Dagur - 12.12.1997, Síða 13

Xk^nr
FÖSTVDAGVR 12.DESEMBER 1997 - 13
ÍÞRÓTTIR
Sænsldr leik-
merai til KA
Samningar eru nú á lokastigi hjá
knattspyrnudeild KA og tveimur
leikmönnum sænska liðsins
Vesterás, sem féll niður úr sæn-
sku úrvalsdeildinni í haust. Að
öllum líkindum verður skrifað
undir samninga á þriðjudag eða
miðvikudag í næstu viku og Sví-
arnir, sem báðir eru 23 ára gaml-
ir, muni koma til móts við KA-
hópinn í fyrirhugaðri keppnis-
ferð félagsins til Evrópu um
páskana.
KA-menn byrjuðu að vinna í
þessu máli síðasta sumar. Leik-
mennirnir eru báðir fæddir 1974
og því 23 ára gamlir. Annar
þeirra er varnarmaður, en hinn
sóknarmaður.
„Við teljum okkur vera komna
með nokkuð góðan leikmanna-
hóp með þessari viðbót. Það er
samdóma álit allra sem við höf-
um rætt við að Svíarnir munu
styrkja liðið töluvert," sagði
Valdimar Freysson, formaður
knattspyrnudeildar KA.
Tveir til Everton
Tveir af yngri leikmönnum í
meistaraflokki KA í knattspyrnu,
þeir Atli Þórarinsson og Jóhann
Traustason, sem báðir fengu eld-
skírn sína með meistaraflokki fé-
lagsins sl. sumar, munu æfa með
enska úrvalsdeildarliðinu Ev-
erton í vikutíma. Ferðin er farin
að frumkvæði Evertonklúbbsins,
en Tryggvi Gunnarsson, fyrrum
leikmaður með IR, KA og Val og
stuðningsmaður Evertonliðsins,
er með góð sambönd ytra.
Öm getur náð
í fremstu röð
Örn Arnarson, sundmaður úr
SH, er sem stendur í 14. sæti á
heimsafrekalistanum í 200
metra baksundi í 25 metra Iaug,
en Islandsmet Arnar er 1,59,06
sekúndur, sett í lok október. Haf-
þór B. Guðmundsson landsliðs-
þjálfari segir stöðu Arnar á list-
anum tæpast vera marktæka, þar
sem heimsbikarmótin eru haldin
á tímabilinu janúar til mars.
„Eg vil ekki draga úr árangri
Arnar sem hefur verið að
þroskast ansi hratt á undanförn-
um árum og við erum að vonast
til þess að ekki verði langt að
bíða, þangað til hann kemst f
fremstu röð. Það sem við þurfum
að gæta að er aldurinn, hann er
aðeins sextán ára gamall og það
þykir ekki hár aldur í sundheim-
inum,“ segir Hafþór, en þess má
geta að Ragnheiður Runólfsdótt-
ir og Eðvarð Þór Eðvarðsson
náðu sínum besta árangri átján
og nítján ára gömul og Örn hef-
ur samkvæmt þeirri viðmiðun
enn 2-3 ár til stefnu.
Örn heldur í dag á Norður-

Örn Arnarson, sundmaður úr SH.
landamót unglinga sem fram fer
um helgina og þrátt fyrir að hann
hvíli ekki sérstaklega fyrir mótið,
á hann ágæta möguleika á verð-
launum. Stærsta mót vetrarins
hjá Erni verður hins vegar í
næsta mánuði, en það er heims-
meistaramótið í Ástralíu.
- En hvað gerir Öm að svo
sterkum baksundsmanni, sem
raun ber vitni?
„Það sem Örn hefur fram að
færa er líkamsvöxturinn, hann er
langur og mjór og það hefur mik-
ið að segja í baksundi. Þá hefur
hann þann eiginleika sem nokkr-
ir af okkar sundmönnum hafa en
það er tilfinning fyrir vatninu, að
geta leitað eftir þyngsta og besta
gripinu frá því hendin kemur
ofan í vatnið og þangað til hún
fer uppúr, til að kljúfa vatnið vel
og minnka þannig mótstöðu-
kraftinn. Að því leytinu til mætti
halda að hann hefði verið fiskur
í fyrra lífi,“ sagði Hafþór og bætti
því við að enn væri svigrúm til
framfara.
„Örn á eftir að styrkjast töiu-
vert í fótatökum og neðanvatns-
sundi og ég tel að hann eigi tví-
mælalaust góða möguleika á
Ólympíuleikunum árið 2000 og
ég útiloka það ekki að hann eigi
möguleika á sæti í úrslitum
heimsmeistaramótsins.
Páll er á heimleið
Páll Axel Vilbergsson, sem Ieikið
hefur með bandarísku háskóla-
liði í vetur, er á heimleið og flest
bendir til þess að hann nái að
leika með Grindavíkurliðinu í
lokaumferð úrvalsdeildarinnar á
þessu ári, en þá eiga þeir gul-
klæddu að mæta Haukum á
heimavelli sínum.
