Dagblaðið Vísir - DV - 27.07.1989, Blaðsíða 3

FIMMTUDAGUR 27. JÚLÍ 1989.
3
Portið bak við Stjömubíó vinsælt:
Tveir hópar þjófa
teknir með hálfrar
stundar millibili
- meitlar og skrúfiám á lofti er lögreglan kom
Þeir voru fagmannlegir, innbrots-
þjófarnir fimm, sem lögreglan stóð
að verki í portinu að baki Stjömubíói
aðfaranótt miðvikudagsins. Þeir
voru þar með verkfæri á lofti, svo
sem skrúfjárn og meitla, og gerðu sig
líklega til að brjótast inn þegar lög-
reglan kom.
Það einkennilega við handtökuna
er að hér var um tvær handtökur að
ræða með hálftíma millibili. Fyrst
stóð lögreglan tvo pilta að verki um
fjögurleytið en hálftíma síðar reyndu
þrír menn innbrot þarna í sama port-
inu. Fyrri handtökunni var þá rétt
lokið og lögreglan rétt farin af svæö-
inu.
Þetta voru allt þekktir menn í „fag-
inu“ og hafa allir áður komist í kast
við lögin. Tveir þeirra voru undir
lögaldri en sá elsti hátt á fertugs-
aldri. Ekki er vitað hvort hóparnir
hafa ætlað að hafa samvinnu á þenn-
an hátt.
Mikið hefur verið um innbrot að
undanfórnu og vinnur rannsóknar-
lögreglan enn að rannsókn innbrota
sem urðu í miðbænum um síðustu
helgi. Þá voru tveir menn hand-
teknir við innbrotstilraunir um síð-
ustu helgi.
Að sögn lögreglunnar er ástæða til
að vara fólk við og sérstaklega þá
sem fara frá húsum sínum í lengri
eða skemmri tíma vegna sumarleyfa.
Er ráðlegt fyrir fólk að biðja ná-
granna um að gefa húsum sínum
gætur. -SMJ
Trillukarl í
verðlagsráð?
Garðar Guðjónsson, DV, Akranesi:
Sjávarútvegsráöuneytið athugar
nú möguleika á lágabreytingu sem
getur stuölað að því að Landssam-
band smábátaeigenda fái fulltrúa í
verðlagsráði sjávarútvegsins. Örn
Pálsson, framkvæmdastjóri lands-
sambandsins, upplýsti þetta á fundi
með smábátaeigendum fyrir
nokkru.
Verðlagsráð sjávarútvegsins tók
þá ákvörðun í vetur að gefa verð á
grásleppuhrognum upp úr sjó
frjálst í trássi við vilja trillukarla.
Fulitrúar bæði sjómanna og út-
vegsmanna stóðu að ákvörðun
verðlagsráðs.
Smábátaeigendum gramdist
miög ákvörðun ráðsins og segjast
þeir nú líta þannig á að þeir eigi
engan fulltrúa í því. Hafa þeir því
gert þá kröfu að eignast fulltrúa í
ráðinu.
Örn Pálsson sagði á fundinum á
Akureyri að sjávarútvegsráðherra
hefði sagt honurn í lok júní aö ver-
ið væri að athuga möguleika á að
verða við kröfu Landssambands
smábátaeigenda. Hér í DV hefur
komið fram að talsvert hefur borið
á því á yfirstandandi vertíð að grá-
sleppukarlar undirbjóði hver ann-
an og bjóði hrognakaupendum
hrogn á lægra verði en eðlilegt er
talið og á kjörum sem eru mun
hagstæðari en tíðkast hefur.
Erla Finnsdóttir viö steikarpönnuna á Hótel Höfn.
DV-mynd gk
Heftir starfað í 18 ár á hótelinu á Siglufirði:
„Ágæt vinna og
góð frí á milli“
Gyffi Kristjánsson, DV, Akureyxi:
„Hún gaf sér ekki mikinn tíma til
þess að líta upp frá eldamennskunni,
hún Erla Finnsdóttir, er DV hitti
hana í eldhúsinu á Hótel Höfn á
Siglufirði á dögunum.
Það átti að bjóða upp á steiktan fisk
í hádeginu og það var greinilegt að
Erla var ekki að steikja fisk í fyrsta
skipti, svo fagmannlega bar hún sig
að við verkið. Enda kom það upp úr
kafinu að hún hefur starfað lengi á
hótelinu.
„Ég er búin að vera hérna í 18 ár
svo ég er orðin nokkuð vön þessu.
Þetta er ágæt vinna og það er ekki
verra að það eru góð frí á milli,“ sagöi
Erla.
Fréttir
Portiö bak við Stjörnubíó varð vettvangur innbrotsþjófa í fyrrinótt. DV-mynd S
ferðalagitf

8
því þar
færðu
seðla og
ferðatékka
í öllum helstu
gjaldmiðlum
heims.
JgSPARISJÓÐIRNIR
—fyrirþig og þína