Dagur - 11.12.1997, Side 3

FRÉTTIR
FIMMTUDAGVR 11.DESEMBER 1997 - 3
Mokuðu upjp túnfískí
í íslenskri logsögu
Hér má sjá þegar japanska túnfiskveiðiskipid er gert klárt í Reykjavíkurhöfn fyrir
túrinn. Þetta reyndist ferd til fjár því túnfiskinum var hreinlega mokað upp í íslensku
lögsögunni.
íslensku miðiii iiiuii
gjöfulli af túnfiski á
vetrarmánuðum en
nokkum óraði fyrir.
Aflaverðmæti jap-
ansks skips í 5 7 daga
tnr reyndist um 150
milljónir króna. Eimi
fiskur á milljón.
Túnfiskveiðum Japana er lokið
\dð Islands strendur. Skilyrt var
að einn rannsóknarmaður yrði
um borð og er Stefán Lárus Páls-
son, fyrir hönd Hafrannsókna-
stofnunar og Fiskistofu, nýkom-
inn heim úr 70 daga leiðangri á
japanska skipinu Tokujamaru.
Veiðarnar gengu afar vel að sögn
Stefáns og nam aflaverðmætið
um 150 milljónum króna á þeim
57 dögum sem veitt var. Veiði-
svæðið var milli Reykjaness og
Færeyja.
„Enginn átti von á þessu“
Þrjú skip fengu leyfi til að veiða
frá 15. ágúst til síðustu mánaða-
móta innan íslensku lögsögunn-
ar. Veiðarnar gengu treglega í
fyrra og því var ekki á vísan að
róa. Það sem kom mest á óvart
nú, var hve veiðin hélst góð fram
eftir nóvembermánuði, að sögn
Stefáns. „Enginn átti von á þess-
um mikla afla í nóvember. Þetta
er flökkufiskur eins og síldin
þannig að það getur brugðið til
beggja vona. Ef Islendingar fara
út í þetta mæli ég með að þeir
leigi skipin a.m.k. til að byrja
með. Það þarf sérhæfðan útbún-
að fyrir línuna, dálítið mikið
pláss, viðamikinn frystibúnað,
verkkunnáttu og mikla þolin-
mæði. Þetta er feiknavinna,"
segir Stefán.
150 km llna á dag!
Japanir hafa þróað hundruð
skipa fyrir túnfiskveiðarnar en
fisköflunin er sérhæfð sbr. ofan-
greint. Sem dæmi um umfangið
má nefna að Stefán og félagar
lögðu út um I 50 km línu á dag
eða 82-83 sjómílur. Venjuleg ver-
tíðarlína á dagróðrarbátum er
um 12 sjómílur. „Til gamans get
ég nefnt um afköstin að við höf-
um lagt í ferðinni línu sem nem-
ur um 5800 sjómílum. Það dug-
ar alveg frá Grímsey suður að
miðbaug og áleiðis til baka,“ seg-
ir Stefán Lárus.
Einn fiskur á milljón
Ekki þarf marga fiska á dag ef
menn eru að veiða túnfisk. Þykir
gott að fá 10 á dag og var stærsti
fiskurinn í ferð Stefáns um 340
kíló, slægður og tilskorinn. Afla-
verðmætið: 900.000 kr.! Þá kom
ýmislegt fleira á línuna en tún-
fiskur. „Mér fannst dálítið slá-
andi að þegar leið á haustið vor-
um við farnir að fá nánast dag-
lega sel hér um 200 mílur frá
landinu og einu sinni rostung.
Selurinn virðist vera víða,“ segir
Stefán.
