Dagblaðið Vísir - DV - 22.04.1988, Blaðsíða 8

32
FÖSTUDAGUR 22. APRÍL 1988.
Mynd-
bönd
Umsjón:
Sigurður M.
Jónsson
Hilmar Karlsson
Nýjasta mynd James Bond, mynd-
in The Living Daylight, fer í fyrsta
sætið þessa vikuna og kemur það
engum á óvart. James Bond mynd-
ir hafa alltaf verið vinsælar á
myndbandaleigum og sú nýjasta er
engin undantekning. Annars eru
hægar breytingar. Ein ný mynd

kemur inn, The Sicilians sem gerð
er eftir skáldsögu Mario Puzo sem
komið hefur út á íslensku. Gaman-
myndin The Secret of My Success
kemur aftur inn. Aðalhlutverkið í
þeirri mynd leikur hinn litli en vin-
sæli Michael J. Fox.
★ !/2
0
DV-LISTINN
Spilling í New Orleans
1. (3) The Living Daylight
2. (2) Robocop
3. (4) Jumping Jack Flash
4. (1) La Bamba
5. (6) Aprils Fools Day
6. (5) Stella í orlofi
7. (9) The Big Easy
8. (-) The Secret of My
Success
9. (-) The Sicilian
10. (10) Blind Date
★★
0
THE BIG EASY
Útgefandi: Skífan.
Leikstjóri: Jim McBride. Handrit: Daniel
Petrie. Aðalhiutverk: Dennis Quaid og
Ellen Barkln.
Bandarísk 1986. 99 min. Bönnuð yngri
en 16 ára.
Glæpaþriller þessi gerist í New
Orleans sem hefur löngum haft á
sér heldur vafasamt orð, enda sið-
ferði þar af latneskum uppruna.
Myndin segir frá baráttu í undir-
heimum borgarinnar en inn í þaú
átök fléttast lögreglan, enda grun-
uð um heldur tvöfalt siðgæði.
Lögregluforinginn (Dennis Quaid)
gerir sér grein fyrir að ekki er allt
eins og það á að vera innan lögregl-
unnar en tekur þó ekki undir harða
gagnrýni aðstoðarmanns saksókn-
ara (Ellen Barkin) um aö allt sé
rotið. Eftir harðar deilur þeirra í
milli, sem eru kryddaðar með ró-
mantík, ákveða þau að ráðast til
atlögu við spillinguna.
Þessi mynd segir ekkert nýtt en
það er heldur ekkert nýtt með kvik-
myndir frá Bandaríkjunum. Hér er
um hefðbundna lögregluspillingar-
mynd að ræða þar sem fallegur
saksóknari fær aðstoð frá „heiðar-
legum“ lögregluþjóni við að
uppræta allan ósómann. Banabiti
myndarinnar er hörmulegt val í
aðalkvenhlutverkið en það er nán-
ast kvalafullt að fylgjast með
ungfrú Barkin þvælast í gegnum
hlutverk sitt. Hún fær heldur ekki
mikla aðstoð frá handritshöfundi
sem hér á ekki góðan dag. -SMJ
í njósnaleik
★★
JUMPING JACK FLASH.
Leikstjóri: Penny Marshall.
Aðalhlutverk: Whoopi Goldberg, Steph-
en Collins og James Belushi.
Bandarisk 1986. Sýningartimi 101 min.
Whoopi Goldberg, er hlaut
heimsfrægð fyrir leik sinn í The
Color Purple, hefur verið afkasta-
mikil að undanlörnu. Það sem
vekur kannski mesta athygli er að
eftir hið hádramatíska hlutverk í
The Color Purple hefur hún ein-
göngu leikið í gamanmyndum og
er Jumping Jack Flash ein slík.
Allir, sem eitthvað eru komnir á
miðjan aldur og hafa eitthvað
hlustað á tónlist, vita sjálfsagt að
Jumping Jack Flash er eitt af vin-
sælustu lögum The Rolling Stones,
enda vitnar kvikmyndin beint í
texta lagsins.
