Dagur - 21.10.1999, Blaðsíða 2
2 - FIMMTUDAGUR 21. OKTÓBER 1999
SUÐURLAND
Tímabær
umferðarljós
Setja á upp mnferðar-
ljós á horni Heiðarveg-
ar og Strandvegar í
Eyjum. Framkvæmdin
þykir tímabær. Hins-
vegar eru þrengingar
og umferðareyjar á
þessum stað umdeild-
ar.
Nú fara að hefjast framkvæmdir
við uppsetningu umferðarljósa á
horni Heiðarvegar og Strandveg-
ar. Er framkvæmd þessi af mörg-
um talin löngu tímabær og þykir
hið mesta framfaramál. Samhliða
þessum framkvæmdum er einnig
áætlað að koma upp þrengingum
og umferðareyjum á gatnamótun-
um. Ekki eru þó allir sáttir við þá
hlið framkvæmdanna, sér í lagi
bílstjórar sem aka með langa
tengivagna sem geta náð allt að 18
metrum.
Haukur Guðjónsson vörubíl-
stjóri er mjög ósáttur við fyrirhug-
aðar þrengingar og vill kalla þær
skemmdarverk. „Ég er aðallega í
því aðflytja Ioðnunætur,“ segir
Haukur. „Umferðarljósin eru
nauðsynleg, en þrengingamar eru
ekkert annað en skemmdarverk.
Þetta er aðal flutningaæðin í Vest-
mannaeyjum og ef að ekki verður
hægt að taka beygjur þarna á
horninu án þess að þurfa að riðl-
ast upp á þrengingum líka, er
þetta ekkert annað en skemmdar-
verk og síst til bóta í umferðinni,
ef ökumenn stærri flutningatækja
þurfa að vera með einhveijar æf-
ingar til þess að komast leiðar
sinnar um þetta horn.“ Olafur
Ólafsson bæjartæknifræðingur
segir að ljósin og þrengingarnar
séu hannaðar eftir stöðlum Vega-
gerðarinnar og að leitað hafi verið
til hennar vegna hönnunarinnar.
„En þessi gatnamót flokkast undir
þjóðveg í þéttbýli. Það var síðan í
samráði við Vegagerðina að
Vinnustofan Þverá annaðist um-
ferðartæknilega útfærslu verks-
ins,“ segir Ólafur og bætir því að
ljósin verði umferðarstýrð. „Það
verða skynjarar í götunni sem
stjórna Ijósunum. A næturnar
logar alltaf rautt ljós, ef enginn
bíll er við þau en þegar bíll fer yfir
skynjarana verður komið grænt.
Stjórnbúnaðurinn er ekki kominn
til landsins, en götuljósastaurar
eru tilbúnir og verið að koma fyrir
nauðsynlegum lögnum vegna
þeirra.“ -BEG.
Setja á upp umferðarljós á horni Heiðarvegar og Strandvegar í Eyjum.
Ráðherra stað-
festir aðalsMpulag
HverfísvemdarsMpu-
liig í byggð er í nýju að-
alsMpulagi Ölfuss,
sem umhverfisráð-
herra staðfestí sl.
mánudag.
Siv Friðleifsdóttir kom ásamt
föruneyti í stutta heimsókn til
Þorlákshafriar síðastliðinn þriðju-
dag. Erindi hennar var að undir-
rita fyrirliggjandi aðalskipulag
Þorlákshafnar fyrir árin 1997 til
2009. Með henni í för
voru Ingimar Sigurðs-
son, skrifstofustjóri
umhverfisráðuneytinu,
og Hrafn Hallgrímsson,
deildarstjóri í ráðuneyt-
inu.
Sesselja Jónsdóttir,
sveitarstjóri Ölfuss,
bauð gesti velkomna og
lýsti ánægju sinni með
heimsókn ráðherra.
