Tölvumál - 01.12.1996, Page 5

■+
T Ö L V U
*■
Upplýsingakerfi í símafyrirtækjum
lr
:av
Upplýsingatækni og
símafyrirtæki
UPPgangur upplýsinga-
tækninnar hefur mikil
áhrif á símafyrirtæki ekki
síður en fyrirtæki í öðrum þjón-
ustugreinum. Það er ekki ein-
ungis að þau selji aðgang að
símalínum, sem gerir fyrirtækjum
jafnt sem einstaklingum kleift að
taka þátt í upplýsingabyltingunni
marg umtöluðu, heldur beita
símafyrirtækin sjálf upplýsinga-
tækni sífellt meira í starfsemi
sinni. Aukið framboð á fjarskipta-
þjónustu í einu eða öðru formi
krefst umfangsmikillar skráningar
á notendum og þjónustu sem
þeim er veitt og reikningagerð
eykst að sama skapi. Talsíma-
þjónusta felst ekki lengur
einungis í upptengingu símtals
milli tveggja notenda. Sérþjón-
usta tengd talsímanum eykur
notkunarmöguleika hans og tekur
á sig margs konar form eins og
símtalsflutning, sírntal bíður,
númerabirtingu, þriggja manna
tal o.s.frv. Græn númer, talhólf og
alnúmer eru þjónusta, sem tengist
talsímanum og farsíminn hefur
sína sérþjónustu.
Samhliða aukinni þörf fýrir
upplýsingar innan símafyrirtækj-
anna hafa tölvuframleiðendur
þróað nýtt fyrirkomulag í
gagnavinnslu, miðlarar og
biðlarar, sem hefur gert það kleift
að endurskipuleggja upplýsinga-
flæðið innan fyrirtækjanna og
lækka kostnað. Miðlara-biðlara
fyrirkomulagið, sem dreifir
upplýsingum á mismunandi
tölvur á neti fyrirtækis, kemur í
veg fyrir samanþjöppun starf-
seminnar á einum stað og dregur
úr miðstýrðri ákvarðanatöku, er
talið besta leiðin til þess að bæta
notkun upplýsingatækni í fyrir-
tækjum.
Það er einnig að verða breyting
á viðhorfi stjórnenda til upplýs-
ingatækni. Lengi framan af var
litið á fjárfestingu í upplýsinga-
tækni á sama hátt og fjárfestingu í
vélum; hún átti að leiða til sparn-
aðar í rekstri t.d. með því að létta
starfsmönnum verkin eða fría þá
til annarra starfa. En þó að slíkur
sparnaður hafi ákveðna kosti þá
þarf ef til vill nýjan hugsunarhátt
til þess að nýta upplýsingastjórn-
un að fullu til að skapa ný sóknar-
færi í rekstri fyrirtækja og ekki
síst til þess að endurbæta starfs-
aðferðir, þjóna betur viðskipta-
vinum og afla nýrra viðskipta.
Áhrif samkeppni
Aukin samkeppni í fjarskipta-
þjónustu hefur haft í för með sér
áherslubreytingar í starfsemi
símafyrirtækjanna sem ekki
verður fylgt eftir nema með
bættum upplýsingakerfum. Sam-
keppnin þýðir að ekki er lengur
haldbært að vera í biðstöðu eftir
viðskiptavinum. Markaðsfærsla
er nauðsynleg, ef keppinautarnir
eiga ekki að fá að sigla fram úr. I
markaðsstarfsemi símaíyrirtækja
hefur fram að þessu verið lögð
áherslu á að kynna og auglýsa
mismunandi tegundir símabún-
aðar og þjónustu og notaður til
þess hver sá miðill, sem nær til
markhópsins fyrir viðkomandi
búnað og þjónustu. I samkeppnis-
umhverfinu eru þó að verða til
nýjar áherslur. Símafyrirtækin
gömlu, sem áður höfðu alla
notendur á sínum snærum, verða
nú að berjast til þess að halda
þeirn um leið og hin aukna flóra
þjónustu þýðir að markhóparnir
verða stöðugt fleiri og minni hver
fyrir sig.
Sú mynd, sem mörg sírna-
fyrirtæki sjá íyrir sér í umhverfi
aukins þjónustuframboðs, sam-
keppni og nýrrar tækni, er að
markaðsátakinu verði beint að
hverjum einstökum notanda og að
nota verði öll tækifæri, sem gefast,
til þess að kynna honum þann
símabúnað og þjónustu, sem á
boðstólum er. Og bestu tækifærin
verða til, þegar notandinn hringir
sjálfur til símafyrirtækisins, hvort
sem það er til að leita upplýsinga
eða kvarta yfir þjónustu eða
símareikningi. Ef eigandi fyrir-
tækis kvartar yfir því að viðskipta-
vinir hans eigi erfitt með að ná
símasambandi við fyrirtækið,
getur verið tilvalið að bjóða
honum fleiri innhringilínur, nýja
einkasímstöð eða einhverja aðra
lausn, sem kann að eiga við.
Þannig er tekið frumkvæði að því
að leysa vandamál notandans á
jákvæðan hátt, en forsenda þess að
þetta sé hægt er að nákvæmar
upplýsingar um notandann liggi
fyrir, t.d hvaða einkasímstöð hann
er með, hversu margar línur eru til
stöðvarinnar, hvort hann sé með
DESEMBER 1996 - 5