Dagur - Tíminn Reykjavík - 05.04.1997, Blaðsíða 10

10 - Laugardagur 5. apríl 1997
JDbtgur-®mtmn
Aðalfundur
Hjarta- og æðarverndarfélag Akureyrar og nágrennis
heldur aðalfund sunnudaginn 13. apríl kl. 15.30 í Al-
þýðuhúsinu, Skipagötu 14, 4. hæð á Akureyri.
Dagskrá: Venjuleg aðalfundarstörf
Á fundinum flytur Lilja Sigrún Jónsdóttir, læknir, erindi
um séreinkenni hjartasjúkdóma hjá konum.
Allir velkomnir.
Stjórnin.
Prentsmiöja
Umbrot - setning
Alprent óskar eftir að ráða starfsmann í umbrot og
setningu og önnur tilfallandi störf.
Glerárgötu 24,
600 Akureyri
Sími 462 2844
Fax 461 1366
Kjötiðnaðarmenn
Vegna aukinna verkefna óskar Kjötiðnaðarstöð KEA að
ráða kjötiðnaðarmenn til starfa í úrbeiningu sem fyrst.
Upplýsingar gefur verksmiðjustjóri í síma 463 0360 eða
á staðnum.
Hjá kjötiðnaði KEA sem er hluti KEA samstæðunnar starfa
um 90 manns. Um er að ræða eina af stærstu kjötvinnslum
landsins ásamt stórgripa- og sauðfjársláturhúsi.
Sftít tU tínóéavecia.
DNG Sjóvélar hf. á Akureyri er framleiðslufyrirtæki í
rafeindaiðnaði. Fyrirtækið hefur á undanförnum árum
lagt mikið í vöruþróun og er með spennandi verkefni í
gangi, bæði í þróun núverandi framleiðsluvara og
nýrra.
Fyrirtækið leitar að starfsmönnum í eftirtaldar stöður:
Rafmagnsverkfræðingur í þróunardeild.
Viðkomandi mun starfa við vöruþróun og uppsetningu
tæknibúnaðar. Við erum með nokkur spennandi þróun-
arverkefni í gangi, bæði á eigin vegum og í samstarfi
við aðra aðila. Við leitum að áhugasömum starfsmanni
með reynslu á rafeinda og tölvusviði. Forritunarkunn-
átta er nauðsynleg.
Rafeindavirki í framleiðsludeild.
Viðkomandi mun hafa umsjón með framleiðslu raf-
eindahluta, sjá um gæðaeftirlit, prófanir og viðgerðir.
Við leitum að áhugasömum starfsmanni með reynslu í
viðgerðum eða framleiðslu. Tölvukunnátta er nauðsyn-
leg.
Allar nánari upplýsingar veitir Hallgrímur Einarsson
verkfræðingur. Umsóknum skal skila til fyrirtækisins
eigi síðar en föstudaginn 11. apríl næstkomandi.
Lónsbakka
601 Akureyri
Sími 461 1122 - Fax 461 1125
Ó Ð M Á L
Hvað hafa verið
byggð mörg tón-
leikahús á íslandi?
Jóhann
Baldvinsson
organisti og kórstjóri við
Glerárkirkju á Akureyri
skrifar
essi spurning kom upp í
hugann þegar ég las í
Degi-Tímanum 26. mars
sl. (á baksíðu blaðs 1) að fyrir-
hugað væri að byggja yfir
skautasvellin á Akureyri og í
Reykjavík. í Reykjavík hefur
verið samþykkt að veita 160
milljónum króna til verksins en
á Akureyri er verið að semja
við Akureyrarbæ vegna kostn-
aðar upp á 44 milljónir. Ég er
ekki að setja mig upp á móti
þessum framkvæmdum, enda
myndi ég örugglega nýta mér
þá aðstöðu sem fengist, þar eð
ég hef gaman af að fara á
skauta, en skyldu þessi tvö bæj-
arfélög vera tilbúin að leggja
svipaða upphæð til byggingar
tónleikahúss?
