Dagskrá - 19.07.1897, Blaðsíða 2
Eimskipið C. F. Grove (skipstjóri Bloch) kom
í morgun með allan útbúnað til vitanna; lagði af stað
frá Höfn 6. þ. m. Með því kom skólastjóri Markús
Bjarnason. Tveir danskir verkfræðingar, Brink og Smith,
voru einnig með skipinu. Það kom við í Leith; fór
þaðan þann 13.
Frá Miklagarði segir hraðskeyti eitt (2. þ. m.)
að Edhem Pasha hafi látið það uppi við hermálaráða-
neytið tyrkneska að hann mundi neyðast til þess að
leggja niður herstjórn, ef friðarsamningar kæmust á,
þannig gjörðir, eins og stórveldin færu fram á. —Hann
mundi þá ekki treystast til að halda neinum aga yfir
þeim her, er hann hefði verið skipaður yfir. —
Annað skeyti frá Miklagarði (30. f. m.) segir að
Tyrkjastjórn sje einráðin í því að krefjast Þessalíu sem
hernumins lands, samkvæmt þjóðarrjettinum. —
Aptur segja nú hinar allra síðustu fregnir að Rússa-
keisari hafi fyrir skemmstu ritað Soldáni á þá leið að
hann vonist svo góðs af hinni alkunnu friðsemi Tyrkja-
stjórnarans að hann flýti nú svo mikið fyrir friðarsamn-
ingunum við Grikki sem unnt sje, og fylgir það með
sögunni að Soldán hafi látið sjer segjast svo við þetta
brjef að hann hafi strax sett herkostnaðarkröfur sínar
niður i c, 70 milljónir króna — og jafnframt falið ráða-
neyti sínu að ákveða um landamærin á grundvelli þeim
er stórveldin hafa haldið fram.
Stórkostlegt járnbrautarslys í Danmörku
var nýfrjett til Leith þegar »Grove« fór þaðan. Slysið
hafði orðið á brautinni Gentofte —- Helsingör og höfðu
30—40 manns biðið bana en á 2. hundrað meiðst
meira og minna. — Þetta er hið fyrsta járnbrautarslys
sem teljandi er að orðið hafi í Danmörku.
Dr. Jameson, sá er gjörði hið alræmda áhlaup
á Transvaal á sínum tíma, er nú fyrir nokkrum dögum
farinn frá Englandi til Suður-Afríku. Höfðu vinir hans
sjeð svo um að enginn yrði þess var er hann fór af
landi burt. Svo er sagt að gamla dr. Jim sje falið að
stofna lögregiuflokk af innlendum mönnum í Maschona-
landinu, en það stendur undir umráðum hins illa þokk-
aða enska verslunarfjelags »The Chartered Company«.
Fjórði fundur blaðamanna(international) var
haldinn í Stockhólmi og er nýafstaðinn. Þótti mönnum
vera fremur lítið gjört eða ályktað á þeim fundi, og er
sagt að örlátar veitingar Stockhólmsbúa hafi átt mikinn
þátt í því. Næsti fundur ákveðinn í Lissabon.
Óeirðir í Indlandi. í Kalkutta hafa orðið tats-
verðar óeirðir nýlega og lögreglan mátt skerast í leikinn.
Er álitið að þessar óeirðir standi í sambandi við ýms
mjög æsandi flugrit, er hefur verið dreift út meðal þegna
Viktoríu drottningar í Indlandi, og er þar með einkum tal-
inn ritiingur emn er sendur var út rjett fyrir demantsaf-
afmælið, og sem minnst hefur verið á fyr í Dagskrá.
Tjón af Stormi hefur orðið, svo milljónum kr.
skiptir í nokkrum hjeruðum á Þýskalandi: (Weinberg,
Kútizelsaun, Gerabrunn og Hall). Vínekrur, garðar og
merkur hafa alveg eyðilagst yfir stór landsvæði.
Dýraverndun í höfuðstaðnum.
Annaðhvort er ekkert dýraverndunarfjelag til hjer
í Reykjavík eða það lætur nauðalítið til sín taka. Sje
það ekkert til, þá ættu bestu menn bæjarins að stofna
það sem allra fyrst, en sje það til að nafninu, þá hlýtur
það að sofa og væri vel gjört að ýta við því. Þess
sjást og glögglega merki daglega, að sljófar eru tilfinn-
ingar manna gagnvart málleysingjunum. Núna undan-
farna daga hafa menn verið hjer á ferð með lestir og
hafa fylgt þeim folöld fárra vikna gömul, sem hafa verið
svo aðframkomin af þreyiu og hófsæri, að það hefur
orðið að berja þau með hörðum svipuólum til þess að
standa upp og fylgja móðurinni; þau hafa í engan fót-
inn getað stigið þegar farið hefur verið af stað hjeðan,
hvað þá þegar heim er komið, ef til vill eitthvað langt
austur á land. Lögreglan er beinlínis skyld að sjá um
að slíkt eigi sjer ekki stað; hún á að sjá um að folöldun-
sje ekki misboðið, ef eigendurnir eru svo hugsunarlausir
að þeim dettur það ekki í hug sjálfum.
Það mundi talinn illur húsbóndi, sem Ijeti þjón sinn
ganga berfættan langan veg og grýttan, en þótt vesal-
ings skepnurnar verði að þola það, þykir ekkert athuga-
vert. Það er einnig ósæmilegt að láta það viðgangast
að teymdar sjeu langar lestiruppnr bænum, þar sem hest-
um er hnýtt hverjum aptan í tagl annars. Jeg dauðskamm-
aðist mín fyrir það nýlega þegar jeg var niðri á götu
og enskir ferðamenn bentu á lest sem var teymd upp
úr bænum; þeir hlógu dátt að því, hve skrælingjalegur
var útbúnaðurinn að öllu leyti, en einkennilegast þótti
þeim að hnýtt var í töglin. — Það virðist annars liggja
nærri dýralækninum að gangast fyrir .dýraverndun hjer
í bænum; jeg efast ekki um að hann gæti haft manna
mest áhrif í þá átt, og jeg efast heldur ekki um að
honum sje ljúft að gjöra það.
Dýravinur.
Mannþekkjaralistin.
Alkunnum mannþekkjara enskum segist svo um
það hvernig þekkja skuli mann afhöndunum.
»Sá sem hefur stórar hendur er vanalega seinn og