Dagur - 08.01.1998, Síða 6

6 -FIMMTUDAGUR 8 . J A N Ú A R 1998
ÞJÓÐMÁL
Otgáfufélag: dagsprent
Útgáfustjóri: eyjólfur sveinsson
Ritstjórar: stefán JÓN HAFSTEIN
ELÍAS SNÆLAND JÓNSSON
Aðstoðarritstjóri: BIRGIR GUÐMUNDSSON
Framkvæmdastjóri: marteinn jónasson
Skrifstofur: STRANDGÖTU 31, AKUREYRI,
GARÐARSBRAUT 7, HÚSAVÍK
OG ÞVERHOLTI 14, REYKJAVÍK
Símar: 460 6ioo OG 800 7080
Netfang ritstjórnar: ritstjori@dagur.is
Áskriftargjaid m. vsk.: 1.680 KR. Á mánuði
Lausasöluverð: 150 kr. og 200 kr. helgarblað
Grænt númer: 800 7080
Simbréf auglýsingadeildar: 460 6161
Símar auglýsingadeildar: 563-1615 creykjavi'kj
460-6191 OG 460-6192 (AKUEYRI)
Simbréf ritstjórnar: 460 6171(akureyri) 551 6270 (reykjavík)
Aukin aðstoð við
fátækar þjóðir
í fyrsta lagi
Aðstoð ríkari þjóða heims við þróunarríkin hefur verið gagn-
rýnd á undanförnum árum. Ekki síst aðstoð sem farið hefur tii
margra landa í Afríku. Þar hafa komið fram í dagsljósið mörg
dæmi um afar illa meðferð á því fjármagni sem átt hefur að
bæta lífskjör og menntun íbúanna. Spillingaröfl hafa leikið
lausum hala, einkum í löndum þar sem meira og minna ein-
ræði hefur ríkt langtímum saman. Engu að síður hefur víða
náðst nokkur árangur af þessu þróunarstarfi, bæði á vegum al-
þjóðlegra stofnana, einstakra ríkja og hjálparsamtaka. Og fáir
draga í efa siðferðislega skyldu auðugra þjóða heims til að
hjálpa meðbræðrum sínum sem búa við neyð og hörmungar.
í öðru lagi
Þróunaraðstoð lslendinga hefur verið til endurskoðunar að
undanförnu, enda sætt gagnrýni. Halldór Asgrímsson, utan-
ríkisráðherra, rakti ítarlega í grein í Degi á þriðjudaginn þá
stefnu sem ríkisstjórnin hefur nú markað til að efla og bæta
þessa aðstoð við fátæk ríki. Þar kom fram að starfsemi Þróun-
arsamvinnustofnunar Islands verði aukin og áhersla lögð á
vandaðan undirbúning verkefna. I þessu skyni verði framlög til
stofnunarinnar aukin verulega næstu sex árin; þau muni á
þessu tímabili hækka úr 172 milljónum króna á ári í allt að
500 milljónir.
í þriöja lagi
Utanríkisráðherra boðar að vaxtarbroddurinn í þróunaraðstoð
íslendinga næstu árin verði á vegum Þróunarsamvinnustofn-
unarinnar sem nú starfar í fjórum löndum Afríku og hefur 20
Islendinga að störfum á erlendri grund. Afram verði sinnt
verkefnum í fiskveiðum og fiskirannsóknum en líka tekið til
hendi í mennta- og heilbrigðismálum. Vonandi ber hin nýja
stefnumörkun þann árangur að betur takist til í framtíðinni.
Standa þarf svo vel að aukinni aðstoð við fátækar þjóðir að ís-
lenskir skattborgarar þurfi ekki að efast um að peningum
þeirra sé vel varið.
Elías Snæland Jónsson.
Með kosmnga-
hálsmenið
Garri tók eftir því í sjónvarps-
þættinum Dagsljósi í fyrra-
kvöld að Guðrún Pé var komin
með kosningahálsfestina um
hálsinn. Guðrún bar einniitt
þetta sérstæða hálsmen sitt oft
í forsetakosningabaráttunni,
sem er eðlilegt því menið er
stórglæsilegt. En hún kom
fram með ýmsar fullyrðingar
þarna í þættinum sem athygl-
isverðar hljóta að teljast. Til
dæmis framkvæmdi Guðrún
mjög flott töfrabragð þar sem
hún lét fyrst 100 króna pening
hverfa úr lófa sér en Iét pen-
inginn síðan birtast aftur. Áður
en hún lét peninginn
birtast aftur gaf hún út
þá yfirlýsingu að ef það
tækist myndi hún hik-
laust sækjast eftir því að
verða fjármálaráðherra
Islendinga, því hún gæti
þá látið hundraðkallana
birtast í tonnatali í ríkis-
kassanum. Margir tóku
þessu sem gríni hjá Guðrúnu,
en það er mikil einföldun.
