Verkamaðurinn - 02.10.1964, Blaðsíða 7

SKRJÁF
í SKRÆÐUM
STÉTTAVÍSUR
Sveinn frá Elivogum orti PALLA-
DÓMA UM NOKKRAR STÉTTIR.
Alls eru þar 21 atvinnugrein gerð
skil og vandar Sveinn fáum kveðj-
urnar. Vísurnar eru allar vel ortar
og kjarnyrtar, sem vera ber. Við
skulum því heyra nokkrar þeirra:
Enn skal glettur byrja brags,
bera út frétt, án eigin hags,
ríma slétt og leita lags,
lýsa stéttum þjóðfélags.
Prestar klifa í kirkjunni,
kristni þrifum eyðandi,
sífellt skrifa um siðfræði,
sjálfir lifa á hræsninni.
Rósemd skerða ritstjórar,
rita ferðugt skammirnar,
huldir gerðum háðungar,
höfuðverðir lyginnar.
Þingmenn heyja þræturnar,
þunnar teygja ræðurnar,
sóma fleygja í sölurnar
sér til eigin framdráttar.
Kaupmenn rata á klækjaþing
kúga og plata almenning,
klæða úr fati fáráðling,
fá sinn mat með svívirðing.
Smiðir lifa á smekkleysi,
smátt til þrifa vinnandi,
kitti í rifur klínandi
klambrið yfir breiðandi.
Bændur líða blíðurán,
bognir stríða gleði án,
þeirra biður þreföld smán:
þræla, skríða og biðja um lán.
Vegi bæla bilstjórar,
bænda fæla trunturnar,
benzínsvælu safnarar,
svartra þræla jafningjar.
Skáld sig baða í skarnpolli,
skjall og smjaður syngjandi,
hunds á vaði hlaupandi
hábölvað með kjaftæði.
Heilsuverndarstöð Akureyrar: —
Eftirlit með þunguðum konum
fimmtudaga kl. 4—5 e. h. — Ung-
barnaeftirlit miðvikudaga og annan
hvern mánudag kl. 1—2 e. h. Þarf
að pantast í síma 1977 og 1773.
— Hvorttveggja þetta fer fram í
Hafnarstræti 81, neðstu hæð. —
Berklavarnir: Þriðjudaga og föstu-
daga kl. 2—3.30 e. h. og bólu-
setningar fyrsta mánudag hvers
mánaðar kl. 1—2 e. h. — Hvort-
tveggja í húsnæði Berklavarnar-
stöðvarinnar við Spitalastíg.
„AÐ STRITA MEÐ VITI"
Framh. af 5. síðu.
land fj ölda vel menntaðra manna
í sálarfræði, heimspeki og hvers
konar verkvísindum. Nú ætti því
að vera meiri árangurs að vænta
en nokkru sinni áður. Nú ætti
að vera lag.
En verkefnin eru óþrjótandi
og akurinn áreiðanlega ekki of
frjór. íslendingar halda sig
kunna að moka. Þeir hafa um
aldir fylgt happa- og glappa-
stefnu í starfsháttum sínum og
atvinnuvegum.
Þeir eru ekki á það „innstillt-
ir“ að beita vísindalegri ná-
kvæmni í atvinnurekstri sínum.
Sumir kæra sig bókstaflega ekki
um það.
En hér þarf þó vissulega rann-
sókna og vísindalegra vinnu-
bragða við. Og rannsóknarefn-
in eru margvísleg.
Ekki nægir það eitt að gera
tilraunir með, hvaða vélar, tæki
og vinnubrögð henti bezt og
skili mestum árangri. Rannsaka
þarf, hvaða gerð hvers verkfær-
is henti bezt. Aðstaða manns við
verkiÖ er rannsóknarefni, og
þarf oft mjög lítið til að aöstaða
hans við starf verði betri eða
verri og komi fram í afköstum
hans.
