Alþýðublaðið - 10.07.1965, Blaðsíða 4
Ritstjórar: Gylfi Gröndal (áb.) og Benedikt Gröndal. — Ritstjóriiarfull-
trúi: Eiður Guðnason. — Símar: 14900 - 14903 — Auglýsingasími: 14906.
Aðsetur: Alþýðuhúsið við HverfisgÖtu, Reykjavík. — Prentsmiðja Alþýðu-
blaðsins, — Askriftargjald kr. 80.00. — I lausasölu kr. 5.00 eintakið.
Utgefandi: Alþýðuflokkurinn.
SAMKOMULAG
SAMKOMULAG hefur nú náðst í kjaradeilum
verkalýðsfélaganna í Reykjavík og Hafnarfirði. Þeg
<ar þetta er skrifað, áttu félagsfundir í félögunum
sem hlut eiga að máli að vísu eftir að staðfesta sam
■komulagið, en þau héldu fundi sína í gærkveldi.
Með þessu samkomulagi styttist vinnuvika hjá
þeim félögum, sem í hlut eiga, úr 48 stundum í 44,
kaup hækkar um 4%, veikindadagar og réttindi á
því sviði aukast verulega, og þar fyrir utan fengust
fram aldurshækkanir og margvíslegar tilfærslur og
breytingar til bóta frá því sem áður var.
Aðdragandi þessa samkomulags hefur verið lang
ur og' félögin öll samningslaus frá því í byrjun júní.
' Verkalýðsfélögin hafa fengið meginkröfum sínum
framgengt og sérstaklega verður að telja styttingu
ivinnuvikunnar mikinn sigur, en um það stóð lengi
■þóf. Hafa aðgerðir félaganna, yfirvinnubönn og stutt
ar vinnustöðvanir vafalaust átt talsverðan þátt í að
flýta fyrir samningsgerðinni.
í sambandi við lausn þessara mála hefur ríkis-
stjórnin sent frá sér yfirlýsingu um húsnæðismál og
væntanlegar umbætur á því sviði. Þar lýsir ríkis-
stjórnin yfir, að hún muni beita sér fyrir margvís-
, legum umbótum í húsnæðismálum, sem sumar hverj
ar eru stórfelld nýjung og eiga vafalaust eftir að
reynast láglaunafólki mjög raunhæf kjarabót.
Meginatriði yfirlýsingar ríkisstjórnarinnar eru
sem hér segir:
Lánsupphæð til þeirra, sem hófu byggingar-
framkvæmdir 1. apríl til 31. desember 1964 hækki
úr 150 í 200 þúsund krónur á íbúð.
Hámarkslán Húsnæðismálastjórnar verði end
urskoðuð frá og með 1. janúar 1966 með hliðsjón af
hækkun vísitölu byggingarkostnaðar og verði síðan
endurskoðuð árlega og hækki næstu fimm ár um að
minnsta kosti 15 þúsund krónur á ári jafnvel þótt
byggingarkostnaður hækki lítið eða ekki.
Þá er gert ráð fyrir stórfelldu átaki til byggingar
íbúða fyrir láglaunafólk í iverkalýðsfélögum og skal
stefnt að því að byggja ekki færri en 250 íbúðir á
ári á árunum 1966 — 1970 og verði 200 þessara íbúða
ætlaðar til sölu til láglaunafólks, en 50 verði ráðstaf
að af Reykjavíkurborg, meðal annars í sambandi við
útrýmingu heilsuspillandi húsnæðis. Við byggingu
þessara íbúða skal nota hagkvæmustu aðferðir sem
þekkjast, þær eiga að vera hagkvæmar og án íburða-r
og skal selja þær með sérstaklega hagkvæmum kjör
um, þannig að kaupendur fái allt að 80% að láni, út
á verðmæti íbúðanna.
Hér er um að ræða stórt skref fram á við til lausn
ar húsnæðisvandanum og mun allur almenningur
fagna þessari yfirlýsingu sem og því, að samkomulag
skuli nú hafa tekizt hér sunnanlands.