Stefán hefur tekið saman
skýrslu um veiðarnar sem hann
segir eitt mesta sjóævintýri lífs
síns. Gögnin eru í prentun hjá
Fiskistofu og hafa ekki komið
opinberlega út ennþá. — BÞ
Þrotabú
Vatnsberans
gert upp
Búið er að gera upp þrotabú
Þórhalls Olvers Gunnlaugsson-
ar, sem manna á meðal gekk
undir heitinu Vatnsberamaður-
inn. Þórhallur stofnaði vatnsút-
flutningsfyrirtæki sem þó aldrei
komst almennilega á laggirnar,
þrátt fyrir mikil áforrn og fjár-
streymi. Hann var síðan ákærð-
ur fyrir söluskattssvdk en flúði
Iand. Síðar var hann dæmdur og
komst í fréttir fyrir að fá sölu-
skattsgreiðslur til sín í fangels-
inu! Þrotabú hans var nýlega
gert upp án þess að greiðsla hafi
fengist upp í 53 milljóna króna
kröfur. - FÞG
Grjótnám í
Geldiuganesi
Borgarráð hefur samþykkt til-
lögu Reykjavíkurhafnar að
skipulagi aðstöðu við grjótnám í
Geldinganesi. Aður hafði tillag-
an verið samþykkt í skipulags-
og umferðarnefnd gegn atkvæð-
um tveggja sjálfstæðismanna en
einn þeirra sat hjá. Sjálfstæðis-
menn telja að með þessari sam-
þykkt sé verið að stíga fyrsta
skrefið til að breyta besta bygg-
ingasvæði borgarinnar í námu-
svæði. Meirihlutinn vísar hins-
vegar í samþykkt aðalskipulag
þar sem fram kemur að blönduð
athafna- og íbúabyggð verði í
Geldinganesi, auk þess sem
hafnarsvæði verði áfram í Eiðs-
vak. -GRH
Reykjavík fær
ekki löggæsluna
Dómsmálaráðuneytið sagði þvert nei við því að borgin tæki yfir staðbundna lög-
gæslu. Á sama tíma standa yfir skipulagsbreytingar hjá almennu lögreglunni í
Reykjavík án samráðs við borgaryfirvöld. Þetta finnst borginni afar m/ður og þá sér-
staklega þegar haft er í huga þá miklu hagsmuni sem í húfi eru fyrir borgarbúa að
löggæslan sé öflug og veiti góða þjónustu.
RíMð veldur Reykja-
víkiirborg vonbrigð-
imi. Harðneitar að
leyfa að færa lögregl-
una til borgaryfir-
valda, sem vilja hafa
um þau mál að segja.
Borgaryfirvöld lýsa yfir vonbrigð-
um með að fá ekki að hlutast til
um eftirlit og löggæslu í borg-
inni. Dómsmálaráðuneytið synj-
ar ósk um yfirtöku borgarinnar á
staðbundinni löggæslu, en vinn-
ur að skipulagsbreytingum hjá
almennu lögreglunni í borginni
án samráðs við borgaryfirvöld.
Guðrún Agústsdóttir borgarfull-
trúi segir þetta ein mestu von-
brigðin í samskiptum fram-
kvæmdanefndar um tilrauna-
sveitarfélag við ríkisvaldið. Hún
bendir á að löggæslan sé mikið
hagsmunamál fyrir borgarbúa,
bæði öryggið í umferðinni og hin
ýmsu afbrotamál að viðbættri
allri þjónustu. Komið hefur fram
hörð gagnrýni á löggæsluna í
borginni, en samkvæmt niður-
stöðu í þessu máli verður hún
áfram algjörlega í umsjá ríkisins.
Melri vonbrigði
Reykjavíkurborg kom einnig að
lokuðum dyrum heilbrigðisráðu-
neytisins þegar sótt var um rekst-
ur heilsugæslustöðva og yfirtöku
heimahjúkrunar í tengslum við
tilraunaverkefnið um reynslu-
sveitarfélög. Þá náðist ekki sam-
komulag við félagsmálaráðuneyt-
ið um málefni fatlaðra. Þetta
kemur fram í greinargerð fram-
kvæmdanefndar um reynslu-
sveitarfélagið Reykjavík.
