Dagur - 13.11.1999, Blaðsíða 6
Il
6 -LAUGARDAGUR 13. NÓVEMBER 1999
ÞJÓÐMÁL
Útgáfustjóri: eyjólfur sveinsson
Ritstjóri: ELÍAS SNÆLAND JÓNSSON
Aðstoðarritstjóri: birgir GUÐMUNDSSON
Framkvæmdastjóri: marteinn JÓNASSON
Skrifstofur: strandgötu 3i, akureyri,
GARÐARSBRAUT 7, HÚSAVÍK
OG ÞVERHOLTI 14, REYKJAVÍK
Sfmar: 460 6ioo OG 800 7080
Netfang ritstjórnar: ritstiori@dagur.is
Áskriftargjald m. vsk.: 1.900 kr. á mánuði
Lausasöluverð: 150 KR. OG 200 KR. HELGARBLAÐ
Grænt númer: 800 7080
Netföng auglýsingadeildar: greta@dagur.is-augl@dagur.is-gestur@ff.is
Sfmar auglýsingadeildar: (REYKJAV(K)563-1615 Ámundi Ámundason
(REYKJAVÍK)563-1642 Gestur Páli Reyniss.
(AKUREYRI)460-6192 Gréta Björnsdóttir
Símbréf auglýsingadeildar: teo 6161
Símbréf ritstjórnar: 460 6i7i(AKUREYRl) 551 6270 (REYKJAVÍK)
Akvörðun íslendinga
í fyrsta lagi
Yfirlýsingar talsmanns Norsk Hydro í Degi í gær staðfesta að
norska fyrirtækið er andvígt því að fram fari lögformlegt um-
hverfismat vegna Fljótsdalsvirkjunar. „Ef leikreglunum er
breytt þá breytist leikurinn óhjákvæmilega," sagði talsmaður-
inn og boðar að ef ákvörðun um virkjunina dragist á langinn
vegna lögformlegs umhverfismats þá hljóti Norsk Hydro að
skoða aðra kosti en álver á Reyðarfirði. Þótt hann hafi tekið
fram að þetta væri engin hótun, hvað þá að fyrirtækið vildi
blanda sér í umræður Islendinga um málið, þá er ljóst að í
þessum orðum felst hvort tveggja. Því er ástæða til að leggja
áherslu á að það er alfarið mál Islendinga hvernig staðið verð-
ur að virkjun í Fljótsdal.
1 öðru lagi
Landsvirkjun hefur lagt fram skýrslu um Fljótsdalsvirkjun. Þar
er tíundað hið mikla tjón sem felst í því að sökkva Eyjabökk-
um undir miðlunarlón. En jafnframt er stoðum rennt undir þá
afstöðu stjórnvalda að þessum landsins gæðum sé fórnandi
fyrir meiri hagsmuni - það er ný atvinnutækifæri á Austurlandi
og aukna þjóðarframleiðslu vegna virkjunar og álvers. Þetta
eru þær línur sem dregnar hafa verið af stjórnmálamönnum í
deilunni. Þess vegna verður umræðan áffam í kross, þar sem
einn ræðir byggðamál en annar vemdun umhverfisins.
í þriðja lagi
Á sama tíma og ríkisstjómin rekur málið áfram í þinginu fer
fram á vegum „Umhverfisvina" undirskriftarsöfnun meðal al-
mennings þar sem gerð er krafa um lögformlegt umhverfismat
vegna virkjunarinnar. Margt bendir til þess að tugþúsundir
kjósenda muni ljá þeirri áskorun atkvæði sitt. Fari svo að þátt-
takan verði mjög almenn stendur ríkisstjórnin og þingflokkar
hennar ffammi fyrir miklum vanda. Ljóst er að þeir hafa nægi-
legt pólitískt vald til að knýja málið í gegn án þess að taka til-
lit til viðhorfa almennings. En í lýðræðisþjóðfélagi verða þing-
menn stundum að minnast þess að þeir eru þjónar þjóðarinn-
ar og starfa í umboði kjósenda.
Elías Snæland Jónsson
Karllyrir li tn i ng Bylgju-
Stnuna
Heimilisofbeldi er mikið eitur
í beinum Garra og það fer
jafnan hrollur um hann þegar
fféttir berast af því að fílefldar
karlskepnur berji á veikburða
konum sínum. Það er a.m.k.
alveg ljóst að það er ekkert
grínaktugt við heimilisofbeldi.
Þess vegna hrökk Garri í kút
þegar hið kúltíveraða ljóðskáld
og fréttamaður, Sigmundur
Ernir, Ias í aðalfréttatíma
Bylgjunnar á dögunum frétt af
hroðalegu heimilisofbeldi og
stflaði hana og flutti eins og
þetta væri léttur og
bráðfyndinn brandari,
mikið grín, mikið grín.
