Dagur - 30.01.1999, Blaðsíða 10

10 — LAUGARDAGUR 30. J A N Ú Á II 199 9

ÞJÓÐMÁL
StjómmáL morgundag sins
- um hvad snuast þau?
Við þurfum að standa vörð um náttúru landsins og umhverfi. Við þurfum að haga nýtingu auðlinda okkar þannig
að þær nýtist komandi kynslóðum ekki síður en okkur.
ARNIÞOR
SIGURÐS-
SON
AÐSTOÐARMAÐUR
BORGARSTJÓRA, OG
SÆKIST EFTIR 1. SÆTI
ALÞÝÐUBANDALAGSINS
í PRÓFKJÖRl SAMFYLK-
INGARINNAR.
SKRIFAR
Prófkjör Samfylkingarinnar í
Reykjavík fer fram í dag. Það er
ekki ástæða til að draga fjöður
yfir erfiðar fæðingarhríðir hjá
Samfylkingunni í haust og vetur
en þær eiga aðeins að hvetja okk-
ur til dáða, því við þurfum að
tryggja að Samfylkingin verði trú-
verðugur kostur. Það er gert
bæði með málefnum og mönn-
um. Þess vegna skiptir keppnin
milli frambjóðenda máli og
hvernig henni lyktar. Það skiptir
líka máli hver styrkur flokkanna
verður. Alþýðubandalagið þarf að
koma sterkt út því það er ekki síst
sú hlið Samfylkingarinnar sem
þarf að styrkja. Aðeins þannig
getur Samfylkingin orðið trúverð-
ugur kostur og jafnframt það
breiða stjórnmálaafl sem við vita-
skuld viljum að hún verði.
Málstaður Alþýðubandalagsins
hefur ávallt verið skýr í íslenskri
pólitík. Barátta fyrir auknum
jöfnuði og réttlæti, félagslegu ör-
yggi, umhverfisvernd og sjálf-
stæði þjóðarinnar hefur verið
snar þáttur í stjórnmálastarfi AI-
þýðubandalagsins og sú barátta á
að vera hornsteinn í málflutningi
Samfylkingarinnar. Við höfum
valið samstarf við Alþýðuflokk og
Kvennalista því samtakamáttur-
inn er mikill og við eigum meiri
möguleika á að koma málum
okkar fram í krafti samvinnunnar
og þannig breyta raunverulega
áherslum í þjóðfélaginu.
Eg hef lagt áherslu á aukna
samhygð í samfélaginu. Með því
á ég við að við þurfum að leggja
meiri rækt við að huga að því og
þeim sem þurfa á aðstoð og
stuðningi að halda, það á við um
fólk en það á líka við um auðlind-
ir okkar. Og þegar ég tala um
auðlindir f þessu sambandi á ég
bæði við hinar hefðbundnu eins
og fiskistofnana, orkuna í iðrum
jarðar og fallvötnum, en ég á líka
við landið sjálft, náttúruna, og ég
á við fólkið í landinu og þann
sköpunarkraft sem í því býr og ég
á við tímann sem verður æ mikil-
vægari auðlind sem við verðum
að fara vel með og sem við verð-
um að kunna að nýta. Bæði
vegna þess aukna hraða sem ein-
kennir samfélag okkar þar sem
hámarksárangur þarf að nást á
sem skemmstum tíma en Ifka
vegna þess að við munum þurfa
og krefjast meiri tíma fyrir okkur
sjálf og fjölskyldur okkar. I þess-
um tvíþætta skilningi er tíminn
auðlind.
Stjórnmál morgundagsins - um
hvað snúast þau? Þar er vissulega
af mörgu að taka en ég vil nefna
nokkur atriði sem ég tel að verði
hvað fyrirferðarmest.
Við þurfum að standa vörð um
náttúru Iandsins og umhverfi.