Vitiö þið t. d. allir, sem hér
eruð, að litirnir á herberginu,
sem unnið er í, geta haft áhrif
á afköstin? Eigandi litunarverk-
smiðju tók eftir því, að verka
mennirnir voru alltaf seinm
með svörtu efnin en önnur. Get
um við t. d. ekki gert okkur í
hugarlund, að það dragi úr
vinnufjöri að starfa í alsvörtu
herbergi, þó að birta væri þar
nægileg? Ég held það.
En nú spyrjið þið: Hvaða lit-
ur örvar þá bezt til afkasta? Jú,
tilraunir hafa sýnt, að menn
gera misstór átök á kraftmæli
eftir því á hvaða lit þeir horfa
á meðan. Og hefi ég þá ánœgju
að skýra ykkur frá, að stœrst
átak gerðu menn, er þeir höfðu
rautt fyrir augum, en minnst,
er þeir horfðu á blátt og svart.
Það er sem sé mjög margt,
sem rannsaka þarf. Staðsetning
og stærð fyrirtœkja er t. d. ekki
síöur rannsóknarefni en stærð
og gerð verkfæra og staðsetning
véla á vinnustað.
Það getur t. d. ekki tryggt
bezta nýtingu fjármagns að
og reka þrjú hraöfrystihús í
smáþorpi, þar sem eitt hefði sízt
of mikil verkefni.
Og ekki getur það heldur ver-
.ið byggt á vísindalegum niöur-
stöðum vinnurannsókna og hag-
ræöingar að velja hraðfrystihús-
um stað víðsfjarri allri hafnar-
aðstööu. Flytja síðan fiskinn
langar leiöir frá skipi til vinnslu-
stöðva, og vinnsluvöruna lang-
ar leiðir til hafnar. Eða svo
dæmi sé nefnt: Það getur ekki
verið byggt á vísindalegum nið-
urstöðum í Reykjavík að velja
stórum hraðfrystihúsum stað
langt vestur á Seltj arnarnesi, en
fiskimj ölsverksmiðj u í hinum
útjaðri borgarinnar inni hjá
Kleppi. Þannig er þorskinum
þvælt á bíla og hann fluttur vest-
ur á nes, en þaðan hefja fiskbein
in síðan lystireisu gegnum alla
höfuðborg íslands inn að Kletti,
og mjölið þaðan aftur gegnum
borgina til skips. Eru þetta ekki
Kleppsvinnubrögö ?
Mundi þarna ekki þörf hag-
ræðingar í vinnubrögöum?
Einhver mundi segja, að þetta
kæmi atvinnurekandanum einum
við. En svo er ekki. Þetta hefur
áhrif á þjóðarafköst. Þau á þjóö
arhag. Þetta hefur áhrif á
greiðslugetu atvinnuveganna og
hún aftur á kaupið. En launin
eru brú verkamannsins til fram-
tíðarinnar.
Já, margt er rannsóknarefnið,
segi ég enn.
Eitt viöfangsefnið er það að
velja það launakerfi, sem bezt
hentar framkvæmd verks og skil-
ar beztum starfsárangri, án auk-
ins erfiðis.
En fyrst og síðast ber að rann-
saka starfhæfni og eiginleika
ungs fólks og leiðbeina því um
val þess œvistarfs, sem bezt nýtir
meðfœdda getu og hœfileikai
Það hlýtur að vera eitt æðsta
takmark þjóðar, að hver maður
njóti sín — lendi á réttri hillu
— vinni þau verk, sem hann er
hœfastur til.
— Ekki er það sízt mikils-
vert hjá smáþjóð, eins og
íslendingum, þar sem hver mað-
ur þarf að fylla sitt rúm, engir
kraftar mega fara til spillis. Hjá
slíkri þjóð er það alvarlegt af-
brot — nánast glœpur — að sóa
sinni dýrmætustu eign, andleg-
um og lílcamlegum hœfileikum og
starfsþrótti sona sinna og dœtra.
En því miöur verður að játa,
að í þessu efni eru íslendingar
e. t. v. einna sekastir allra þjóða.
