Norðurland - 06.06.1903, Blaðsíða 3

i47
Nl.
breytingu eða aukakostnaður fyrir utan
þann, sem þegar er getið?
Eini aukakostnaðurinn, sem eg þekki
eða get hugsað mér, er vátrygging kirkn-
anna. En slíkt er nauðsynlegt, þótt engir
ofnar séu í kirkjum og ætti að komast á
um Iand alt.
Annmarkar hafa aftur á móti engir kom-
ið fram. Þvert á móti eru allir mjög ánægð-
ir með þessa breytingu, því nú þurfa þeir
ekki að óttast að heilsu þeirra sé háski
búinn, þótt þeir fari til kirkju.
Vil eg því fastlega ráða öllum prestum
og söfnuðum til að gangast sem fyrst fyrir
þessari þarflegu breytingu, sem óefað get-
ur orðið til blessunar fyrir safnaðarlífið á
landi voru.
Hofi 4. marz 1903.
S. P. Sívertsen.
%
íslenzkar handspunavélar.
í tilefni af fyrirspurnum, sem mér hafa
borist víðsvegar að, viðvíkjandi spunavél-
um þeim, sem eg hefi smíðað, vil eg leyfa
mér að biðja hinn háttvirta ritstjóra >Norð-
urlands« að birta svar mitt gegn þeim í
blaði sínu; það gæti verið til skýringar
þeim, sem óska vitneskju hjá mér og hafa
í hyggju að fá hjá mér þessar spunavélar.
í sambandi við þetta vil eg biðja þá,
sem pantað hafa spunavélar hjá mér áður
— og vænst eftir þeim næstl. vetur eða í
vor—afsökunar á því, að það ekki hefir
getað orðið, þar eg þurfti að láta sitja
í fyrirrúmi að koma mér upp skýli ofan
yfir mig, en eigi þeim efnum til að dreifa,
að eg gæti samhliða komið mér upp verk-
stæðum, sem útheimtist til þess smíðis eða
rekið spunavéla-smíðið samhliða. En nú
vonast eg eftir að verða búinn að koma
mér þeim upp fyrir næsta vetur og mun
þá leggja mig fram við það smíði.
Eftir ósk manna skal eg gefa lýsingu af
vélum þessum og þeirri reynslu, sem eg
veit af þeim. Það eru 15 ár síðan eg smíð-
aði fyrstu vélina; síðan hefi eg smíðað 4
fyrir nærsveitirnar við mitt fyrra heimili
(Stóruvelli í Bárðardal). Upphaflega hafði
eg mér til hliðsjónar við smíðið útlendar
spunavélar, en gerði þær breytingar, sem
eg áleit að þyrfti, til þess þær væru við
hæfi íslenzkra heimila. Þar kemur aðal-
lega til greina stærð og léttleiki.
Þó hefi eg gert eina dálitla breytingu,
sem eg veit ekki til, að sé á þeim út-
lendu, sem þykir til stórmikilla bóta.
Fyrsta vélin, sem eg smíðaði, hefir verið
notuð á hverjum vetri síðan og spunnar
á hana fyrir fleiri heimili frá 6—8 hundruð
hespur á vetri (120—150 pd. af ull). Reyn-
ist spuninn fult svo góður og af rokk, —
en sérstaklega áferðarfallegri voðir, — og
mun jafnari en úr þeim útlendu stóru
spunavélum. Á þær má spinna fínt og
gróft eftir vild, sé kembingin í góðu lagi.
Ekki getur heitið vandi að spinna á
þær, sízt meiri en á rokk, en mjög fer
það eftir æfingu, hvað fljótvirkur maður
getur orðið. Á þessa fyrstu, sem eg smíð-
aði, hafa verið spunnar 40 hespur á dag
(af ívafi og þræði til samans) af vel æfð-
um manni, og jafngildir það því, sem 10
vel góðar spunakonur myndu spinna á
rokk. Engin ofætlun er það fyrir kven-
menn að vinna á þessar litlu vélar; þær
eru ekki svo erfiðar; en mjög er um vert,
að lagvirkur maður fari með þær, sem
önnur margbrotin áhöld, svo alt sé í sem
beztu lagi. Mjög er og áríðandi, að kemb-
ingin sé í góðu lagi frá kembivélunum.
Þessar spunavélar, sem eg hefi smíðað
og talað um hér að framan, éru af 15
þráða stærð. Stærðina miða eg við stærð
kembivélanna, sem menn ætla að brúka,
og sVara þær, sem hér á landi hafa verið
notaðar, til 15, 20 og 25 þráða spunavéla.
