Lögberg-Heimskringla - 08.01.1970, Side 2

2
LÖGBERG-HEIMSKRINGLA, FIMMTUDAGINN 8. JANÚAR 1970
Leona Gordon
ÍSLANDSFRÉTTIR
Laugardaginn 25. október
hélt Tónlistarfélagið áttundu
tónleika sína á þessu ári. Þar
söng Leona Gordon, sópran-
söngkona frá Bandaríkjunum,
en með henni léku þeir Árni
Kristjánsson, píanóleikari, og
Gunnar Egilsson, klamettleik-
ari.
Söngskemmtun L e o n u
Gordon var eins og ferskur
andblær. Það er langt síðan
hér hefur heyrzt góður sópr-
ansöngur á konsertpalli, og
skelfing var það hressandi til-
breyting frá ö 11 u m þeim
mezzo- og altsöngkonu söjig-
skemmtunum, sem verið hafa
á boðstólum tmdanfarin ár.
Leona Gordon hóf söng sinn
með aríu úr óperunni „Júlíus
Cæsar“ eftir Handel. Það er
viðkvæm og vandsungin aría,
sem fáar söngkonur hefðu haft
lcjark í sér til að hefja tón-
leika með. Næsta viðfangsefni
var a r í a Fiordiligi „Come
scoglio” úr óperunni „Cosi fan
tutte” eftir Mozart. 1 þessari
aríu eru óvenjuleg stökk frá
neðstu tónum sópransviðsins
til þeirra efstu. Leona söng
aríuna léttilega og af tilþrif-
um, og virtist ekki eiga í
n e i n u m vandræðum með
raddtæknina. Mér kom í hug
eftir að hún hafði sungið
þessa aríu, að hvaða óperuhús
sem væri gæti verið hreykið
af að hafa slíka söngkonu í
sinni þjónustu. Söngrödd Le-
onu er lyrisk sópranrödd með
öruggt miðsvið, góða hæð og
raddtækni í bezta lagi. Rödd-
in nýtur sín bezt í „mezzo
píanósöng”. Aðall hennar sem
söngkonu felst þó einkum í
því, að hún vinnur viðfangs-
efnin mjög vel og hugsar fyrst
og fremst ‘um að koma tón-
verkinu fagurlega til skila.
Einnig hefur hún mjög fallega
sviðsframkomu.
Næst á efnisskránni var tón-
verk Schuberts „Der Hirt auf-
dem Felsen”. Þar lék Gunnar
Egilsson með á klarinettu. Það
var mjög fallega unnið af öll-
um þrem, Leonu, Árna og
Gunnari, og skemmtilegt að
heyra þetta verk flutt hér í
tónleikasal. Síðustu þrjú lög-
in fyrir hlé voru eftir Strauss,
„Zueignung“ „Morgen" og
„Standchen". öll eru þessi lög
perlur, en sópransöngkonur
virðast sækjast eftir að syngja
þau fremur en önnur lög eftir
Strauss, svo að við liggur að
manni finnist stundum of mik-
ið af því góða. Þar að auki
hafa lögin fengið sína „söng-
hefð“, þ.e.a.s. öndun, radd-
myndun og túlkun er orðin
svo einskorðuð, að maður veit
nákvæmlega hvernig lögin eru
meðfarin ef góð söngkona á í
hlut. Leona söng lögin í hefð-
bundnum stíl og þau nutu sín
vel. Átti hinn 'frábæri píanó-
leikur Árna Kristjánssonar
ekki hvað sízt þátt í því.
Ætla mætti, að eftir slíkan
fyrri hluta söngskrár myndi
eitthvað auðveldara fylgja á
eftir, en svo var í rauninni
ekki. Síðari hluti efnisskrár-
innar var mjög nýstárlegur og
sjaldheyrður. „Gimsteinaaría“
Marguerite úr óperunni
,,Faust“ eftir Gounod var
fyrsta viðfangsefnið eftir hlé.
Þessi aría er mjög fögur, en
ef til vill verður maður að
þekkja söguna og textann til
að njóta hennar til fulls. Le-
ona söng aríuna á frönsku, og
hefði bæði píanó og söngur
mátt vera meira sannfærandi,
einkum til að imdirstrika and-
stæðuna í upphafi aríunnar,
sem hefst á látlausu þjóðlagi,
og seinni hlutans, þar sem
Marguerite hefur hlaðið sig
gimsteinum og frá sér numin
af hrifningu syngur um sína
eigin fegurð! Næst söng Leona
„fimm söngva og dansa frá
Auvergne“, sem franska tón-
skáldið Canteloube hefur upp-
haflega útsett fyrir hljómsveit
og einsöng. Gunnar Egilsson
lék á klarinettuna með píanó-
leiknum og nutu lögin sín
mjög vel í þeim búningi. Þessi
þjóðlög söng Leona yndislega,
hún sameinaði angurværa
blíðu og leikandi gletni.