Skýr skilaboð
Guðrún var með þessum orð-
um sínum að senda forustu
Sjálfstæðisflokksins mjög skýr
skilaboð. Þegar er vitað að
borgarstjórnarframboð er ekki
eina járnið sem hún hefur í
eldinum. Framboð til Alþingis
er sterklega inni í myndinni
hjá henni sem valkostur líka
þó enn sé óljóst hvort það yrði
í Reykjajvík eða á Reykjanesi
þar sem frændgarður hennar
hefur mikil og sterk ítök í þétt-
býliskjörnum. Formaður
flokksins, Davíð Oddsson rit-
höfundur, hefur hins vegar
takmarkaðan áhuga á að fá
Guðrúnu í þingflokkinn, enda
V
hafa þau tvö eldað grátt silfur
frá fyrstu tíð. I ljósi þess að
fjármálaráðherrann núverandi
er að hætta í pólitík, verður
gáskafull tilkynning Guðrúnar
Pé um að hún gæti vel hugsað
sér að verða fjármálaráðherra,
þrúgandi áminning uni þann
möguleika að hún geti farið
fram í alþingiskosningum, sem
er það sem Davíð síst af öllu
vill.
Getur ekki hætt
viö
Yfirlýsing Guðrúnar er því
Iaglegt útspil til að styrkja
stöðu hennar gagnvart
borgarstjórnarframboði.
Forustan verður enn
ákafari að koma henni á
borgarstjórnarlistann og
möguleiki Guðrúnar á
góðri stöðu á listanum
eykst í réttu hlutfalli við
aukinn áhuga forust-
unnar á að halda henni
utan þingflokksins. Það vinn-
ur hins vegar verulega gegn
möguleikum Guðrúnar að
hún hefur nú gefið það svo af-
dráttarlaust í skyn að hún hafi
áhuga á framboðinu til horg-
arstjórnar að henni er nánast
ekki stætt á því að hætta við
ef hún mögulega á kost á
sæti. Ef hún hættir við fram-
boð nú þá er það í annað sinn
sem hún hættir við, því hún
dró sig til baka í forsetaslagn-
um eins og menn muna.
Frambjóðandi með sögu um
að hætta við framboð áður en
yfir lýkur á ekki milda mögu-
leika í framtíðinni. Garri er
því ekki í nokkrum vafa um að
Guðrún fari í framboð, enda
er hálsmenið komið á sinn
stað CARRI.
Guðrún
Pétursdóttir.
JÓHANNES
'4 4 v ' 'J SIGURJÓNS
SON
skrifar

Því ég á hvergi heima
Ekki er öll vitleysan eins og
þröngt er nú setinn Skorradalur-
inn. Þar hafa lögmál byggðaþró-
unar á Islandi á þessari öld verið
þverbrotin. Hingað til hefur fólk
streymt úr dreifbýlinu í þétthýlið
en að undanförnu hefur verið
stöðugur straumur flóttafólks úr
Reykjavfk og frá Þýskalandi í
Skorradal, þar sem menn helga
sér lögheimili í rústum útihúsa
og hjalla sem kærulausustu heil-
brigðiseftirlitsmenn myndu á
augabragði dæma óíbúðarhæf.
Og glöggir hreppsnefndar-
menn og löglærðir sýslumenn
standa ráðþrota frammi fyrir
þessum sérkennilegu þjóðflutn-
ingum.
Skrásetja skal alla Skorra-
byggð
Hvenær er maður með lögheim-
ili og hvar og hvenær er maður
ekki með Iögheimili þar? Þetta er
hin snúna spurning sem kerfið
stendur gagnvart. Og kerfiskallar
velta vöng-
um eins og
litlir
Hamletar
og slá í og
úr og eng-
inn veit
hvað til
bragðs á að
taka. Pontí-
us vísar
málinu til
Pílatusar
og hann
sendir það
til baka og þvær hendur sínar af
þeim tötrughypjum sem nú
streyma inn í dalinn Skorra.