15 þráða vélarnar munu kosta hjá mér
um 150—160 kr., en hinar stærri ekki innan
við 180 kr. Þeir, sem panta hjá mér spuna-
vél, ættu að láta mig vita, hvaða kemb-
ingarverkstæði þeir ætla að brúka; eftir
því haga eg stærðinni.
Akureyri 28. maí.
Albert Jónsson.
Sfórgripaábyrgð.
Fyrir milligöngu hr. Chr. Popps
kaupmanns á Sauðárkrók býðst »Krea-
tur-Forsikrings Foreningen for Konge-
riget Danmark« til að stofna ábyrgð-
ardeild hér á landi fyrir hesta og
nautgripi. Þessari íslenzku deild er
ætlað að bera sig, svo að ef ábyrgð-
argjáld allra íslenzkra félagsmanna
samtals hrekkur ekki fyrir útborgun-
um til þeirra, er fyrir tjóni verða, á
að leggja á aukagjöld, og eins færa
ábyrgðargjöldin niður, ef afgangur
verður. Aðalhlunnindin, sem félagið
býður, eru í því fólgin, að það býðst
til að leggja fram það fé, sem þörf
verður á, meðan íslenzka deildin á
engan varasjóð sjálf, svo að þeir, sem
fyrir tjóni verða, fá það bætt án frek-
ari dráttar en þess, er ekki verður hjá
komist. Stjórn fyrirtækisins verður alger-
lega f höndum félagsins í Danmörk, en
með því að ekki er til þess stofnað
að neinn ágóði verði af deildinni hér
á landi, verður stjórnarkostnaður reikn-
aður svo lágt, sem framast er unt.
Sjúkrahússjóður
Skagfirðinga, sem stofnaður var með
samskotum, þegar Guðm. Hannesson
var læknir í Skagafirði, eykst nú óðum.
I vetur gaf bóndi einn í Blönduhlíð,
Jóbann í Vaglagerði, sjóðnum allar eig-
ur sínar eftir sinn dag. Þórður læknir
Pálsson hefir haldið samsöngva og gefið
sjúkrahússjóðnum ágóðann, sem nemur
200—300 kr. Og að lokum hefir sýslu-
nefndin látið þær 200 kr. ganga til sjóðs-
ins, semundanfarandi árhafaverið veittar
til sjúkrahalds í héraðinu. Telja má sjálf-
sagt, að sjúkrahúsið komist upp næstu
árin, enda er þess brýn nauðsyn fyrir
svo víðlent og mannmargt hérað sem
Skagafjörður er. Eflaust styrkir lands-
sjóður byggingu sjúkrahússins að sfn-
um hluta.
Bæjarsfjórnarfundur.
Miðvikudag 3. júní.
Frestað til aukafundar að svara beiðni frá
Sigvalda Þorsteinssyni kaupmanni um að fá
að hafa „fiskikvíanót" við rauða stólpann.
Einari Jónssyni frá Bragholti og Sigurði
Þorsteinssyni veitt aðsetursleyfi.
Sigurður Pálsson
héraðslæknir kom hingað með »Skálholti«
síðast snöggva ferð og fór aftur með því
vestur. Hann er enn sjúkur af kjálkameini
sínu, þó að hann sé á fótum og geti gegnt
flestum störfum. Talið er víst, að meinsemd-
in batni ekki án skurðar, en honum var
skotið á frest þangað til síðar í sumar.
Vöxfur Akureyrar.
Titnburmeistararnir Jón Chr. Stefánsson
og Davíð Sigurðsson hafa nýlega lokið virð-
ingargjörð á þeim húsum, sem reist voru
hér á síðastliðnu ári frá vori til vors 19o2 —
19o3. Eigendur og virðing kemur hér á eftir:
Pétur Þorgrímsson: Viðbót við pakkhús
kr. 350.
Páll Jónsson og Guðbjörn Björnsson: í-
búðarhús kr. 4,900.
Anna Erlendsdóttir: Viðbót við íbúðar-
hús innanvert kr. 1000.
Sigtr. Jónsson: Viðbót við íbúðarhús ínn-
anvert kr. 500.
Kl. Jónsson sýslumaður: íbúðarhús kr.
11,000.
Vigfús Sigfússon: Hótel og hesthús kr.
30,100.