Við þurfum að haga nýtingu auð-
linda okkar þannig að þær nýtist
komandi kynslóðum ekki síður
en okkur. Fiskurinn í sjónum,
orkan í iðrum jarðar og fallvötn-
unum og náttúra landsins eru
sameign þjóðarinnar og arðurinn
af nýtingu þeirra á að skila sér til
þjóðarinnar allrar. Við þurfum
með öðrum orðum að tryggja að
almenningur fái arðinn af því
sem hann á.
Góð menntun þjóðarinnar er
ein dýrmætasta auðlind okkar. Til
þess að nýta hana til aukinnar
hagsældar á nýrri öld verðum við
að leggja mun meira til menntun-
ar, rannsókna og vísinda en við
höfum gert til þessa. I þessu sam-
hengi megum við ekki einungis
einblína á framhalds- og háskóla-
menntun þótt hún sé vissulega
mikilvæg. Við þurfum ekki síður
að styrkja innviði fyrstu skólastig-
anna, leikskólans og grunnskól-
ans, því lengi býr að fyrstu gerð.
Áherslur Alþýðubandalagsins
um ókeypis heilbrigðisþjónustu
fyrir alla er einn af hornsteinum
félagshyggjunnar sem Samfylk-
ingin hefur gert að sínum. End-
urreisn heilbrigðiskerfisins verð-
ur brýnt viðfangsefni á næstu
árum ásamt því að tryggja og
bæta félagslegt og efnahagslegt
öryggi þeirra sem minnst bera úr
býtum í samfélaginu. Það á m.a.
við um hópa eins og öryrkja, aldr-
aða, einstæða foreldra og náms-
menn, en það á lfka við um fjöld-
ann allan af tekjulágu vinnandi
fólki sem hefur ekki séð hætishót
af góðærinu sem ríkisstjórnin tal-
ar sem mest um.
Grundvallarskoðanir okkar um
sjálfstæði, jöfnuð og réttlæti eiga
að einkenna afstöðu okkar til ut-
anríkismála ekkert síður en inn-
anríkismála. Meginmarkmið okk-
ar er að íslendingar verði áfram
sjálfstæð og fullvalda þjóð og af-
staða okkar til samstarfs við aðrar
þjóðir og bandalög, s.s. við Evr-
ópusambandið, á að mótast af
því. Island á að vera herlaust
land og á ekki að taka þátt í hern-
aðarbrölti af neinu tagi. Vissulega
hafa orðið umtalsverðar breyting-
ar í alþjóðastjórnmálum á undan-
förnum árum. Og það eru hags-
munir okkar að taka virkan þátt í
fjölþjóðlegu samstarfi, á sviði
stjórnmála, viðskipta, tækni,
menntunar og menningar. En
höfum það ávallt sem leiðarljós
að það er verkefni okkar og raun-
ar skylda að skila til komandi
kynslóða, ekki bara auðlindum
okkar, heldur líka sjálfstæði og
fullveldi þjóðarinnar og menn-
ingararfi.
Stjórnmál morgundagsins
munu ekki síst snúast um þessi
mikilvægu markmið. En þau
munu líka snúast um heiðarleika
og traust; að stjórnmálamenn
segi hlutina umbúðalaust eins og
þeir eru, en hlaupi ekki í tíma og
ótíma í smiðju skrúðmælgi, lýð-
skrums og yfirboða.
Framundan er barátta \dð Sjálf-
stæðisflokkinn og ríkisstjórnina.
Prófkjörið er aðeins upphitun
fyrir sjálfan slaginn. Við eigum að
nýta okkur prófkjörið og sýna að
Samfylkingin er fjöldahreyfing
þar sem margir taka þátt í að
velja frambjóðendur. Það er tölu-
verður munur á því og prófkjörs-
aðferð Sjálfstæðisflokksins þar
sem ræður einn vilji, þar sem
kjósandinn er aðeins einn sem
raðar sjálfum sér í fyrsta sæti en
að öðru leyti ríkir fullkomin
óvissa um það hvernig kjósand-
inn Davíð Oddsson raðar á sinn
lista í hinu sérkennilega prófkjöri
D-listans. Eg er reiðubúinn í
slaginn við íhaldið og Davíð en ég
þarf á stuðningi þínum að halda.
