Dagblaðið Vísir - DV - 24.07.1987, Síða 3
FÖSTUDAGUR 24. JÚLÍ 1987.
21
Stöð 2 laugardag kl. 21.15:
Líf og starf Winston Churchill
- framhaldsþættir
Líf og starf Winston Churchill
verður í brennidepli Stöðvar 2 á
laugardag og næstu átta laugar-
daga í formi leikins heimildar-
myndaflokks um þennan þekkta
mann sem barðist af alefli gegn
nasistum Hitlers í síðari heims-
styrjöldinni.
Örlagasumarið 1940 átti Bretland
láni að fagna sem fáum hefur hlotn-
ast á neyðartímum. I nýja forsætis-
ráðherranum, sem hét fullu nafni
Winston Leonard Spencher Churc-
hill, hafði þjóðin eignast foringja
með því sniði orðs og æðis, því
geðslagi og því uppeldi og reynslu,
sem gerðu hann hverjum manni
betur fallinn til þess að leiða hana
á ófriðartímum. Þama var einmitt
rétti maðurinn til að taka í tau-
mana í þessu hrjáða landi rétt í því
er flugher Görings ríkismarskálks
tók til við loftárásimar.
Churchill var slyngur tækifæris-
sinni í stjórnmálum og ekki yfir
það hafinn að skipta um flokk þeg-
ar honum hentaði enda er léttilega
talað um flokkaskipti í Bretlandi
„To cross the floor“. Síðast en ekki
síst var hann einlægur og ófeiminn
sérgræðingur.
Með aðalhlutverk í þáttaröðinni
fara Robert Hardy, sem leikur
Churchill, Sian Phillips, Nigel Ha-
vers, Peter Barkworth, Eric Porter,
Edward Woodward, Peter Vaug-
han og Sam Wanamaker. Leikstjóri
er Ferdinand Fairfax.
Heljarmennið Churchill var ekki yfir það hafið að skipta um stjórn-
málaflokk þegar það hentaði.
RUV, rás 2, laugardag kl. 18.00
Heitt í kolunum hjá
Magdalenu Schram
Við grillið verður á sínum stað
á rás 2 á laugardag. Eins og nafnið
bendir til verður matargerð efst á
baugi er ýmsir landsþekktir menn
kokka í eina klukkustund og koma
með skemmtilegar uppskriftir að
grillréttum og fleiru, spjalla við
hlustendur og leika létta tónlist.
Þessi þáttur verður á dagskrá viku-
lega á meðan aðalgrilltíminn
stendur yfir.
Þeir sem hafa spreytt sig hingað
til á eldamennskunni eru Davíð
Scheving Thorsteinsson, Karl Sig-
hvatsson, Árni Johnsen og Karl
Ágúst Úlfsson en á laugardaginn
kemur verður heitt í kolunum hjá
Magdalenu Schram.
Magdalena Schram kemur með
einhverja skemmtilega uppskrift.
Sjónvarpið laugardag kl. 20.40:
Daddi dagbókardraumur
komiim með vaxtarverki
Nú er Daddi farinn að stækka í
allar áttir og kominn með verulega
vaxtarverki sem fylgja oft hinu við-
kvæma gelgjuskeiði. Hann hefur
miklar áhyggjur af nefi sínu þar
sem það stækkar ört. Hann læsir
sig inni í herbergi, slekkur ljósin
og kveikir á kertum og semur ást-
arljóð til Pandoru. Amma hans er
einnig á einhverju viðkvæmu
skeiði og ákveður að fleygja öllu
argentíska buffmu sem hún keypti
í kvöldmatinn vegna Falklands-
eyjastríðsins. Það kvöldið fær
enginn að borða. Einnig kemst
hann að því að móðir hans á von
á barni, sem verður til þess að hann
fer velta fyrir sér hvernig lítill
Daddi verði í þessum skrýtna
heimi. Heimurinn er mjög skrýtinn
í Dadda augum um þessar mundir,
þar sem dagdraumarnir eiga greiða
leið að huga hans.
Daddi tendrar á kerti og semur
ástarljóð til Pandoru milli þess
sem hann hefur áhyggjur af ört
vaxandi nefinu á sér.
Stjarnan sunnudag kl. 8.00:
Gurrí suimudagsmorgunstjarna
Guðríður Haraldsdóttir, eða
Gurrí, stendur vakt á hverjum
sunnudagsmorgni á Stjörnunni frá
klukkan átta til ellefu þar sem hún
vekur hlustendur með þægilegum
ballöðum sem gott er að vakna við.
Segist Gurrí hafa mikið dálæti á
íslenskri tónlist sem hún ætlar að
láta hljóma á sunnudagsmorgun.