Sigv. Þórsteinsson: íbúðarhús með búð
kr. 10,300.
Síra Geir Sæmundsson: íbúðarhús kr.
6,700.
St. Stephensen umboðsmaður: Viðbót við
íbúðarhús kr. 1200.
O. C. Thorarensen: Fjós kr. 300.
Otto Tulinius: íbúðarhús með búð kr.
13,725.
Goodtemplarastúkur: Samkomuhús kr.
2,500.
Bogi Daníelsson: íbúðarhús (viðbót) kr.
3,800.
Friðrik Kristjánsson: Viðbót við íbúðar-
hús innanvert kr. 4,000.
Eggert Laxdal: íbúðarhús með búð og
geymsluhús kr. 13,300.
Albert Jónsson: fbúðarhús kr. 4,900.
Magnús Jónsson: íbúðarhús kr. 2,500.
Sigtr. Jóhannesson og Jónas Gunnarsson :
íbúðarhús kr. 8,800.
Eggert Stefánsson: íbúðarhús kr. 3,500.
Jón Guðlaugsson og Jón Guðmundsson:
íbúðarhús kr. 3,600.
Guðm. Jónsson og Hallgr. Kristjánsson:
íbúðarhús kr. 7,925.
Jósep Jóhannesson: íbúðarhús kr. 4,000.
H. Bebensee: fbúðarhús kr. 4,500.
Guðm. Ólafsson: íbúðarhús kr. 3,800.
Jón Dalmann: íbúðarhús og skúr kr.
5,680
B. Björnsson og Jón Stefánsson: íbúðar-
hús kr. 4,800.
Jósep Jónsson: Viðbót við hús kr. 1000.
Páll Hrútfjörð og Brynj. Hrútfjörð: fbúð-
arhús kr. 5,200.
Metúsalem Jóhannsson: íbúðarhús kr.
11,000.
Guðbr. Guðmundsson:fbúðarhús kr. 4ooo.
Snorri Jónsson: Skúr kr. 5oo.
J. V. Havsteen konsúll: Geymsluhús kr.
2,4oo.
C. Havsteen : Geymsluhús kr. 2,000.
Sjóliðsstjórnin: Kolahús kr. looo.
Gránufélag: Viðbót intianhúss kr. 725.
Samkvæmt þessu hefir þá húsagjörð hér
á Akureyri numið alt að 184 þús. kr. síð-
astliðið ár.
þilskipin.
Þessi hákarlaskip hafa komið inn síðan
„Nl." kom út síðast: „Erik", með 34 tn.;
„Anna*, 104 tn.; „Víkingur", 41 tn.; „Christi-
an* hefir lagt upp 97 tn. á Siglufirði.
Sigling.
Seglskipið „Carl" frá Höepfners verzlun
kont 31. maí með salt á leið til Skagastrand-
ar og Blönduóss. Það hefir verið óvenjulega
fljótt í förum: lagði út frá Blönduós 7. maí
til Bergen, lá þar 8 daga og kom hingað
þann dag, sem áður er sagt.
Eldgos
hafa Þingeyingar séð, sent talið er rnuni
vera í Vatnajökli. Settur er f samband við
það, og sennilega með réttu, sandur, sem
kom á þiifarið á seglskipinu „Carl" um 3o
mflur austur af Langanesi á Ieið skipsins
hingað. Skipstjóri ætlaði tneð sandiun til
Khafnar til þess að láta rannsaka hann þar
efnafræðislega.
Torfunefsbryggjan
er nú í undirbúningi, verið að flytja frant
ntöl úr brekkunni til þess að fylla upp fram
að henni. Uppskipunarbátum ætlað að geta
lagst við hana í sutnar.
Upp að Nausfum
er nú farið að leggja veg frá suðurenda
Akureyrar.
Spæjarinn.
Skáldsaga eftir Max Pemberton.
[Framhald.]
VIII.
Fförutíu dögum síðar.
Járngreipar vetrarins sleptu Krónstað,
þegar síðustu, nöpru vindarnir f marzmán-
uði hættu að geisa. Mild gola kom á eftir
stormunum. Trén laufguðust, - ióinn leysti
og grasið gægðist aftur upp úr sverðinum.