íslendingar eru stoltir og
vilja gera hlutina vel. Þetta á
líka við um tónlistariðkun. Út-
lendingar eru undrandi á því
hve margir iðka tónlist hér á
landi og hve tónlistarskólar eru
hér stórir og öflugir. Þegar
kemur hins vegar að húsnæði
til að flytja tónlist er annað upp
á teningnum. Hér á landi eru
starfandi tvær sinfóníuhljóm-
sveitir, Sinfóníuhljómsveit ís-
lands og Sinfóniúhljómsveit
Norðurlands. Sú fyrri æflr og
heldur reglulega tónleika í bíó-
húsi, Háskólabíói, en hin síðari
æflr, ja, þar sem pláss er hverju
sinni eða velvilji fyrir hendi og
tónleikar eru oftast haldnir í
íþróttahúsum eða kirkjum. Til
að halda tónleika í íþróttahúsi
þarf að gera miklar breytingar
sem eru bæði kostnaðarsamar
og tímafrekar.
Að breyta íþróttahúsi
í tónleikasal...
Síðastliðið miðvikudagskvöld,
26. mars, hélt Sinfóníuhljóm-
sveit Norðurlands, ásamt 150
manna kór, stórtónleika á Ak-
ureyri. Flutt var hið fræga og
vinsæla Carmina Burana eftir
Carl Orff en auk þess fjögur
verk eftir rússnesk tónskáld. Til
að gera þessa tónleika mögu-
lega þurfti að breyta íþrótta-
skemmunni á Akureyri í tón-
leikasal nokkrum dögum fyrir
tónleika og kaupa upp íþrótta-
tímana sem áttu að vera þessa
daga. Mig langar að lýsa stutt-
lega aðstöðunni sem þarf að
búa til fyrir svona tónleika:
í fyrsta lagi þarf að
teppaleggja gólf „Skemmunnar“
með teppum sem fengin eru að
láni héðan og þaðan, mismun-
andi að lit o.s.frv. Síðan þarf að
útbúa senu eða pall fyrir alla
flytjendur, alls rúmlega 200
manns.
Þessi sena er búin til úr 7-
800 plast-fiskikössum sem
fengnir eru að láni frá Útgerð-
arfélagi Akureyringa. Kössun-
um er raðað þannig að myndist
nokkrir stallar sem henta kór
og hljómsveit. Ofan á kassana
er raðað spónaplötum sem
fengnar eru að láni hjá fyrir-
tæki hér í bæ og loks er lagt
teppi þar ofan á, en það er líka
fengið að láni. Já, til að minnka
kostnaðinn er allt fengið að láni
og þá þýðir ekki að vera að
saga af plötum eða negla þær
niður eða klippa teppin til. Eig-
andinn verður að fá sína vöru
óskemmda til baka.
Útlendingar eru undr-
andi á því hve margir
iðka tónlist hér á
landi og hve tónlistar-
skólar eru hér stórir
og öflugir. Þegar
kemur hins vegar að
húsnæði til að flytja
tónlist er annað uppi
á teningnum.
Þá er nú búið að koma
hljómsveitinni og kórnum fyrir
og þá eru áheyrendur eftir. Fyr-
ir þá eru fengnir að láni nokkur
hundruð stólar (í þessu tilfelli
u.þ.b. 8-900) víða að úr bænum
sem fluttir eru í Skemmuna ein-
um til tveim dögum fyrir tón-
leika. Nú geta tónleikarnir haf-
ist!
...og síðan aftur í
íþróttahús!
Þegar tónleikum er lokið hefst
síðan leikurinn á ný, en þá þarf
að koma öllu til skila því
íþróttahúsið þarf að komast í
notkun sem slíkt sem fyrst.