Munum að margar hendur
vinna létt verk og með samein-
uðu átaki stöndum við uppi sem
sigurvegarar að morgni 9. maí í
vor. Látum þann draum rætast.
Ekki segja pass
„í dag gefst öllum Reykvíkingum kostur á að beita atkvæðisrétti sínum I
opnu prófkjöri Samfýlkingar í Reykjavík. Þetta er eina prófkjörið í Reykjavík
fyrir komandi alþingiskosningar þar sem hinum almenna borgara gefst tæki-
færi til þátttöku," segir Jakob Frímann Magnús meðal annars í grein sinni.
í dag gefst öllum Reykvíkingum
kostur á að beita atkvæðisrétti
sínum í opnu prófkjöri Samfylk-
ingar í Reykjavík. Þetta er eina
prófkjörið í Reykjavík fyrir kom-
andi alþingiskosningar þar sem
hinum almenna borgara gefst
tækifæri til þátttöku. Lokað próf-
kjör Framsóknarmanna er að baki
og Sjálfstæðisflokkurinn hefur
ákveðið að gefa hvorki hinum al-
menna flokksmanni hvað þá hin-
um almenna borgara kost á að
hafa áhrif á það hveijir skuli skipa
framvarðarsveit flokssins.
Miklar breytingar
Það segir sig sjálft að miklar
breytingar verða á Alþingi að af-
loknum kosningunum í vor.
Margir þeirra sem hlutu þingsæti
eftir síðustu kosningar hafa nú
horfið af vettvangi og nokkrir af
þeim sem enn sitja, hafa ákveðið
að draga sig í hlé.
I prófkjöri Samfylkingar bjóða
sig fram 24 einstaldingar í þrem-
ur hólfum Alþýðuflokks, Alþýðu-
bandalags og Kvennalista. Þó að
mörg okkar hafi átt erfitt með að
sætta sig við hólfafyrirkomulagið,
var ákveðið að láta þá kröfu
sumra Samfylkingarsinna ekki
verða til að tefja sameiginlegt
framboð meir en orðið var. Það er
hins vegar mikilvægt að kjósend-
ur átti sig á hvers konar forystu-
sveit það vill velja hinni nýju
hreyfingu sameinaðra jafnaðar-
manna í Iandinu.
Margar konur
Ætla má að Samfylking nái 6-8
mönnum á þing að afloknum
kosningum. Imyndum okkur
hvernig sú sveit gæti litið út: Sitj-
andi þingmaður Alþýðubanda-
lags, Bryndís Hlöðversdóttir má
teljast nokkuð örugg með að
halda sínu sæti. Það eru reyndar
fleiri frambærilegar konur í hólfi
Alþýðubandalagsins sem kynnu
að eiga möguleika. Kvennalistinn
mun örugglega tefla fram tveimur
konum í þá sex manna forsytu-
sveit sem hér um ræðir. Og í hólfi
Alþýðuflokksins eru nú tvær kon-
ur í framboði sem báðar sitja á
þingi og hafa á bak við sig umtals-
vert fylgi. Ljóst má því vera að
hlutur kvenna verður afar glæsi-
Iegur í þessu prófkjöri og er það
vel. Við karlmenn getum nú líka
boðið okkur fram með betri sam-
visku í þessum efnum en nokkru
sinni áður.
Jafnaðarmeim
Jafnaðarstefnan er þjóðhagsleg
nauðsyn. Sterkur jafnaðarmanna-
flokkur á Islandi er draumur sem
stór hluti þjóðarinnar vill sjá ræt-
ast. Slíkur flokkur mun skipta
sköpum fyrir framþróun íslensks
samfélags sem öflugt andsvar við
íhaldi annarra flokka. Því er afar
mikilvægt að allir sem láta sig
framtíð íslensks samfélags varða
nýti sér atkvæðisrétt sinn nú í
dag. Þitt atkvæði getur skipt sköp-
um. Ekki segja pass.