Hafið var ekki lengur í fjötrum, né heldur
skipin, sem verið höfðu um veturinn í
kaupmannahöfninni. Marian lá vakandi
langar, langar nætur í klefa sínum og
heyrði bylgjurnar leika sér eftir alt ófrelsið
eða lemjast þunglamalega upp að múrum
virkisins. Fyrir kom það, að vingjarnlegur
sólargeisli komst inn um járnbenta glugg-
ana og féll á dýrlingsmyndina f fangelsis-
horninu. Marian fagnaði slíkum stundum,
þó að beiskja væri í hug hennar. Hún
mintist þess, að nú var vor 1' Devonshire,
og að barnið var þar án hennar. Rík löng-
un eftir að ganga þar f skógargöngunum
og finna ilminn af blómunum fekk vald
yfir henni. Ömurleikur klefans þjáði hana
ekki, því að nú var hún orðin vön við
skort og þrautir. Hún hafði ráðið af að
sætta sig við það, sem hún varð að þola
fyrir ógætni sína. En hún varð næstum
brjáluð af hugsuninni um það, að hún ætti
alúrei framar að fá að heyra rödd Dicks
litla, og að hann væri upp á aðra kom-
inn. Hún hafði nú verið 40 daga í fang-
elsi, og spurði sjálfa sig, hvernig alt mundi
komið, þegar dagarnir væru orðnir að árum.
Ekki komu nema fáir að heimsækja
hana í fangaklefanum fyrsta sprettinn og
dagarnir voru dauflegir. Þeir höfðu sent
til hennar stúlku, sem þjónaði henni, og
hún hafði séð liðþjálfann einu sinni eða
tvisvar, en hann hafði samt ekki talað
nokkurt orð. En Bonzo gamli kom nærri
því á hverjum degi, og færði henni stöð-
ugt sama loforðið.
»Segið þér okkur sannleikann, fröken«,
sagði hann, >þá skal verða farið vel með
yður. Eitt herbergi er til í Katrínarvíginu,
þar sem þér getið séð sól og athugað
skipin á hafinu. Það skuluð þér fá, ef þér
eruð skynsamar, en áður verðum við að
fá að vita nöfnin á vinum yðar í Krón-
stað og á vinum yðar í Lundúnum. Þér
getið ekki bjargað þeim með því að þegja.
Við fáum samt að vita það fyr eða síðar.
En ef þér hjálpið okkur, skulum við sjá
það við yður«.
>Eg á enga vini«, svaraði hún. >Eg hefi
sagt yður satt. Eg var fátæk, og menn
freistuðu mín. Eg get ekki sagt yður
meira«.
Þá misti Bonzo þolinmæðina og hafði
hótanir í frammi, en hún lét ekki hug-
fallast.
»Við hýðum yður; þá getið þér víst eitt-
hvað sagt«, hafði hann þá til að segja;
»ætlið þér að bjóða okkur birginn, fröken?
Fjandann ætli eg gæti ekki molað yður
sundur milli handa mér!«
»Já, þér eruð að minsta kosti nógu stór
til þess.«
Svo fór Bonzo út úr klefanum og skelti
hurðinni á eftir sér. Hann hafði hingað
til slegið því á frest að framkvæma allar
þær hótanir, sem hann hafði ausið úr sér.
Hann gleymdi því ekki, að Marian Best
var ensk stúlka, og að-sá dagur gat komið,
að mönnum yrði kunnugt um afdrif hennar.
En hann lét ekkert ógert, sem ætla mátti
að skyti henni skelk í bringu. Einn morgun
fór hann með hana út í kastalagarðinn, til
þess að sýna henni mann, sem verið var
að hýða. Vöndurinn féll hrottalega niður
á hrygg mannsins, og henni fanst hann
koma við herðarnar á henni sjálfri. Vesl-
ings maðurinn hljóðaði og stundi, eins og
hann væri að biðja hana að leita sér líkn-
ar. Það leið yfir hana, þegar hún sá blóðið
renna úr manninum, en hún svaraði Bonzo
alt af því sama.
östudaginn þann 12. júní
verður OPINBERT UPP-
BOÐ haldið hjá verzlun-
arstjóra Jóh. Christensen
og þar seldir ýmsir munir,
svo sem borð, skápar, rúmstæði, síld-
arnet, trássur, tómar tunnur, dálítið
at verzlunarvarningi, nokkurir nýir
líi.ustokkar,ýmislegur fatnaður, skipa-
dót, svo sem segl, kaðlar o. fl.
Járnrúm
með madressu til sölu í
Höepfners verzlun.
\_JTOTT reiðhross er til sölu
fyrir sanngjarnt verð. Rit-
stjóri p. bl. vísar á.