Dagur - 23.08.2000, Blaðsíða 8

8- MIÐVIKUDAGUR 23. Á GÍJ S T 2000

■ SMÁTT OG STÓRT
UMSJÓN:
Jóhannes
Sigurjónsson
johannes@simnet.is
„Unglingar eiga
auðvelt með að
skoða hundruð
vefsíðna um
galdra, álög norna
og blóðtökur, án
þess að fullorðnir
geti haft nokkra
stjórn á því. Þetta
gengur miklu
lengra en Harry
Potter-sögurnar
og er full ástæða
til að hafa áhyggj-
ur út af því“.
- Peter Smith í
Kaþólska Kirkju-
blaðinu -
YfLrbiuda-Páll
Eins og flestir vita eru hin sjálfstæðu og óháðu bæjar- og héraðsfréttablöð
skemmtilegustu fjölmiðlar landsins og þeir sem þau Iesa reglulega eru að
jafnaði upplýstari og hamingjusamari en aðrir fjölmiðlanotendur.
I Feyki á dögunum var Hagyrðingaþátturinn á sínum stað, þáttur númer
299, sem heiðursmaðurinn Guðmundur Valtýsson hefur haldið úti af mikilli
elju svo lengi sem elstu og tryggstu lesendur Feykis muna. I þættinum er m.a.
ort um Pál Pétursson félagsmálaráðherra og hin skagfirska umfjöllun er sko
ekki á þeim neikvæðu nótum sem einkennir stundum umræðuna um Pál í
öðrum Ijölmiðlum. Einar Sigtryggson á Sauðárkróki kveður svo um Pál:
Eitilharður, ekki þjáll,
alltaf til í slaginn.
Ennþá stendur u-pp úr Páll,
eins og fyrri daginn.
Á vömbina með tilþrifiim
Iþróttaumfjöllun héraðsfréttablaðanna einkennist eðlilega oft af ódulbúnum
„lókal-patríótisma“. Þannig mátti lesa í Bæjarpóstinum á Dalvík eftirfarandi
um leik sem Dalvíkingar töpuðu gegn KA:
„Afglöp í starfi er það fyrsta sem kemur upp í hugann þegar leiks KA og
Dalvíkur er minnst sem fram fór á fimmtudagskvöldið á Akureyrarvelli, því
að mjög slakur dómari leiksins framdi hvern gjörninginn á fætur öðrum í
leiknum og heldur hallaði á gestina frá Dalvík í þeim. Það keyrði um þverbak
þegar hann dæmdi víti á Dalvík 6 mínútum fyrir leikslok eftir bendingu frá
utangátta aðstoðardómara sínum sem taldi að Marínó vinstri bakvörður,
hefði togað í leikmann KA sem féll á vömbina með miklum tilþrifum."
Sigurvinsson sveitanna
I Dagskránni á Selfossi var á dögunum minnst 25 ára afmælis Eiríks Smára
Vilhjálmssonar frá Hlemmiskeiði, sem virðist hafa haft alla burði til að verða
10 milljón punda maður í boltanum ef hann hefði haldið rétt á spilum. Eða
eins og þar segir:
„Eiríkur Smári eða Eiki 300 eins og alþjóð þekkir hann betur hefur þurft
að leggja skóna á hilluna aðeins 25 ára gamall. Astæðan eru hnémeiðsl sem
komu upp þcgar Eiríkur var í Championship Manager. Segja má að Eirikur
sé eitt mesta efni sem komið hefur fram í knattspyrnu á Skeiðunum. Hraði,
snerpa og skeinuhætta lýsa leikstíl hans best, einnig má segja að hann sé
ótrúlega skapandi og hugsandi leikmaður. Framan af ferlinum lék Eiríkur
með Skeiðamönnum. Þegar bændur sáu hann á vellinum milli mjalta og
messu gátu þeir ekki annað en hrifist af þrótti og Ieikni þessa unga fjósa-
stráks.... Segja má að Eiríkur hafi verið Asgeir Sigurvinsson sveitanna".
FÍNA OG FRÆGA FÓLKIÐ
Lcikkonan geðþekka Helen
Hunt hefur sagt skilið við
eiginmann sinn HankAzaria
eftir einungis eins árs
hjónaband. Helen var að
sögn mjög brugðið þegar
hún frétti af sambandi
Hanks við Playboy fyrirsætu
og flutti samstundis að
heiman. Skilnaður er sagður
yfirvofandi. Helen hefur lát-
ið hafa eftir sér að þau Hank
séu mjög ólík, hún vilji helst
vera heima á kvöldin og
horfa á myndbönd en hann
sé gefinn fyrir hið Ijúfa næt-
urlíf. Helen er í hópi vinsæl-
ustu leikkvenna í Hollywood
en Hank hefur meðal ann-
ars leikið í myndunum The
Birdcage og GodziIIa.
Eftir tæplega eins árs hjóna-
band er skilnaður yfirvofandi
hjá Helen Hunt og Hank
Azaria.