Páll Vilberg hefur oftast leikið
sem framherji og hann mun ör-
ugglega verða Grindavíkurliðinu
mikill styrkur, en liðið er nú í
toppsæti deildarinnar. Páll Axel
vann sér sæti í landsliðshópnum
á síðasta ári, en tók þá ákvörðun
að spreyta sig í háskólaboltanum
vestanhafs. Námið hefur hins
vegar reynst dýrara en búist var
við og mun það eiga stærstan
þátt í heimkomu hans. GÞÖ/FE
Dýr skíðagöngubraut
Dýrasta skíðagöngubraut sög-
unnar, að minnsta kosti ef miðað
er við lengd, var búin til í miðbæ
Mílanóborgar í fyrrakvöld, þegar
haldið var þar heimsbikarmót í
skíðagöngu. Heildarkostnaður-
inn við keppnina var 800 þúsund
lírur, sem samsvara 35 milljón-
um íslenskra króna.
Drjúgur hluti af kostnaðinum
við mótið fólst í að búa til braut-
ina, en nokkurra stiga hiti hefur
verið í Mílanó að undanförnu og
þar hefur ekki verið eitt einasta
snjókorn að finna. Mótshaldarar
dóu hins vegar ekki ráðalausir og
náðu að búa til eins kílómetra
göngubraut með gervisnjó. Það
var gert með því að leiða fljótandi
nítrógen með rörum á brautina
og vatni, allt að 25 þús. lítrum á
klukkustund, var dælt saman við.
Með því reyndist unnt að halda
gönguna, en kostnaður við að
,,fá“ snjóinn var öllu meiri en í
hefðbundinni skíðagöngukeppni,
eða sem samsvarar tíu milljónum
íslenskra króna.
FYRIRTÆKI
TIL SÖLU
Til sölu fyrirtæki í byggingariðnaði sem framleiðir
sérhæfðar vörur og er með eigin innflutning.
Upplýsingar í síma 557 5811.
Sýslumaðurinn á Akureyri
Hafnarstræti 107,600 Akureyri
Sími 462 6900
Uppboð
Framhald uppboðs á eftirfarandi
eignum verður háð á þeim sjálfum,
sem hér segir:
Hafnarstræti 97, hl. 2D, Akureyri,
þingl. eig. Hönnunar-/verkfræðistof-
an ehf, gerðarbeiðendur Akureyrar-
bær og Iðnlánasjóður, þriðjudaginn
16. desember 1997 kl. 11.
Hafnarstræti 97, hl. 5A, Akureyri,
þingl. eig. Byggingafélagið Lind ehf,
gerðarbeiðendur Bílanaust hf, ís-
landsbanki hf. höfuðst. 500 og
Landsbanki (slands Höfuðstöðvar,
þriðjudaginn 16. desember 1997 kl.
11.15.
Karlsrauðatorg 26f, Dalvík, þingl.
eig. Sigríður Dóra Friðjónsdóttir og
Þórhallur S. Jónsson, gerðarbeið-
endur Dalvíkurkaupstaður og Ríkis-
útvarpið, þriðjudaginn 16. desem-
ber 1997 kl. 14.30.
Lóð úr landi Flugmálastjórnar, Akur-
eyrarflugvelli, Akureyri, þingl. eig.
Bakkasel ehf, gerðarbeiðendur Ak-
ureyrarbær og Sparisjóður Akureyr-
ar/Arnarneshrepps, þriðjudaginn
16. desember 1997 kl. 10.
Tjarnarlundur 7b, Akureyri, þingl.
eig. Elísabet Björg Gunnarsdóttir,
gerðarbeiðandi Akureyrarbær,
þriðjudaginn 16. desember 1997 kl.
10.30.
Sýslumaðurinn á Akureyri,
10. desember 1997.
Harpa Ævarrsdóttir, ftr.
Flytjum um helgina!
Opnum mánudaginn
15. desember
á nýjum stað að Hjalteyrargötu 2
LIMMIÐAR NORÐURLANDS
Hjalteyrargötu 2 • 600 Akureyri
Sími 462 4166 • Fax 461 3035
Húsbréf
Innlausn
húsbréfa
Frá og með 15. desember 1997 hefst innlausn á
útdregnum húsbréfum í eftirtöldum flokkum:
4. flokki 1992 - 16. útdráttur
4. flokki 1994 - 9. útdráttur
2. flokki 1995 - 7. útdráttur
Innlausnarverðið er að finna í Morgunblaðinu
föstudaginn 12. desember.
Upplýsingar um útdregin húsbréf liggja
frammi hjá Húsnæðisstofnun ríkisins, á
Húsnæðisskrifstofunni á Akureyri, í bönkum,
sparisjóðum og verðbréfafyrirtækjum.
HÚSNÆÐISSTOFNUN RÍKISINS
(j HÖSBRÉFADEIID • SUÐURLANDSBRAUT 24 • 108 REYKJAVÍK • SlMI 569 6900