Vísir - 09.02.1968, Qupperneq 8

8
vm
V í SIR . Föstudagur 9. febrúar 1968,
VISIR
Útgefandi: Reykjaprent hf.
PramkvEemdastjóri: Dagur Jönasson
Ritstjóri: Jónas Kristjánsson
Aðstoöarritstjóri: Axel Thorsteinsson
Fréttastjóri: Jón Birgir Pétursson
Ritstjórnarfulltrúi: Valdimar H. Jóhannesson
Auglýsingastjóri: Bergþór Úlfarsson
Auglýsingar: Þingholtsstræti 1. Símar 15610 og 15099
Afgreiðsla: Hverfisgötu 55. Sími 11660
Ritstjórn: Laugavegi 178. Sími 11660 (5 línur)
Áskriftargjald kr. 115.00 á mánuöi innanlands
I lausasölu kr. 7.00 eintakiö
Prentsmiöja Vísis — Edda hf.
Skýrslan um ísland
] skýrslu Efnahags- og framfarastofnunarinnar
(OECD) um efnahagsástandið á íslandi er talið
ástæðulaust að horfa með svartsýni til framtíðarinnar.
Stofnunin spáir því, að efnahagur þjóðarinnar byrji á
þessu ári að rétta við eftir áföll ársins 1967.
OECD reiknar með 25% aukningu á útflutningstekj-
um íslendinga á þessu ári, fyrst og fremst vegna auk-
innar framleiðslu. Viðskiptajöfnuðurinn muni batna
verulega og gjaldeyrisvarasjóðurinn hætta að minnka.
Einnig spáir stofnunin því, að atvinna muni aukast
aftur á árinu og þjóðarframleiðslan muni vaxa um
tvö og hálft til þrjú prósent.
En spáin er byggð á ákveðnum forsendum. Ein hin
veigamesta er sú, að íaun hækki ekki. OECD telur, að
laun hafi verið orðin úr höfi mikil á íslandi, miðað
við efni þjóðarinnar. Ekki sé hægt að réttlæta launa-
hækkanir á þessu ári, þar sem þær mundu eyða ár-
angri gengislækkunarinnar. í skýrslunni er lögð mikil
áherzla á þetta atriði.
Um gengislækkunina segir í skýrslunni: „Gengis-
fellingin var nauðsynleg vegna mikils halla út á við,
er var afleiðing verðfalls og aflabrests, ásamt of mik-
illi hækkun kaupgjalds og annarra tekna á undanfar-
andi tímabili. Til þess að jafnvægi út á við náist á nýj-
an leik, þarf að beina framleiðsluöflunum í meira mæli
að útflutningi og að framleiðslu, er komi í stað inn-
flutnings. Helztu leiðirnar til þess að koma þessu
fram eru bætt samkeppnisaðstaða atvinnuveganna og
minnkun kaupgetu neyt'enda af völdum hækkaðs
innflutningsverðlags. Verðhækkanirnar eru því ekki
gild ástæða fyrir hækkun kaupgjalds. Áframhaldandi
festa í kaupgjaldi og verðlagi er því nauðsynlegt skil-
yrði þess,að gengisbreytingin sé ekki unnin fyrir gýg“.
í skýrslunni er rætt um hugmyndirnar um verð-
jöfnunarsjóð í sjávarútvegi og fiskvinnslu, sem mjög
hafa verið til umræðu hér á landi að undanförnu.
Mælir OECD með aðgerðum á þessu sviði ogt vísar
til þeirrar tilraunar, sem nú er verið að gera með verð-
jöfnunarsjóð í hraðfrystiiðnaðinum.
Að lokum leggur OECD áherzlu á hagræðingu og
framleiðniaukningu í atvinnuvegunum. Það sé fyrst
og fremst verkefni fyrirtækjanna sjálfra, en ríkisvald-
ið geti hjálpað til með því að skapa atvinnuvegunum
þann ramma, er hvetji til hagræðingar og framleiðni-
aukningar. Stofnunin bendir á, hve lítil íslenzk fyrir-
tæki eru yfirleitt, og mælir með samstarfi og sam-
runa fyrirtækja. Eitt höfuðverkefni hins nýja iðnþró-
unarráðs er einmitt að stuðla að slíku.
Skýrslur Efnahags- og framfarastofnunarinnar eru
mikils metnar um allan heim. íslandsskýrsla stofn-
unarinnar er okkur þörf hugvekja um, hve skammt
getur verið milli velfarnaðar og ófarnaðar á þessu ári.
Og hún sýnir, að mikils árangurs er að vænta, ef öll
þjóðin leggst á eitt
■
Vaskó-tækið við mælaborðið í bílnum.
,,VASCAR“ .
- NÝTT BARÁTTUTÆKI BANDARISKU
LÖGREGLUNNAR GEGN HRAÐABRJÓTUM
T Tmferöarlögreglan í mörgum
fylkjum í Bandaríkjunum
hefur nú tekið í notkun nýtt
„vopn“ í baráttunni gegn þeim
bílstjórum, sem ekki virða sett
ákvæði um ökuhraða. Þaö nefn-
ist „VASCAR“, sem er skamm
stöfum á heldur óþjálfu og löngu
nafni — Visual Average Speed
Computer And Recorder. Sem
sagt, rafreiknarnir líka þar.