Þetta sérlega einfalda mál hef-
ur súrrast saman í einn ógurleg-
an Gordionshnút. Sýslumaður er
hugsanlega vanhæfur þar sem
hreppstjórinn starfar hjá þeim
fýrrnefnda. Þjóðskrá getur ef
tilvill leyst málið með almennri
manntals-
skráningu,
líkt og
Heródes
lét gera
forðum.
Og hugs-
anlega geta
rannsókn-
arlögreglu-
menn
kannað
hvort hér
hafa verið
brotin lög
um lögheimili, tilkynningu að-
setursskipta og kosningalög.
Allt þetta mun ugglaust taka
nokkra mánuði eða ár og þá taka
við áfrýjanir út og suður.
Farinn til Monaco!
Þetta er hið besta mál fyrir menn
á borð við mig og Björn
skattaflóttamann Borg. Eg tel
sem sé að skatturinn íþyngi mér
verulega hér á íslandi, ekki síður
en hann gerði Birni áður í Sví-
þjóð. I mörg ár hef ég vitað af lít-
illi kjallaraíbúð við Grimaldi
stræti númer 169 suður í
Monaco. Þangað hefur mig lengi
langað til að flytja Iögheimili
mitt, en talið vonlaust mál og
ólöglegt. En eftir að Skorradals-
málið kom upp sé ég mér leik á
borði og flyt umsvifalaust út og
borga aungva skatta næstu árin,
meðan kerfið reynir að knýja mig
til afturbata í lögheimilisflutn-
ingum.
Fyrst handboltamaður búsett-
ur í Þýsklandi getur skráð lög-
heimili sitt í Skorradal, þá hlýtur
blaðamaður á Húsavík að geta
gjört hið sama í Monaco, eða
hvað?

Er eðlilegt að Uiunn
hæstu embættismenn
þjóðarinnarfái sömu
prósentuhækkun launa
og aðrir?
Axi Skúlason
Jfamkvæmdastjóri ASÍ:
„Mér finnst að
það eigi sama
reglan að gilda
fyrir alla þegar
samið er um
prósentu-
hækkun. Þess-
ir höfðingjar
eru miðaðir
við það sem gerist á almenna
vinnumarkaðnum. Á meðan ekki
er samið um að hafa þetta ein-
hvern veginn öðruvísi er mjög
erfitt að gera eitthvað í því. Ef
þeir fara eftir reglunni núna þá
eiga þeir Iíka að gera það í önnur
skipti. Það gerðist hinsvegar ekki
í júlí í fyrra þegar þeir fengu um-
fram það sem aðrir fengu.“
Einar Oddur Kristjánsson
alþittgismaður:
„I þessu tilfelli
er það ofur-
eðlilegt að það
sé úthlutað
prósentu-
hækkunum
vegna þess að
það var samið
um það.
Þannig að ég sé ekkert athuga-
vert við þetta og Kjaradómur
hefur ábyggilega unnið þetta
hárrétt. Hinsvegar hafa stundum
verið stigin þau skref að semja
um krónutöluhækkun á öll Iaun.
Það er ekki hægt nema einstaka
sinnum vegna þess að við getum
ekki raskað þessum launahlut-
föllum."
Signý Jóhannesdóttir
formaður Vöku á Sigiufirði:
„Það hefur
aldrei að mínu
viti verið eðli-
legt að laun
væru hækkuð í
prósentum. Eg
hef verið tals-
maður þess að
laun hækkuðu
í krónutölu og á þann hátt að
þeir lægst launuðu mundu fá
flestar krónurnar en þeir hæst-
launuðu þær fæstu. Þessi hækk-
un Kjaradóms er svo sem eftir
öðru sem kemur frá þessu liði
sem ræður ríkjum í landinu og
kemur ekki á óvart.“
Ögmundnr Jónasson
formaðurBSRB og þingmaðurAl-
þýðubaudalags og óháðra:
„Nei. Mér
finnst að ekk-
ert eigi að ger-
ast sjálfkrafa í
þessum efn-
um. Ég hef
lengi bent á að
þetta fyrir-
komulag með
Kjaradóm og kjaranefnd sé með
öllu ó\áðunandi. Þetta eru orðn-
ar andlitslausar vélar sem sjá til
þess að hæst launaða fólkinu séu
jafnan tryggðar sömu hlutfalls-
hækkanir og öðrum og oft gott
betur. Þá vega prósentin mis-
þungt í krónum talið hjá lág-
launa- og hálaunafólki."