Dagur - 24.01.1998, Page 10

26 - LAUGARDAGUR 24. JANÚAR 1998
LÍFIÐ í LANDINU

Dýrmæt utanhússsýning. Svavar Guðni ásamt eiginkonu sinni, Bernice, sem er frá Cayman-eyjum í Karíbahafi, ásamt nokkrum verka Svavars Guðnasonar myndlistarmanns, sem eru í eigu
Svavars Guðna sonar hans. mynd: eól.
55
Engin fölsuð mynd frá mér

SvavarGuðni Svavarsson,
annar eifingja listaverka-
auðs Svavars heitins Guðna-
sonarlistmálara, segistbúa
svo vel aðgeta sannað upp-
runa hvers einasta verks sem
eríhans eigu.
„Það er næstum því verið að saka mann
um glæp, svona svipað og maður væri að
prenta fímmþúsundkalla. Nema hvað þetta
er mildu meira verðmæti. Um falsanir á
málverkum föður míns vissi ég ekki fyrr en
í þessari viku. Sannleikur málsins er sá að
ég seldi tvær myndir til Gallerí Borgar, það
mun hafa verið í apríl í fyrra, ég var að
beijast við að koma konunni minni heim
frá Caymaneyjum og láta gera við húsið og
reyna að halda því,“ sagði Svavar Guðni
Svavarsson byggingameistari, sonur Svav-
ars heitins Guðnasonar Iistmálara. Hann
er annar tveggja erfingja fjölda listaverka,
sem Svavar skildi eftir sig.
Sannað, skjalfest og vottfest
Svavar Guðni segir að staðreyndin sé sú
að hverri einustu mynd í sinni eigu fylgi
pappírar, listasaga verksins frá upphafi,
og þar sé það vottfest að myndirnar hafi
verið skoðaðar úr dánarbúi, arfshluta
Svavars Guðna Svavarssonar, af Gunnari
Kvaran listfræðingi og Herði Agústssyni
listmálara. Síðan kemur embættisstimpill
skiptaráðanda með undirritun Ragnars
Hall. OIl verkin eru númeruð og skrásett
í skrá sem ævinlega er handbær. Svavar
segir að tryggilega hafi verið frá þessu
gengið, pappírinn sé plastaður þannig, að
ef reynt er að opna plastið, þá er viður-
kenningin í raun ónýt.
„Það er engin fölsuð mynd á markaðn-
um, sem komið hefur frá mér, og eins og
ég segi þá er einfalt mál að sanna upp-
runa verkanna minna, sem eru geymd við
kjöraðstæður. Eg var svo heppinn að búa
svona um hnútana á sínum tíma, og það
Afkastalitill málari
Dánarbú Svavars Guðnasonar Iistmálara,
sem lést 79 ára gamall árið 1988, skiptist
milli tveggja erfíngja, Svavars Guðna og
ekkju listamannsins, Astu Kristfnar Ei-
ríksdóttur. Svavar Guðnason var braut-
ryðjandi í íslenskri abstraktlist. Hann lifði
og starfaði í Danmörku frá 1935 til 1951
og var einn málaranna í svonefndum
Cobra-hópi, sem mjög var áberandi í
dönsku listalífi.
„Pabbi var einn afkastaminnsti íslenski
listmálarinn sem verið hefur uppi. En
hann var vandvirkur og gagnrýninn.
Hann málaði kannski eina mynd meðan
Kjarval málaði hundrað, ég tala nú ekki
um Erró með fjölmarga listmálara í vinnu
í Taílandi og í París, hann málaði þúsund
á móti einni hjá pabba. Pabbi vildi hrein-
lega ekki selja verkin sfn. Til dæmis var
mjög falast eftir einni mynd hvað eftir
annað, Hestaati, sem ég á núna, en fólk
fékk hana bara ekki keypta," segir Svavar.
Hann segir að þrátt fyrir lítil afköst hafi
fjölmargar myndir komið í sinn hlut og
hafí hann orðið að borga margar milljónir
í erfðafjárskatt. Þrjú tilboð hafi sér borist
í allar myndirnar. Þjóðverjar hafí til dæm-
is viljað kaupa vegna þess að pappírarnir
sem fylgdu voru pottþéttir. Þeir hafi frek-
ar ríljað slíkar myndir en þær sem aðeins
voru áritaðar.
Svavar Guðni er fluttur heim til Islands
ásamt Bernice konu sinni. Hún sá snjó-
komu í fyrsta sinn á ævinni í vikunni,
þegar fyrsta alvöru hríðin brast á í höfuð-
borginni. Svavar Guðni segir að það hafi
verið eftirminnilegt þegar eiginkonan sá
snjóinn, gleði hennar hafi verið mikil.
Sá alvöru snjó í fyrsta sinn á ævinni
Svavar kann vel við kuldann og snjóinn,
en hitinn á Caymaneyjum er of mikill fyr-
ir hann. Hann hefur aldrei getað búið þar
lengur en í tvo mánuði í einu. Þau Bern-
ice giftust fyrir nærri tveim árum með
mikilli viðhöfn á eyjunum. Bernice hafði
starfað sem öryggisvörður á flugvelli eyj-
anna, og seinna í Iöggjafarþinginu.
Caymanar eru enskumælandi, eyjarnar
sem Kristófer Kólumbus fann á 16. öld,
voru lengi bresk nýlenda. Arið 1959
fengu þær sjálfstjórn, en eru af mörgum
taldar eign bresku krúnunnar. Ibúar eru
örfáir og landið eitt hið fámennasta í ver-
öldinni.
Á miðvikudaginn snjóaði í fyrsta sinn á
þessum vetri í Reykjavík svo eitthvað
bragð væri að. Guðni Svavar segir að
kona sín hafi þann dag í fyrsta skipti á
ævinni séð alvöru snjódrífu. „Þið hefðuð
átt að sjá hana. Hún var svo innilega
glöð, þetta var stórkostlegt," sagði Svavar
Guðni. Hann segir að betri gjöf hefði
hann ekki getað gefið henni. Reyndar var
þetta á 64 ára afmæli Svavars.
Svavar Guðni er afar líkur föður sínum,
sumir segja að hann hafi nánast verið
klónaður. Hann er einkabarn listamanns-
ins. Hann segir að engu að síður hafi sín
ekki verið getið í fjórum eða fimm bókum
sem út hafa komið um Svavar Guðnason.
Hann hafi verið talinn lausaleiksbarn.
„Annars eru ekki til nein lausaleiksbörn, -
bara lausaleiksforeldrar," sagði Svavar
Guðni. En þeir feðgar kynntust vel og
áttu vel saman. Svavar Guðni hefur reynt
fyrir sér sem Iistamaður, sýndi tvisvar
skúlptúra, og gekk vel. Við málverkið hef-
ur hann lítið reynt.
„En ég skal segja þér eitt, að svo mikið
efni var í mig lagt í upphafi og þvílíkt al-
efii að börnin hans pabba urðu nú ekki
fleiri," sagði Svavar Guðni. -JBP
I