Hún bauð síðan Sigurði
Jónssyni skipulags- og
byggingarfulltrúa að út-
skýra skipulagið í gróf-
um dráttum. I máli Sig-
urðar kom fram að
svæði sem sérstaklega var tekið
undir hverfisverndarskipulag væri
sennilega það fyrsta sem tekið er
inn í aðalskipulag í byggð. Er hér
um að ræða svæðið þar sem
gömlu tóftirnar af verbúðunum
fornu eru, en við gerð aðalskipu-
lagsins var það svæði unnið í sam-
vinnu við Fornleifastofnun Is-
lands.
Umhverfisráðherra lýsti ánægju
sinni með að vera komin hingað í
þessum erindagjörðum til Þor-
lákshafnar og sagðist undirrita
þetta aðalskipulag með mikilli
ánægju. -HS.
Siv Friðleifsdóttir umhverfisráðherra og fyigar-
lið ásamt forráðamönnum Öifuss við undirritun
aðaiskipiagsins. mynd: jhs
Alltaf hætta á að uppalendur missi sig segir Þórkatla Aðalsteinsdóttir sálfræðingur. „Nýjasta dæmið er GSM sím-
ar, sem fara eins og faraldur um þjóðfélagið, eins og sást dæmi um í Kringlunni á dögunum, þegar fyrirtæki seldi
GSM síma á krónu. Það á alltaf að kaupa friðinn." mynd: beg
Uppalendur
sem missa sig
TH sanns vegar má
færa að íslensk höm
séu agalaus, segir Þór-
katía Aðalsteinsdótt-
ir. Hún tíutti fyrir-
lestur í Eyjum og tal-
aði um aga, reglur og
samsMpti bama og
fuUorðiuua.
Á dögunum hélt Þórkatla Aðal-
steinssdóttir sálfræðingur tvo
fyrirlestra í Barnaskólanum í
Vestmannaeyjum um aga, reglur
og samskipti barna og fullorð-
inna, jafnt á heimilum sem í
skólum. Góð mæting var á fyrir-
lestrana og konur í meirihluta,
sem endurspeglar hugsanlega
rótgróið viðhorf um að konur eigi
að sjá um uppeldið og ekki síður
þá þróun sem hefur átt sér stað
undanfarin ár að konur eru í
meirihluta þeirra sem sjá um
kennslu í grunnskólunum. Þór-
katla var lífleg og mjög leikræn í
flutningi sínum á jafn alvarlegu
efni og yfirskrift fyrirlestursins
gaf kannski til kynna og náði vel
til fyrirlestrargesta.
Að eignast böm þýðir ábyrgð
Þórkatla sagði að börn á lslandi
væru oft talin mjög agalaus mið-
að við börn á hinum Norður-
löndunum. „Þetta má að vissu
leyti til sanns vegar færa, samt
eru ýmsar forsendur aðrar hér á
landi, sem birtast sem agaleysi.
Má þar nefna svefntíma, útivist,
sjónvarpsgláp og tölvuleiki. I
þessum málum missa foreldrar
sig í að taka ekki ábyrgð og varpa
ábyrgðinni á einhverja aðra.
Börn fá því oft tvöföld skilaboð. I
einu tilfelli eiga þau að vera full-
orðin og börn í öðru. I þessu efni
er nauðsynlegt að börn fái leið-
beiningar, ekki síður en
nppaLendurnir.<.‘ Þórkatla. segir.að.
