Dagblaðið Vísir - DV - 19.12.1981, Side 22

22
DV — HELGARBLAÐIЗ LAUGARDAGUR 19. DESEMBER 1981.
Hórsjéum við að gert er réó fyrir fjórróttaöri méhið. Þau hnrfapör'sem fyrst eru notuð eru yzt Hnrfapörín eru frá verzfuninni Tókk-
kristal og diskar og kertastjakar fró CostaBoda.
Hvrtir ieirdiskar frá Gráfekfi. IMu skálamar sem eru við hvern disk eru notaðar sem mundlaugar.
DV-myndir: Friðþjófur.
Þegar aðfangadagur rennur upp verður ys og þys
gærdagsins fjarlægur. Allur jólaundirbúningurinn að
baki, jólatréð skreytt í stofunni, Siggi kominn í síðar
buxur og Solla í bláan kjól. Beðið er með óþreyju eftir
klukknahljóm, jólasteik og jólapökkunum.
Hátíðarblær jólanna færist nær og brátt berst ilmur-
inn úr eldhúsinu þar sem matsveinninn er önnum kaf-
inn. Þá færumst við nær tilgangi þessa greinarkorns sem
var að koma hugmynd á framfæri. Hugmynd sem fædd-
ist á aðventunni. Að öllum líkindum er hugmyndin
sprottin vegna reynslu fyrri ára með hóp óþreyjufullra
barna í pilsfaldinum á aðfangadag. Myndin sem föst er f
huga matsveinsins er þegar gufustrók leggur úr öllum
pottum heimilisins, hrærivélin hamast og þeytir og
brunalykt berst úr ofninum. Mergur málsins er sá að
önnum kafinn matsveinninn á fullt í fangi með að hafa
stjóm á öllum hlutum í ríki sinu, eldhúsinu. Þess vegna
datt okkur í hug að þeir sem þess verða aðnjótandi síðar
að gæða sér á krásum, tilreiddum í þviháttvirtariki, geti
lagt hönd á annan plóg sjálfum sér og öðrum til óbland-
innar ánægju. Svo styttir það biðina að aðhafast eitt-
hvað til gagns og gleði. Þá emm við komin að hugmynd-
inni sem fæddist á aðventunni en hún er til hjálpar
öllum önnum köfnum matsveinum landsins þennan dag.
Á þeim heimilum þar sem margar hendur eru og margir
svangir munnar bíða eftir jólasteikinni er öll hjálp vel
þegin.
Jólaborðið bíður. Flest viljum við njóta þess að
hátíðarbragur sé í hverju horni þegar klukkurnar
hringja. Því leggjum við til að þeir sem eru óþreyjufullir
og með tvær hendur aðgerðarlausar taki til hendi og
leggi á jólaborðið. Til þess að forðast allan vandræða-
gang og að einhver yppi öxlum og segist ekki geta eða
kunna til verka sóttum við liðsauka. Við leituðum til
Ellenar Einarsdóttur sem er þjónn á Hótel Loftleiðum.
Hún kann sitt af hverju fyrir sér f þessum málum.
Dag einn í jólaösinni stormuðum við EUen niður
Laugaveginn, leituðum að diskum, hnffum, göfflum,
kertastjökum og jólaservíettum og fleiru sem prýða
mætti með fallegt jólaborð.
í þremur verzlunum var staðnæmzt, Tékk-kristal,
Costa Boda og Gráfeldi. Afgreiðslufólk á öllum stöðum
var fúst að greiða götu okkar og við yfirgáfum hverja
verzlun hlaðnar fögrum munum. Þá var haldið á vinnu-
stað og lagt á borð.
Við sáum fyrir okkur fjögurra manna fjölskyldu
setjast að borðum i hátíðarskapi. Við lögðum fjölskyld-
unni líka til matseðilinn í huganum. Reyndar voru mat-
seðlarnir þrír. Fyrst var reiknað með borðhaldi þar sem
fjórréttaður matur var borinn fram, forréttur, súpa, kjöt-
réttur og ábætir. Næst var fondue-veizla sett á svið
með öndvegis fonduepott á miðju borði. Á undan-
kusum við að hafa súpu. Þriðji hugarburður okkar voru
tveir fiskréttir, fyrst sniglar og síðan humar í skel með
ristuðu brauði. Þrjár meðfylgjandi myndir eiga að gefa
til kynna hvað var aðhafzt. Á meðan Ellen lagði á borð
1 kenndi hún okkur nokkur undirstöðuatriði sem koma
eiga hjálpfúsum að gagni.
Við byrjum á þvi að athuga stærð borðins, hver
matargestur á að hafa u.þ.b. 60 cm til umráða við
borðið. Því næst er það dúkurinn sem við leggjum á
borðið. Dúkurinn á að ná 30 cm niður frá borðbrún á
allar hliðar. Þetta er fyrir þá alnákvæmustu, aðrir láta
tilfinninguna ráða. Salt og pipar er nauðsynlegt að setja
á borð og helzt eitt par fyrir hverja tvo gesti. Þá eru það
diskarnir, hnifapörin og glösin. Þegar þið lítið á mynd
númer eitt þá er þar reiknað með fjórum réttum. Fyrst
er byrjað á forrétti og með yztu hnifapörunum er hann
borðaður. Sfðan koll af kolli, skeiðin næst fyrir súpuna
og kjöthnífur og gaffall fyrir steikina. Áhöld fyrir ábæti
eru fyrir aftan diskinn. Á myndinni er glösum raðað líka
og þar gildir sama reglan ef glösin eru mörg. Fyrst er
drukkið úr yzta glasinu. Þetta á einungis við ef mismun-
andi víntegundir eru framreiddar með matnum. Jólaölið
má drekka úr nánast hvaða glösum sem er. Svo við höld-
um okkur við mynd eitt áfram er brauðdiskur til hliðar
við aðaldiskinn. Ef ekki er brauð með súpunni má líka
nota þennan disk fyrir salat með kjötinu. Borðskreyt-
ingin má ekki vera of há á borðinu og helzt ekki lyktar-
sterk. Litlar grenigreinar við hvern disk punta mikið.
Kertaljós prýða alltaf svo og auðvitað servíettur. Á
mynd eitt braut Ellen einföld servíettubrot, viftubrot
fyrir dömurnar og kertabrot fyrir herrana. Á hinum
myndunum eru servíetturnar lagðar á hliðardiskana. Á
annarri eru servíettuhringir settir utanum og er sjálfsagt
aðnotaþáefþeireru til. Hvenæref ekki á jólunum?
Þá höfum við reynt að tína til þar helzta sem að gagni
mætti koma. Aðalatriðið er að hugmyndin komist á
blað svo að þeir sem hefja vilja verkið á aðfangadag jóla
og leggja fram sína aðstoð hafi eitthvað til að styðjast
við. Þó að ekki takist til í fyrstu atrennu eins og hjá
Ellen, kemur þetta með æfingunni. Á aðfangadag
verður einhver matsveinninn þakklátur aðstoðarfólk-
inu.
-ÞG.