Arían „Ain’t it a Pretty
Night“ úr söngleiknum „Sus-
annah“ eftir Floyd var há-
mark tónleikanna. Þar naut
söngrödd, tækni og túlkun
Leonu sín til hins ýtrasta, og
það má segja að slíkur söngur
beinlínis skapi tónverkið. Að
lokum voru tvö lög úr „Porgy
og Bess“ eftir Gershwin, og
einnig þar átti Leona heima
og það svo, að hið margþvælda
Iag „Summertime“ v a r ð ó-
gleymanlegt í þeirri látlausu
og mildu meðferð, sem Leona
gaf því. Leonu var óspart
klappað verðskuldað lof í lófa,
og söng hún „Draumalandið“
e f t i r Sigfús Einarsson sem
aukalag. Það lag söng hún á
þann máta, að áheyrendur
skildu og fundu, að ísland
var hennar „Draumaland“!
En, eins og kunnugt er, er
Leona íslenzk í báðar ættir,
en fædd og uppalin í Banda-
ríkjunum. Að lokum söng hún
sem aukalag hina frægu aríu
„Un bel di vedremo“ úr óper-
unni „Madarne Butterfly" eft-
ir Puccini. Og geri aðrar söng-
konur betur eftir annað eins
prógram! Hafi Leona Gordon
hjartans þökk fyrir komuna,
og Tónlistarfélagið fyrir að
gefa okkur tækifæri til að
hlusta á hana. Einnig þakka
ég Árna Kristjánssyni og
Gunnari Egilssyni fyrir mjög
fallega hlutdeild í þessum á-
nægjulegu tónleikum.
Þuríður Pálsdóttir.
Mgbl. 21. nóv.
STRAUMSVÍKURHÖFN
TEKUR ALLT AÐ
50.000 LESTA SKIP
Hafnarstjórn Hafnarfjarðar
var í gær afhent Straumsvík-
urhöfn, sem er nú nær full-
gerð. Fulltrúi danska verk-
takafyrirtækisins Christiani &
Nielsen, A. H. Lund, yfirverk-
fræðingur, afhenti vita- og
hafnamálastjóra Aðalsteini
Júlíussyni mannvirkið, en
hann afhenti aftur Gunnari
H. Ágústssyni hafnarstjóra í
Hafnarfirði mannvirkin til
fullra afnota og varðveizlu.
Viðstaddir athöfnina — fund
í hafnarstjóminni — voru m.a.
Eggert G. Þorsteinsson, sjáv-
arútvegsmálaráðherra, Brynj-
álfur Ingólfsson, ráðuneytis-
stjóri, bæjarstjóri Hafnar-
fjarð Kristinn Ó. Guðmunds-
son og Stefán Jónsson, forseti
bæjarstjórnar.
Gunnar H. Ágústsson, hafn-
arstjóri sagði í viðtali við
blaðamenn, að saga Straums-
víkur sem hafnar væri æði
gömul, því að fyrr á öldum
s e 11 u s t þýzkir Hansakaup-
menn að í Straumsvík og
kepptu þeir við enska kaup-
menn, sem áttu sér samastað
í Hafnarfirði. Árið 1473 réðust
Þjóðverjamir síðan á Eng-
lendingana og fluttu þá sarf-
semi sína eftir harða viður-
eign inn til’ Hafnarfjarð-
ar. Enn má sjá minjar um
höfn Hansakaupmannanna í
Straumsvík.
Hinn 30. nóvember 1966
hófst framkvæmd við hina
nýju hafnargerð, sem er nú
nær lokið. Eftir er þó að
steypa hluta af dekki á hafn-
argarðinum, r e i s a hafnar-
varðahús, kaffistofu fyrir hafn
arverkamenn, salerni og sitt-
hvað fleira. Hefur hafnar-
stjórnin því tekið við mann-
virkjum með fyrirvara um að
lokið verði við þessar fram-
kvæmdir.
Áætlað er að um 250 þús-
und tonn af súráli og fullunn-
um álafurðum álversins fari
um hina nýju höfn, er náð
hefur verið hámarksafköstum
66 þ ú s u n d tonna ársfram-
leiðslu. Til samanburðar má
geta þess að um Hafnarfjarð-
arhöfn fara nú 130 til 160 þús-
und tonn á ári. Afkastageta
Straumsvíkurhafnarinnar er
þó mun meiri en þetta og ger-
ir hafnarstjórn sér vonir um
að unnt verði að nýta hana,
m. a. með ti 1 k o m u olíu-
hreinsunarstöðvar, sjóefna-
verksmiðju og við fleiri teg-
undir útflutnings. ISAL á
krana og annan útbúnað, sem
er á uppfyllingunni, en unnt
verður að fá þau tæki leigð.
Frumteikningar voru gerð-
ar á Vita- og hafnamálaskrif-
stofunni, en síðan tók danska
fyrirtækið Christiani & Niel-
sen við hönnun hafnarinnar.