Whoopi Goldberg leikur tölvu-
fræðinginn Terri Doolitle sem er
hinn færasti starfsmaður en óstýri-
lát og á yflrmaður hennar bágt með
að þola lætin í henni. Kvöld eitt,
þegar Goldberg er að ljúka vinnu,
neitar skjárinn að hlýða henni og
skilaboð berast henni frá Jumping
Jack Flash sem er njósnari í Aust-
ur-Þýskalandi og er í miklum
vandræðum. Hann hefur verið
svikinn af félögum sínum og hans
bíður ekkert nema dauðinn, nema
Terri geti hjálpað honum.
Terri er að sjálfsögðu óvön allri
njósnastarfsemi og þar að auki fer
nokkuð mikið fyrir henni. Hún er
því fljót að lenda í vandræðum og
á tímabili eru CIA, MI6 og KGB á
eftir henni. Meðfædd bjartsýni, auk
þess sem henni er farið að þykja
vænt um hinn ósýnilega félaga
sinn, gerir það að verkum að henni
eru allir vegir færir þótt oft sé spil-
að tæpt.
Jumping Jack Flash er hin ágæt-
asta afþreying. Whoopi Goldberg
er að vísu best í smáskömmtum.
Hún yfirleikur í hverju atriðinu á
eftir öðru. Tekst það stundum og
stundum ekki. Söguþráðurinn í
Enn um Víetnam
heild er hin mesta vitleysa en sum
atriðin eru fyndin og sýna að Gold-
berg hefur mikla hæfileika sem
gamanleikkona.
HK.
HAMBURGER HILL
Útgefandi: JB myndbönd.
Leikstjóri: John Irvin. Handrit: Jim Cara-
batsos.
Bandarísk 1987. 110 min. Bönnuó yngri
en 16 ára.
Seint ætla þeir Bandaríkjamenn
að þreytast á því að kvikmynda
stríðiö í Víetnam en glöggir menn
hafa bent á að Hollywood hafl tekið
að sér aö vinna stríðið sem Pentag-
on tapaði.
Þessi mynd hefur lítið nýtt fram
að færa og er reyndar mjög keimlík
Platoon því hún tekur fyrir hinn
óbreytta hermann og böndin sem
tengdust á milli stríðsfélaga í stríði
sem allir höföu skömm á. Saman-
burðurinn við Platoon verður
Hamburger HOl í óhag því þótt
myndin sé alls ekki illa gerð er
ekki hægt að neita því aö hún er
eftirbátur hinnar i tvennum skiln-
ingi.
wa« at mwm< mmr sr at mm mi
xmvxwmuimnmte tmw j
Engir stórleikarar eru hér í aðal-
hlutverkum og er það reyndar svo
að það er varla fyrr en í lokin sem
hægt verður að greina á milli per-
sóna. Með þessu er verið að benda
á að hermennirnir tapi einstakl-
ingseðli sínu sem er að mörgu leyti
skynsamlegri tilgáta en sjá mátti í
Platoon. Þar var allt byggt upp í
kringum baráttu tveggja manna,
góðs og ills, sem er líklega fjarri
raunveruleika stríðs. Eigi að síður
gerði það fært að byggja upp mjög
svo kraftmikla spennu sem gerði
myndinni gott sem listaverki.
Örlög Hamburger Hill ætla aö
veröa dálítið dæmigerð fyrir eftir-
legukindur. Athyglin, sem hún fær
er sáralítil og rt það að mörgu leyti
miður en þó fullkomlega skiljan-
legt. Það sem gildir í kvikmynda-
bransanum er að vera númer eitt.
-SMJ
★y2
Var eiginmaðurinn dauðrn?
DISTORTIONS
Útgefandi: Steinar hf.
Leikstjóri: Armand Mastroianni
Aðalhlutverk: Olivia Hussey, Steve Ra-
ilsback og Piper Laurie.
Bandarisk 1986 - Sýningartimi: 95 mín.
Stundum eru spennumyndir svo
ósköp venjulegar að hver heilvita
maður getur séð fyrir næsta atriði.