Guðrún Agústsdóttir, formað-
ur nefndarinnar, segir að þótt
undirtektir ríkisvaldsins vegna
nokkurra málaflokka hafi valdið
vonbrigðum, þá séu nokkur til-
raunaverkefni sem haldið verður
áfram að vinna að til ársins
2000. I því sambandi bendir hún
m.a. á stjórnsýslubreytingar sem
einfaldi stjórnkerfið og bætir
þjónustu við borgarbúa.
Hverfisstjómir
Af öðrum verkefnum sem horfa
til framfara og náðst hafa fram
við ríkisvaldið er m.a. Upplýs-
ingaskrifstofa húsnæðismála þar
sem borgarbúar í húsnæðisleit
geta fengið alla þjónustu á ein-
um stað. Hið sama á við um
vinnumiðlun og þjónustu við at-
vinnulausa og atvinnuráðgjöf.
Síðast en ekki síst er það
reynsluhverfið í Grafarvogi.
Guðrún vonast að sú tilraun geti
orðið fyrirmynd þannig að hvert
borgarhverfi geti í framtíðinni
verið með sína hverfisstjórnir.
Hún segir að borgin hefði komist
langt með þessa málaflokka án
þess að þurfa að gerast reynslu-
sveitarfélag. -GRH
Biliö eykst milli Hagkaups og Bónuss
Samkvæmt verðkönnun sem Neytendafélag Akureyrar og nágrennis
gerði 9. desember sl. á þeim þremur verslunum á Akureyri sem hafa
boðið lægst vöruverð, er verðlag í KEA Nettó um 9% hærra en í versl-
unum Bónuss sem einnig voru kannaðar. Miðað Við fyrri kannanir er
greinilegt að mati neytendasamtakanna að Bónus hefur læklrað hjá sér
vöruverð frá því í september og er verðstríði Nettó og Bónuss síður en
svo lokið.
Skagafjarðarlistiun fer fram
Einstakungar úr Alþýðubandalagi, Alþýðuflokki, Kvennalista og Þjóð-
vaka ásamt óflokksbundnu fólki víða úr Skagafirði, hafa hist á undan-
förnum vikum til að ræða hvernig best verði staðið að framboðsmálum
til nýrrar sveitarstjórnar í sameinuðu sveitarfélagi í Skagafirði. Telur
sérstakur Samráðshópur að mikilvægt sé að í hinu nýja sveitarfélagi
verði félagslegt réttlæti haft að leiðarljósi og tekið verði tillit til allra
íbúa héraðsins við stefnumótun. Því hefur verið ákveðið að stofna ný
samtök, Skagafjarðarlistann, sem bjóða munu fram til sveitarstjórnar í
nýju sveitarfélagi f Skagafirði. Samtökin verða óháð landspólitískum
flokkum og félögum og hefur verið ákveðið að stofnfundur fari fram í
janúar.
Helgi Áss Grétarsson áfram
Helgi Ass Grétarsson komst í gær í aðra umferð heimsmeistaramóts-
ins í skák sem fram fer í Hollandi. Helgi Ass hlaut 1,5 vinninga í
tveimur viðureignum við andstæðing sinn, Iljescas frá Spáni. Margeir
Pétursson er úr leik, en hann fékk hálfan vinning gegn eistneskum
keppninauti sínum en óvíst var í gærkvöld hvort Jóhann Hjartarson
kæmist í aðra umferð, enda þurfti hann að tefla aukaskák gegn lith-
áískum skákmanni.
Ágremingiii í Kyoto
Fuiltrúar á ráðstefnu um loftslagsbreytingar í Kyoto í Japan töldu
sáralitlar líkur á að nokkurt samkomulag næðist í gærkvöld vegna
deilna um viðskipti með mengunarkvóta. Samkomulag um 6% skerð-
ingu á útstreymi gróðurhúsalofttegunda hafði fyrr um daginn verið
því sem næst í höfn. Enn var þó í gærkvöld talið hugsanlegt að sér-
staða Islendinga yrði viðurkennd.
Halldór Asgrímsson utanríkisráðherra sagði í gær að Islendingar
hefðu góðan málstað í umhverfismálum og hann óttaðist ekki barátt-
una í framtíðinni.