hún vilji tengja uppeldið við
ábyrgð. „Þegar við eignumst
börn, þýðir það ákveðna ábyrgð,
ef við klikkum á henni, er það
ósanngjarnt, erfitt og kostnaðar-
samt gagnvart börnunum. Við
getum ekki sett þetta inn í eitt-
hvert náttúrulögmál, sem ekki
þarf að taka á, því við viljum vera
foreldrar og verðum að vanda
okkur við það.“
ViiiTiuTn einsog brjálæðingar
- Viljum við nokkuð vera foreldr-
ar, viljum við ekki að skólinn sé
foreldrar? „Auðvitað hefur skól-
inn ákveðnu hlutverki að gegna,
sem þarf kannski að skilgreina
frekar. Skólafólk og forefdrar
hafa líka talað um að víkka þyrfti
skilgreininguna á hlutverki skól-
ans, vegna þess að hann er far-
inn að sinna ákveðnum störfum,
eins og til dæmis að halda fund
eins og þennan sem hér var hald-
inn og sinna fræðslu til foreldra,
sem ekki var gert hér áður. Við
búum líka í harðbýlu landi, þar
sem hlutirnir urðu að reddast.
Það fór eftir því hvort var harð-
æri, fiskleysi eða eldgos, hvort
við lifðum eða myndum deyja.
Það eimir enn af þessari hugsun
hjá Islendingum, til dæmis með
því að vinna eins og brjálæðing-
ar.“ - Þú notaðir mikið orðin að
foreldrar „misstu sig“ út í eitt og
annað, má ekki greina eitthvert
ósjálfstæði að nota þennan
frasa? „Þetta er í raun að missa
stjórn á sér og þegar það gerist
hættum við að vera viti bornar
verur, hættum að hlusta á dóm-
greind okkar og innsæi sem end-
ar svo í tómu rugli. Þetta gerist
hjá öllum foreldrum alls staðar.
Islenskir foreldrar lenda sérstak-
leg oft í þessu. Nýjasta dæmið er
GSM símar, sem fara eins og far-
aldur um þjóðfélagið, eins og
sást dæmi um í Kringlunni á
dögunum, þegar fyrirtæki seldi
GSM síma á krónu. Það á alltaf
uð. kaupa fciðinn, lausnirnar og
hamingjuna í stað þess að taka
bara einn dag í einu, hafa út-
hald.“
Meiri áhyggjur
af sjálfsmynd drengja
Þórkatla kom einnig inn á sjálfs-
mynd barna og talaði um sterka
og veika sjálfmynd og að hægt
væri að byggja hana upp en líka
brjóta hana niður. - Nú alast
börn orðið mikið upp hjá konum,
hvort heldur á heimilum eða í
skólanum, einstæðum mæðrum
með forræði fjölgar og kennarar
eru að mestum hluta konur.
Hvernig fer þetta með sjálfs-
myndina, hvort heldur stúlkna
eða drengja? „Ég hef nú meiri
áhyggjur af sjálfsmynd drengj-
anna en stúlknanna. Eg held að
það sé frekar alvarlegt mál
hvernig þessi þróun er. Skóla-
stjórar hafa spjallað dálítið um
þetta og Hafsteinn Karlsson
skólastjóri hefur bæði talað um
þetta í sjónvarpi og skrifað grein-
ar í blöð. Hann nefndi dæmi um
drenginn sem klifrar upp í tré á
skólalóðinni. Kennslukonan sem
stendur fyrir neðan, hrópar:
„Passaðu þig að detta ekki,
komdu niður, þetta má ekki.“
Karlkennari myndi hinis vegar
segja: „Afram með þig, já upp,
duglegur strákur." Þetta eru
mjög ólík viðbrögð og eðlileg
vegna þess að kynin eru ólík og
skilja ekki mjög vel hvort annað.
Oft á tíðum mæta drengir hafn-
andi viðhorfi við hegðun, sem er
þeim alveg eðlileg." Þórkatla seg-
ir að sem betur fer færist það í
vöxt að kennarar, námsráðgjafar
og þær stéttir sem eru að vinna
með fólk, leiti sér handleiðslu.
„Þetta er af hinu góða, fólk þarf
að geta gusað út ef það er undir
miklu álagi af því að þetta fólk
þarf að vera með sjálft sig á
hreinu. Þá getur verið gott að
leita hjálpar til þess að skilgreina
hvar maður hafi misst sig.“
- BEC,