Dagur - Tíminn Reykjavík - 11.07.1997, Page 5

jDagur-'OJmrám
Föstudagur 11. júlí 1997 - 5
F R É T T I R
Stóriðja við Eyjafjörð
Grænt ljós á
könnimarvinnu
Rúmlega helmingur
vill stóriðju. Metið
sem grænt Ijós á
áframhaldandi könn-
unarvinnu.
Rúmlega helmingur íbúa
við Eyjafjörð er meðmælt-
ur því að stóriðja rísi við
Eyjaíjörð en tæplega helmingur
er því mótfallinn, ef marka má
niðurstöður viðhorfskönnunar á
vegum Héraðsnefndar Eyja-
fjarðar. En hvað þýða þessar
niðurstöður fyrir framhaldið?
„Ef mikill meirihluti hefði verið
á móti stóriðju hefðu menn
sennilega hugsað sinn gang um
hvort ætti að vinna í málinu
áfram. En eins og niðurstöður
urðu geri ég ráð fyrir að sá
vinnuhópur sem er að skoða
staðarval fyrir stjóriðju í Eyja-
flrði muni halda sínu starfi
áfram. Að vísu er sú vinna háð
því að heimamenn, á þeim
tveimur stöðum sem eru í
skoðun, samþykki að á skipu-
lagi verði þessar lóðir ætlaðar
undir iðnaðarsvæði,“ segir
Birgir Þórðarson, fram-
kvæmdastjóri Héraðs-
nefndar Eyjaijarðar.
Birgir segir niður-
stöðurnar ekki hafa
komið sér á óvart og
miðað við þá umræðu
sem verið hefur um
stóriðju í þjóðfélaginu
megi þeir sem unnið
hafa í þessum málum
vel við una. „Ég met
þetta sem grænt ljós á
að halda könnunar-
starfi áfram.“
- Töluvert margir
neituðu að svara í
könnuninni. Stafar það
af áhugaleysi?
„Já, ég hygg að það
stafi einkum af áhuga-
leysi. í einni spurning-
unni var spurt hver séu
líkindin á því að stór-
iðja komi við Eyjafjörð
og mikill meirihluti tel-
ur litlar sem engar lík-
ur á því. Þetta gerir
það að verkum að fólk
hefur minni áhuga á
málinu, hvort sem það
er að mótmæla eða
samþykkja." AI
Horft yfir Eyjafjörð í átt að Súlum. Eins og fram kom í blaðinu í gær virðast
helmingaskipti hjá Akureyringum og Eyfirðingum á viðhorfi til stóriðju við Eyjafjörð.
Tveir staðir eru helst taldir koma til greina, Dysnes og Árskógssandur. Mynd: jhf
Forseti íslands
Áfram á
flakki
Forsetinn situr ekki
aðgerðalaus, enn
ferðast hann og nú
til Selfoss.
50 ára afmælisfundur
bæjarstjórnar Selfoss verð-
ur í dag og heiðrar forset-
inn síðan bæinn með heim-
sókn á morgun. Á fundin-
um í dag verður samþykkt
stefna bæjarins í vímu-
varnarmálum. Ferðum Ól-
afs Ragnars Grímssonar
forseta um landið linnir
ekki á morgun þegar hann
mætir ásamt frú Guðrúnu
Katrínu klukkan 11 til Sel-
fosskirkju þar sem bæjar-
stjórn, skátar, prestur og
bæjarbúar sem hylla vilja
forsetann verða mættir.
Farið verður í heimsókn í
Fjölbrautarskólann að lok-
inni helgiathöfn og síðar
snæddur hádegisverður. Þá
verða heimsóttir nokkrir
merkisstaðir en klukkan
16.30 setjast forsetahjónin
á pall á útivistarsvæðinu
við Engjaveg og hlýða á
ávörp, söng skólabarna,
forseti tekur við gjöf og
flytur ávarp. „Reiknað er
með að forsetahjónin gangi
um svæði og heilsi upp á
fólk,“ segir í fréttatilkynn-
ingu frá bæjarstjóra. Síðan
verður grillað að þjóðleg-
um sið.
Húsverndarsjóður
Styrkirnir voru afhentir í einu hinna gömlu húsa borgarbúa í Ár-
bæjarsafni.
Hæsti styrkuriim
2,5 milljónir
Þjóðþekkt leikhús-
og fjölmiðlafólk
hlýtur hæstu styrki
Húsverndarsjóðs
1997
Fimmtán styrkir úr nýj-
um Húsverndarsjóði
Reykjavikur voru af-
hentir í gær: Miðstræti 4,
Ingvar E. Sigurðsson og
Edda Arnljótsdóttir, hlutu
langliæsta styrkinn, 2,5
milljónir kr., til viðgerða á
járni, gluggum, vatnsbrett-
um og skrautlistum.
