Dagur - 03.02.1999, Blaðsíða 5

iriif'lf

LÍFIÐ í LANDINU
v V’ 0 t St t\ U v* » ’A '4 , v si u i* «(n >11 vnní - ^
MIÐVIKUDAGUR 3. FEBRÚAR 1999 - 21
Afmæli - bónorð - brúðkaup
Vinir Gísla Sigurgeirssonarfrétta-
manns segja þaö ekki koma sérá
óvart þegarhann kemurá óvart.
En hann kom þeim samt á óvart.
Gísli Sigurgeirsson fréttamaður hélt upp
á fimmtugsafmæli sitt um helgina - sú
var altént trú þeirra gesta sem mættu til
að samfagna honum. Það er svosem ekki
í frásögur færandi þó fréttamaður verði
fimmtugur en Gísli „skúbbaði". Fimm-
tugsafmælið breyttist í brúðkaup. Séra
Pétur Þórarinsson í Laufási gaf þau sam-
an, Gísla og Guðlaugu Ringsted.
Bónorðsbragur
„Eg byrjaði á því eins og gengur og gerist
að bjóða gesti velkomna og skipa veislu-
stjóra, gamlan vin minn, Sigurð Jóhann
Sigurðsson, forseta bæjarstjórnar. Ég
sagði reyndar að það hefði verið í meiri-
hlutasamþykktinni í byrjun þessa kjör-
tímabils að forseti bæjarstjórnar ætti að
vera veislustjóri í fimmtugsafmæli mínu.“
Vinnufélagar Gísla hjá Ríkisútvarpinu
sungu, hver með sínu nefi, og fluttu eins
konar fréttaannál. „Þar var vísað til
fréttamennskunnar og þess að frétta-
menn hafa tilhneigingu til að skúbba,“
segir Gísli. „Þannig að ég sá að ég varð að
yfirtrompa þá, tók fram fyrir hendurnar á
veislustjóranum og ákvað að drífa í
þessu.“ Alftagerðisbræður sungu fyrir
gesti en þá tók Gísli beygju sem veislu-
gestir áttu ekki von á.
„Ég ákvað að ann-
aðhvort væri að gera
þetta núna eða ekki,
strax í upphafi veisl-
unnar áður en fólk
gleymdi sér alveg í
veisluglaumnum. Ég
sagði fólki að Álfta-
gerðisbræður hefðu
lengi gengið á eftir
mér að syngja ein-
söng.“ Gísli söng síð-
an bónorðsbraginn
sem hann samdi sjálf-
ur, bæði lag og texta.
Atli Guðlaugsson,
skólastjóri Tónlistar-
skólans, hafði hresst
upp á Iagið og skrifað
nótur og Alftagerðis-
bræður rauluðu með.
Textinn segir frá sam-
skiptasögu þeirra
Guðlaugar en bragur-
inn endaði á því að
Gísli spurði: „Viltu
giftast mér kona?“ og
rak síðan míkrófóninn
upp að Guðlaugu
„...og hún sagði já, öll-
um að óvörum,“ segir
Gísli.
Grátið í fiinmtugs-
afmæli
Þar með hefði mörg-
um þótt nóg komið í
fimmtugsafmælinu. Raunar virtist Gísli
vera á sama máli því hann boðaði
brúðkaupsveislu í vor eða sumar. En
síðan var eins og rynni upp fyrir honum
ljós hagræðingar á sameiningartímum
með því að gera tvær veislur að einni.
Hann áttaði sig á nærveru prestsins, séra
Péturs Þórarinssonar í Laufási, sem var
með vinnufötin með sér. Þar með var
hjónavígslan drifin af.
„Ég held að veislugestir hafi fyrst hald-
ið að þetta væri létt spaug en svo þegar
fólk áttaði sig á að þarna var alvara á
ferðum þá var það mjög skrýtin upplifun.
Það datt á þvílík þögn að það hefði mátt
heyra saumnál detta," segir Guðlaug.
