Dagblaðið Vísir - DV - 27.12.1985, Blaðsíða 3
DV. FÖSTUDAGUR 27. DESEMBER1985.
3
Ólík viðhorf stjórnarf lokkanna til eignaraðildar útlendinga:
MALAMIÐLUN AD EIGNAR-
AÐILD RIO VERDI 60%?
Steingrímur Hermannsson um
Rio Tinto-viðræður:
„Við viljum ekki að útlendingar
ráði hér lögum og lofum“
Framsóknarmenn hafa oftar en
einu sinni lýst yfir þeirri stefnu
sinni að íslendingar eigi meirihluta
í þeim stórfyrirtækjum sem hugs-
anlega yrði komið hér á fót í sam-
vinnu við útlend fyrirtæki. Nú um
áramótin heíjast viðræður við al-
þjóðafyrirtækið Rio Tinto Zink
Metals um kísilmálmverksmiðju á
Reyðarfirði.
Rio Tinto hefur lýst því yfir að
það sé reiðubúið að ganga til samn-
ingaviðræðna um kísilmálmverk-
smiðju á þeim grundvelli að það
eigi 60% í fyrirtækinu á móti Is-
lendingum.
„Við höfum samþykkt að ganga
til þessara viðræðna," sagði Stein-
grímur Hermannsson forsætisráð-
herra í samtali við DV. „Við höfum
skoðað þeirra kröfur og sjáum
ekkert því til fyrirstöðu að v'ið
ræðum við þá.“
- En nú hefur iðnaðarráðherra
lýst því yfir að hann vilji að erlendi
aðilinn eigi sem mest í þessu fyrir-
tæki, jafnvel miklu meira en 60%
- eru þá ekki forsendur sjálfstæðis-
manna og framsóknarmanna gagn-
vart þessum viðræðum gerólíkar?
„Ég veit nú ekki hversu langt
sjálfstæðismenn vilja ganga i því
að leyfa erlendum fyrirtækjum að
eiga hér stórfyrirtæki. Við erum
lítið þjóðfélag og verðum að fara
með varúð í þessum. efnum. Við
viljum ekki að útlendingar ráði hér
lögum og lofum. En kannski mæt-
umst við á miðri leið með því að
semja um 60%. En ég tek það fram
að samningaviðræður eru ekki
hafnar og því ekkert hægt að segja
núna um væntanlega útkomu."
- En ef meginregla framsóknar-
manna er að eiga meirihluta í slík-
um fyrirtækjum - er þá ekki fyrir-
sjáanlegur ágreiningur við sjálf-
stæðismenn vegna þessa?
„Við erum nú ekki svo einstreng-
ingslegir að við viljum ekki ræða
við menn um einhvern annan hátt.
Það má hugsa sér að þannig verði
samið að við eignumst meirihluta
í fyrirtækinu eftir einhvern ára-
fjöída.“
Reiknað er með því að samninga-
viðræður islenska ríkisins og Rio
Tinto Zink Metals taki nokkra
mánuði. Af hálfu íslendinga er það
stóriðjúnefnd sem ræðir við hið
erlenda fyrirtæki, þ.e. Birgir ísleif-
ur Gunnarsson, Guðmundur G.
Þórarinsson, Geir Haarde og Axel
Gíslason. Reiknað er með því að í
fýrstu verði helst rætt um hugsan-
legt raforkuverð til kísilmálm-
vinnslunnar.
-GG
„Ættu helst aö eiga alla verksmiöjuna”
Ríkisstjórnin og fyrirtækið Rio
Tinto Zink hafa hafið frumviðræð-
ur um hugsanlega sameignar- kísil-
málmsverksmiðju á Reyðarfirði.
Ljóst er að Rio Tinto Zink hefur
óskað eftir meirihluta eignaraðild.
Líklegast er að hún verði um 60
prósent.
„Persónulega hefði ég helst viljað
selja þeim orkuna eina og að þeir
segir iðnaðarráðherra
hefðu orðið ábyrgir fyrir rekstri
verksmiðjunnar og sölu kísil-
málmsins," sagði Albert Guð-
mundsson iðnaðarráðherra að-
spurður um eignaraðild Rio Tinto
Zink. „Þeir ættu að mínu mati að
eiga alla verksmiðjuna. En ég geri
ekki ráð fyrir því að það sé grun-
dvöllur fyrir því á Alþingi."