Þeðar minnzt er á rafreikna,
vekur það yfirleitt hjá manni
hugmynd af samstæðu svo flók
inna og fyrir-ferðamikilla raf-
einda' ckja, aö fylla minnst með
alstór herbergi, og eru svo mikl-
ir með sig, að þeir virða menn
ekki svars, nema spurningin
hafi verið skráð einhverjum
dulartáknum á þar til gerð
spjöld. Þessi rafreiknir er hins
vegar svo fyrirferðarlítill, að
hæglega má koma honum fyrir
við mælaborð á venjulegri bif-
reið svipaö og gjaldmæli, og
ekki stærri upp á- sig en þaö,
aö hann veitir skjótt og óyggj-
andi svar hverjum þeim sem
kann að styöja á þrjá rofa í
réttri röð.
Notkunin fer þannig fram, að
lögregiumaöurinn í bílnum vel-
ur sér einhvem viðmiðunarstað
— brú, ljóskerastaur eða gatna
mót — styður síðan á vissan
rofa á tækinu, þegar bíllinn,
sem hann hefur gát á, ekur
fram hjá þeim stað, þrýstir síðan
á annan rofa, þegar bíllinn kem-
ur samhliða lögreglubílnum. —
Viti lögreglumaðurinn vegalengd
ina áður, hefur hann stillt tækið
á hana og kemur þá fram á
m_jlaskífu meðalhraði hins öku-
tækisins, reiknað í mílum, um
leið og hann þrýstir á seinni
rofann. Annars ekur hann á viö
miðunarstaðinn, tækið mælir
sjálft vegalengdina frá því er
bílarnir mættust, og veitir þá
svariö samstundis. Sé þannig
farið að. gildir einu þótt lög-
reglubíllinn sé á ferð, þegar
bílamir mætast, ef lögreglu-
þjónninn hefur miðað grunaöan
sökudólg áður. Viðmiðunin þarf
ekki að vera bundin löngum
spöl — aksturshraðatölvan rugl-
ast ekki í reikningnum fyrir
Það. iufiiiblo n
Aðalkosturinn við þetta til-
tölulega nýja baráttuvopn gegn
hraðföntum, er m. a. í því
fólginn að einu gildir hvort
lögreglubíllinn stendur kyrr eða
er í akstri, hvort myrkt er eða
bjart og hvort sá grunaði ekur
á móti lögreglubílnum eða á
undan — og loks hve tölvan er
fljót að reikna út ökuhraoann.
Einnig það, að hún starfar alger
lega sjálfkrafa, og lögreglubíl-
stjórinn getur því ekið um ó-
hindrað og haft gát á umferöinni
á meðan hún vinnur verk sitt.
Þá er öll meðferð hennar svo
einföld, að ekki tekur nema
iskamman tíma aö læra á hanaog
þjálfa sig í henni til fullnustu.
Vestur þar kváðu þeir í um-
lerðarlögreglunni binda miklar
vonir við gagnsemina af þessu
þarfaþingi — meðal ánnars hvaö
það snertir að koma í veg fyrir
of hraðan akstur. Bílstjórarnir
muni gæta að sér, eftir að það
er almennt vitað, að lögreglu-
þjónarnir hafi slík tækr i bíl-
um sínum.
Minningarsjóður um Þórarin
Björnsson skólameisíara
TVemendur og samstarfsmenn
Þórarins Þjömssonar, skóla-
meistara, hafa ákveðið aö beita
sér fyrir stofnun minningarsjóðs
við Menntaskólann á Akureyri,
er beri nafn hans. Framlögum
til sjóðsins veröur veitt viðtaka
á Akureyri hjá húsverði Mennta-
skólans þar og í Reykjavík í *
Bóksölu stúdenta í Háskólanum
og hjá Bókaverzlun S. Eymunds-
sonar í Austurstræti. Þess er ósk
að, að þeir. sem gerast vilja
stofnendur sjóösins og tök háfa
á því, riti nöfn sin á skrár, sem
frammi liggja á ofangreindum
stöðum.
Þótt frumkvæðið komi frá of-
angreindum aðiljum, er hér um
almennan sjóð að ræða, sem
veitir viðtöku framlögum frá öll-
um þeim, er minnast vilja Þór-
arins skólameistara og styrkja
vilja sjóöinn. Stofnendur, sem
ekki geta komið því vig aö rita
nöfn sín á framangreinda skrá,
eru beðnir að hafa samband við
aðilja þá, er taka við framlög-
um. Verða nöfn þeirra þá skráð
á stofnendaskrá. Minninkar-
spjöld verða gefin út í tilefni
af sjóðsstofnuninni og eru fáan-
leg á fyrrgreindum stöðum.
I stofnunarnefnd sjóðsins hafa
valizt: Steindór Steindórsson.
settur skólameistari, Ármann
Snævarr, Háskólarektor, Bald
vin Tryggvason, forstjóri, Bryn-
dís Jakobsdóttir, frú, Jón Hé?
inn Ármannsson, alþingismaðu’-,
og Sigurður Hallsson, efnaverK-
fræðingur.
Reykjavík. 1. febrúar 1968.
F. h. stofnnefndar,
Ármann Snævarr.