Dagblaðið Vísir - DV - 10.03.1984, Síða 16

16
DV. LAUGARDAGUR10. MARS1984.
Litill shilningur
á gildi shíða-
shólahér
sunnanlands
Vidtal vid Ingvar Einarsson, einn af stofn-
endum Skídaskóla Siguróar Jénssonar
Það kannast eflaust flest skíðaáhugafólk við Skíða-
skóla Sigurðar Jónssonar sem starfað hefur í Bláfjöll-
um síðustu þrjú árin undir stjórn þeirra hjóna Ingvars
Einarssonar og Ragnhildar Jónsdóttur. Að stofnun
skólans stóðu einnig þeir Sigurður Jónsson, bróðir
Ragnhildar, og Friðjón Einarsson, bróðir Ingvars. Þau
eru öll frá Isafirði en þaðan er einmitt flest besta skíða-
fólk landsins. Eg vona þó að meö þessum orðum móðg-
ist hvorki Akureyringar né aðrir sem telja að á þá sé
hallað. Eg brá undir mig betri skíðunum og heimsótti
þau hjónin með blað og penna að vopni.
„Uppbyggingin hefur nær eingöngu snúist um skiðalyftur og önnur
mannvirki."
— Ingvar, þú vilt kannski segja
örlítið frá aödraganda að stofnun
skólans og hvernig undirbúningi var
háttaö?
„ Ja, það má segja að skíðamerinsk-
an hafi loðað við mann alla tíð, og
það á við um okkur öll. Við höfum öll
keppt á skíðum, þjálfaö keppnisfólk,
kennt eða á annan hátt tengst íþrótt-
inni bæði hér heima og í Noregi þann-
ig að við byggjum starf okkar á þó
nokkurri reynslu aö ég tel. Hvað
varðar undirbúning þá var hann
gífurlegur og erfitt aö tilgreina hann
í smáatriðum. Viö tókum m.a. þátt í
skíðasýningunni sem haldin var á
vegum skíðasambandsins í Laugar-
dalshöllinni í janúar 1981. Þar kynnt-
um við fyrirhugaða starfsemi skól-
ans eins rækilega og unnt var. Stofn-
un skólans var áhugamál okkar um
árabil áður en viö slógum til. Bláfjöll
komu sterklega til greina sem aðsetur
og haustið 1980 könnuöum við mögu-
leika á starfsemi þar, skrifuðum Blá-
fjallanefnd og skýrðum frá hug-
myndumokkar.”
— Hvernig var yk' ur tekið?
„Ekki illa en ákv< ðin tregða og seina-
gangur setti strik i reikninginn og
tafði málin þó nokkuö. T.d. tók það
Bláfjallanefnd tvo til þijá mánuði að
gefa svar við beiðni okkar, sem í
raun var ekki önnur en sú aö fá leyfi
til þess að geta veitt þjónustu sem er
hverju skíðasvæði nauðsynleg.”
— Nú eru skíðaskólar og skipulögð
skíðakennsla skíðasvæða erlendis
stór og mikilvægur þáttur í allri
starfsemi þeirra. Hvað veldur því að
svæðin hér taka ekki á þessum mál-
um af meiri alvöru?
„Satt að segja hef ég aldrei skilið
það. Sá hugsunarháttur virðist ríkj-
andi aö flestir sem keppt hafa á skíð-
um eða hafa stundað skíðin nógu
lengi geti þar meö kennt á skíöum.
Þetta er því miður útbreiddur mis-
skilningur. Skíðaskólar og starfsemi
þeirra er vissulega ákveðinn
öryggisventill sem nauðsynlegur er
hverju skíðasvæði. Skólinn starfar
sem slíkur.
Það er vandasamt verk að kenna
nýliðum réttar aðferöir til þess að ná
valdi á skíðunum. Það krefst þolin-
mæði og kunnáttu kennarans. Þaö
eru ekki allir þess megnugir að fara
með hóp byrjenda í brekkurnar og
leiðbeina á þann hátt að árangur ná-
ist og enginn meiði sig. Góður skíða-
kennari verður að vera fyrst og
fremst þolinmóður, kunna aö vekja
áhuga nemenda og geta miðaö
kennsluna við þarfir hvers og eins.
Hann verður að hafa á valdi sínu fjöl-
breyttar kennsluæfingar, geta sýnt
þær og rökstutt.”
— Þarf ekki að samræma betur
kennsluaðferðir skiðakennara?
