Dagur - Tíminn - 25.10.1996, Side 1

Verið
viðbúin
vinning u
Verið
viðbúin
vinningi!
LÍFIÐ í LANDINU
Föstudagur 25. október 1996 - 79. og 80. árgangur - 204. tölublað
AÐ GERA ALLA AÐ AULUM
Thor Vilhjálmsson
rithöfundur.
ÞJÓÐBÚN-
INGURINN
Thor Vilhjálmsson er ekki
að skafa utan af því þeg-
ar rætt er við hann um
fjölmiðlana. Það sem átti að
verða örstutt spjall um uppá-
halds sjónvarps- og útvarpsefni
skáldsins vatt upp á sig! Thor
vill horfa á apa og eðlur í sjón-
varpinu en hefur litla trú á að
afþreyingarefnið svokallaða
hvfli áhorfendur í reynd. Og
„fyndnu" þættina gefur hann
lítið fyrir!
„Ég sækist í efni sem einhver
næring er í. Eitthvað sem vekur
umhugsunina. Mér leiðist
hamagangur sem slævir hugsun
og áróður fyrir því að allir þurfi
endalaust að slappa af. Hama-
gangur sem miðast að því að
Ég veit um fólk sem
er miður sín þegar
það á að mæta til
vinnu eftir afþreyingu
sem stendur kannski
langt fram á nætur
í sjónvarpi.
gera menn að aulum, dáðlausa
með öllu. Ég sá sjónvarp á sín-
um tíma þegar það kom. Ég
fékk mér sjónvarp og féll fyrir
því þegar öll kóngaleikritin
hans Shakespeares voru sýnd,
svoleiðis efni vil ég fá. Nú hafa
komið kynslóðir síðan og þetta
efni vil ég fá aftur.“
Þættir úr dýraríkinu eru aft-
ur rithöfundinum að skapi.
„Mér finnst ágætt að sitja við
sjónvarp og horfa á ljón og apa
og eðlur og fiðrildi, að ég tali
nú ekki um gíraffa og gasellur,
útlistaðar af mönnum sem hafa
ást á slíku lífi. Þá líkar mér
fróðleiksþættir, ekki síst þeir
sem fjalla um forna menningu,
skoðaðir af viti og hugkvæmni
samtíðar okkar. Slíkt efni.“
En hvað með afþreyinguna?
„Ég hef þá trú að það sé engin
hvfld í þessari innihaldslausu
mötun og ég veit um fólk sem
er miður sín þegar það á að
mæta til vinnu eftir afþreyingu
sem stendur kannski langt fram
á nætur í sjónvarpi. Það er
varla nothæft til verka fyrir
bragðið. Ég held að besta hvfld-
in ef menn eru hvfldarþurfi sé
að sofa. Mér þykir afskaplega
gott að sofa við sjónvarp en ef
fólk vill slaka á þá ætti það að
einbeita sér að því sem krefst
einhvers af því, reyna eitthvað
nýtt.“
Um fyndnina segir Thor eft-
irfarandi: „Sjálfvirkir gaman-
þættir eru iðulega kallaðir
fyndni en fyndni er ekki fyndni
nema eitthvað finnist. Leitið og
þér munið finna. Það er allt of
mikið af vitleysu hér en í fyndni
þarf að vera vit. Menn hafa
flæmst um landið og þóst vera
að skemmta í öllum plássum.
Þeir hafa vakið upp einhvern
hlátur en á röngum forsendum
sem byggjast á aðhlátri, en ekki
hlátri fólks með fólki.“
Vandaðir viðtalsþættir eiga
betur upp á pallborð Thors Vil-
hjálmssonar og nefnir hann út-
varpsþætti Ævars Kvaran sér-
staklega til sögunnar. „Það er
ekki oft sem ég finn efni sem
heldur mér vakandi en þó má
nefna nokkra mannlífsþætti. Til
„Þvílík ósvífni að
leyfa einum manni
að velja Ijóð í heilt ár
og troða upp á aðra
tíðindum úr eigin
sálarkytru.“
dæmis þegar talað er við fólk
sem hefur mikla lífsreynslu,
hefur lært af henni og getur
sagt fólki frá því. Það að blanda
geði við fólk sem hefur
einhverju að miðla. En það er
allt of mikið af hinu, einhverju
blaðri þeirra sem kunna ekkert
mál. Hvorki íslensku né þau út-
lendu sem það slettir iir.“
í útvarpinu hlustar Thor
aukinheldur allmikið á klass-
íska tónlist en nefnir einnig at-
riði er varðar hans eigið starf,
bókmenntirnar. „Stundum
koma góðar hugmyndir sem
eru rangt framkvæmdar. T.d.
þessi hugmynd að hafa eitt ljóð
í Ríkisútvarpinu á dag. En því-
lík ósvífni að leyfa einum manni
að velja ljóð í heilt ár og troða
upp á aðra tíðindum úr eigin
sálarkytru og lita ljóðið slíku

ISOKN!
morgun verður hátíðis-
dagur þjóðbúningsins
okkar - en við tökum
forskot á sæluna með les-
endum Dags-Tímans, sjá
myndaopnu okkar í Líf-
inu í landinu!
tíðindaleysi. Þetta varðar mann
ekkert um. En af því að ég drep
á þetta þá eru Jónar tveir sem
sjá um bókmenntaþætti í út-
varpinu - Jón Hallur og
Jón Karl - gáfaðir
menn. Þeir vanda
sín verk, og hafa
ást á bókmennt-
um. Slíkt er
frumskilyrði en
það er ekki líð-
andi að troða
sjálfum sér
fram fyrir efnið
og ónýta það
þar með. Og
þar sem að þú
ert að norðan
þá get ég ekki
annað en beðið
þig að margblessa
Gísla Jónsson sem
hefur með frá-
bærum hætti
ræktað og gætt
íslenskunnar
árum sarnan."
Er Thor
Vilhjálmsson
venju fremur
sérvitur mað
ur?
-Ég er náttúr-
lega fullur af sér-
visku en ég held að
það sé ekkert slæmt
ef maður ræktar
sína eigin greind eftir
megni og nærist á
annarra manna viti.
Björn Þorláksson.