Daglegt eftirlit með fram-
kvæmdum annaðist íslenzka
verktakafyrirtækið Fjarhitun
og var Pétur Guðmundsson
sérlegur fulltrúi þess á staðn-
um. Aðalverktaki var Hoch-
tief-Véltækni.
Fyrsti áfangi var gerð veg-
ar frá Reykjanesbraut út að
hafnarstæðinu. Áætlað er nú
að sá vegur verði malbikaður.
S í ð a n var bryggjan gerð.
Brimvarnargarður var hlað-
inn og landmegin við hann er
viðlegustaður skipanna. Geta
allt að 50 þúsund lesta skip
athafnað sig þar. Viðlegustað-
urinn er 225 metra langur og
dýpi við hann er 215 metrar
eða hið dýpsta hér við land
ef frá er talin bryggja NATO
í Hvalfirði. Hafnargarðurinn
sjálfur er 400 metra langur og
50 metra breiður. Undirstöður
bryggjunnar eru steinsteypt
ker, sem hvert vegur um 850
tonn og eru á hæð við 7 til 8
hæða hús. Til þessa hafa alls
komið 5 súrálsskip til Straums
víkur, hið stærsta 20 þúsund
lestir.
í höfnina hafa farið 12500
rúmmetrar af steypu, 70 þús-
und rúmmetrar hafa verið
grafnir upp og 300 þúsund
rúmmetrar notaðir í uppfyll-
ingu. Hafnarfjarðarbær hefur
alls greit ttil framkvæmdanna
270 milljónir króna og er þá
allt meðtalið, einnig landa-
kaup, vegagerð og hönnun.
Uppraunalegur samningur við
Hochtief var 155 milljónir
króna en nú hafa verið greidd-
ar rúmlega 200 millj. króna.
Mismunurinn stafar af gengis-
breytingum. Á 1 v e r i ð mim
endurgreiða Hafnarfjarðarbæ
byggingarkostnað hafnarinnar
á umsömdum tíma.
Hafnarstjórinn Gunnar H.
Ágústsson setti hafnarstjóm-
arfun í gær á hafnarsvæðinu
í Straumsvík. Fyrstur tók til
máls á fundinum H. A. Lund
fulltrúi Christiani og Nielsen.
Afhenti hann mannvirkin og
þakkáði verktökunum sam-
vinnuha. Fulltrúi verktakanna
H. Ramn — yfirmaður þeirra
á hafnarsvæðinu s a g ð i og
nokkur orð og þakkaði sömu-
leiðis. Því næst afhenti H. A.
Lund, yfirverkfræðingur, Að-
alsteini Júlíussyni vita- og
hafnamálastjóra mannvirkin,
en hann aftur Gunnari H.
Ágústssyni, hafnarstjóra, sem
þakkaði og kvaðst vonast til
þess að höfnin yrði Hafnfirð-
ingum, íslendingum og öllum
og ÍSAL til gæfu. Bað hann
þess að gæfa fylgdi öllum, er
við höfnina myndu vinna.
Þess má geta að Hafnar-
fjarðarhöfn hefur fengið nýj-
an hafnsögubát, sem m. a.
verður notaður til þess að að-
stoða hin miklu flutningaskop,
sem koma til Straumsvíkur.
Mgbl. 8. nóv.
BÓNDI VARÐ ÚTI
í SKAGAFIRÐI
Undanfarna sólarhringa hef-
ur versta veður gengið yfir
norðanverðan Skagafjörð —
með Loftleiðum
Spyrjisl fyrir. Þér munið komast að því, að lægslu far-
gjöldin til íslands eru enn með Loflleiðum-flugfélag-
inu, sem hefir haft til boða lægstu flugfargjöldin í 25 ár.
Og þið finnið hið góða íslenzka andrúmslofl um leið og þið
farið um borð.
Faxgjaldið báðar leiðir frá New York er venjulega aðeins
$232.00, og aðeins $320.00 um hásumarið. Og aðeins $200.00
(innifalið $70.00 í íslenzkum vörum og þjónustu), ef þú ert
í 15 manna hóp. Ef þú ællar til meginlandsins bjóða Loft-
leiðir þér betri kjör en nokkurt annað flugfélag.
*aðra leiðina á venjulegum árstíma.
LÆGSTU FLUGFARGJÖLDIN TIL:
ÍSLANDS. SVÍÞJÓÐAR, NOREGS, DANMERKUR,
ENGLANDS, SKOTLANDS OG LUXEMBOURG.
ICELANDIE AmuNEf
m^wLsawm
610 FIFTH AVENUE (ROCKEFELLER CENTRE)
NEW YORK, N. Y. 10020 PL 7-8585
New York Chicago San Francisco Miami
Fáið upplýsinga bæklinga og ráðstafið ferðinhi á ferða-
skrifstcrfu yðar.