í fréttinni greindi
frá því að maður nokk-
ur í Albaníu hefði kært
eiginkonu sína fyrir
barsmíðar. Konan
heimtaði á hverjum
degi að karl vaskaði
upp eftir matinn og
þegar eiginmaðurinn neitaði,
barði frúin hann eins og
plokkfisk tvisvar á dag. Þetta
hryllilega heimilisofbeldi þótti
sem sé fyndið á fréttastofu
Bylgjunnar.
Sleggiukonan
Garri sat Tengi hljóður eftir að
hafa hlustað á þetta skelfilega
dæmi um taumlausa karlfyrir-
litningu á öldum Ijósvakans.
Og fór síðan að afla frekari
frétta og varð sér úti um helstu
fféttablöð í Albaníu á netinu.
Og þar kom fram að hin laus-
henta eiginkona var tröllauk-
inn fyrrverandi héraðsmeistari
1 sleggjukasti, en eiginmaður-
inn 50 kílóa skrifstofublók,
sem var orðinn svo máttfarinn
af langvinnum barsmíðum
sleggjukonunnar, að hann
hafði ekki lengur þrótt til að
lyfta diskum upp úr vaska og
neyddist því til að hafna þátt-
töku í uppvaskinu.
Þarna var sem sé öfugum
aflsmuni beitt. I þessu tilfelli
var konan sterkari aðilinn á
heimilinu og beitti veikburða
mann sinn ofbeldi, en venju-
lega er þetta öfugt. Og það
hefur hingað til ekki þótt
ástæða til að segja frá því í
skemmtistíl þegar karlskepna í
þungavigt lemur konu sina
horaða við eldhúsvaskinn.
Albaníu-Jói
I augum Bylgju-Simma og
margra skoðanasystkina hans
er heimilisolbeldi
greinilega fyndið ef
hlutverkum er snúið
við, þ.e. ef kona lemur
karl. Þetta er forkast-
anleg afstaða að dómi
Garra og brot á öllum
hugsjónum jafnréttis.
Heimilisofljeldi er ljót-
ur skikkur hvert svo
sem kynferði geranda
og fórnarlambs er.
Nú má engin skilja það svo
að samúð Garra með Albaníu-
Jóa í þessu máli stafi af því að
hlutskipti þeirra sem heimilis-
feðra svipi á einhvern hátt
saman. Garri býr í hamingju-
sömu hjónabandi með konu
sem aldrei hefur Iagt á hann
hendur, nema til ásta.
(Tengdamóðir Garra hefur
hinsvegar stundum veitt hon-
um ærlegar eyrnafíkjur, en það
kemur þessu máli ekki við).
Nei, Garri er einfaldlega á
móti heimilisofbeldi í öllum
myndum. Og á sér nú þá ósk
heitasta að Simmi og aðrar
glottandi kvenremburottur á
Bygjunni, eigi eftir af upplifa
sömu handtéringar af hendi
sinna kvenna, eins og aum-
ingja Albaníu-Jói, sem þeir
hentu svo freklega gaman að í
fréttum vikunnar. GARRI
ODDUK
ÓLAFSSON
skrifar
Óttalegar hremmingar ógna nú
þjóðlífinu mitt í góðærinu, sem
er orðið svo magnað að vísir
menn telja það komið á hættu-
stig vegna auðmyndunar. Sið-
gæðið er að drukkna í klámi,
dómstólar hlíta ekki fyrirmælum
Stígamóta, Jón Ólafsson ætiar að
byggja bíó við Suðurlandsbraut,
dagvistun barna er á fallanda
fæti, íhaldið ætlar að selja Ríkis-
útvarpið, Eyjabakkar verða gerð-
ir að unaðsreit austfirskrar
byggðastefnu og stóri kjarvalinn
sem bankastjórinn fékk sem
uppbót á starfslokasamninginn
er falsaður.
Það er von að alvarlega þenkj-
andi menn séu farnir að velta
fyrir sér hvert stefnir. Einar Odd-
ur fyrrverandi bjargvættur og
Þórður þjóðhagsstjóri ætla að
halda fund á Akureyri og spyrja
stórt í fundarboði: Hverjar eru
ástæður þenslunnar? Er góðær-
inu að ljúka? Verður verðbólg-
unni náð niður? Eru fjármál hins
opinbera í Iagi? Þarf að minnka
Hremmmgar í góðæri
neysluna? Síðasta spurningin er
nánast dónaskapur í byrjun jóla-
kauptíðar, sem er jafnoki um-
ferðarslysa í hagvaxataraukn-
ingu. Hér skal minnt á, að fátt
eitt hefur eins æskileg áhrif á
hagvöxtinn og illa lukkuð um-
ferðarslys.
Þenslan afgreidd
Væntanlega vefst það
ekki fyrir bjargvætti og
þjóðhagsstjóra að svara
svona einföldum spurn-
ingum. Ástæður þensl-
unnar eru ósvífnar kaup-
kröfur verkafólks og
bygging bíslagsins við Al-
þingishúsið. Nú á að
hætta við það og ábyrgð-
arfuilir launþegaforingjar lofa
hófsemd í kaupkröfum. Þar með
er þenslan afgreidd.
