Dagur - Tíminn - 10.09.1996, Síða 6

18- Þriðjudagur 10. september 1996

MENNING O G LISTIR
Bubbi Morthens
gefur út ljóðadisk
Mynd: ÞÓK
Bubbi Morthens brýtur blað í listsköpun
sinni í haust þegar Mál og menning
gefur út geisladisk með frumsömdum
Ijóðum hans. Ljóðin eru samin á síðustu
sex árum og les Bubbi þau sjálfur við
undirleik nokkurra góðra manna. Bubbi
var að drekka morgunkaffið sitt einn
morguninn í síðustu viku þegar
Dagur- Tíminn sló á þráðinn.
- Hvað ertu að gera Bubbi?
„Akkúrat þessa stundina er
ég að drekka malað kaffl frá
Indónesíu og vakna. Ég var að
klára hljóðljóðadiskinn í gær-
kvöldi.“
- Hljóðljóðadiskur?
„Já, þetta eru 26 ljóð og svo
er ég með grænlenskan og
brasilískan trommara, Guðna
Fransson og fleiri sem spila
undir."
- Þú hefur ekki gert þetta
áður?
„Þetta er í fyrsta skipti sem
svona er gert á íslandi. Það er
nú ekkert annað.“
- Þín hugmynd?
„Já, ég fékk hana sjálfur.“
- Og henni fagnandi tekið?
Nei — eða jú, henni var
fagnandi tekið þegar ég var bú-
inn að skila handritinu til Máls
og menningar. En ekki fyrst.“
- Nú hafa menn ekki síður
lesið textana þína en hlustað
á tónlistina. Eru þessi ljóð í
svipuðum dúr og söngtexta-
gerðin?
„Neinei, allt öðruvísi. Miklu
strangari form og meiri hnit-
miðun. Það má þó kannski
finna svipaðar myndlíkingar en
formið er gjörólfkt."
- Um hvað skrifarðu?
„Þarna má finna allt á milli
himins ogjarðar."
- Ertu að deila á það sem
betur mætti fara?
„Nei.“
- Enginn fyrirlestrarbragur?
„Nei, maður predikar ekki í
Ijóðum. Um leið og maður gerir
það þá er ljóðið dautt. Það er
hægt að predika í músík en ekki
í ljóði.“
- Fær maður sýnishorn?
„Ja, ljóðin eru náttúrlega
með músík þannig að þau skila
sér kannski ekki alveg án und-
irleiks en þó dettur mér í hug
lítil mynd sem hægt væri að
birta. Saklaus mynd um sam-
farir:
Kyssti mig engiil
Kyssti mig engill
eitt sekúndubrot
þakti varir mínar
silfruðum vökva
enginn skuggi
ekkert hljóð
sem varaði mig við
aðeins logandi varir
olíusvört augu
liggjandi með útbreidda vœngi
hvíslaði hún
þú kannt þetta.
- Ástin er ótæmandi yrkis-
efni?
„Já, hún er það. En á diskin-
um er líka mikið af ljóðum úr
eiturlyfj averöldinni. “
- Og hvað er fleira á döfinni?
„Ég er að klára plötu sem ég
byrjaði upptökur á 10. septem-
ber. Eyþór Gunnarsson er verk-
stjóri og þar má finna sitt lítið
af hveiju."
- Nýr tónn — ný h'na?
„Ég veit það ekki. Jú, það er
eitthvað þarna sem ég hef ekki
gert áður en þó myndi ég segja
að þessi plata væri mjög skyld
plötum eins og Dögun, Sögum
af landi og Lífið er ljúft. Þetta
er einhver hrærigrautur úr
Íæim og svo er jafnvel áhrif frá
sbj arnarblúsnum. “
- Hvað eru plöturnar orðnar
margar?
„Það veit ég ekki, hef ekki
hugmynd."
- Hvað finnst þér annars um
það sem unga fólkið er að gera
í músíkinni í dag?
„Ég er hrifinn af Botnleðju,
þetta er helvíti flott band finnst
mér, kannski vegna þess að
þeir minna svolítið á Utan-
garðsmenn. Svo er ég hrifinn af
Kolrössunni, hún hefur sótt í
sig veðrið. Nú ef það væri aðdá-
endaklúbbur í kringum Funk-
strasse þá væri ég örugglega í
honum. En heilt yfir finnst mér
frekar dapurlegt ástand yfir
markaðnum. Það vantar veru-
lega frumleika og nýtt blóð í þá
sem eru að búa til músík.
Tökum sem dæmi að það
komu tvö ný „öct“ upp undan-
farin tvö ár, Emilía og Páll Ósk-
ar. En það er erfitt að dæma
þau af því að þau eru fyrst og
fremst söngvarar. Það getur vel
verið að þau eigi eftir að verða
svona Raggi Bjarna og Björgvin
Halldórs — atvinnusöngvarar
sem syngja meira eftir aðra. En
það er ekki það sem ég er að
leita að. Ég er meira spenntur
fyrr krökkum sem koma og búa
til sitt eigið efni eins og Kristín
Eysteinsdóttir og Orri Harðar."
- Vantar kannksi svohtið
gagnrýna hugsun á hið við-
tekna í íslenskri tónlist?
„Já, það er engin spurning.
Og ég fer ekkert ofan af því að
mér finnst hallærislegt að
syngja á ensku hér heima á ís-
landi. Það hefur ekkert með
þjóernisrembing að gera, ég
bara skil ekki að það skuli ekki
vera hægt að gera tvær útgáfur
ef krakkarnir eru svona hrifnir
af enskunni og ætla að sigra
heiminn. Ef þeir geta skrifað á
ensku þá hljóta þeir að geta
sett saman íslenskan texta.
Halldór Laxness sigraði heim-
inn með íslenskunni.
Þessi mál skipta mjög miklu
máli vegna þess að heimurinn
minnkar með hverjum degi og
íjarlægðirnar eru nú mældar í
drifstærðinni á tölvunni þinni.“
- Er hugsanlegt að ungt tón-
listarfólk ráði sér ekki nógu
mikið sjálft?
„Nei, það held ég ekki. Það
ætti ekki að vera vandamálið."
- Hvað með þátt stjórnvalda.
Ættu þau að beita sér fyrir auk-
inni verndun tungunnar?
„Já. Yfirvöld virðast ekki
gera sér grein fyrir að hrað-
virkasta og öflugasta áróðurs-
tækið í nútímaþjóðfélaginu er
músík. Hún er það sem hefur
mest áhrif á yngri kynslóðina.
Ef allir syngja á ensku þá getur
maður séð áhrifin fyrir.“
- Stjórnvöld virðast ekki
meðvituð um möguleikana sem
felast í poppinu?
„Nei. Þrátt fyrir að Davíð sé
af bítlakynslóðinni þá held ég
að það verði ekki fyrr en næsta
kynslóð tekur við stjórnartaum-
unum sem hlutirnir fara að
breytast. Það er ennþá stétta-
skipting í listum á Islandi og
iðulega litið með hroka og fyrir-
litningu á dægurlagaheiminn.
En ég held að það sé fyrst og
fremst hræðsla og óöryggi og
jafnvel öfund.“
- Er kaffið orðið kalt hjá
þér?
„Búinn með það.“
-BÞ