Distortions er ein slík. Ef ekki væri
fyrir nokkuð óvæntan endi væri
myndin hreint og be'int leiðinleg.
Fjallar myndin um konu eina,
Amy, sem hefur átt við geðræn
vandamál að stríða. Eiginmaður
hennar er myrtur og frænka henn-
ar, sem hafði alið hana upp, vill að
hún komi til sín, sem hún og gerir.
Það kemur fljótt í ljós aö frænkan
er ekki öll þar sem hún er séð og
ýmsir atburðir styðja að það er allt
annað en velferð frænkunnar sem
hún hefur í huga. Þegar Amy segist
sjá hinn myrta eiginmann sinn
myrtan, telur frænkan það ein-
göngu stafa af gömlu geðveikinni
sem sé að taka sig upp.
Eiginmaður Amy hafði verið vel
tryggður og það eru fleiri en frænk-
an sem hafa áhuga á milljónunum.
Amy er sífellt í lífshættu. Virðist
nokkuð ljóst hverjir standa á bak
við aðforina gegn henni, en eins og
áður segir stokkar óvæntur endir
heldur betur upp spilunum og
spurning er hvort nokkur græði í
lokin...
Þrátt fyrir ýmsa vankanta er Di-
stortions sæmilega gerð. Leikarar
kunna vel að fara með stöðluð hlut-
verk. Úrvalsleikkonan Piper
Laurie sker sig nokkuð úr. Nær
góðum töku á frænkunni, sem fer
nokkuð klaufalega að hlutunum.
HK.
★★
Stólpagrín að sjónvarpi
AMAZON WOMEN ON THE MOON
Útgefandi: Laugarásbió.
Leikstjóri: John Landis, Joe Dante o.fl.
Aóalleikarar: Rossanna Arquette,
Carrle Fisher, Steve Guttenberg og
Steve Forrest.
Bandarísk 1987. -Sýningartimi: 82 min.
Amazon Women On The Moon
er í einu orði sagt makalaus grín-
mynd í farsastíl sem á sér engan
líka. Hér er gert grín að gömlum
kvikmyndum, sjónvarpsauglýsing-
um, tölvutækni, sjónvarps- og
kvikmyndastjömum svo eitthvað
sé tiltekið. Ef hægt er að tala um
einhvern heildarpakka, þá má
segja að sjónvarpið sem slíkt, möt-
un á ódýru og lélegu efni, sé það
sem tekið er fyrir.
Eftir nokkra smáþætti þar sem
meðal annars sjónvarpssjúklingur,
sem alltaf er að skipta um rásir,
„svissar" sig inn í sjónvarpið og
birtist það sem eftir er á ólíklegustu
stööum, er tekið til við sýningar á
aðalmynd kvöldsins á rás 8, mynd
frá 1955, Amazon Women On The
Moon.
Þrátt fyrir að sjónvarpsstöðin
auglýsi að myndin sé sýnd án þess
að auglýsingar rjúfi dagskrána er
filman léleg og úr sér gengin. Hún
er því alltaf aö slitna og auglýsing-
ar settar inn og kennir þar margra
grasa. Má þar nefna nýjasta tölvu-
bankann sem segir nákvæmlega
þeim sem spyr hvernig væntanleg-
ur elskhugi muni haga sér, framtíð
í myndbandaútleigu og margar
fleiri auglýsingar. Sýnishorn er úr
næstu mynd sem er Sonur ósýni-
lega mannsins. Sá heldur sig
ósýnilegan en er sýnilegur, með að
sjálfsögðu hjákátlegum afleiðing-
um fyrir hann
Amazon Women On The Moon
er gerð að undirlagi John Landis
og þótt atriðin séu misfyndin þá er
heildarútkoman hin hressilegasta
gamanmynd sem fyrst og fremst
er öðru vísi en aðrar gamanmynd-
ir. Þekktir leikarar eru margir,
flestir í stuttum atriðum. Og vænt-
anlegir áhorfendur skulu hafa það
í huga að þegar myndin er búin,
er hún að sjálfsögðu ekki búin.
HK.