Birgir Isleifur Gunnarsson verð-
ur formaður íslensku samninga-
nefndarinnar og er búist við að
formlegar viðræður hefjist eftir
áramót.
-APH
Á aðfangadag útbýtti lögreglan verðlaunum I umferðargetraun Umferðarráðs og iögreglunnar í Reykja-
vik. Fór getraunin fram á meðal barna I grunnskólum Reykjavíkur. Hér á myndinni sjást þau Hörður
Þór Hafsteinsson, Dóra Reynisdóttir og Snæbjörn Aðalsteinsson með verðlaunin áður en þeim var
útbýtt. DV-mynd Sveinn
Halldór með hæstan bflakostnað ráðherranna:
UM138 ÞÚSUND Á
FJÓRUM MÁNUÐUM
Halldór Ásgrimsson sjávarútvegs-
ráðherra hefur vinninginn í bíla-
kostnaði ráðherra fyrstu fjóra mán-
uði ársins. Rekstrarkostnaður vegna
bifreiðar hans þann tíma var 138
þúsund krónur. Næstur er Geir Hall-
grímsson með 108 þúsund og þá
Steingrímur Hermannsson með 100
þúsund.
Þessar tölur voru gefnar upp á
Alþingi fyrir skömmu eftir fyrirspurn
frá Jóhönnu Sigurðardóttur, þing-
manni Alþýðuflokksins.
í fjórða til sjötta sæti eru Alexand-
er Stefánsson, Matthías Bjarnason
og Sverrir Hermannsson með 85
þúsund krónur hver. í sjöunda sæti
er Matthías Á. Mathiesen með 78
þúsund, þá Albert Guðmundsson
með 65 þúsund, Jón Helgason með
64 þúsund og Ragnhildur Helgadótt-
ir rekur lestina með 60 þúsund krón-
ur.
-KÞ
Ratsjárvegurinn:
Fyrsta áfanga lokið
Frá Aðalbirni Arngrímssyni,
fréttaritara DV á Þórshöfn:
Nú er verið að ljúka þeim hluta
ratsjárvegar upp á Gunnólfsvíkur-
fjall sem ljúka átti í fyrsta áfanga.
Éru nú fullbúnir 3,6 km og hafa farið
í þann kafla 100.000 tonn af möl.
Oftast hefur unnið við veginn 15-20
manna hópur og fjórar til fimm jarð-
ýtur og aðrar þungavinnuvélar.
Ekki er enn ákveðið um framhald
vegalagningarinnar en með hliðsjón
af því að fyrsta áfanga lauk mörgum
mánuðum fyrir áætlun má reikna
með frekari framkvæmdum innan
tíðar þar eð öll tæki eru á staðnum.
Verkstjóri við vegagerðina er Jón
Gunnþórsson.
Hússtjórnarskólinn, Varmalandi:
Sex kennarar
tíunemendur
Fram að jólaleyfi voru nemendur í
Hússtjórnarskólanum á Varmalandi
í Borgarfirði aðeins tíu. Við skólann
starfa þrfr fastráðnir kennarar
auk skólastjórans, og tveir stunda-
kennarar. Við skólann eru því sex
kennarar fyrir tíu nemendur.
„Ég vonast til að það verði fleiri
nemendur hjá okkur eftir áramót,
líklega tuttugu talsins," sagði Stein-
unn Ingimundardóttir, skólastjóri
skólans.
Námstími nemenda í hússtjórnar-
skóla er 30-32 vikur. Námstímanum
er skipt í tvær annir og hefst síðari
önn þessa skólaárs eftir áramót.
Fyrir nokkrum árum voru 11 hús-
stjórnarskólar á landinu og allir
þéttsetnir. Nú er aðeins kennt í sex
skólum og fáir nemendur. I sumum
skólunum hefur verið tekið upp
námskeiðahald í auknum mæli.
Hússtjórnarskólarnir sex, sem enn
eru starfandi, eru skólarnir á'Var-
malandi, Isafirði, Laugarvatni,
Laugum í Þingeyjarsýslu, Hallorms-
stað ogReykjavík.
Hússtjórnarnám er einnig í fjöl-
brautaskólum.
ÞG