ÍÞRÓTTIR
L
Tiger Woods varði
bandaríska meistaratitilinn
Bandaríski kylfingurinn, Tiger Woods, sigraði á banda-
rfska PGA-meistaramótinu sem fram fór á Valhallar-
golfvellinum í Kentucky um helgina. Woods varð þar
með fyrstur kylfinga til að veija PGA-meistaratitilinn
síðan Denny Shute náði þeim árangri árið 1937 og sá
fyrsti til að vinna allar þrjár stóru keppnirnar síðan Ben
Hogan afrekaði það áriðl953. Woods þurfti svo sannar-
lega að hafa íyrir sigrinum um helgina, því eftir síðasta
hringinn var hann jafn Bandaríkjamanninum Bob May
á 270 höggum og þurfti því að grípa til umspils, þar sem
úrslitin réðust ekki fyrr en á 3. holu. I 3. sæti mótsins varð Daninn
Thomas Björn á 275 höggum og í 4.-6. sæti Astralinn Stuart Appleby,
Spánvetjinn Jose Maria Olazabal og Astralinn Greg Chalmers, allir á
276 höggum.
Þetta er þriðja stórmótið í röð sem Woods sigrar á, en áður hafði hann
sigrað með yfirburðum á breska meistaramótinu sem fram fór á St.
Andrews fyrir mánuðu síðan og einnig því bandaríska sem fram fór í
júní. Arið 2000 hefur verið ffábært hjá kappanum, en alls hefur hann
sigrað á sjö mótum af fimmtán sem hann hefur tekið þátt í á árinu.
Þrisvar hefur hann náð öðru sæti og tólf sinnum einu af „topp fimm“.
Enda streymir verðlaunaféð í budduna og til þessa hefur hann þénað
litlar 6,7 milljónir dollara á PGA-mótaröðinni einni saman.
Guimar sigraði
á Einherjamótinu
Gunnar K. Gunnlaugsson, GR, sigraði á árlegu Ein-
herjamóti í golfi sem nýlega fór fram á Grafar-
holtsvelli. Spiluð var 18 holu punktakeppni og lék
Gunnar á 42 höggum. I 2.-4. sæti urðu þeir Ogino
Yuzuru, GR, Gfsli Hall, GR og Jón Karl Schewing,
GK, allir á 39 höggum og í 5. sæti Knútur Bjarnason,
GR, á 38 höggum. Einherjaklúbburinn er eins og
kunnugt er klúbbur þeirra sem hafa farið holu í höggi
á ferlinum, en alls voru þeir orðnir 3 5 þegar síðast var
vitað. Enginn fór þó holu í höggi á mótinu, en næst-
ur því varð Bergsteinn Hjörleifsson, GK, á annari
braut, eða rúma fjóra metra frá holu.
Keilir og GR sveita-
meistarar í golfi
Islandsmeistaramótið í sveitakeppni í golfi fór fram um helgina og
var keppt í fimm deildum karla og þremur deildum kvenna. Keppn-
in í 1. deild karla og kvenna fór fram á Hvaleyrarvelli í Hatnarfirði og
þar sigruðu heimamenn Keilis í karlafiokki en Golfldúbbur Reykja-
víkur í kvennaflokki.
Gunnar K.
Gunnlaugsson,
GR, sigurveg-
ari á Einherja-
mótinu.
Úrslit
1. deild karla:
1. GK 4 stig - 18 vinningar
2. GA 3 stig - 16 vinningar
3. GR 3 stig - 14 vinningar
4. NK 3 stig - 11 vinningar
5. GKG 1 stig - 10 vinningar
6. GSE 1 stig - 6 vinningar
1. deild kvenna
1. GR 5 stig - 13 vinningar
2. GK 4 stig - 12 vinningar
3. Gkj 3 stig - 11 vinningar
4. GA 1 stig - 4 vinningar
5. NK 1 stig - 3 vinningar
6. GSS 1 stig - 2 vinningar
Herborg fór bolu í höggi
Herborg Arnardóttir, Golfklúbbi Reykjavikur, náði þeim frábæra ár-
angri á Islandsmótinu í sveitakeppni að fara holu í höggi. Hún náði
draumahögginu á tíundu braut í viðureign sinni við nýkrýndan Is-
landsmeistara, Kristínu Elsu Erlendsdóttur, Keili.
GL og GKG sigruðu í 2. deild
Keppnin í 2. deild karla og kvenna fór fram á Garðavelli á Akranesi og
þar sigruðu heimamenn í Golfldúbbnum Leyni í karlaflokki, en Gol-
klúbbur Kópavogs og Garðabæjar í kvennafiokki. Færast sigurliðin þar
með í 1. deild á kostnað Golfklúbbsins Setbergs (GSE) og Golfklúbbs
Sauðárkróks (GSS), sem urðu í neðstu sætum 1. deildar karla og kven-
na.
2. deild karla: 2. deild kvenna
1. GL 4 stig - 17 vinningar 1. GKG 5 stig - 13 vinningar
2. GKj 4 stig - 1 6 vinningar 2. GO 4 stig - 10 vinningar
3. GS 4 stig - 1 5 vinningar 3. GH 3 stig - 6 vinningar
4. GV 2 stig - 13 vinningar 4. GB 1 stig - 6 vinningar
5. GO 1 stig - I 2 vinningar 5. GP I stig - 5 vinningar
6. GSG 0 stig - 2 vinningar 6. GHD 1 stig - 5 vinningar
Keppnin í 3. deild karla fór fram á Svarfhólsvelli á Selfossi og
þar sigruðu heimamenn í Golfklúbbi Selfoss. I 4. deild karla fór
keppnin fram á Silfurnesvelli í Hornafirði og fóru Grindvfkingar
þar með sigur af hólmi. I 5. dcild karla fór keppnin fram að Flúð-
um og höfðu heimamenn þar sigur. I 3. deild kvenna fór keppnin
fram á Setbergsvelli í Hafnarfirði og þar sigruðu heimamenn í
Golfklúbbi Setbergs.