Tónleikahús sem
þetta myndi nýtast
mjög mörgum, hvort
heldur þeim sem
flytja klassíska tónlist
eða dægurtónlist. Þá
gætu farið þarna
fram stórir fundir,
ráðstefnur og jafnvel
leiksýningar.
Tónleikarnir
Nú er að segja frá því hvernig
tónleikarnir tókust. Rúmum
hálftíma fyrir tónleika var þó
nokkuð komið af fólki og fyrr
en varði var Skemman full af
eftirvæntingarfullum áheyrend-
urn. Af undirtektum áheyrenda
var augljóst að fólki líkaði tón-
leikarnír vel. Umgjörðin var þó
óneitanlega nokkuð undarleg
fyrir augað, t.d. hékk körfu-
boltanet yfir miðri hljómsveit.
Fyrir eyru bar torkennileg
aukahljóð, t.d. ef leikið var
ákveðið á bassatrommuna og
einnig tók loftræstikerfi hússins
til sinna ráða í miðju Carmina
Burana með miklum hávaða.
Að vísu var loftræstiuppákoman
nokkuð spaugileg því einmitt þá
var verið að lýsa raunum svans
nokkurs sem verið var að
steikja á eldi.
Klárum dæmið!
Vinnan við að byggja upp og
rífa niður „tónleikahús“ er
mjög mikil og gremjulegt að
horfa uppá að eftir hverja tón-
leika skuli þurfa að Qarlægja
„tónleikahúsið“. Ég er þess full-
viss að ef allur sá kostnaður og
vinna sem lögð hefur verið
fram í gegnum árin við að búa
til svona tónleikahús væri lögð
saman og bætt við hana 44
milljónum (í Reykjavík 160
milljónum) væru á báðum stöð-
um til hin ágætustu tónleikahús
sem allir gætu verið stoltir af.
Mér finnst sannarlega tími til
kominn að nú þegar verði í al-
vöru ráðist í að byggja aðstöðu
fyrir tónleika á Akureyri og að
tími stólaflutninga, fiskikassa-
senubyggingar, teppalagningar
og reddinga á síðustu stundu
lieyri sögunni til. Ég skora á
stjórnmálamenn og bæjar-
stjórnarmenn að leggja þessu
máh lið!
Þegar þessi mál hafa verið
rædd er oft bent á að ekki hafi
komið fram neinar fastmótaðar
tillögur um hvernig að þessúm
málum mætti standa. Mín
skoðun er að hægt væri að
breyta Skemmunni í ágætis tón-
leikahús fyrir svipaða upphæð
og rætt er um að yfirbygging
skautasvells kosti. Að sunnan-
verðu gæti verið upphækkuð
sena en áheyrendasæti væru á
hallandi gólfi upp að svölum
sem eru að norðan. Undir hall-
andi gólfinu gæti verið snyrtiað-
staða, geymslur og fleira. Aðal-
inngangur fyrir áheyrendur,
miðasala og annað því tengt,
yrði að norðan en að vestan
yrði byggð viðbygging fyrir
starfsfólk, tónlistarflytjendur og
hljóðfæri, t.d. hinn nýja kons-
ertflygil sem keyptur hefur ver-
ið til Akureyr^r. Frá þessari
viðbyggingu yrði gengið inn á
sviðið.
Ég hef nú lýst skoðunum
mínum og vona að nú fari um-
ræðan um tónleikahús af stað í
alvöru. Tónleikahús sem þetta
myndi nýtast mjög mörgum,
hvort heldur þeim sem ílytja
klassíska tónlist eða dægurtón-
list. Þá gætu farið þarna fram
stórir fundir, ráðstefnur og
jafnvel leiksýningar.
Orð eru til alls fyrst en síðan
þarf að fylgja málum eftir og
framkvæma. Ég vona að fleiri
láti skoðun sína í ljós og að fyrr
en síðar verði tónleikahús á Ak-
ureyri staðreynd en ekki
draumur.