„Jú. Félögin eru vanbúin að þessu
leyti það er mikið af nýjum skíða-
kennurum sem sjá um almennings-
kennslu fyrir skíöafélögin. Þeir
þurfa að sjálfsögöu sína reynslu eins
og aörir en það væri til mikilla bóta
ef kennarar meö reynslu gætu
miðlað þekkingu sinni. Það myndi
flýta fyrir og koma í veg fyrir óþarfa
mistök.”
— Svo við víkjum aftur að skíða-
skólanum. Hvernig var aðsókn
fyrsta veturinn?
„Fólk tók okkur mjög vel og
aðsókn jókst eftir því sem á leið. Við
höföum auglýst skólann vel í blöðum
og auk þess gert kynningarbækling.
Veðrið setti að sjálfsögðu oft strik í
reikninginn, eins og gefur að skilja,
en að öðru leyti vorum við sátt við út-
komuna þó svo að f járhagslega borg-
aði þetta sig ekki.”
— Hvemig var aðstaðan hjá
ykkur í Bláf jöllum þennan tíma?
„Aðstæður voru slæmar og má
segja að skólinn hafi verið rekinn í
snjóskafli fyrstu tvo veturna. Engar
áætlanir voru um það að veita okkur
viðunandi aðstöðu.”
— Nú hefur verið mikið rætt og rit-
að um uppbyggingu Biáfjallasvæðis-
ins sem aðalútivistarsvæðis Reyk-
vikinga. Er ekki óeðlilegt að skipu-
lögð starfsemi skíðaskóla skuli ekki
hafa verið inni í myndinni?
— „Auðvitaö er þaö óeðlilegt.
Uppbyggingin hefur nær eingöngu
snúist um skíðalyftur og önnur
mannvirki en ekki um fólkið sjálft
sem kemur í brekkurnar. Skíðaskól-
ar eru ekki tískufyrirbrigði. Þeir eru
jafnnauðsynlegir og lyftumar. Við
fengum loks afdrep í gamla skálan-
um þegar nýja þjónustumiðstöðin
reis og var það til mikilla bóta eins
og nærri má geta. Skólinn hafði fast-
ar rútuferðir með Ulfar’i Jacobsen
þriðjudags- og fimmtudagskvöld frá
Reykjavík. Auk þess var kennsla all-
ar helgar. Við útbjuggum skemmti-
legt barnasvæði og reyndum í alla
staði aö veita sem besta þjónustu.
Aösókn var yfirleitt mjög góö enda
hafði skólinn á sinum snærum 10—12
reynda og góöa kennara. Allir þessir
kennarar hafa skíðakennararéttindi
frá Noregi eða hafa tekið námskeið
hérna heima á vegum skiðasam-
bandsins. Eg vil taka það fram að sú
þjónusta sem Ulfar Jacobsen veitti
var í alla staði frábær.”
— Nú starfið þið í Hamragili hjá
IR-ingum en ekki í Bláf jöllum. Hvers
vegna skiptuð þið um skíðasvæði?
„Við hafum alltaf verið með kennslu
í Hamragili af og til gegnum árin og
viðhorfin eru allt önnur þar gagnvart
skólanum heldur en í Bláfjöllum.
Það var ýmislegt sem gerði okkur
erfitt fyrir í Bláfjöllum, sem ég vil
ekki fara nánar út í. Sem dæmi get
ég nefnt að það voru uppi áform um
að skipuleggja barnakennslu án
nokkurs samráös við okkur. Fólk
sem ekki hafði nokkra reynslu átti að
sjá um þau mál o.s.frv. ”
— Að lokum, Ingvar, hvert er
brýnasta verkefnið í brekkunum að
þinu mati?
„Þaö er að sjálfsgöðu aö troða
brekkurnar vel og að bæta lýsinguna
verulega. Ekki veit ég hvort það
stafar af kunnáttuleysi eða hreinni
leti að brekkurnar eru ekki troðnar
nægilega. Ef við lítum á Noreg sem
dæmi þá er strax hugað að því að lag-
færa brekkurnar að degi loknum.
Taka allar misfellur, hóla o.s.frv,
hreinlega að strauja brekkurnar. Ef
eitthvað snjóar um nóttina þá er
strax troöið eldsnemma og því alger-
lega lokið áður en fólkið mætir. Við
erum hreinir steinaldarmenn í þess-
um efnum. Lýsingu þarf svo að bæta
verulega ef á að ætlast til þess að fólk
skíði á kvöldin.”
Þess má geta að hægt er að fá
allar upplýsingar um starfsemi
skiðaskólans í sima 76740.
Mikii aðsókn var i barnakennsluna þegar vel viðraði.

Greinilegt að éhuginn leynir sér ekki hjé yngri kynslóðinni.