Dagur - Tíminn Akureyri - 04.09.1997, Blaðsíða 1

LIFIÐ I LANDINU
Blað
Fimmtudagur 4. september 1997 - 80. og 81. árgangur - 165. tölublað
Anna Kristine,
lengst til vinstri,
ásamt systrum
sínum tveimur,
Elísabetu og
Ingunni. Pœr
undirbúa nú
tónleika til
styrktar
hrjáðum í
föðurlandi
þeirra,
Tékklandi.
Mynd: Hilmar
Vinir föðurlandsins
s
g hafði engin tengsl við
Tékkland í gegnum árin
og það var fyrst fyrir um
tveimur árum sem ég kom
þangað út. Strax varð ég heilluð
af landi og þjóð og síðan hef ég
farið fimm ferðir þangað. Saga
landsins og menning eru stór-
kostleg og fólkið er hlýtt og glað-
vært. En Tékkar eru líka afar
stoltir með sig og sitt og því hafa
þeir ekki viljað leita til annarra
þjóða um aðstoð í þeim hörm-
ungum sem hafa gengið yfir,“
segir Anna Kristine Magnúsdótt-
ir, blaðamaður og útvarpsmaður
á Rás 2. Hún stendur fyrir tón-
Ieikum í Háskólabíói þann 20.
september næstkomandi. Fjöldi
tónlistarmanna kemur þar fram,
en allur ágóði mun renna til
fólks sem búsett er á svæðum í
Tékklandi sem urðu illa úti af
völdum flóða í byrjun júlí.
Tékkneskar
í föðurætt
Anna Kristine er tékknesk í föð-
urætt. Faðir hennar, Magnús R.
Magnússon, er fæddur og uppal-
inn í Tékklandi, en hann kom til
íslands til búsetu árið 1947 og
hefur dvalist hér síðan. Anna
Kristine á tvær systur, Ingunni
og Elísabetu, sem ásamt henni
eru ábyrgðarmenn söfnunar-
reiknings fyrir Tékkana.
í gegnum árin hefur Tékk-
land verið lokað og því hefur
Anna Kristine ekki getað komist
til föðurlands síns fyrr en fyrir
tveimur árum. En þá kynntist
hún líka landi sem í dag á allan
hug hennar og hjarta. „Ég var
úti í Tékklandi þegar þessi ílóð
skullu á. Þegar
heim var komið
datt mér síðan í
hug að rétt væri
og gott af okkur
íslendingum að
leggja einhver
lóð á vogarskál-
arnar, - þótt að-
stoð okkar geti
aldrei verið
nema dropi í
hafið. Ég hef
unnið að undir-
búningi tónleik-
anna síðustu
vikur og allir sem ég hef leitað
til hafa strax verið tilbúnir að
leggja málinu lið, án endur-
gjalds," segir Anna.
Tryggingar nái ekki til
náttúruhamfara
Að sögn Önnu ná tryggingar í
Tékklandi ekki yfir tjón af völd-
um náttúruhamfara. Það gerir
stöðuna erfiða, mun erfiðari en
til að mynda á þeim svæðum í
Þýskalandi þar sem sömu flóð
ollu skaða, enda bæta trygging-
ar þar tjónið. Ýmsir aðilar hafa
þó lagt Tékkum lið í þessu máli,
svo sem Bandaríkjastjórn og
Rauði krossinn.
„Flóðin ollu tjóni í alls 536
þorpum í Tékklandi og
skemmdu þús-
undir húsa, þar
af eru á fimmta
þúsund íbúðar-
hús gjöreyði-
Iögð. Ekki færri
en 58 þúsund
manns urðu að
flýja heimili sín,
og jafnframt
stöðvaði þetta
rekstur Qölda
íyrirtækja. í dag
eru minnst tólf
þúsund manns
heimilislausir
og að því er aðstoðinni beint nú
fyrsta kastið, og síðan að gömlu
fólki sem á ef til vill engan að,
og í þriðja lagi stórum barnafjöl-
skyldum þar sem fyrirvinnan
stendur uppi slipp og snauð og
atvinnulaus eftir flóðin," segir
Anna Kristine. Hún segir föður-
bróðir sinn, sem búsettur er í
Zlín í Móravíu, hafa sett sig í
samband við Rauða krossinn
þar og í gegnum hann muni þeir
íslendingar sem leggja málinu
lið fá nákvæmar fréttir hvert
peningar þeirra fari.
Neyðarhjálp úr norðri
Neyðarhjálp úr norðri, er yfir-
skrift tónleikanna, sem verða í
Háskólabíói 20. september. Með-
al listamanna sem þar koma
fram eru ungverski píanóleikar-
inn Peter Máté og Pavel Smíd
frá Tékklandi. Þeir munu leika
íjórhent eitt af erfiðari verkum
Dvorák, Slavneska dansa. Þá
munu koma fram Tríó Björns
Thoroddsen, Milljónamæring-
arnir og Bjarni Ara, Ríó Tríó
með strengjasveit, Sigrún
Hjálmtýsdóttir, óperusöngkon-
urnar Björk Jónsdóttir og Signý
Sæmundsdóttir, pólska söngkon-
an Aliana Dubik, Egill Ólafsson,
og kvennakórinn Vox Feminae,
Pavel Manásek píanóleikari og
flautuleikararnir Guðrún Birgis-
dóttir og Martial Nardeau.
„Þá mun Páll Óskar koma
fram á tónleikunum með tveim-
ur dönsurum, en Páll Óskar ætl-
ar bæði að syngja vinsælustu
lögin sín núna sem og ballöður.
Hann var fyrstur til að bjóða
fram aðstoða sína og hefur
stappað í mig stálinu á þeim
tíma sem ég hef verið að vinna
að undirbúningi tónleikanna,"
segir Anna Kristine.
Hlýir straumar
„Mér kom á óvart þeir hlýju
straumar sem ég mætti frá fólki
við undirbúning tónleikanna.
Ekki aðeins frá listamönnunum
heldur hka meðal annars frá
Friðberti Pálssyni, forstjóra Há-
skólabíós, en það húsnæði fáum
við til afnota endurgjaldslaust
fyrir tónleikana. ÖIl útgjöld sem
snúa að tónleikahaldinu og
prentun miða og dagskrár eru
greidd af fyrirtækjum þannig að
einstaklingar hér á landi eru að
hjálpa tékkneskum meðbræðr-
um sínum og systrum á beinan
hátt. Óli Þórðar í Ríó hefur síðan
unnið að gerð veggspjalda,
aðgöngumiða og dagskrár.“
„Margt smátt, gerir eitt
stórt,“ segir Anna Kristine. Hún
segir að vitaskuld muni öll fram-
lög í þessa söfnun koma að góð-
um notum. Þá segir hún að þó
fólk sæki ekki tónleikana geti
það lagt málinu lið, þá með því
að leggja inn framlög á reikning
nr. 72000, en það er ávísana-
reikingur við aðalbanka Búnað-
arbanka íslands, sem jafnframt
er íjárgæsluaðili Neyðarhjálpar
úr norðri. -sbs.
Flóð hafa valdið
miklum skaða í
Tékklandi, en það-
an er faðir út-
varpskonunnar
Önnu Kristine sem
nú safnar handa
nauðstöddum.