„Þetta var mjög hátíðleg stund. Einn
Álftagerðisbræðra sagði, eins og honum
einum er lagið: „Aldrei hefði mig grunað
það að maður yrði farinn að grenja fyrir
klukkan ellefu í íimmtugsafmæli." Þetta
hrærði hörðustu njörtu."
„Ég hlakka ti' næst þegar pabbi á af-
mæli,“ segir Gísli Hróar, sem ekki vissi fyr-
irfram um brúðkaupið en gegndi þó því
mikilvæga hlutverki að sjá um hringana.
Gísli og Guðlaug báðu að lokum um
að komið yrði á framfæri innilegu þakk-
læti til þeirra sem samglöddust þeim við
þetta tækifæri. „Blómahafið var slíkt að
maður á ekki orð,“ segir Gísli. - HI
Gísli Sigurgeirsson og Guðiaug Ringsted ásamt
syninum Gísla Hróari. „Ég hiakka til næst þegar
pabbi á afmæli, “ segir Gísii Hróvar. mynd: brink
Um biðraðir
SVOJUA
ER LIFIÐ
Pjetur
svarar
í símann!
Ertu með ráð,
þarftu að spyrja,
viltu gefa eða
skipta?
Pjetur svarar í
símann kl. 9—12.
Síminn er
563 1626 (beint)
eða 800 7080.
Póstfang:
Þverholt 14 Rvk.
eða Strandgötu 31
Akureyri.
Netfang:
ritstjori@dagur.is
„Fyrstur kemur, fyrstur fær,“ er gamalt íslenskt máltæki.
Einu sinni var það þannig þegar maður kom í bankann sinn
um mánaðamót, þá beið manns ös og þröng. Þau vandamál
eru biessunarlega leyst með því að núna taka menn númer.
I miðasölum kvikmyndahúsa bæjarins skapast oft biðraðir,
og það sama gildir um leikhúsin. Þegar svo er komið að því
að kaupa sér popp og kók ræður réttur hins frekasta (eða
ætti ég kannski að segja hins ákveðnasta). Þarna eru leikhús-
in engin undantekning þó svo að manni fyndist í fljótu
bragði að það væri dannaðra fólk sem sækti leikhúsin.
Þarna lærist mönnum að vera ákveðnir og bíða ekki hátt-
víst eftir athygli afgreiðslustúlkunnar, heldur heimta hana,
jafnvel þó að konan við hliðina á manni hafi beðið uppburða-
lítil við afgreiðsluborðið lengur en maður sjálfur. „Hún hlýt-
ur nú sjálfsagt bara að vera að skoða úrvalið og hugsa sig
um.“
Á vinsælustu veitingastöðum borgarinniar eru biðraðið al-
gengar þegar fólk fer út að skemmta sér. Það er góður siður
að fara aftast í röðina. Alsiða er hérlendis sem erlendis að
vinum og velunnurum dyravarðanna eða annarra sem tengj-
ast skemmtistaðnum er hleypt meðfram röðinni og er svo
sem ekkert um það að segja. Það er hinsvegar ekki háttvísi að
lauma sér inní röðina miðja.
í þessum röðum skapast oft mikil og skemmtileg stemmn-
ing. Stundum læðist að manni sá grunur að fólk sem er að
laumast í bæinn eftir eitt um helgar sé að því til þess að
standa í biðröðum og upplifir þar þá stemmningu sem skap-
ast. Það hefur jafnvel komið lyrir að menn og konur hafi
fyrst kynnst í biðröðum og síðar hafi leiðin legið upp að alt-
arinu. Fyrstur kemur, fyrstur fær að fara inn. Hinir standa í
biðröð, leggja því seinna af stað til þess að njóta skemmtun-
arinnar.
■ HVAÐ ER Á SEYfll?