Verkefnin eru vissulega mikil,
sem bíða Iðnaðarmálastofnunar
íslands, Stj órnunarfélags ís-
lands, íslenzkra fræðimanna í
verkvísindum, atvinnurekenda
og fólksins á vinnumarkaðnum
og heildarsamtaka þess. En miklu
má líka orka, ef allir leggjast á
eitt.
Hér eru nú saman komnir, til
að bera saman ráð sín og brynja
sig þekkingu, margir forystu-
menn athafnalífsins, atvinnu-
rekendur, fulltrúar opinberra
stofnana og fyrirtækja, fræði-
menn í verkvísindum, innlendir
og erlendir, fulltrúar atvinnu-
rekendasamtaka — fulltrúar
ýmissa starfsstétta og fulltrúar
verkalýðssamtaka.
Ég vona, að þessi ráðstefna
megi færa oss nær takmarkinu:
Skynsamlegri skipulagningu í
atvinnulífinu, bættum vinnu-
brögðum, betri nýtingu vinnu-
afls, framleiðslutœkja, hráefna,
orku og fjármagns.
Það er von mín, að dagarnir
hér í fögrum byggðum Borgar-
fjarðar færi oss skýrari svör en
við höfum áður fengiÖ við því,
hvernig hægt er að auka þjóðar-
tekjur — auka afköst einstak-
lingsins án aukins þrœldóms.
Hvernig hægt er að koma viti í
stritiÖ. Hvernig hægt er að kenna
sem allra flestum íslendingum
að strita með viti.
Að því, að þetta megi sem
bezt takast nú og í framtíöinni,
vilja þau samtök, sem ég er full-
trúi fyrir, af alhug vinna.
Ég vil árna ráðstefnunni allra
heilla í mikilsverðum störfum
hennar.
MinjasafniS! Safnið er aðeins opið
á sunnudögum frá kl. 2—5 e. h. —
Á öðrum tímum fyrir ferðafólk eftir
samkomulagi við safnvörð. Símar
1162 og 1272.
Kríngsjá
vikunnar
Messað verður í Akureyrarkirkju
n.k. sunnudag kl. 10.30 f. h. Sálm-
ar 530 — 136 — 326 — 384 —
678. B.S.
Til blindu barnanna. Mótt. á afgr.
Verkamannsins: Á. Á. kr. 500, Kr.
Mikkelsen 150, Jón Þórarinsson
200, Starfsmenn P.B.J. 900, Lárus
Björnsson 500, Haraldur Bogason
200, Páll Sigurðsson 1000, K. K.
500.
Harpan heldur bazar í félags-
heimili Karlakórs Akureyrar, Laxa-
götu 5, sunnudaginn kl. 4 e. h.
Skrifstofa Þórs á 4. .hæð í Út-
vegsbankahúsinu. Opin þriðjudaga
og föstudaga frá 5—-7 og milli 8
og 9.
NÝJ AR
kápur
og
H ATTAR
Verzlunin Heba
Sími 2772
Herradeild ). M. ].
Opnum í dag nýja deild með karlmannaföt,
undir nafninu
HERRADEILD J.M.J.
við Róðhústorg.
TILKYNNING
Nr. 35/1964.
Verðlagsnefnd hefur ákveðið eftirfarandi hámarksverð á
sm
í heildsölu, pr. kg................. Kr. 14.65
í smásölu með söluskatti, pr. kg.... Kr. 17,80
Reykjavík, 26. september 1964.
Verðlagsstjórinn.
Verkamaðurinn
Vikublað. — Útgefendur: Sósíalista-
félag Akureyrar og Fulltrúaráð Alþýðu-
bandalagsins í Norðurlandskjördæmi
eystra. Skrifstofa blaðsins er í Brekku-
götu 5, Akureyri, sími 1516. — Ritstjórar: Þorsteinn Jónatansson (áb.) og
Kristján Einarsson frá Djúpalæk. — Áskriftarverð kr. 100.00 árgangurinn. •—
Lausasöluverð kr. 2.00 eintakið. — Blaðið kemur að jafnaði út á föstudögum. —
Prentað í Prentsmiðju Björns Jónssonar h.f., Akureyri.
Verkamcðurinn (7
Föstudagur 2. októbcr 1964