í höllum konunganna. Ekki stafar
óþreyja hans í fangelsinu frá þvi, að hann fýsi lausnar-
innar, til þess að geta notið sællífis og makinda í heim-
inum; enda voruð þjer ekki þeirrar skoðunar á honum,
er þjer fóruð út á eyðimörkina; því þjer fóruð þangað
til þess að sjá mann, er hafði helgað Guði líf sitt og mat
öllu öðru fremur, að gjöra Guðs vilja og vinna það verk,
sem Guð hafði fengið honum í hendur. Þjer leituðuð á
fund Jóhannesar í þeirri trú, að hann væri spámaður, og
það er hann einnig. Jóhannes er ekki að eins öllum
öðrura spámönnum æðri, heldur er enginn sá af konu
fæddur, sem meiri sje en Jóhannes; því hann er fyrir-
rennari Messíasar sjálfs, sem spámennirnir hafa spáð um,
hann er hinn annar Elías! En hins vegar megið þjer
ekki af hinni miklu þýðingu Jóhannesar og af hinu há-
ieita verki, er Guð fjekk honum að leysa af hendi, draga
neinar ályktanir viðvíkjandi stöðu Jóhannesar í Guðs ríki,
því þótt enginn sje meiri en Jóhannes af öllum þeim,
sem af konu eru fæddir, þá er »hinn minnsti í ríki himn-
anna honum meiri«. Skilyrðið fyrir því, að ná inngöngu
í ríki himnanna er ekki í þvi fólgið, að Guð hafi gefið
oss háleitt og göfugt verk að vinna í heiminum, heldur í
því, að vjer með þvt að veita Messíasi viðtöku, sjeum
komnir í samfjelag við Guð, sem sendi hann, eins og börn
við föður sinn. Þrátt fyrir hina miku þýðingu sína, er
Jóhannes enn þáfyrir utan þröskuld Guðs ríkis, því hann
er enn þá ekki kominn til hvíldar og friðar 1 hinni þjarg-