Kvennablaðið - 30.11.1902, Síða 6

86
KVENNABLAÐIÐ.
og sveitapilti, sem hingað hefir komið ókunnug
hafi orðið að fótakefli. Hér er eins og sjálfsagt
er allstaðar í borgum, að ekki er þægilegt að geta
komist í kunningsskap á góðum alókunnugum
heimilum, nema einhver hafi gefið meðmæli, eða
beðið fyrir mann.
Mér hefir því oft dottið í hug, hvort ekki
væri óskaráð fyrir sveitafólkið ókunnuga, sem á
haustin kemur til Reykjavíkur, að mynda félag
með sér, til skemtunar og fróðleiks. Fyrir því
ætti að gangast efnilegt fólk, bæði piltar og stúlk-
ur. Það mætti kalla það „Sveitafólks-klúbbinn",
því alt þarf hér að heita „klúbbur", cf það á að
vera notandi. Þetta félag gæti leigt sér húsnæði,
og haft svo sín föstu fundakveld og skemtikveld,
eins og önnur skemtifélög, t. d. embættismanna-
félagið, verzlunarmannafél., Iðnaðarmannafél., Sjó-
mannafél. o. s. frv. Eg er viss um, að flestir vildu
vinna til að gjalda nægt tillag, ef einhverjir dug-
legir stæðu fyrir þessu fyrirtæki. Og eg er líka
viss um, að þetta gæti komið í veg fyrir marga
óreglu karla og kvenna, ef því væri vel og heið-
arlega stjórnað, og menn væru vandlátir með, að
leyfa ekki neinum skríl inngöngu í félagið. Eg
hefði gaman af, að heyra hvað fólk, sem hér hefði
verið, segði um þetta.
Þfn einl. vinstúlka
Asta.
P. S. Eftir á að hyggja. Eg hefi verið hér
í leikhúsinu og séð þennan nýja leik: „Hugur rœð-
ur hdlfum sigri". En lítið þykir mér til hans koma.
Stefanía fær ómerkilega „rollu", sem ekkert er
hægt að gera úr, og er það skaði, því hún er þó
sú leikkona hér, sem verulega ieikur, og leikur oft
bæði fínt og trútt, og Arni Eiríksson fjölhæfasti
leikarinn og Jón Jónsson sá, sem beztur var í
„Elsker-rollunum" — þeir eru því miður báðir
hættir að leika. — En Kristján Þorgrímsson held-
ur leikunum uppi. Gunnþórun leikur líka mjög vel.
Þín As/a
Eldhússbálkur.
Lamhakjöt með káli.
2 matskeiðar af smjöri og 3 matskeiðar af
hveiti eru hrærðar saman í potti yfir eldi, og þynt-
ar út með sjóðandi vatni, svo það verði eins og
þykk sósa. Svo er 1V2 ® lamba- eða kindakjöt
brytjað smátt, eg látið ofan í þessa sósu, ásamt
litlu smáttskornu hvítkálshöfði. Þetta er látið í
lög, kjöt og kál til skíftis, og milli laganna salt
og pipar, þó svo að saltið sé ekki meira í alt, en
x/x matskeið, og piparinn ekki meiri en x/x teskeið.
Lokið er svo látið á pottinn og maturinn soðinn
við jafnan eld, og stöðugt hrist til, þangað til bæði
kjötið og kálið er soðið. Borið á borð eins og
frikassi. Líka má bæta meira vatni í og bera
svo matinn á borð eins og súpu. En þá er það auðvit-
að borið fyrst á borð. —
Eplabýtingur með rjóma.
7 blöð af húsblasi eru lögð í bleyti í kalt vatn
og slðan leyst upp í litlu af sjóðandi vatni. x/x pt.
rjómi er hrærður í froðu, og tæpum tveim pel-
um af eplamauki hrært fyrst saman við rifið
hýði af x/x sítrónu, svo í húsblasið, sem leyst er
upp og síðast þegar það er hér um bil kalt er
rjómafroðunni hrært gætilega saman við. Þessu
er svo helt í lítil falleg blikkmót, sem staðið hafa
1 kl.st. full með kalt vatn, eða ef þau eru ekki
til, þá í kaffibolla, og svo eru mótin sett á kald-
an stað í 3—4 tíma, til að býtingarnir verði stíf-
ir. Þegar á að hvolfa þeim úr, þá erubrúnirnar
losaðar varlega frá mótinu, og það rekið fljóttof-
an í heitt vatn, áður en því er hvolft á kökudisk
eða fat. Býtingarnir eru skreyttir með kryddhlaupi,
og bornir á borð með smákökum. —
JÓZK ULLAR- OG GÓLFDUKAVERKSMIÐJA,
Stofnuð 1886 af
O. GLISTRUP
— Ringkjobing í Danmörku, —
hefir d boðstólum handa hverju heimili:
prjóuagaru, vefjargaru, gólfdúka og alullar-
klæði 1 karlmanna- og kvennfatnaði.
Sýnishorn og verðlistar sendast kostnaðarlaust
ef óskað er.
Eingöngu beztu vörur og alull.
Borgun fyrir þetta má greiðast í ull.
Sömuleiðis er ull og tekin til vinnu.