Þess sjást engin merki að góð-
ærinu sé að ljúka. Ríkisbankarn-
ir rjúka út eins og heitar lummur
þegar útvaldir fá að bjóða í þá,
sægreifar selja kvóta sem aldrei
fyrr og flytja afraksturinn í versl-
anahallir og fjárgróðafyrirtæki
fyrir sunnan, sem aftur spila hátt
á keðjubréfamörkuðum erlendis.
Kjaradómur sér svo um að
heppnir póliktíkusar og embætt-
ismenn fái sinn góðærisskerf vel
úti látinn og sér hvergi fyrir end-
ann á velmegun þeirra
valdamiklu og efnuðu.
Það er engin spurning
að verðbólgunni verður
náð niður. Þegar lokið
verður við milljón rúm-
metra viðbót versl-
anamustera og sam-
keppnin fær að njóta sín
með yfirtökum og sam-
runa búðanna mun
vöruverðið að sjálfsögðu
lækka svo um munar. Hag-
kvæmni stærðarinnar verður
slík, að hvert mannsbarn í land-
inu getur gert góð kaup samtím-
is í örfáum verslanaklösum.
GróðafyrirtæM
Það er hafið yfir allan efa, að
fjármál hins opinbera eru í fínu
lagi, eins og Davíð og Geir þreyt-
ast aldrei á að sannfæra þjóð
sína um. Skattheimtan fer fram
úr björtustu vonum og fjárfrek-
um vandræðamálum er varpað
yfir á sveitarfélögin, sem safna
skuldum, eins og öðrum vanda-
málum. Ríkissjóður er því stór-
gróðafyrirtæki þegar undan eru
skilin nokkur smámál, sem sóp-
að er undir teppið. Þar má nefna
hundruð milljarða lífeyrisskuld-
bindingar, sem skattborgurunum
er ætlað að standa undir langt
fram á næstu öld.
Það er sem sagt allt í stakasta
lagi í efnahagsmálunum en
klámið og dómstólarnir þjaka þá
siðprúðu og Landsvirkjun hótar
að eyðileggja lendur Skotveiðifé-
lagsins. Eru nú flestu gerð skil í
þjóðmálaumræðunni nema því
að tími er til kominn að cfna til
undirskriftasöfnunar til að mót-
mæla mótmælum.
Þórður
Frðjónsson.
spurt'nt
svaraö
Hvemig fer orustnn um
Bretland?
(Spurt er um stórleik Skota
og Englendinga, sem fram fer í
Glasgow í dag.)
Pétur Pétursson
þjálfari KR.
„Englendingar
vinna þennan
leik. Eg hef
alltaf verið
hrifinn af
Kevin Keegan
sem þjálfara,
undir hans
stjórn spila
Englendingar skemmtilegan
sóknarbolta. Því trúi ég því að
þeir vinni Ieikinn í Glasgow með
tveimur mörkum gegn einu, en
þetta verður mikill baráttuleikur.
Heimaleikur Englendinga á mið-
vikudaginn fer hinsvegar 3-1,
gæti ég trúað.“
Ólafur Þórðarson
þjálfari ÍA.
„Þetta verður
algjör slags-
málaleikur,
blóðbað. En
ætli þetta endi
ekki með jafn-
tefli, þar sem
leikar fara á
endanum 1-1.
Þetta eru nágrannaþjóðir og
margir Skotar hafa einmitt verið
að Ieika í Englandi og í boltanum
hefur Englendingum ekki gengið
alltof vel. Því munu Skotarnir
selja sig dýrt í þessum leik. Á
hinn bóginn held ég sjálfur með
Englendingum og ætla að vona
að þeir komist áfram í heimaleik
þeirra eftir helgina."
Aruar Bjömsson
íþróttafréttamaðurá Stöð 2.
„Eg spái því að
þetta verði bar-
áttuleikur og
að Bretarnir
vanmeti Skot-
ana nokkuð í
þessum leik.
Spænski dóm-
arinn mun
áreiðanlega hafa í mörg horn að
líta. Því mun Ieikurinn enda með
jafntefli, einu marki gegn einu.
Það er hinsvegar önnur spurning
hver útkoman verður úr heima-
leik Bretanna, sem fram fer á
Wembley næstkomandi miðviku-
dag. Útkoman þar gæti orðið
önnur.“
Sr. Baldur Kristjánsson
sóknarpresttir.
„Við fegðarnir,
ég og Kristján
sonur minn,
erum helst á
því að Skotarn-
ir vinni þetta,
þó ekki sé
nema út á bar-
áttugleði og
þjóðerniskennd þá sem þeir eru
þekktir fyrir. Skotar eru okkar
Iið, því okkar tilhneiging er sú að
halda með litla manninum.
Hinsvegar er ég veikur fyrir
enskum fótboltamönnum yfir-
höfuð, þannig að ég er nú beggja
blands. En eigum við ckki að
segja að Skotar vinni þetta með
tveimur mörkum gegn engu."