BUBBI Á FÓGETANUM
í kvöld kl. 22.00 heldur Bubbi Morthens tón-
leika á Fógetanum, Aðalstræti. Að vanda verð-
ur Bubbi með fullt af nýju efni, í bland við
efni frá fyrri tíð. Þetta eru fyrstu tónleikar
Bubba á nýju tónleikaferðalagi um landið, en
fyrirhugaðir eru tónleikar í febrúar mars og
apríl í Vestmannaeyjum, á ísafirði, Akureyri,
Dalvík, Sauðárkróki og í ýmsum skólum
Iandsins. Áfram Bubbi.
Háskólatónleikar
I dag kl. 12.30 verða haldnir Háskólatón-
leikar í Norræna húsinu þar sem Sigrún
Pálmadóttir, sópransöngkona, syngur við
undirleik Iwonu Jagla sönglög eftir Ed-
ward Grieg og Johan Sibelius. Aðgangs-
eyrir er 400 kr. en ókeypis fyrir handhafa
stúdentaskírteina.
febrúar kl. 10-17. Nánari upplýsingar á
skrifstofu MHÍ.
Salurinn, Tónlistarhús Kópavogs
Af óviðráðanlegum ástæðum verður áður
auglýstum tónleikum Þorsteins Gauta
Sigurðssonar í Salnum frestað til þriðju-
dagsins 2. mars nk. kl. 20.30.
Sveifluspennur og sjónhimnurit keilna
Anna Þórisdóttir Möller flytur erindi á
málstofu í læknadeild sem hún nefnir
„Sveifluspennur og sjónhimnurit keilna“.
Spyrill verður Kristín Jónsdóttir. Málstof-
an fer fram í sal Krabbameinsfélags Is-
lands, Skógarhlíð 8, efstu hæð og hefst
kl. 16.00 með kaffiveitingum.
Námskeið MHÍ
Myndbreytingar í tölvu-photoshop. Tónar
einlita mynda, upplausn og skerpa. Litur
og litakerfi Ijósmyndar og tölvu. Unnið
með breytingar og lagfæringar á tónum
og lit. Kennari er Leifur Þorsteinsson
ljósmyndari. Kennt verður í tölvukerfi
MHÍ í Skipholti 1, vikuna 8.-12. febrúar
kl. 19-22.
Grafík 1. A þessu námskeiði er kennt há-
þrykk (efnisþrykk, kartonþrykk, dúkrista,
marmorering, hlindþrikk) sem er grunnur
grafískrar tækni. Námskeiðið hentar byrj-
endum mjög vel. Kennari er Ríkharður
Valtingojer, myndlistarmaður. Kennt í
Grafíkdeild MHÍ, Skipholti 1, dagana 4.
og 5. febrúar kl. 18-22 og helgina 6. og 7.
Tónleikar Sinfóníuhljómsveitar Islands
Tónleikar Sinfóníuhljómsveitar Islands í
Hallgrímskirkju verða fimmtudaginn 4.
febrúar kl. 20.00. Stjórnandi er En Shao.
Einleikari á orgel er Björn Steinar Sól-
bergsson. Kór: Mótettukór Hallgríms-
kirkju og kórstjóri er Hörður Áskelsson.
Efnisskrá: Jón Leifs: Requiem og orgel-
konsert, A. Bruckner: Sinfónía nr. 6.
Gengið á milli fjarða
1 kvöld, miðvikudagskv’öld, stendur Haíh-
argönguhópurinn fyrir gönguferð yfir nes-
ið á milli Kollafjarðar og Skeijafjarðar.
Farið verður ffá Hafnarhúsinu að vestan-
verðu kl. 20.00 með Höfninni og Eiðsvík
upp á Valhúsahæð. Þaðan niður að
Bakkavör og inn með strönd Skerjafjarðar
og yfir Grímsstaðarholtið og Melana nið-
ur að Hafnarhúsi. 1 boði er að stytta
gönguleiðina og fara frá Ufsakletti yfir
Bráðræðisholtið og um Kaplaskjól niður á
strandstíginn og sameinast hinum hópn-
um þar. Undir lok göngunnar verður litið
inn í Fjarskiptaminjasaínið á Melunum.