Einnig á tónlist sem mest heyrðist
er ’68 kynslóðin var upp á sitt besta
en heyrist fremur lítíð núorðið
þrátt fyrir að mörg gullkorn hafi
verið þar á ferð. King Crimson,
Pink Floyd og Led Zeppelin láta
einnig mikið að sér kveða í þætti
Guðríðar. Við fáum sem sagt að rist sjaldan, næstkomandi sunnu-
heyra góða sígilda tónlist, sem hey- dagsmorgun.
Gurri hefur dálæti á íslenskri tónlist og Ijúfum ballöðum.
RUV, rás 2, kl. 23.10:
„Frá Hirosima til Höfða“
- þættir úr samtímasögu
Samtimasagan og mannlifið verð-
ur sögð meö tilliti til risaveldanna
tveggja, Sovétrikjanna og Banda-
rikjanna.
Þáttaröð á rás 1 hefur göngu sína
á sunnudagskvöld í umsjá Grétars
Erlingssonar og Jóns Ólafs ísberg
er hefur hlotið nafnið „Frá Hiro-
sima til Höfða“, þættir úr samtíma-
sögu.
Grétar og Jón Ólafur munu fjalla
um samtímasögu og mannlífið á
kjarnorkuöld með sérstöku tilliti
til ridaveldanna tveggja, Sovétríkj-
anna og Bandaríkjanna.
í þessum fyrsta þætti af átta segja
umsjónarmenn frá aðdraganda
þess tímabils, og rekja gang fyrri
og seinni heimsstyrjaldanna. Enn-
fremur munu þeir fjalla um milli-
stríðsárin bæði erlendis og hér á
Fróni.
Þættirnir verða endurteknir á
þriðjudögum kl. 15.10.
Bylgjan laugardag kl. 11.30:
Landafræði á laugardegi
Hvað heitir áin Korpa i Mosfellssveit réttu nafni? Undir hvaða götu i
Reykjavík rennur lækur? Hvar í nágrenni höfuðborgarinnar er Stríps-
hraun?
Þeir sem gaman hafa af að glíma við spurningar af þessu tagi ættu að
hækka í Bylgjunni á laugardögum.
Spurningaleikurinn verður um landafræði Suðvestur- og Suðurlands.
Fyrirkomulagið verður þannig að um hálftólf leggur Jón Gústafsson
fyrstu spurninguna fyrir hlustendur. Sú næsta kemur um það bil 15 mínút-
um síðar. Þriðju spurninguna kemur Ásgeir Tómasson með laust eftir
hádegisfréttir Bylgjunnar og þá fjórðu og síðustu er klukkuna vantar
um það bil 15 mínútur í eitt. Er spurningarnar fjórar liggja fyrir verður
opnað fyrir simann og sá sem fyrstur verður til að svara öllum fjórum
rétt vinnur til verðlauna sem er gisting fyrir tvo á Hótel Eddu einhvers
staðar á landinu og morgunverður að auki.
RÚV, rás 1, sunnudag kl. 13.30:
, ,Ég máta sögur eins og föt‘ ‘
Dagskrá, sem ber yfirskriftina „Ég máta sögur eins og föt“, verður um
svissneska rithöfundinn Max Frisch á sunnudag. Ásráður Evsteinsson
tók saman.
Max Frisch fæddist í Sviss árið 1911 og er talinn fremsti rithöfundur
Svisslendinga á þessari öld.
Hann er kunnur fvrir leikrit sín, sagnagerð og ekki síst fvrir dagbækur
sem hann hefur gefið út í bókmenntaformi. Hér á landi hefur hann fyrst
og fremst verið þekktur sem leikritaskáld enda hafa fjögur leikrita hans
verið flutt í Rikisútvarpinu og tvö þekktustu leikrit hans verið sett upp.
Biedermann og brennuvargarnir fyrir sjónvarp og Andorra hefur verið
sviðsett nokkrum sinnum. auk þess sem hún hefur verið vinsælt þýskun-
ámsefni í menntaskólum.
í þættinum greinir Ástráður frá æviferli Max Frisch og fjallar um verk
hans. Vinsælasta skáldsaga Frisch. Homo faber verður kynnt sérstaklega
og lesnir kaflar úr henni. en sagan kemur út á íslensku síðar á árinu.
Einnig verða fluttir bútar úr leikritinu Bidermann og brennuvargarnir
og Andorra.
RÚV, rás 2, suimudagkl. 15.00:
Tónlistarkrossgátan
Um miðjan dag á sunnudag verður tónlistarkrossgátan en hún er hálfs-
mánaðarlega. Jón Gröndal sér um krossgátuna að vanda. Lausnir sendist
til Ríkisútvarpsins. rásar 2. Efstaleiti 1,108 Revkjavík, merkt Tónlistar-
krossgátan.