4 10. júlí 1965 - ALÞÝÐUBLAÐIÐ
Karlamagnús-
arsýning
HINN 26. júní sl. var opnuS í Aa-
chen í Vestur-Þýzkalandi listsýn
ing á vegum Evrópuráðsins, þar
sem kynnt er list frá dögum Karla
magnúsar. Er þar brugðið upp
myndum af því menningarlífi, sem
þróaðist í skjóli hirðar hins vold
uga miðaldakeisara. Karlamagnús
fékk konungdóm árið 768 og var
krýndur keisari árið 800. Hann sat
lengstum í Aachen.
Á sýningunni eru m. a. fjölda-
mörg handrit frá tíma Karlamagn
úsar, mörg þeirra skreytt mynd-
um, sum rituð með gullstöfum og
nokkur með purpurablöðum. Þá
eru ýmsir gripir úr gulli og fíla-
beini, bréf og uppdrættir, þar sem
sjá má þróun leturgerðar, kirkju-
gripir og stórt myntsafn. Sýning-
armunirnir eru fengnir að láni frá
ýmsum löndum, allt frá Svíþjóð til
Rúmeníu og Spánar. Meðal þeirra
er> mjög dýrmætt guðspjallahand-
rit, sem að hálfu er geymt í Vatí-
kaninu, en að hálfu í landsbóka-
safninu í Búkarest og hefur ekki
verið á einum stað um aldabil.
Karlamagnúsar-sýningin í Aa
chen er tíunda listsýning Evrópu-
ráðsins. Tilgangur allra sýning-
anna hefur verið sá, að kynna
RHöskvastærð
Framhald af 2. síðu.
takist að rétta við fiskistofnana á
svæðinu og afli fari minnkandi, þá
hlýtur að því að koma að sá floti,
sem þar hefur stundað veiðar leiti
á önnur og fengsælli mið. Þá má
búast við að einhver hluti hans
a. m. k. leiti á miðin umhverfis
ísland, sem gæti haft alvarlegar
afleiðingar fyrir fiskistofnana þar.
Það er því mikið hagsmunamál
f.vrir íslenzkar fiskveiðar að þær
aðgerðir sem gripið er til þar
austur frá berd tilætlaðan árang-
ur“, segir Ægir.
í greininni er tekið fram, að sú
möskvastækkun sem samþykkt var
á fundinum gildi aðeins á þessu
svæði, en ekki hér við land, en frá
miðju ári 1964 hefur möskvastærð
hér verið 120 mm. Telja margir
eðlilegt að möskvinn verði einnig
stækkaður liér og komu fram radd-
ir um það á fundinum, en engin
tillaga lá hins vegar fyrir um það
og var því engin ókvörðun tekin.
Það mál þarf allt nánari athugun
ar við fyrir næsta fund nefndar-
innar. sem haldinn verður í maí á
næsta ári.
Þá var. á fundinum rætt mikið
um alþjóðlegt eftirlit með fram-
kvæmd alþjóðasamnings um fisk
vernd o. fk, sem nefndin fjallar
um. Þeim röddum hefur að undan
förnu farið fjölgandi, sem telja
óhjákvæmilegt að einhvers konar
alþióðlegu eftirliti sé komið á til
að sjá um að ákvæðum t. d. um
möskvastærð sé alls staðar hlýtt,
en slíkt myndi ekki aðeins veita
aukið aðhald, heldur. einnig og
ekki síður eyða misskilningi og
tortryggni milli fiskimanna þess-
ara þióða, sem stunda veiðar á
sömu slóðum með samskonar veið-
arfærum. Árið 1964 var stofnuð
sérstök alþjóðanefnd til að fjalla
um þetta vandamál og var Davíð
Ólafsson kiörinn formaður henn.
ar. Sú nefnd hélt fund síðastliðið
vor og lagði fram álit á fundinum
í Moskvu, en henni var falið að
starfa áfram og kanna enn betur
ýmis tæknileg atriði í sambandi
við framkvæmd hugsanlegs al-
þjóðaeftirlits.
tímabil í lista- og menningarsögu
Evrópu með því að safna saman á
einn stað dýrgripum, sem ella eru
varðveittir á víð og dreif um álf-
una.
(Frétt frá upplýsingadeild Evr-
ópuráðsins, 28. júní 1965. — Þ. V.)
BfLSTJÓRAR
{gnlinenlal
Hjólbarða undir bíiinn strax í dag
G0MMIVINNUSTOFAN H.F.
Skipholti 35, Reykjavík. — Sími 31055