Bergstaðastræti 9a, Páll
Baldvin Baldvinsson, fékk
1,7 milljónir.
Þingholtsstræti 24, Viðar
Eggertsson, fékk 1,2 millj-
ónir.
Milljón fengu: Skóla-
stræti 5b, Guðrún S. Gísla-
dóttir, Baldursgata 28,
Björg Stefánsdóttir, Spítala-
stígur 10, Inga Þyrí Kjart-
ansdóttir, og Þingholts-
stræti 13, Þuríður Berg-
mann Jónsdóttir.
Aðrir styrkir voru lægri.
- HEI
Holdafar
Islenskir fitukeppir!
Uggi Agnarsson læknir: „Færri skref eru meginvandinn." íslendingar eru á
hraðri leið með að líkjast Könum í holdafari. Myndin sýnir framtíð íslands.
íslendingur framtíð-
arinnar verður feitur
og sykursjúkur
með háan blóð-
þrýsting
Framtíðarsýnin er: Mjög
feitur einstaklingur, sem
situr við skjá, gerir ekkert
nema að hreyfa takka og ferð-
ast um á einhverju „mobil“, eig-
inlega hjólastól. Og hann verð-
ur með sykursýki, háan blóð-
þrýsting og deyr úr heilaáfalli
og hjartasjúkdómum.“ Það er
Uggi Agnarsson, læknir Hjarta-
verndar, sem sér fyrir sér þessa
óglæsilegu mynd. En hann er
alla daga að skoða fólk. íslend-
ingar eru ekki einir á báti.
Hlutfall offeitra Dana hefur t.d.
hækkað úr 35% upp í 41% á að-
eins fimm árum. Svipaðar frétt-
ir berast frá Finnlandi og víðar
að.
- En hvað hefur klikkað?
Hvernig stendur á að þjóðir
þyngjast á sama tíma og „megr-
unariðnaðurinn" - jafnt í mat-
vælum, lyíjum og líkamsræktar-
stöðvum - vex hraðar en flestar
aðrar atvinnugreinar? „Þetta
eru gerviaðgerðir sem ekki
höggva að rótum meinsins.
Ástæðan er einfaldlega sú, að
fólk hreyfir sig minna. Bilaeign
hefur margfaldast, störf hafa
breyst, allt er nú unnið með
vélum. Heilsuræktarstöðvar
megna aldrei að breyta þessu.
Þangað fer fólk sem er með
vonda samvisku í það og það
skiptið - í tvo mánuði.
„Það er lífsmátinn sem skipt-
ir máli og honum hefur verið
breytt. í stað þess að labba
hringir fólk. Öll þessi tækni
stuðlar að færri skrefum. Og
það er meginvandamálið: Færri
skref. Dagleg hreyfing er úr
sögunni. Meginatriðið í lífinu til
að halda góðri heilsu er hreyf-
ingin. Það er ekkert sem getur
komið í staðinn fyrir hana,“
segir Uggi.
Hollar fæðuvenjur séu vissu-
lega góðar og nauðsynlegar.
„En langlífi og góð heilsa fæst
fyrir þá sem hreyfa sig að stað-
aldri. Við sjáum til dæmis mikil
tengsl milli hreyfingar og færri
heilaáfalla og munar þar
miklu.“ Bestu hreyfinguna segir
Uggi sund, skokk, hjólreiðar,
sipp og hopp. Röskar göngur
séu líka góðar. „Fólk verður að
fá hraðan hjartslátt og svitna.
Ég er ekkert á móti stöðvunum.
En fæstir endast þar. Auk þess
sem of mikil áhersla er lögð á
stadíska hreyfingu, þ.e. lyfting-
ar og slíkt. Það hefur ekki verið
sýnt fram á að það lengi líf að
lyfta þunga.“
Uggi minnti á samanburð á
heilsufari Vestur-íslendinga og
Austfirðinga fyrir fáum árum,
sem leiddi í ljós að Austfirðing-
arnir voru að mörgu leyti betur
staddir. „En við erum bara að
færast í sömu átt, þannig að
bráðum missum við þennan
mismun og verðum eins og þeir
og aðrir Amerikanar. Vesturfar-
arnir fóru í þjóðfélag sem var
léttara og flýttu þróuninni
kannski um 50 ár, en við náum
þangað líka og á skemmri tíma.
Já, við erum á hraðri leið að
líkjast Ameríkönum í holda-
fari,“ sagði Uggi Arnarsson. - hei